Ebrœ̂ 6:11 - Kálar Nzyɛ̌m : Ejwán é Sáá

¹¹ Bɨ̌h gwɨ́m ó, mʉr nyɨnyɛ̂h sâʼ sɨ́n lɨ́ eséǎ syɛ́ɛ́ yaá, tó kumo lɨ́ odumo, akâr. Jɔʼ yaá ó lémé wé ngá lóno ɨ́ mpûʼla yɨ́.

Kálara Zyɛ̌m Edwán é mpʉ̌n

¹¹ Bɨh bé egwɨm ó, mʉr nyiwɛh saʼ zyee lé esea syɛɛ yaa, to pyal é l'odumo, akar. É jɔʼ yaa ó leme mʉr waa, wé óloŋlo e mbɛla ɛ.

Ebrœ̂ 6:11 ပူးပေါင်းရင်းမြစ်များ

Ebrœ̂ 3:6

Tó kœb ó, Krîst nyɨɛ á si tyélɔɔ ɨ́ dǐ Mwân á jala le edǐ lʉ́ mbɛ̌r bʉ̂r waá nyá. Mbɛ̌r bʉ̂r waá, wé gúmó ntémé ó e né. Mɨ́ná bé ódi gá e mpûʼla ɨ́ miléme, le ekʉ́ gʉ́ǎ sá mɨ́ná dí ebúʼla gá yɨ́, abáawǒ sɔ̂ʼ nó, lɛ́ɛ́, mɨná gá ó dí bʉ̂r ó mbɛ̌r bʉ̂r wé waá.

2 Pyɛr 1:10

Sɨ́ǎ yaá ó mé dí elɛ́ɛ bɨ́n, bɨ́ɔɔ́ bâm ó, gbáʼ gá nkul lɨ́ eséa ɨ́ piiia, lɨ́ esú ó, bɨ̌n gʉ́ŋaa tyeetye ó, Nzyɛ̌m á si jébe bɨ̌n, le etwâr bɨ́n yɨ́. Bɨ́n sá nó wá, bɨ̌n bé ákóʼó duma lɨ́ ebébe.

Ebrœ̂ 3:14

Sá dí tɨ̂ʼ yɨ́, yé ó: mɨ́ná ódi gá ɨ́ bidǐ gá bíná, apʉʼa tɨ̂, tó pyâl ɨ́ mesíé nó, go ó, mɨná gá be ó bʉr ó njoo mé Krîst ó tɨ̂ʼ yɨ́.

Ebrœ̂ 10:22

nó mɨ́ná jálá le esîhle gá bǎʼ e Nzyɛ̌m, abe e mesónó ɨ́ miléme, e milémé lwɨ́ŋlá e búʼó yɨ́. Milémé gá míná, myé mû ó mipubá. Menyʉ́l gá mɨ́ná mɨ́ɛ, mé mé ó minjwɨá e medíbé me dí ɨ́ ntyɛ́h ntyɛ́h má.

Mɨngwiha 2:26

Bʉr o ngá ntaa, búla le onkɔ́ɔ́, baá ngá séǎ syɛ́ɛ́ yâm, tó pyâl lɨ́ esíé bá, me ódil bé ɨ́ bidǐ bí ójwɨ́ɨ. Bé ojwɨ́ɨ bʉ̂r o bíkúl bíbyɛ̂h.

1 Yʉanes 3:14

Mɨná bé lɨ́ egʉ́a gá ó, mɨná bé á pah, duho lɨ́ eswie, ntaa ɨ́ twǐʼ njʉ̌m dǐ ó, ebě, mɨná bé lɨ́ ekpɛl gá bɨ́ɔɔ́ gá bɨ́ná. Mʉr dí akpɛl bʉ̂r nyá, nye dína ó ndwe.

2 Pyɛr 3:14

Bʉr ó kpɛ̌l bâm! Mpʉ mɨ́ná dí ebóno gá móhó waá yɨ́, sáʼ gá sɨ́n lɨ́ edi e mepyɛbla páʼ nyɨ́n, tó pyâl ɨ́ jɔʼ nyé óbáʼǎ nze yɨ́. Sáŋáá gá ó, bɨ̌n díʼee mpʉ nyʉ̂l mé Krîst dí abe e mebar nyɨ́. Diʼee gá abe le ebébe bé óboʼlo bɨ́n e tɨ̂ʼ lɨ́.

1 Pyɛr 1:21

Krîst ó b'á sâ ó, bɨ̌n dyɛ̂ʼwaa e Nzyɛ̌m, mʉr á pɛh nye, dwih nyé lɨ́ odwe, dwe nyé kûm ntémé nyá. Sá tɨ̂ʼ ó búʼó yɨ́n le mpûʼla nyɨ́n dí njɨ ɨ́ Nzyɛ̌m yɨ́.

2 Tesalonika 3:13

Ɨ́ páʼ wɨ́n, bɨ́ɔɔ́ bâm, menyʉ́l sá atyɛʼ bɨ́n píe bisyɛ́ɛla bimpâ bɨ́n dí esâ bí.

Rôm 15:13

Nó ó, Nzyɛ̌m dí egbâ bʉ̂r mpûʼla ɨ́ miléme nyá, nye tyɛ́bɨɨ bɨ̌n ɨ́ miléme, ó bɨ̌n sóhaa ɨ́ jɔʼ yɨ́yɛ̂h. Nye lóŋlaa bɨ̌n mepyɛbla ɨ́ miléme, ɨ́ nkul búʼó yɨ́n. Nó ó mílémé mín ngá lóno ɨ́ mpûʼla e nkul Sísǐm wé yɨ́.

1 Tesalonika 4:10

Bɨ́ɔɔ́ bâm! Okɛ́l bâm! Bɨ̌n bé lɨ́ ekpɛl bɨ́ɔɔ́ bɨ́n dí ɨ́ sí Masedónia wɨ́wɛ̂h bá ɨ́ mbi waá. Sâ gwár, bɨ̌h tɨ́é bɨ́n ó nɛ́ɛ: tóʼ gá dóló le ekpɛla gâ.

1 Tesalonika 1:5

Ebě, ɨ́ jɔʼ bɨ́h á lɛ́ɛ bɨ̌n Mbɨambɨa Lɔ́ɔ́ mé Krîst yɨ́, bɨ̌n bé á bé anʉǎ lɔ́ɔ waá le epɨ̂h. Yé ó, ebě, ɨ́ jɔʼ yaá, Nzyɛ̌m á si lɛ̂ʼle bɨ̌n nkǔl nɨ́nɨ́ɨ́ nyé tɨ̂. Sísǐm wé, wé á si sulo ntémé ɨ́ bɨ̌n. Bɨ̌n bé á nze ka gʉ́a ɨ́ jɔʼ yaá ó, lɔ́ɔ waá, wé á kʉ be ó, tyeetye. Bɨ̌n bé lɨ́ egʉ́a ntémé mpʉ mɨ́ná bé á bɨbe gá yɨ́. Bɨ̌h bé á títíʼe nó ó, lɨ́ esú lé édi bɨ́n e nyɔm.

Kolosi 1:5

Búʼó le kpɛ̌l yɨ́n yaá duho ó, ɨ́ mpûʼla dí bɨ̌n ɨ́ miléme, ó bɨ̌n bé óbǐ sá dí bɨ̌n komá ɨ́ jʉ́o kʉ́ yɨ́. Mbɨambɨa Lɔ́ɔ dí le otyeetye wɨ́, wé ó b'á nyɛɛ lɛ̂ʼle bɨ̌n syɛ́ɛla yaá.

Filipi 3:15

Mɨná gá óbɛ̂h, bʉr o mû sí tɔ́ma bá, mɨná bé ɨ́ jala le edi gá e mbǐ jwɨʼ gwár nɨ̌. Nzyɛ̌m ntémé ó ngá lɛ̂ʼle bɨ́n jwɨʼ yaá.

Galásia 6:9

Mɨná tôʼ dóló le esɨsâ gá bisyɛ́ɛla bimpâ, akâr. Mɨ́ná bé abîr gá bisyɛ́ɛla byaá nó, mɨná bé ódira gá nyɔm tɨ̂, píe mâ jɔʼ.

1 Korɛnt 15:58

Bɨ́ɔɔ́ le okɛ́l bâm mé dí ekpɛl bá, tyɛ́bɨ́ɨ́ gá mekʉ̌ sí ɨ́ sɨ́ŋ. Kʉ́ buú séa gá syɛ́ɛ́ mé Tî Yésʉs ɨ́ jɔʼ yɨ́yɛ̂h. Gʉ́ŋáá gá ó, syɛ́ɛ́ bɨ́n dí eséa Tî Yésʉs yɨ́, yé ákóʼó dwě ntuʼ.

1 Korɛnt 13:13

Nó ó, ɨ́ báánâ, búʼó, mpûʼla ti e kpɛ̌l, byé ó tɨ̂: bisá bílɛ̂l. Ɨ́ bisá bílɛ̂l byaá, yaá dí elaa byaá byúú yɨ́, yé ó kpɛ̌l.

Mataos 24:13

Sâ gwár, mʉr ngá dûhwo, tó pyâl ɨ́ mesíé nyá, ótiʼe.

1 Yʉanes 3:19

Mɨná gʉ́á gá ó, mɨná bé lɨ́ eduho gá kwá mé mʉr dí le otyeetye nyá ó, mbi wɨ̂: mɨná bé lɨ́ ebánǎ sul gá milémé gá míná sí ɨ́ míh mé Nzyɛ̌m

Kolosi 2:2

Syɛ́ɛ́ mé dí eséa yɨ́, mě séá yé ó, me nkʉ̂ gbâ bɨ́n nkul ɨ́ miléme, le esâ ó, bɨ̌n kpɛ́laa, le egwá pûhla. Bɨ̌n nkʉ̂ gʉ́ǎ búʼó gá yɨ́ná ɨ́ pébébé, sá dí bɨ̌n e nyɔm ɨ́ buo buo yɨ́. Bɨ̌n gʉ́ŋaa ntémé Krîst, mʉ̌r Nzyɛ̌m á sol ɨ́ lwǐb ódîm nyá.

Kolosi 1:23

Bɨ́n ótô dóló le edyɛ̂ʼwo e Tî Yésʉs, le etyɛ̂b mekʉ̌ sí ɨ́ sɨ́ŋ nó, go ó, milémé mín, myé odi ɨ́ puuu. Mʉr apɨ́ŋla gâ! Mʉ̌r sá abîr ó, bé sâʼ ó, bɨ̌n léhee, nkʉ̂ sóŋlǒ Mbɨambɨa Lɔ́ɔ bɨ́n á jóʼo wɨ́. Mbɨambɨa Lɔ́ɔ waá, wé mû lɨ́ etúnɔɔ ó, ɨ́ sí yɨ́yɛ̂h, ɨ́ páʼ bʉ̂r bɨ́bɛ̂h dí sí jʉ́o bá. Mɛm Pɔ̂l á tyélɔɔ ɨ́ syɛ́ɛ́ ó, me lɛ́yɨɨ bʉr wǎ.

Rôm 12:8

Yé bé nye á dwe gua ó, metwɨ́ɨ́ me dí egbâ bʉ̂r nkul ɨ́ miléme má nó, gbáʼ bé nkul nyaá. Yé bé nye á si dwe gua nkul ekab báántéʼenteʼe o bʉ̂r mebi nó, dwéʼ bé mǎ e lémé gô wɨ́wɛ̂h. Yé bé nye á tyêl gua ó, ɨ́ dǐ tyɛ̂b esôʼ nó, léme díʼee go ɨ́ báná báná ó, go séaa syɛ́ɛ́ yaá mbɨ̂mbɨá. Yé bé nye á dwe gua ó, ndwéá écwɨ́a e bʉ́ʉ́ bʉ̂r nó, lɛ́ʼláá bé mpam nyaá e bisʉhʉʉ.

Galásia 5:5

Bɨ̌h bɨɛ, bé á si dyɛ̂ʼwo e Nzyɛ̌m. Nyɨ́ gbâ bɨ́h mpûʼla ɨ́ miléme ó, nye ódwe bɨ́h nkam. Bɨ̌h bé e mpûʼla nyaá ó e nzɨ̌ Sísǐm mé Nzyɛ̌m.

Lʉkas 1:1

Théophile, mɨ́ɔɔ́ wǎm! Bisyɛ́ɛla bínɨ́nɨ́ɨ́ Nzyɛ̌m á sâ ɨ́ páʼ gá wɨ́ná bí, byé mû ó sí cɛmɔɔ nzɔ̂ʼ nzɔʼ.