Ebrœ̂ 5:2 - Kálar Nzyɛ̌m : Ejwán é Sáá

² Para nyɨnyɛ̂h, nyě e nkul ekɛm bígʉʼlʉgʉ́ le bʉr o mû sí dîm bá, ebě, ɨ́ mipáʼ mímyɛ̂h, etyɛʼ lé, lé lɨ́ enyɨ̂n ɨ́ míh mé.

Kálara Zyɛ̌m Edwán é mpʉ̌n

² Para nyiwɛh, nye e nkul ekɛm bɨgʉ́ʼ ndwe e bʉr o ndɨ elɨŋa é buʼo e, ebe, é mɨpaʼ mimyɛh, ecyɛʼ le, lé enyin é mih me.

Ebrœ̂ 5:2 ပူးပေါင်းရင်းမြစ်များ

Ebrœ̂ 4:15

Ebě, njwɨ́ɨ opara gá wɨ́ná, nye ó waá dí e nkul ejɨ̂ʼ nkóó e mɨná gá ɨ́ jɔʼ nyé dí ebee étyɛʼ gá lɨ́ná yɨ́ nyá. Nye á si bóblɔɔ mimbi mímyɛ̂h, jwɨʼ gwár e gwár e mɨná gâ; sâ gwár, nyɨɛ l'aduma, nkʉ̂ sâ syóm.

Ebrœ̂ 2:18

Nyě e nkul ekɛm bʉ̂r ɨ́ bijɔʼ bé dí entaa mébʉ́blá bí, ebě, nye mʉr tɨ̂ʼ á be ó sí sia e mitúú ɨ́ jɔʼ nyɨ́ɛ á bóblɔɔ yɨ́.

Ebrœ̂ 7:28

Metié, mé á jaa tyêl ɨ́ dǐ njwɨ́ɨ opara ó, bʉr o b'á be ɨ́ tyɛʼ bá. Nó ó, píe metié maá, Nzyɛ̌m á si káale, nye mʉr tɨ̂ʼ ntɔ̂ʼ tyêl Mwân wé ɨ́ dǐ njwɨ́ɨ opara lɨ́ esú é bíjɔʼ bíbyɛ̂h. Mwân wé waá ó dí e nkul elóŋlǒ syɛ́ɛ́ yaá yɨ́yɛ̂h.

Ebrœ̂ 12:13

Bɨ̌n e gwá komlo ménzɨ̌, tyêl mé ɨ́ lîm, ó mekʉ̌ me dí e bidyɛ̂m má, mé sá akǎ piha. Bé tíʼaa yɨ́ɛ tíʼáa.

Galásia 4:13

Bɨ̌n bé lɨ́ egʉ́a ó, jɔʼ ésôʼ mé á lɛ́ɛ bɨ̌n Mbɨambɨa Lɔ́ɔ yɨ́, me á dwoowo ɨ́ sɔ́má yɨ́n ó, ɨ́ lɔ̌b mékpaa mâm.

2 Korɛnt 12:5

Me ójaá nkʉ́na ó, njɨ ɨ́ lɔ̌b mʉ̂r waá. Sâ gwár, ɨ́ nkǒ páʼ wâm, me ákóʼó nkʉ́na ɨ́ mɛm mʉr tɨ̂. Alaa ó, mě nkʉ́ná ó, lɨ́ etyɛʼ mé dí e lé lɨ́.

1 Timotɛ 1:13

mɛm yɨ́ɛ mʉr á sɨsâ Nzyɛ̌m nkěh ɨ́ melú mé épíhe nyá. Me á si tíble bʉr bé, le edîʼ mpêl. Damá jóʼǒ mpʉ mé á sâ syɛ́ɛla yaá yɨ́, Nzyɛ̌m á si jɨ̂ʼ me nkoó, nyɨɛ lɨ́ egʉ́a ó, bisyɛ́ɛla mé á sɨsâ bí, byé á jaa tɨtɨ̂ ó, njɨ lɨ́ egʉʼla lâm, le abûʼla wǎm.

2 Korɛnt 11:30

Yé bé me ó lɨ́ bi ó, me nkʉ́naa nó, sá mé ónkʉ́na tɨ̂ʼ yɨ́, yé óbe ó etyɛʼ lâm.

Lʉkas 22:32

Sâ gwár, me á si jɨʼla e Nzyɛ̌m lɨ́ esú lô, ó búʼó yô, yé sá akur. Jɔʼ nyé ósâ nó, go ntémé sí báʼǎ nze kwá nyǎm yɨ́, go e súʼó bɨ́ɔɔ́ bô bibúʼó byɔ́ɔ́!»

Éfɛsɔs 4:18

Sá écwólwo lɔ́ɔ́, lé akǎ siŋa. Bé mû ó e ncɛrá e twiʼ mé Nzyɛ̌m, tɨ̂ lɨ́ egʉʼla bé dí e lé lɨ́, le elele e míléme lɔ́ɔ́.

Ebrœ̂ 2:17

Sá tɨ̂ʼ ó yé á jala ó, nye díʼee kwahaá mpʉ bɨ́ɔɔ́ bé, ɨ́ mipáʼ mímyɛ̂h yɨ́. Nye á nwɨɨla e mɨná gá ó, lɨ́ esú ó, nye nkʉ̂ cwɨ́a e mɨná gá, le edi njwɨ́ɨ opara mɨ́ná ókʉ́ bûʼla gá nyá. Nye ó jálá le eséa ɨ́ páʼ bísâ bi dí edwɛ̂ʼ Nzyɛ̌m bí. Nye ó mʉr á dwe, búra le misyóm mí bʉ̂r bé, le eleʼě Nzyɛ̌m ɨ́ nkpaa nyé nyá.

Ebrœ̂ 9:7

Sâ gwár, njwɨ́ɨ opara nye omér ó b'á ninî ɨ́ ntɔ́ɔ mbá. Nye á jaa ninî tɨ̂ʼ ó, njɨ jɔʼ gwár ɨ́ mbû. Nye á tʉ̂to gʉ̂ʼ ó e sʉ́á métié mé ótír, ó Nzyɛ̌m pɛ́ʼɛɛ bibaa bí ébébe nyé á pa niʼe bí, byaá ɨ́ lɔ̌b ébébe lé nye mʉr tɨ̂, ti e laá e bʉ̂r oswîh, bé á sâ, bɨ́ɛ l'agʉ́a lɨ́.

Jacques 5:19

Bɨ́ɔɔ́ bâm! Okɛ́l bâm! Mʉ̂r ɨ́ sɔ́má yɨ́n sí dû míkóo, bɔ́ʼa le otyeetye, nyʉ́ʉ́ mʉ̂r ntɔ̂ʼ nze e né ɨ́ nzɨ̌ twiʼ nó,

1 Pyɛr 2:25

Ebě, bɨ̌n bé á be ɨ́ melú mé épíhe ó, mpʉ bínteme byé á dîm bí. Nó ɨ́ báánâ, bɨ̌n mû ó sí swîʼ, tó kœb mbɔ̂ʼlʉ wɨ́n. Nye ntémé ó pá di mbɔ̂ʼlʉ misísǐm mín.