Ebrœ̂ 5:13 - Kálar Nzyɛ̌m : Ejwán é Sáá

¹³ Yé ó nó, ebě, mʉr dína lɨ́ ede ébêl nyá, nyé apǎ dyɛnwa le milɛ́ʼlá mi dí edumo le otîtyěl gá wɨ́ná mí, ebě, nye dína ó mâ tyéé.

Kálara Zyɛ̌m Edwán é mpʉ̌n

¹³ Mʉr dina lé ede monyaŋ ɨ, nye apa jyɛnba e sikʉlʉ lé etiibe e l'ocɨcyel ga wina ɛ, ebe, nye dina ó ma cyee.

Ebrœ̂ 5:13 ပူးပေါင်းရင်းမြစ်များ

1 Pyɛr 2:2

Gwɨ́mɨ́ɨ́ gá mbɨambɨa lɛ́ʼlá dí abe mpúhlá e mebomo, waá dí ejala e misísǐm mín wɨ́. Wé ó ngá sâ ó, bɨ̌n gwɨ́aa, ntɔ̂ʼ tó kumo ɨ́ twǐʼ njʉ̌m dǐ. Gwɨ́mɨ́ɨ́ gá yé mpʉ bítyéé dí egwɨ̂m ébêl, ó byé nkʉ̂ dwaʼ le egwɨ́e yɨ́.

1 Korɛnt 14:20

Bɨ́ɔɔ́ bâm! Okɛ́l bâm! Ayɨ́ kǎ pahle gá mpʉ bwá ó ntwǒm. Bɨ̌n bé óbɛ̌m baŋa bwá ó ntwǒm ɨ́ mpʉ bé dí asâ ébébe é léme yɨ́. Sâ gwár, ɨ́ nkǒ páʼ mípahlá mín míɛ, diʼee gá mpʉ ótɔ́má bʉ̂r.

2 Timotɛ 3:16

Mekaná mé Nzyɛ̌m mɨ́mɛ̂h, mê tɨ̂ʼ ó, ebě, Nzyɛ̌m á si dwe bʉr pɨʼ ecɛma mê. Mé e nyɔm lɨ́ esú lé élɛ̂ʼle mɨ́ná, le edwe mɨ́ná mebě ɨ́ jɔʼ mɨ́ná sâ ébébe yɨ́. Mé lɨ́ esɨ̂ʼ mɨ́ná, le etɨ́e mɨ́ná mpʉ mɨ́ná jálá le edi lɨ́ otîtyěl yɨ́.

Éfɛsɔs 4:14

Jɔʼ yaá ó mɨ́ná ngá pʉʼa gá ɨ́ tyé bwá ó ntwǒm ɨ́ nkǒ páʼ búʼó yɨ́. Milɛ́ʼlá míswîh, myé ákǎ ntyeŋ mɨ́ná gâ, nkʉ̂ dímle mɨ́ná gá ɨ́ nzɨ̌ mikóo. Baányâ-mikóo baá, bé gwɨ́m ó, bé mɛ́rɨɨ mɨná gá ɨ́ mpila mépɨʼ yɔ́ɔ́, le ntémé ó, mɨná nʉ́aa gá bidyɛʼ byɔ́ɔ́.

1 Korɛnt 3:1

Bɨ́ɔɔ́ bâm! Okɛ́l bâm! Lɨ́ otyeetye, me á bé alwib e bɨ̌n mpʉ mʉ̂r jálá le elwib e baá o dí e Sísǐm mé Nzyɛ̌m bá yɨ́. Me á nzoo lwilwib e bɨ̌n ó, mpʉ mé jálá le elwib e bʉr o dí tʉ̂toʼó, abe e Sísǐm mé Nzyɛ̌m bá yɨ́. Me á lwib e bɨ̌n ó, mpʉ̌ sá lɛ́ɛ́, bɨ̌n bé á be ó bwá ó ntwǒm bé alúno pûhla e Krîst bá.

2 Korɛnt 3:9

Syɛ́ɛ́ Moyɨ̂z á séa ó, bʉr nkʉ̂ dweŋɔɔ mébě píe tɨ̂ʼ yɨ́, yé pǎ nyɛɛ́ ntyɛnwa, á dwɛʼra e yaá Nzyɛ̌m á séa ó, bʉr bíʼee nkam e tɨ̂ʼ yɨ́! Yé óbe ó, ɨ́ ntyɛ̌n ntî ntyɛ̌n, laa yɨ́haá.

1 Korɛnt 13:11

Jɔʼ mé á be mâ ntwǒm yɨ́, táare e melab mâm, bijwɨʼ byâm, mipahlá myâm, byé á bɨbe ó, kwahaá mpʉ byaá bi bwá ó ntwǒm. Jɔʼ mé á pʉʼa lɨ́ ontwǒm, tô lɨ́ obwam yɨ́, me á nze ka bîr bisyɛ́ɛla bí óntwǒm byaá.

Markus 10:15

Mě lɛ́ɛ́ bɨ́n lɨ́ otyeetye ó, mʉr nyɨnyɛ̂h dí anî ɨ́ Mpóʼo mé Nzyɛ̌m mpʉ mâ ntwǒm nyá, nye ákóʼó nî tɨ̂.»

Mataos 11:25

Jɔʼ yaá ó Yésʉs á nze lɛ́ɛ ó: «Dâ, me lɨ́ edwe gó kûm, gua Njwɨ́ɨ kʉ́ e sí, ebě, go á si lɛ̂ʼle bʉr o dí mpʉ bwá ó ntwǒm bá bisá gó á sol ocwóó le ogwɨ́a ó sí yɨ̂ʼ bí.

Rôm 2:20

Gǒ lɛ́ɛ́ ntémé ó, go ó jálá le etwîn bígʉ́ʼ milʉ̂, le elɛ̂ʼle bwá ó ntwǒm. Gǒ lɨ́lɛ́ɛ́ ó, ngwɨ́á métié maá, wɨ́ dwe gó ocwóó le otyeetye wɨ́wɛ̂h.

2 Yʉanes 1:11

Ebě, mʉ̌r bárá e né nyá, nye lɨ́ enʉa ntœ́b ɨ́ bisyɛ́ɛla bí ébébe mʉ̂r waá dí esâ bí.