Ebrœ̂ 5:1 - Kálar Nzyɛ̌m : Ejwán é Sáá

¹ Ebě, bé pɨ́pɛ́h njwɨ́ɨ opara nyɨnyɛ̂h ó, tʉ́ŋlʉ̌ bʉr. Nye tyélá ɨ́ dǐ yaá ó, nye tyɛ́bɨɨ ɨ́ medilá me bʉ̂r ɨ́ páʼ bísâ bi dí edwɛ̂ʼ Nzyɛ̌m bí. Nye ó mʉr dí etɨtáa mébyaʼ mɔ́ɔ́ nyá, le edîʼ Nzyɛ̌m mindwéá.

Kálara Zyɛ̌m Edwán é mpʉ̌n

¹ Ebe, bé epɛh njwɨɨ opara nyiwɛh ó, é sama bʉr tʉŋlʉ. Nye ó cyela é dia para ye ó, nye cyɛba é modila mo bʉr é mɨlɔb lé edwɛʼ Zyɛm ɨ. Nye ó mʉr lé ejɛna mobyaʼ mɔɔ ɛ, le ediʼ Zyɛm otir tɔɔ motwina ndwe e mɨndwɛa myɔɔ é lɔb mɨsyem myɔɔ.

Ebrœ̂ 5:1 ပူးပေါင်းရင်းမြစ်များ

Ebrœ̂ 8:3

Njwɨ́ɨ opara nyɨnyɛ̂h, nye tyélá ɨ́ dǐ pára yé ó, nye táŋaa mebyaʼ me bʉ̂r le edwidwě Nzyɛ̌m mindwéá. Nó ntémé ó Yésʉs á be ɨ́ bi ó, nye tôʼ dwě Nzyɛ̌m yʉ́ʉ́ sɔ̂ʼ.

Ebrœ̂ 10:11

Opara, bé sɨ́séá ó, mimóhó mímyɛ̂h. Bé lɨ́ etyɛ̂b mítîtyěl lɨ́ edîʼ míndwéá ɨ́ ti ti ti, lɨ́ esáa étáa mébyaʼ, damá bě mpʉ míndwéá myɔ́ɔ́ dí abe e nkul esâ ó, Nzyɛ̌m tɨ́ʼee baa ébébe gwár yɨ́.

Ebrœ̂ 11:4

Búʼó mé Ábɛl ó b'á sâ ó, nye dwêʼ Nzyɛ̌m mpǎŋ ndwéá, laa waá mé Kayɨ̂n. Nzyɛ̌m á si sêʼle nye ɨ́ lɔ̌b búʼó yé, le elɛ́ɛ ó, nye ó tîtyěl mʉr, le ekam ntémé ndwéá wé. Ɨ́ búʼó yé, Ábɛl dína ó lɨ́ elwib e mɨná gâ, damá jóʼo ó, nyɨ́ dwe.

Ebrœ̂ 9:9

Yɨ̂ʼ, yé ó mveʼle dí elɛ̂ʼle mɨ́ná gá ɨ́ jɔʼ yɨ̂ʼ ó, bʉ̌r damá tíʼe ótír, táǎ Nzyɛ̌m mebyaʼ mɔ́ɔ́ ɨ́ nzɨ̌ mindwéá myaá, myé abe e nkul epubo míléme mi bʉ̂r o dí edîʼ nyé myǎ bá. Myé abe lɨ́ esâ ntémé ó, mipahlá mílémé myɔ́ɔ́, myé díʼee ɨ́ pyɛɛɛ.

Ebrœ̂ 7:27

Nyé abě mpʉ bʉ́ʉ́ ójwɨ́ɨ bé ópara, bé á bɨbe yɨ́. Yé abe nyé bi ó, nye díʼɨɨ mindwéá melú mɨ́mɛ̂h lɨ́ etáǎ góo, táare e mebyaʼ mé, kumo e maá me bʉ́ʉ́ bʉ̂r, ebě, nye á jaa dwe Nzyɛ̌m ndwéá ó, njɨ jɔʼ gwár, lɨ́ misyóm gá míná mímyɛ̂h, ɨ́ jɔʼ nyé á dwe twiʼ yé nye mʉr tɨ̂ʼ yɨ́.

Ebrœ̂ 2:17

Sá tɨ̂ʼ ó yé á jala ó, nye díʼee kwahaá mpʉ bɨ́ɔɔ́ bé, ɨ́ mipáʼ mímyɛ̂h yɨ́. Nye á nwɨɨla e mɨná gá ó, lɨ́ esú ó, nye nkʉ̂ cwɨ́a e mɨná gá, le edi njwɨ́ɨ opara mɨ́ná ókʉ́ bûʼla gá nyá. Nye ó jálá le eséa ɨ́ páʼ bísâ bi dí edwɛ̂ʼ Nzyɛ̌m bí. Nye ó mʉr á dwe, búra le misyóm mí bʉ̂r bé, le eleʼě Nzyɛ̌m ɨ́ nkpaa nyé nyá.

Rôm 15:17

Nó ó, ɨ́ mpúhlá nyɨ́h e Yésʉs-Krîst, mě e nkul enkʉ́na ɨ́ lɔ̌b bísyɛ́ɛ́ mé dí eséǎ Nzyɛ̌m bí.

1 Korɛnt 15:3

Me á bě sí kala bɨ́n lɔ́ɔ́ mé á lɛ́ɔɔ wɨ́. Wé ɨ́ bwǎʼ nyɔm. Wé ó nɛ́ɛ: Krîst, nye á si búra e misyóm gá míná mpʉ yé á boo be cɛmá ɨ́ Mekaná mé Nzyɛ̌m yɨ́.

Ebrœ̂ 8:4

Yé bé syɛ́ɛ́ pára yé, yé á jala le eséɔɔ ó, ɨ́ sí yɨ̂ʼ nó, mpa Yésʉs á bé abe pára, ebě, yé le opara oswîh o dí edwě Nzyɛ̌m mindwéá, dû mpʉ métié mé Moyɨ̂z dí etɨ́e yɨ́ bá.

Ebrœ̂ 10:12

Tó kœb ó, Krîst nyɨɛ á si dwe wé ndwéá ngwár ɨ́ kpɔ́ŋ lɨ́ edwih mísyóm lɨ́ esú é bíjɔʼ bíbyɛ̂h. Nye nzě tó di sí ɨ́ mbó éjʉ́m mé Nzyɛ̌m.