Ebrœ̂ 6:10 - Kálar Nzyɛ̌m : Ejwán é Sáá

¹⁰ Ebě, Nzyɛ̌m, nyé abe waá onzyɛ́h ónzyɛ́h. Nye ájɨ́há syɛ́ɛ́ bɨ́n dí eséa nyé yɨ́. Nye ntémé, nyé abe e nkul ejɨhǎ kpɛ̌l bɨ́n dí elɛ̂ʼle nyé yɨ́. Yé á si nyɨ̂n ɨ́ ponó ɨ́ jɔʼ bɨ́n á be lɨ́ ekɛm bʉ̂r bé yɨ́. Bɨ̌n ntémé dína ó lɨ́ etô e menkɔ̌m maá dóló.

Kálara Zyɛ̌m Edwán é mpʉ̌n

¹⁰ Ebe, Zyɛm, nye ákwoʼ kœʼ é l'ozyɛhozyɛh. Nye aŋa jɨha syɛɛ bɨn lé esea nye e. Nye nteme, nye aŋa jɨha kpɛl bɨn lé ekpɛl nye e. Kpɛl yin, yé a nyin é pono ó, é jɔʼ bɨn bé a be lé esea e mɨsaŋ mɨ bʉr be e. Bɨn nteme, bé eto dolo lé esea e mye no.

Ebrœ̂ 6:10 ပူးပေါင်းရင်းမြစ်များ

Mataos 10:42

Mě lɛ́ɛ́ bɨ́n lɨ́ otyeetye ó, ɨ́ sɔ́má ómpʉ́n bâm bɨ́bɛ̂h, mʉ̂r ódwe waá dí ɨ́ buú twâʼwo tɨ̂ʼ nyá, damá bě bélé médíbé métálá gwár e gwár, ebe mʉ̂r waá dí mpʉ́n wǎm nó, nye óbǐ mpǎŋ myɛ́na.»

Ebrœ̂ 13:16

Sáʼ gá bʉr oswîh embɨa. Súʼáá gá bʉr e mebi mɨ́n. Mʉ̌r sá ajɨhǎ syɛ́ɛla yaá, ebě, yé ó ndwéá Nzyɛ̌m dí ebeě mbɨ̂mbɨá wɨ́.

Galásia 6:10

Ɨ́ mpʉ yé dí nó yɨ́, mɨ́ná bí gá epʉ́la e tɨ̂ʼ nó, mɨná gbâʼ gá nkul ó, mɨná cwɨ́aa gá e bʉr bɨ́bɛ̂h. Sâ gwár, kʉ́ buú cwɨ́a gá e bʉr ó Mbɛ̌r-Nzyɛ̌m gá wɨ́ná, dí bʉr ó búʼó gwár bá.

Mɨlʉmlʉ 10:4

Nye nzě dwɛ̂ʼ éngeles e bʉ́á. Nye e né ó: «Dâ ɛ̌, yê nyá?» Éngeles ntɔ̂ʼ yala e né ó: «Nzyɛ̌m, nyɨ́ yala gó mbɨ̂mbɨá. Nye mû ó sí toŋlo gó ɨ́ lɔ̌b mínjɨʼla myô le mingúlá gó dí edwidwe báántéʼenteʼe o bʉ̂r mí.

1 Tesalonika 1:3

Ɨ́ minjɨʼla bɨ́h dí ejɨʼla e waá dí Nzyɛ̌m gá wɨ́ná, waá dí ntémé Sɔ́ŋ gá wɨ́ná nyá mí, bɨ̌h bé lɨ́ esímsǎ syɛ́ɛ́ bɨ́n á séa ɨ́ lɔ̌b búʼó yɨ́n yɨ́. Yé á be ó, ɨ́ kpɛ̌l bɨ́n dí ekpɛ̌l Nzyɛ̌m yɨ́. Bɨ̌h símsá ntémé ó, mitúú bɨ́n á sia e myé ɨ́ nzɨ̌ mpûʼla Tî Yésʉs-Krîst á gbâ bɨ̌n ɨ́ miléme nyɨ́ mí. Bɨ̌h sá nó ó, ɨ́ mpǒm mé Nzyɛ̌m gá wɨ́ná, dí Sɔ́ŋ gá wɨ́ná nyá.

Kolosi 3:17

Sá yɨ́yɛ̂h bɨ́n dí esâ, nkʉ̂ lɛ́ɛ yɨ́, yé díʼee pɨrá e díé mé Tî Yésʉs. Dwéʼ gá Nzyɛ̌m Sɔ́ŋ nzyǒo ɨ́ díé lé.

1 Timotɛ 6:18

Lɛ́yɨ́ɨ́ óbil o bísâ baá ó, bé sâʼ embɨa. Bisyɛ́ɛla bí émbɨa byɔ́ɔ́ bíɛ, byé díʼee ɨ́ buo buo. Bé díʼee ɨ́ cǎr ó, bé súʼaa bʉr, le etô bé e mingúlá myɔ́ɔ́.

Markus 9:41

Nó ntémé, mʉr ngá dwe bɨ́n bélé médíbé ɨ́ lɔ̌b bɨ́n dí ɨ́ sɔ́má mé Mʉ̂r Nzyɛ̌m á lœm múló mé jwɨ́ɨ nyá, me lɨ́ elɛ́ɛ bɨ́n lɨ́ otyeetye ó, nye óbi myɛ́na mé.»

Rôm 12:13

Dwéʼ gá bʉr o mé Nzyɛ̌m bisâ bi dí esâ bé sɔ́ɔlʉ bí. Nʉnʉa gá ojwóo o dí epyâl kwá nyɨ́n bá mbɨ̂mbɨá.

Mɨlʉmlʉ 11:29

Ompʉ́n, bé bʉr o tɨ̂, bé á tíʼe ó, mʉr nyɨnyɛ̂h ɨ́ sɔ́má yɔ́ɔ́ ótyen óbûʼla bé á di ɨ́ sí Yʉ́da bá bisâ, ó mʉr nyɨnyɛ̂h súʼaa bé, dû mébi mé.

Galásia 5:13

Bɨ́ɔɔ́ bâm! Okɛ́l bâm! Nzyɛ̌m á jébe bɨ̌n ó, nye pɛ́ʼɛɛ bɨ̌n lɨ́ mpila ébébe, bɨ̌n búlaa ɨ́ fá. Ɨ́ tyé yɨ́n yaá tʉ́ŋlʉ̌, akam gá ó, bɨ̌n sâʼ syóm njwɨr myâ gá wɨ́ná dí egwɨ̂m wɨ́. Kpɛlaa gâ. Séáá gá ntémé páʼ nyɨ́n.

Mɨlʉmlʉ 10:31

Nye e me ó: “Corneille! Nzyɛ̌m, nyɨ́ yala mínjɨʼla myô. Nye mû ó lɨ́ etoŋlo gó ɨ́ lɔ̌b míngúlá gó dí edwidwe báántéʼenteʼe o bʉ̂r mí.

Yʉanes 13:20

Mě lɛ́ɛ́ bɨ́n lɨ́ otyeetye ó, mʉr dí enʉa mʉ̂r mé dí elómo nyá, nyě nʉá ntémé ó me. Nó ntémé, mʉr dí enʉa mé nyá, nyě nʉá ó, mʉr á ntɨh me nyá.»

2 Timotɛ 4:8

Yé jaá kǎ lîʼ mé ó, njɨ ebǐ káráá dí komá lɨ́ esú lâm yɨ́. Káráá yaá ó dí elɛ̂ʼle ó, mɨ́ bi nkâm ɨ́ míh mé Nzyɛ̌m. Tî Yésʉs, mʉr dí etíʼe mílɔ̌b lɨ́ otîtyěl nyá, ódwe mé yǎ lɨ́ elú lé épíhe. Nye ádwe yɨ́ɛ njɨ me e me. Káráá yaá, yé ódweŋɔɔ ntémé ó, bʉr bɨ́bɛ̂h o dí ekpɛl ébee nyé lɨ́ ebáʼǎ nze bá.

2 Korɛnt 9:1

Yé apʉgʉ́ be bɨ́n e mâ nyɔm ó, me báʼa cɛma ɨ́ lɔ̌b míngúlá mɨ́ná jálá le etô bʉ̂r o mé Nzyɛ̌m o dí ɨ́ sí Yʉ́da bá e myé mí.

1 Yʉanes 1:9

Sâ gwár, mɨ́ná gwíh gá misyóm gá mɨ́ná nó, Nzyɛ̌m ópɛʼ bíbaa bí ébébe nyé á niʼe mɨná gá bí, le epubo mɨ́ná gâ, le epɛʼ mɨ́ná gá mebyaʼ gá mɨ́ná mɨ́mɛ̂h. Nye ósâ nó ó, ebě, nye ó tîtyěl mʉr jálá le ebúʼlɔɔ nyá.

Galásia 5:6

Nyʉ́ʉ́ mʉ̂r óbe ɨ́ mpúhlá, bé e Yésʉs-Krîst nó, lɛ́ɛ́, etíʼɔɔ mpʉ́n, lé ákǎ be nyé e nyɔm. Nyé óbe, atíʼɔɔ mpʉ́n nó, syɛ́ɛla yaá, yé ántɨ̂ʼ sɔ̂ʼ. Yé ó jwɨʼ gwár ɨ́ páʼ mʉ̂r waá. Sá dí e nyɔm yɨ́, yé ó búʼó dí enyɨ̂n ɨ́ bisyɛ́ɛla bi mpâm yɨ́.

Ebrœ̂ 10:32

Símsáá gá mpʉ bɨ́n á be, ɨ́ jɔʼ bɨ́n á nyɛɛ bûʼla yɨ́. Bɨ̌n bé á nyɛɛ bi ó, twǐʼ Nzyɛ̌m dí egbâ bʉ̂r ɨ́ miléme yɨ́. Bɨ̌n nzě sia e mitúú ɨ́ buo buo e bíhwó.

Mataos 20:7

Bê nzě yala e né ó: “Ebě, mʉr bé ajébe bɨ́h bɨɛ ó, bɨ̌h tô séa nyé syɛ́ɛ́.” Nye e bé ó: “Bɨ̌n nyɨɛ ntémé, laŋaa gâ. Tó séa gá ɨ́ pemé yâm.”

Mataos 25:17

Waá ntémé á nʉa mebɨ́ʼ bímɔnɨ́ mebá nyá, nzě bi mʉ́ʉ́ mébá.