Ebrœ̂ 5:9 - Kálar Nzyɛ̌m : Ejwán é Sáá

⁹ Píe mitúú myé myaá ó nyé á ka be, nye mû lwɨ́ŋlá ɨ́ nkʉ́ŋ wé yɨ́. Nye á be ó, nye mû sá ngá kǎ dwe bʉ̂r twǐʼ njʉ̌m dǐ yɨ́. Bʉr bɨ́bɛ̂h ngá sâ nyé mejóʼo bá, bé óbǐ twiʼ yaá.

Kálara Zyɛ̌m Edwán é mpʉ̌n

⁹ Pie mɨtuu myaa ó nye a be, nye mu si kumo é l'ombɨmbɨa é mɨpaʼ mimyɛh ɛ. No ó nye a ze fuʼla Etin e tiʼ é l'efu e bʉr bɨbɛh bé ósa nye mojoʼo e.

Ebrœ̂ 5:9 ပူးပေါင်းရင်းမြစ်များ

Ebrœ̂ 9:15

Mpʉ̌ Krîst á sâ nó yɨ́, nye mû ó mesaádɔm dí etyɛ̂b páʼ gá nyɨ́ná e Nzyɛ̌m nyá. Nye á tyɛ̂b nó ó, lɨ́ esâ édwán é sáá páʼ gá nyɨ́ná e Nzyɛ̌m. Saá nyaá, nye tɨ̂ʼ ó, lɨ́ esú é bʉ̂r ó Nzyɛ̌m á jébe bá, ó bé bíʼee twǐʼ njʉ̌m dǐ, jala e nkɔb líʼe nyɔ́ɔ́. Yé ó sá Nzyɛ̌m á kɛʼ bé yɨ́, ebě, Krîst á si dwe, lɨ́ enzě táǎ góo, le edwih mɨ́ná gá ɨ́ mpila ébébe, pɛʼ mɨ́ná gá ɨ́ fá. Mɨná bé á be gá ɨ́ mpila yaá ó, tɨ̂ e bisyɛ́ɛla bí ébébe mɨ́ná bé á sâ gá ɨ́ jɔʼ mɨ́ná bé á be gá ɨ́ saá esôʼ yɨ́.

Ebrœ̂ 2:10

Sá yɨ́yɛ̂h, yé duho ó kwá mé Nzyɛ̌m. Nzyɛ̌m á kuho sá yɨ́yɛ̂h ó, ɨ́ kpɛ̌l yé nye mʉr tɨ̂. Nzyɛ̌m á si gwɨ̂m etô e buobuo bwán bé, tô tóʼ, tó pyâl pyáláa ɨ́ diá kûm. Sá tɨ̂ʼ ó yé á jala ó, Yésʉs táaraa ekomlo bé nzɨ̌ ebǐ twiʼ, le ntémé ó, nye díʼee lwɨ́ŋlá e nkul etíʼ bé, duho ɨ́ mitúú nyé á sia e myé mí yɨ́.

Ebrœ̂ 12:2

Míh gá mɨ́ná, mé dwɛ́ʼɛɛ sɔ̂ʼ njɨ Yésʉs, ebě, nye ó b'á kar nzɨ̌ búʼó. Nye ntémé ó b'á swâhle nye. Nye á kam ó, nye síaa e mitúú, nye tyélɔɔ ɨ́ lɨ́ kʉ́, jʉ́ŋɔɔ. Nye á si pyêh sôn mʉ̂r dí ebɛb ɨ́ mbi éswie laá nyɨ́. Nye á kam ó, nye dwêʼ nó ó, nye nkʉ̂ bi bísʉhʉʉ̌ Nzyɛ̌m á boo komo nye bí. Ɨ́ báánâ, nye mû ó ɨ́ mbó éjʉ́m mé Nzyɛ̌m Sɔ́ŋ ɨ́ mecwɨ́ɨ́ mé jwɨ́ɨ.

Ebrœ̂ 9:12

Jɔ̌ʼ Yésʉs á nî mpáh Nzyɛ̌m nyaá yɨ́, nye á bé anʉa sʉ́á métié mé óntamakǎ, nkʉ̂ maá bíntœœ. Metié nyé á nʉa, nî e mé má, mé á be ó maá mé nye mʉr tɨ̂. Nye nzě tó nî ɨ́ ntɔ́ɔ á be ɨ́ buú buǒ tí nyɨ́. Nye á nî ó, jɔʼ gwár lɨ́ esú é bíjɔʼ bíbyɛ̂h, ó nye nkʉ̂ táa góo, le edwih mɨ́ná gá ɨ́ mpila ébébe, ó mɨná díʼee gá onzyɛh o bʉ̂r, njʉ̌m dǐ e njʉ̌m dǐ.

Mɨlʉmlʉ 5:32

Le bɨ̌h nyɨɛ, le Sísǐm mé Nzyɛ̌m ntémé ó dí oboʼlo o tɨ̂. Sísǐm waá ó Nzyɛ̌m dí edwe bʉ̂r o dí esâ Yésʉs mejóʼo bá.»

1 Pyɛr 1:22

Njóʼá bɨ́n á jóʼo otyeetye wɨ́, wê nzě pubo bɨ́n ɨ́ páʼ ébébe. Mejóʼo bɨ́n á dwe Nzyɛ̌m má, mɨ́ lɛ̂ʼle bɨ́n mpʉ bɨ́n jálá le ekpɛla, kpɛ̌l dí ápurapúra yɨ́. Yé ó yaá mpâ dí eduho bɨ́n ɨ́ miléme, yaá dí abě mbáʼrá e mikóo yɨ́.

Ebrœ̂ 11:8

Ɨ́ lɔ̌b búʼó, Abraham á si sâ Nzyɛ̌m mejóʼo ɨ́ jɔʼ nyé á jébe nye ó, nye tôʼ di ɨ́ sí Nzyɛ̌m á be ó, nyě dwé ó nye yɨ́. Nye á tô ó, apʉgʉ́ gʉ́ǎ titii gúmó nyé á be ó, nye tôʼ di yɨ́.

2 Tesalonika 1:8

Bé e boo nɔ́ɔ́, bé ónze, nzě dwe mínjéʼe-Nzyɛ̌m bintɨ́ʼá, bé e bʉr o b'á be asâ mejóʼo ɨ́ jɔʼ bé á jóʼo Mbɨambɨa Lɔ́ɔ́ mé Tî Yésʉs yɨ́ bá.

Rôm 2:8

Bʉ́ʉ́ bʉ̂r, bé lɨ́ epɨra páʼ nyɔ́ɔ́. Bé akam ótyeetye. Bé jaá dû ó, njɨ kʉ̌ tyen ónzyɛ́h ónzyɛ́h. Bɨ́haá, bé ó baá Nzyɛ̌m óbuú lɛ̂ʼle nkpáa nyé bá.

Rôm 1:5

Nzyɛ̌m á si cwɨ́a e bɨ̌h ɨ́ nzɨ̌ mé Yésʉs-Krîst, le etyêl bɨ́h bʉr o mílʉ́mlʉ́ bé, lɨ́ esú é bíkúl bíbyɛ̂h, ó byé dyéʼee koo e né, le esâ nyé mejóʼo. Nye á sâ bɨ̌h syɛ́ɛla yaá ó, lɨ́ esú lé édwe díé é Mwân wé kûm.

2 Korɛnt 10:5

Sá yɨ́yɛ̂h dí ebɨ̂r lʉ̂, kamle bʉ̂r lɨ́ egʉ́ǎ Nzyɛ̌m yɨ́, mɨná bé lɨ́ enkɛŋ gá yé sí. Mɨná lwímlá gá ó, mɨná dwírɨɨ gá sá yɨ́yɛ̂h bʉ̂r dí ejwɨʼ ɨ́ milémé myɔ́ɔ́ yɨ́, yé díʼee yaá dí esâ Krîst mejóʼo yɨ́.

Rôm 15:18

Me álwǐb sá swîh, njɨ̌ syɛ́ɛ́ Yésʉs-Krîst á séa e nzɨ̌ nyǎm, ó me dúlaa bʉr o dí abe óYúden bá, nze e bé ɨ́ míh mé Nzyɛ̌m yɨ́. Bé mû ó lɨ́ esâ nyé mejóʼo ɨ́ lɔ̌b bílwǐb mé á lwilwib bí byaá, ti e bisyɛ́ɛla mé á sɨ̂sa bí.

2 Timotɛ 2:10

Mě dúhwó mítúú mímyɛ̂h ó, lɨ́ esú é bʉ̂r Nzyɛ̌m á twâr bá. Nye á twâr bé ó, bé bíʼee twiʼ, ti e kûm dí edǐ njʉ̌m dǐ e njʉ̌m dǐ nyɨ́, ɨ́ nzɨ̌ mé Yésʉs-Krîst.

Rôm 10:16

Ɨ́ jɔʼ óYúden, bé á jóʼo Mbɨambɨa Lɔ́ɔ, le esâ Nzyɛ̌m mejóʼo yɨ́, ntʉ bɨ́bɛ̂h bé á sâ nó. Ngwíha milɔ̌b Ésayie mʉr tɨ̂ʼ á lɛ́ɛ ó: Dâ ɛ̌, nzé á bûʼla lɔ́ɔ bɨ́h á lɛ́ɛ bé wɨ́?

Rôm 6:17

Mɨná dwêʼ gá Nzyɛ̌m nzyǒo. Bɨ̌n bʉr o b'á nyɛɛ be bitúʼǎ bí syóm bá, bɨ̌n mû ɨ́ báánâʼ ó, sí sâ méjóʼo e milémé mín mímyɛ̂h, lɨ́ edû mbi mílɛ́ʼlá mû lɨ́ ebaʼle bɨ́n mí.

Ebrœ̂ 2:3

Mɨná gá bɨɛ bé á be ó sí ntɨhɔɔ̌ lɔ́ɔ́ twiʼ dí elaa mpáŋla bééngeles bé á túno nyɨ́. Mʉr á nyɛɛ lɛ́ɛ lɔ́ɔ waá nyá, á be ó Tî Yésʉs mʉr tɨ̂. Ntémé, bʉr o b'á jóʼo nye bá ó b'á lɛ́ɛ mɨná gá ó, wé ó lɔ́ɔ dí e nkul wɨ́. Á nó, mɨ́ná ópyêh wé nó, mɨná bé okǎ swab gá nkoó?

Yʉanes 19:30

Jɔ̌ʼ Yésʉs á sil edû bikɛ̌ʼla ményoʼ byaá yɨ́, nye ó: «Sá yɨ́yɛ̂h, yɨ́ lwɨ́ŋlɨ!» Nye nzě gœ̌r lʉ̂ sí, nzě dwě Nzyɛ̌m sísǐm wé.

Mataos 17:5

Mpʉ nyé á be, nye dína lɨ́ elwib yɨ́, dwiné ɨ́ ngé ngɨ ngé nzě búblo bê. Ompʉ́n, bé kǎ jóʼo ó, lʉ́ʉ́ étyêl lɨ́ eduho ɨ́ dwiné tʉ́ŋlʉ̌, lɨ́ elɛ́ɛ ó: «Nyâ, nye ó mwân wǎm mé dí ɨ́ buú kpɛl nyá. Me lɨ́ ekʉ́ mɛɛla e né. Jʉ́jóʼáá gá nye!»

Yʉ̂d 1:21

Baʼlaa gá bicwiʼ bín, lɨ́ edi baá Nzyɛ̌m dí ekpɛl bá. Bɨ̌n e bónó móhó Tî gá wɨ́ná Yésʉs-Krîst ngá báʼǎ nze wɨ́. Nye ónze ó, nzě jɨ̂ʼ mɨ́ná gá nkoó. Bónáá gá nye. Nye ódi e bɨ̌n ó, tô tóʼ, tó pyâl pyáláa ɨ́ twǐʼ njʉ̌m dǐ.

1 Yʉanes 5:20

Mɨná bé lɨ́ egʉ́a gá ntémé ó, Mwân mé Nzyɛ̌m á si nze. Nye nzě gbâ mɨ́ná gá pɨʼ ɨ́ miléme ó, mɨná gʉ́ŋaa gá Nzyɛ̌m, mʉr dí le otyeetye nyá. Mɨná di gá ó, ɨ́ mpúhlá gá nyɨ́ná e mʉr dí le otyeetye waá nyá. Mʉr waá, nye ó Mwân wé, Yésʉs-Krîst. Nye ó dí Nzyɛ̌m mpâ. Nye ntémé ó dí Etín é Twǐʼ njʉ̌m dǐ.

Ebrœ̂ 11:40

Mpʉ nyé á cwɨ́a e mɨná gá, laa bé yɨ́, nó nyé á lɛ́ɛ ó, nye ójaá komlo bícwiʼ byɔ́ɔ́ ɨ́ mipáʼ mímyɛ̂h ó, njɨ ɨ́ jɔʼ nyé ókomlo byaá gá bíná le onɔ́ɔ́ bíbyɛ̂h yɨ́.

2 Tesalonika 2:16

Nó ó, Tî gá wɨ́ná Yésʉs-Krîst mʉr tɨ̂, ti e Nzyɛ̌m Sɔ́ŋ gá wɨ́ná, waá á lɛ̂ʼle mɨ́ná gá kpɛ̌l nyá, waá dí egbâ mɨ́ná gá nkul ɨ́ miléme, nyaá dí asíesie nyɨ́, waá dí elɛ̂ʼle mɨ́ná gá mpam, le egbâ mɨ́ná gá mpûʼla ɨ́ miléme nyá, nye gbâʼ bɨ̌n nkul ɨ́ miléme. Nye gbâʼ bɨ̌n pîm ɨ́ búʼó. Nye tyɛ́bɨɨ bɨ̌n ɨ́ miléme, ó bɨ̌n sâʼ bisyɛ́ɛla bimpâ, le elɛ́ɛ mílɔ́ɔ́ mímpâ, mimbi mímyɛ̂h.

Mɨlʉmlʉ 3:15

Bɨ̌n bé á si bana jʉ̂ Etín é Twiʼ. Damá jóʼǒ mpʉ yé á syɛ́ɛlɨ nó yɨ́, Nzyɛ̌m nyɨɛ, nyɨ́ bánǎ pɛh nyê, dwih nyé lɨ́ odwe. Bɨ̌h ó dí oboʼlo ó lɔ̌b waá.

Lʉkas 13:32

Yésʉs ntɔ̂ʼ yala e bé ó: «Tó lɛ́ɛ gá pɨpɨ́ʼ tír waá ó: “Me náǎ ó lɨ́ eso méleme le etiʼ mímbêl mûh le ómɛ́n. Ɨ́ móhó lɛ̂l, me ósîl syɛ́ɛ́ yâm.”

Mɨlʉmlʉ 4:12

Bʉr o dí ebǐ twiʼ bá, bé jaá bi yé ó kwá nyé. Ebě, yé abe e lʉ́ʉ́ díe eswîh Nzyɛ̌m á lɛ̂ʼle mɨná gá ó, lé e nkul ebáʼǎ dwe bʉ̂r twiʼ lɨ́.»

Filipi 2:12

Nó, osó bâm ɛ̌, bɨ̌n bé á be ó sí sâ Nzyɛ̌m mejóʼo ɨ́ jɔʼ mɨ́ná bé á be gá gúmo gwár yɨ́. Nó ɨ́ báánâ, ɨ́ mpʉ mé dí akǎ be kwá nyɨ́n yɨ́, bɨ̌n bé ɨ́ jala le etô dóló le esâ nó. Nzyɛ̌m, nyɨ́ tiʼ bɨ́n. Nó, séáá gá e bʉ́á le osâʼsâʼ lɨ́ esú ó, bɨ̌n dúʼoo kʉ̌ tyen waá.

Ebrœ̂ 1:14

Beéngeles bɨ́ɛ, bê onzé? Bɨ́bɛ̂h, bé ó misísǐm mi dí eséǎ Nzyɛ̌m syɛ́ɛ́ mí. Nyě lómló mɨ́ná gá bǎ ntémé ó, bé ntáa súʼo bʉ̂r o ngá bǐ twǐʼ njʉ̌m dǐ, jala e nkɔb líʼe nyɔ́ɔ́ bá.

Ebrœ̂ 9:28

Jwɨʼ gwár e gwár e Krîst. Nye á si dwe jɔʼ gwár, ó nye búraa le misyóm lɨ́ esú é bʉ̂r ɨ́ buo buo. Ɨ́ jɔʼ mbá nyé ókǎ nze yɨ́, nye ákǎ báʼǎ nze ɨ́ lɔ̌b ébúra e misyóm. Nye ónze ó, lɨ́ enzě tíʼ bʉ̂r o dí ebóno nyé bá.