Ebrœ̂ 6:18 - Kálar Nzyɛ̌m : Ejwán é Sáá

¹⁸ Yé e bisá bíbá bi dí abe e nkul ecénɔɔ bí: bisâ byaá, byé ó nkɛ̌ʼ ti e minkál mé Nzyɛ̌m. Mɨná nʉa gá pîm ɨ́ búʼó ó, duho tɨ̂. Nzyɛ̌m, nyé abe e nkul elɛ́ɛ bíbɛr ɨ́ sí, tɔʼ e bá tîtííǎ. Mɨná gá bé ó bʉr o mû sí bîr sá yɨ́yɛ̂h, lɨ́ esú lé édi e mpûʼla ɨ́ milémé gá míná bá. Mpûʼla nyaá, nye ó kwahaá ɨ́ ponó ɨ́ míh gá mɨ́ná.

Kálara Zyɛ̌m Edwán é mpʉ̌n

¹⁸ Yé e bɨsa bɨba ndɨ abe e nkul esiilɔ ɛ: monkɛʼ mo Zyɛm, ndwe e mɨnkɛla nye a de e. Zyɛm nteme, nye abe e nkul esa mpʉl tɨ. No ó, bɨna ga bé ó bʉr o mu si fim mɨkam é l'efu ó, bɨna biʼe ga sa nye a kɛʼ, yaa ndɨ esa ó, mɨleme ga mina loŋla e mbɛla ɛ. Nye a liʼe bɨna ga e monkɛʼ maa ó, bɨna nʉŋa ga pim é buʼo.

Ebrœ̂ 6:18 ပူးပေါင်းရင်းမြစ်များ

Títos 1:2

Bé lɨ́ etyɛ̂b mekʉ̌ sí ɨ́ sɨ́ŋ ɨ́ lɔ̌b mpûʼla gá nyɨ́ná nyɨ̂: ó, Nzyɛ̌m ódwe mɨ́ná gá twǐʼ njʉ̌m dǐ. Nzyɛ̌m, mʉr dí alɛ́ɛ bíbɛr nyá, á kɛʼ mɨná gá twiʼ yaá ó, jɔʼ kʉ́ e sí, byé á be apǎ bě kuhá yɨ́.

2 Timotɛ 2:13

Mɨ́ná damá be gá baabûʼlɔɔ, nyɨɛ ɨ́ wé pâʼ, nye ó mʉr jálá le ebúʼlɔɔ nyá. Nye ákóʼó sóŋlo nyé mʉr tɨ̂.»

Rôm 3:4

Heʼé, yé abá be nó. Bʉr bɨ́bɛ̂h damá sâ bíbɛr, Nzyɛ̌m nyɨɛ́ jaá lóŋlo ó, njɨ lɔ́ɔ́ wé. Yé ó mpʉ yé dí cɛmá ɨ́ Mekaná mé Nzyɛ̌m yɨ́. Yê cɛmá ó: Gua Nzyɛ̌m, ɨ́ jɔʼ gó dí elwib yɨ́, bʉr bɨ́bɛ̂h, bé ókʉ́ gʉ́a ó, gǒ lɛ́ɛ́ ó otyeetye. Bé ósáa édwe gó mebě nó, go ójaá bi ó, njɨ nkam ɨ́ lɔ̌b waá.»

1 Yʉanes 1:10

Mɨ́ná lɛ́ɛ́ gá ó, mɨná bé apǎ sâ gá syóm nó, nó ó, mɨná lɛ́ɛ́ gá ó, nye ó mʉr bibɛr. Lwǐb yé, yé abe kwá gá nyɨ́ná.

Ebrœ̂ 3:11

Ɨ́ nkpaa nyǎm, me nzě káale ó: Bʉr ópǎ bee gá nkʉ̂ bé ókǎ báʼǎ nî lɨ́ egbalá lâm!»

1 Timotɛ 1:1

Pɔ̂l ó dí ecɛma gó mekaná mâ. Me ó mʉr milʉ́mlʉ́ mé Yésʉs-Krîst ɨ́ mitíʼá mé Nzyɛ̌m Sɔ́ŋ, Tiʼbʉr gá wɨ́ná, ti e Yésʉs-Krîst, waá dí egbâ mpûʼla ɨ́ miléme gá míná nyá.

Rôm 3:25

Nzyɛ̌m á ntɨh nye ó, nye ntáa dwe, búra e misyóm gá míná lɨ́ esú lé éleʼě Nzyɛ̌m ɨ́ nkpaa nyé. Nye á dwe ó, nye nkʉ̂ kɛm bʉ̂r o dí ebúʼlǎ ndwéá métié waá bá. Ɨ́ nzéá Yésʉs-Krîst á nze wɨ́, Nzyɛ̌m á si lɛ̂ʼle mpʉ nyé dí tîtyěl yɨ́. Misyóm bʉ̂r bé á boo sɨ̂sa mí, Nzyɛ̌m á si bu dûhwo myê, kʉ́ lɛŋ myé ɨ́ buo buo, alwib.

1 Yʉanes 5:10

Mʉr dí edyɛ̂ʼwo e Mwân mé Nzyɛ̌m nyá ó dí ejóʼǒ mboʼlá waá ɨ́ lémé wé tʉ́ŋlʉ̌. Mʉr dí abûʼlǎ Nzyɛ̌m nyá, nyɨ́ swêʼ Nzyɛ̌m Sɔ́ŋ ó, nye ó mʉr bibɛr, ebě, nyé akam ébûʼlǎ mboʼlá Nzyɛ̌m á boʼlo, dumo e Mwân wé wɨ́.

1 Timotɛ 6:12

Bɨ̌n e bʉr o dí edyɛ̂ʼwo e Nzyɛ̌m bá, lwímláá gá mpǎŋ dɔ̂m. Dɔm laá, lé ó, laá é búʼó. Mɛ́rɨ́ɨ́ gá twǐʼ njʉ̌m dǐ ɨ́ kpɨ́ɨ́ɨ́. Nzyɛ̌m á jébe go ó, go níʼee ɨ́ twǐʼ njʉ̌m dǐ yaá. Yé á be ó, ɨ́ jɔʼ gó á boʼlo mpǎŋ mboʼlá ɨ́ míh mé óbea yɨ́.

Rôm 15:5

Nzyɛ̌m, mʉr dí egbâ mɨ́ná gá nkul ɨ́ miléme, waá dí esâ ó, mɨná sâʼ gá bíhwó nyá, nye tyɛ́bɨɨ bɨ̌n ɨ́ miléme, ó bɨ̌n díʼee e mbǐ pahlá ngwár, mpʉ̌ Yésʉs-Krîst ngá tɨ́e bɨ́n yɨ́,

Ebrœ̂ 11:7

Ɨ́ lɔ̌b búʼó, Nóe á si jóʼo Nzyɛ̌m jɔʼ nyé á cɨ̂l nye ɨ́ lɔ̌b sá yé á be ó, yé ósyɛ́ɛ yɨ́. Nye dína apǎ bee yé e dîh, nye nzě gbâ lwǐb mé Nzyɛ̌m yaá ɨ́ dúu, ntɔ̂ʼ kpaʼ byɛ̂l, dû mpʉ̌ Nzyɛ̌m á tɨ́e ó, nye sâʼ yɨ́. Nye nzě nî tɨ̂, bé e mbɛ̌r bʉ̂r wé, bɨ́bɛ̂h ntɔ̂ʼ tíʼe. Ɨ́ lɔ̌b búʼó yé ó nyé á lɛ̂ʼle ó, syɛ́ɛla bʉ́ʉ́ bʉ̂r, bé á sâ yɨ́, yé á be ɨ́ bébe yɨ́. Bɨ́ɛ bé á bé adyɛ̂ʼwo e Nzyɛ̌m. Nye á bi nkam ó, tâŋ nkɔb nyé, ɨ́ lɔ̌b búʼó yé.

1 Tesalonika 1:10

Bé lɨ́lɛ́ɛ́ ntémé ó, bɨ̌n mû ó lɨ́ ebóno Mwân mé Nzyɛ̌m ngá duho ɨ́ jʉ́o kʉ́ nyá. Nye ó waá Nzyɛ̌m á pɛh, dwih lɨ́ odwe nyá. Yésʉs waá ó b'á tíʼ mɨná gâ, lɨ́ esâ ó Nzyɛ̌m sá alɛ̂ʼle mɨ́ná gá nkpaa nyé ɨ́ móhó nyé ótíʼe mílɔ̌b wɨ́. Móhó waá, wé mû ó kúno epyâl.

Kolosi 1:27

Ebě, Nzyɛ̌m á be lɨ́ ekpɛl élɛ̂ʼle bé jwɨʼ nyé á be e yé mesǒ yɨ́, jwɨʼ dí ɨ́ buú mbɨa, yaá dí e nyɔm lɨ́ esú é bíkúl bíbyɛ̂h yɨ́. Solá jwɨʼ yaá, yé ó: Krîst, nye mû ó sí pûhla e bɨ̌n. Bɨ̌n mû e mpûʼla ɨ́ miléme ó, bɨ̌n óbi kûm tɨ̂.

Kolosi 1:23

Bɨ́n ótô dóló le edyɛ̂ʼwo e Tî Yésʉs, le etyɛ̂b mekʉ̌ sí ɨ́ sɨ́ŋ nó, go ó, milémé mín, myé odi ɨ́ puuu. Mʉr apɨ́ŋla gâ! Mʉ̌r sá abîr ó, bé sâʼ ó, bɨ̌n léhee, nkʉ̂ sóŋlǒ Mbɨambɨa Lɔ́ɔ bɨ́n á jóʼo wɨ́. Mbɨambɨa Lɔ́ɔ waá, wé mû lɨ́ etúnɔɔ ó, ɨ́ sí yɨ́yɛ̂h, ɨ́ páʼ bʉ̂r bɨ́bɛ̂h dí sí jʉ́o bá. Mɛm Pɔ̂l á tyélɔɔ ɨ́ syɛ́ɛ́ ó, me lɛ́yɨɨ bʉr wǎ.

Lʉkas 2:25

Ɨ́ Yerʉ́zalɛm, yé á be ó e nyʉ́ʉ́ mʉ̂r, díé lé Siméon. Nye á be ó tîtyěl mʉr le ebuú dwáawǒ Nzyɛ̌m. Nye á didi ó, lɨ́ ebóno mʉ̂r ngá báʼǎ gbâ bʉ̂r o b'Ɨ́zraɛ̂l nkul ɨ́ miléme nyá. Sísǐm mé Nzyɛ̌m, wé á be ó e né.

Mataos 24:35

Kʉ́ e sí, byé ólaa. Milɔ̌b myâm míɛ, myé ákóʼó síe.

Ebrœ̂ 7:21

Nzyɛ̌m á si ntaa minkâl ɨ́ lɔ̌b wé. Nye á lwib ó mbi wɨ̂: Dâ á si ntaa minkâl. Nye ácéně jwɨʼ yé. Nye á lɛ́ɛ ó: Go ódidi pára ó, ɨ́ melú mé mpóʼo mɨ́mɛ̂h.

Ebrœ̂ 3:6

Tó kœb ó, Krîst nyɨɛ á si tyélɔɔ ɨ́ dǐ Mwân á jala le edǐ lʉ́ mbɛ̌r bʉ̂r waá nyá. Mbɛ̌r bʉ̂r waá, wé gúmó ntémé ó e né. Mɨ́ná bé ódi gá e mpûʼla ɨ́ miléme, le ekʉ́ gʉ́ǎ sá mɨ́ná dí ebúʼla gá yɨ́, abáawǒ sɔ̂ʼ nó, lɛ́ɛ́, mɨná gá ó dí bʉ̂r ó mbɛ̌r bʉ̂r wé waá.

Kolosi 1:5

Búʼó le kpɛ̌l yɨ́n yaá duho ó, ɨ́ mpûʼla dí bɨ̌n ɨ́ miléme, ó bɨ̌n bé óbǐ sá dí bɨ̌n komá ɨ́ jʉ́o kʉ́ yɨ́. Mbɨambɨa Lɔ́ɔ dí le otyeetye wɨ́, wé ó b'á nyɛɛ lɛ̂ʼle bɨ̌n syɛ́ɛla yaá.

Filipi 2:1

Búʼó bɨ́n dí ebúʼlǎ Yésʉs-Krîst yɨ́, yé así gbâ bɨ̌n nkul ɨ́ miléme ɛ̌? Kpɛ̌l yé, yé así dwe bɨ́n nkul ɨ́? Nzê bɨ̌n bɨ́ pûhla e Sísǐm mé Nzyɛ̌m? Bɨ̌n bé así kpɛla le ejɨ̂ʼ nkóó páʼ nyɨ́n? Mpʉ yé dí nó yɨ́,

Mataos 3:7

Nó ó óFarizyɛ̂n le oSadwisyɛ̂n ɨ́ buo buo bé á nze, ó Yʉánɛs dúʼoo bé ɨ́ díbé yɨ́. Nye nzě lɛ́ɛ e bé ó: «Bɨ̌n bwá ó méjwɨ̂l bâ, nzé á pʉgʉ cɨ̂l bɨ̌n ó, bɨ̌n bé e nkul ekɨ̂ŋ nkpáa mé Nzyɛ̌m ɨ́ jɔʼ nyé ngá lɛ̂ʼle bɨ́n nyǎ yɨ́ ɛ́?

Rôm 5:5

Lémé mʉ̂r, wé óbe, wé mû sí lóno ɨ́ mpûʼla nó, mʉr waá, nye ájóʼo bá sôn ɨ́ lɔ̌b mpûʼla nyé, ebě, Nzyɛ̌m á si lɛ̂ʼle mɨná gá mpʉ nyé dí ekpɛl mɨ́ná gá kpɛ̌l ápurapúra yɨ́. Nye á lɛ̂ʼle mɨná gá nó ó e nzɨ̌ Sísǐm wé, nyé á ntɨh mɨná gá wɨ́.

Ebrœ̂ 6:17

Nzyɛ̌m á tíʼe ɨ́ lémé wé ó, nyě sá ó bʉr gʉ́ŋaa lɨ́ otyeetye ó, nye ábîr mbɨambɨa nkɛ̌ʼ nyé. Nó yaá ó nyé á ntaa minkâl ɨ́ jɔʼ nyé á kɛʼ bʉr membɨa mé yɨ́. Minkál myé myaá ó b'á lɨl nkɛ̌ʼ nyé. Bʉr o jálá le ebi nkɛ́ʼ nyaá bá, bé ogʉ́ǎ tyeetye ó, bé ókʉ́ bi nyê.

Ebrœ̂ 7:19

Ebě, metié mé ésôʼ maá, mé á bé abe e nkul epubo syɛ̂l misyóm ɨ́ mipáʼ mímyɛ̂h. Nó ó, mpǎŋ sá dí elaa métié maá yɨ́, yɨ́ pyâl: mpûʼla mɨ́ná mû e nye ɨ́ léme nyɨ́. Nye ó dí esâ ó, mɨná sîhlaa gá bǎʼ e Nzyɛ̌m.