Ebrœ̂ 5:8 - Kálar Nzyɛ̌m : Ejwán é Sáá

⁸ Damá bě mpʉ nyé á be Mwân mé Nzyɛ̌m yɨ́, nye á be ó si jɨ̂ʼ ésâ Nzyɛ̌m mejóʼo. Nye á jɨ̂ʼ mejóʼo maá ó, ɨ́ nzɨ̌ mitúú nyé á sia e myé mí.

Kálara Zyɛ̌m Edwán é mpʉ̌n

⁸ Dam be mpʉ nye a be Mwan mo Zyɛm ɨ, nye a be ó si jwɨʼ esa Zyɛm Sɔŋ mojoʼo, jwɨʼ jwɨʼɨ. Nye a jwɨʼ esa nye mojoʼo maa ó, é mɨtuu nye a jaʼra e mye e.

Ebrœ̂ 5:8 ပူးပေါင်းရင်းမြစ်များ

Filipi 2:8

Ɨ́ twiʼ mʉ̂r nyé á nʉa yɨ́, nye á si jɔr nyʉ̂l nyé. Nye á si sâ Nzyɛ̌m mejóʼo, damá jóʼo nyé á lómo nye ó, nye ntáa dwě bébebébe eswie ɨ́ kolôs kʉ́.

Yʉanes 4:34

Yésʉs, nye e bé ó: «Mede mâm, mé ó, me sâʼ gwɨ́má mʉ̂r á ntɨh me nyá, le esîl syɛ́ɛ́ nyé á lɛ́ɛ ó, me ntáa nzě séa yɨ́.

Yʉanes 15:10

Bɨ́n sí baʼle métié mâm nó, bɨ̌n bé ódi tʉ́ŋlʉ̌ kpɛ̌l yâm, ebě, mɨ́ baʼle métié me Sɔ́ŋ wǎm. Mě gʉ́á ntémé ó, nye lɨ́ ekpɛl mê.

Yʉanes 6:38

Ebě, me á bé aduho ɨ́ jʉ́o kʉ́, lɨ́ enzě sâ gwɨ́má yâm, njɨ gwɨ́má mʉ̂r á ntɨh me nyá.

Ebrœ̂ 3:6

Tó kœb ó, Krîst nyɨɛ á si tyélɔɔ ɨ́ dǐ Mwân á jala le edǐ lʉ́ mbɛ̌r bʉ̂r waá nyá. Mbɛ̌r bʉ̂r waá, wé gúmó ntémé ó e né. Mɨ́ná bé ódi gá e mpûʼla ɨ́ miléme, le ekʉ́ gʉ́ǎ sá mɨ́ná dí ebúʼla gá yɨ́, abáawǒ sɔ̂ʼ nó, lɛ́ɛ́, mɨná gá ó dí bʉ̂r ó mbɛ̌r bʉ̂r wé waá.

Ebrœ̂ 1:8

Sâ gwár, nye á lɛ́ɛ, dumo e Mwân wé nyɨɛ ó: Nzyɛ̌m ɛ́! Go ó dí edi ɨ́ mecwɨ́ɨ́ mé jwɨ́ɨ́ yô njʉ̌m dǐ e njʉ̌m dǐ. Go ó dí ejwɨ́ɨ lɨ́ otîtyěl.

Ebrœ̂ 1:5

Kâr éngeles ngwár Nzyɛ̌m dí ɨ́ pǎ lɛ́ɛ e né ó: Go ó mwân wǎm. Mɨ́ byâ gó mûh! Nye ntémé, nyé apǎ lɛ́ɛ, dumo e nyʉ́ʉ́ éngeles ó: Me óbe ó sɔ́ŋ lɨ́ esú lé. Nyɨɛ óbe ó mwân lɨ́ esú lâm.

Mataos 3:15

Yésʉs nzě yala e né ó: «Bírɨ́ɨ, yé syɛ́yɨɨ nó, ebě, yé jala ó, mɨná lóŋlaa bisyɛ́ɛla bi dí ejala le esyɛ́ɛ bí, bíbyɛ̂h.» Yʉánɛs ntɔ̂ʼ kam.

Ebrœ̂ 1:2

Ɨ́ yɨ̂ʼ jɔʼ mpʉ mélú mé mpóʼo sí yɨ̂ʼ mû lɨ́ ekɔ́a yɨ́, nye mû kǎ lwib e mɨná gá ó, cɨɨ ɨ́ nzɨ̌ Mwân wé. Nye ó waá Nzyɛ̌m á kɛʼ ó, nye ónʉa bílíʼé bí sí yɨ̂ʼ bíbyɛ̂h nyá. Nzyɛ̌m á kuho kʉ́ e sí ndu e l'ekomlǒ sá yɨ́yɛ̂h dí tɨ̂ʼ yɨ́ ó, ɨ́ nzɨ̌ nyé.

Yʉanes 10:18

Mʉr ákóʼó nʉa mé twiʼ. Mɛm mʉr tɨ̂ʼ ó dí edwě twiʼ yâm lɨ́ edû gwɨ́má yâm. Mě e nkul edwe yê. Me ntémé, mě e nkul ebáʼǎ nʉa yé edwán. Yé ó sá Sɔ́ŋ wǎm á dwe me nkul jwɨ́ɨ ó, me sâʼ yɨ́.»