Ebrœ̂ 6:12 - Kálar Nzyɛ̌m : Ejwán é Sáá

¹² Bɨ̌h bé akpɛl ó, bɨ̌n díʼee mipwɨ́pwɨ̂h mí ósyɛ̂l o mésâ. Bɨ̌h jaá gwɨ̂m ó, njɨ bɨ̌n sâʼ mpʉ bʉ́ʉ́ óbûʼla mé Nzyɛ̌m dí eboó sɨsâ yɨ́: bé e búʼó ndu e bíhwó. Bɨ́ɛ ntémé ó ngá nʉǎ sá Nzyɛ̌m á kɛʼ bé yɨ́, jala e nkɔb líʼe nyɔ́ɔ́.

Kálara Zyɛ̌m Edwán é mpʉ̌n

¹² Bɨh bé agwɨm ó, bɨn saʼ ontwii. Bɨh bé ekʉ ka gwɨm ó njɨ bɨn nʉŋa dweʼle tiʼ mo bʉʉ obuʼla mo Zyɛm. Bé e buʼo ndwe e bihbe. Bɛɛ nteme ó ngo bi sa Zyɛm a kɛʼ be, jala e nkɔb wɔɔ ɛ.

Ebrœ̂ 6:12 ပူးပေါင်းရင်းမြစ်များ

Ebrœ̂ 13:7

Sísímsáá gá otyɛ̂b bé ésôʼ bɨ́n, baá bé á lɨlɛ́ɛ bɨ̌n lɔ́ɔ́ mé Nzyɛ̌m bá. Símsáá gá kʉ̌ tyen wɔ́ɔ́ le ndumló bícwiʼ byɔ́ɔ́. Dyɛ́ʼwáá gá e Nzyɛ̌m mpʉ bé á sâ yɨ́.

Ebrœ̂ 10:36

Sá dí ejɨŋɔɔ ɨ́ páʼ wɨ́n yɨ́, yé ó bíhwó. Bɨ́n ósâ bíhwó nó, bɨ̌n bé ósâ gwɨ́má mé Nzyɛ̌m ɨ́ jɔʼ yaá. Bɨ̌n bé obǐ sá nyé á kɛʼ bɨ̌n yɨ́.

1 Yʉanes 2:25

Nó ó, nkɛ̌ʼ Nzyɛ̌m Sɔ́ŋ mʉr tɨ̂ʼ á dwe mɨná gá nyɨ́, nye ó nyɨ̂: twǐʼ njʉ̌m dǐ.

Rôm 12:11

Séáá gá syɛ́ɛ́ e nkul, abe le epɨ̂h. Sísǐm mé Nzyɛ̌m, nye kúblaa ɨ́ milémé mín. Séáá gá Tî Yésʉs e milémé mín mímyɛ̂h.

Ebrœ̂ 5:11

Bɨ̌h bé ɨ́ buo mílɛ́ʼlá mí édwe ɨ́ lɔ̌b wɨ̂. Sâ gwár, yé ɨ́ buú kɔbla lɨ́ edwe bɨ́n myǎ, ɨ́ lɔ̌b élele e mílémé mín lɨ́ enʉa mílɛ́ʼlá myaá.

2 Pyɛr 1:10

Sɨ́ǎ yaá ó mé dí elɛ́ɛ bɨ́n, bɨ́ɔɔ́ bâm ó, gbáʼ gá nkul lɨ́ eséa ɨ́ piiia, lɨ́ esú ó, bɨ̌n gʉ́ŋaa tyeetye ó, Nzyɛ̌m á si jébe bɨ̌n, le etwâr bɨ́n yɨ́. Bɨ́n sá nó wá, bɨ̌n bé ákóʼó duma lɨ́ ebébe.

Jacques 1:3

Ebě, bɨ̌n bé ɨ́ jala le egʉ́a ó, ɨ́ jɔʼ yaá, yé ónyɨ̂n ɨ́ ponó ɨ́ míh mé bʉ̂r, nkʉ̂ bɨ̌n bé lɨ́ edyɛ̂ʼwo e Nzyɛ̌m lɨ́ otyeetye. Búʼó yɨ́n, yé ódwe bɨ́n bíhwó ɨ́ buo buo.

Ebrœ̂ 12:1

Ɨ́ páʼ gá wɨ́ná, mɨná gá bé ó tʉ́ŋlʉ̌ bʉr baá. Bé lɨ́ ebɔma mɨ́ná gá ɨ́ nká, lɨ́ eboʼlo mílɔ̌b mé Nzyɛ̌m. Nó ó, mɨná líʼaa gá mimbeʼ médile mímyɛ̂h le syóm dí ekwable mɨ́ná gá wɨ́ wɨ́wɛ̂h. Mɨná sâʼ gá bíhwó lɨ́ eswim míkám, tó pyâl ɨ́ súm Nzyɛ̌m á lyáŋle njɨ ésíé é kám yɨ́.

Ebrœ̂ 1:14

Beéngeles bɨ́ɛ, bê onzé? Bɨ́bɛ̂h, bé ó misísǐm mi dí eséǎ Nzyɛ̌m syɛ́ɛ́ mí. Nyě lómló mɨ́ná gá bǎ ntémé ó, bé ntáa súʼo bʉ̂r o ngá bǐ twǐʼ njʉ̌m dǐ, jala e nkɔb líʼe nyɔ́ɔ́ bá.

Rôm 4:12

Nye ntémé, nye ó sɔ́ŋ mpám lɨ́ esú é baá o dí etíʼɔɔ mpʉ́n bá. Sâ gwár, ntʉ waá dí etíʼɔɔ̌ njɨ mpʉ́n nyá dí mâ nta mé Abraham. Yé ó, waá dí etíʼɔɔ mpʉ́n, le edû ntémé kʉ̌ tyen wé nyá. Nye lɨ́ edyɛ̂ʼwo e Nzyɛ̌m mpʉ̌ Abraham á dyɛ̂ʼwo e né, nye dína apǎ tíʼɔɔ mpʉ́n yɨ́.

Rôm 2:7

Bâʼ bʉ̂r, bé sáá ó kûm, le dúu le twiʼ dí asíesie yɨ́. Bé lɨ́ edûhwǒ sɔ́ɔlʉ waá e bíhwó, lɨ́ esâ mímpaŋ bísyɛ́ɛla. Bé ó baá Nzyɛ̌m ngá dwě twǐʼ njʉ̌m dǐ bá.

Mɨngwiha 13:10

Nzyɛ̌m, nyě lɛ́ɛ́ ó: Yé bé kɛl swîh, kɛl kɛl ó jálá le etô lɨ́ okómó nó, nye óbánǎ tô. Yé bé kɛl swîh, kɛl kɛl ó jálá le ejʉ́ŋɔɔ e pasoŋ nó, nye óbánǎ dwe nó.» (Wâʼ ɨ́ gúmó yɨ̂, yé lɛ́ʼlé ó, yé mbɨa ɨ́ páʼ bʉ̂r o dí egúmo e Nzyɛ̌m bá ó, bé díʼee ntémé e bíhwó. Bé dyéʼee koo e Nzyɛ̌m.)

Ebrœ̂ 11:33

Ɨ́ nzɨ̌ búʼó yɔ́ɔ́ ó bé á lwímla e mesí meswîh, ntaŋɔɔ mé yɨ́. Bé á si tíʼe bʉr milɔ̌b lɨ́ otîtyěl ɨ́ nzɨ̌ búʼó yɔ́ɔ́. Bé á si bi nkɛ̌ʼ mé Nzyɛ̌m ɨ́ nzɨ̌ búʼó yɔ́ɔ́. Bé á si pɨr mingbampɨɨ minum ɨ́ nzɨ̌ búʼó yɔ́ɔ́.

Ebrœ̂ 6:15

Abraham á si dûhwo mpʉ̂n. Sá tɨ̂ʼ ó nyé á bi sâ Nzyɛ̌m á kɛʼ nye yɨ́.

2 Tesalonika 1:4

Nó ɨ́ páʼ wɨ́h, jɔʼ yɨ́yɛ̂h bɨ́h dí epyâl gúmó bʉ̂r ó Mbɛ̌r-Nzyɛ̌m dí yɨ́, bɨ̌h bé lɨ́ enkʉ́na ɨ́ lɔ̌b bíhwó le búʼó bɨ́n dí e byé bí. Ebě, bɨ̌n bé lɨ́ edûhwo ɨ́ jɔʼ bé dí etíble bɨ́n le ebóblo bɨ́n yɨ́. Ɨ́ bijɔʼ byaá bíbyɛ̂h, bɨ̌n bé lɨ́ etô dóló le edyɛ̂ʼwo e Nzyɛ̌m.

Lʉkas 8:15

Nó bʉ́ʉ́ bʉ̂r, bé ó mpʉ̌ mpeʼ, yé á kur ɨ́ bwǎh métyɛʼ yɨ́. Bé lɨ́ ejóʼǒ lɔ́ɔ́ mé Nzyɛ̌m e mimbɨambɨa míléme. Bé lɨ́ emɛ̂r lɔ́ɔ waá ɨ́ kpɨ́ɨ́ɨ́, le esâ bíhwó, gúmo ntémé mpumó ɨ́ buo buo.»

Mataos 22:32

Yê cɛmá tɨ̂ʼ ó: “Me ó Nzyɛ̌m, waá Abraham, Isaac, ndu e Yákɔb dí edwe kûm nyɔ́ɔ́ nyá.” Nzyɛ̌m, nyé abe waá odwe. Nye ó Nzyɛ̌m mikublakúbla mi bʉ̂r.»

1 Tesalonika 1:3

Ɨ́ minjɨʼla bɨ́h dí ejɨʼla e waá dí Nzyɛ̌m gá wɨ́ná, waá dí ntémé Sɔ́ŋ gá wɨ́ná nyá mí, bɨ̌h bé lɨ́ esímsǎ syɛ́ɛ́ bɨ́n á séa ɨ́ lɔ̌b búʼó yɨ́n yɨ́. Yé á be ó, ɨ́ kpɛ̌l bɨ́n dí ekpɛ̌l Nzyɛ̌m yɨ́. Bɨ̌h símsá ntémé ó, mitúú bɨ́n á sia e myé ɨ́ nzɨ̌ mpûʼla Tî Yésʉs-Krîst á gbâ bɨ̌n ɨ́ miléme nyɨ́ mí. Bɨ̌h sá nó ó, ɨ́ mpǒm mé Nzyɛ̌m gá wɨ́ná, dí Sɔ́ŋ gá wɨ́ná nyá.

Lʉkas 16:22

Nye nzě dwe. Beéngeles nzě nkɛ́ɛ nyê, tó dilɔɔ nyé ɨ́ mbó éjʉ́m mé Abraham ɨ́ jʉ́o kʉ́. Kúmá ntémé dwe, ntɔ̂ʼ debe ɨ́ soo.

Mataos 25:26

Nó ó njwɨ́ɨ á nze lɛ́ɛ e né ó: “Gua bɨ́blǎ pwɨ́pwɨ̂h syɛ̂l mesâ yɨ̂! Gó bé ɨ́ gʉ́a ó, mě pǐm ó, ɨ́ gúmó mé á be amyam mempeʼ yɨ́, le ekpɛm méde ɨ́ gúmó mé á be abe mempeʼ yɨ́ nó,