Ebrœ̂ 4:15 - Kálar Nzyɛ̌m : Ejwán é Sáá

¹⁵ Ebě, njwɨ́ɨ opara gá wɨ́ná, nye ó waá dí e nkul ejɨ̂ʼ nkóó e mɨná gá ɨ́ jɔʼ nyé dí ebee étyɛʼ gá lɨ́ná yɨ́ nyá. Nye á si bóblɔɔ mimbi mímyɛ̂h, jwɨʼ gwár e gwár e mɨná gâ; sâ gwár, nyɨɛ l'aduma, nkʉ̂ sâ syóm.

Kálara Zyɛ̌m Edwán é mpʉ̌n

¹⁵ Ebe, njwɨɨ opara bɨna ga ndɨ e nye e, nye ó waa ndɨ e nkul ejwɨʼ bɨna ga nkoo é jɔʼ nye lé ebee ecyɛʼ ga lɨna ɛ. Nye a si boblɔ mɨmbi mimyɛh, jwɨʼ gwar e gwar e bɨna ga; sa gwar, nyɛɛ l'aduma, nkʉ sa ba syem.

Ebrœ̂ 4:15 ပူးပေါင်းရင်းမြစ်များ

2 Korɛnt 5:21

Mʉr á be abe e mpɨŋ nyá, nye ó waá Nzyɛ̌m á dwir syɛ̂l misyóm lɨ́ esú gá lɨ́ná nyá. Nye á sâ nye nó ó, mɨná nkʉ̂ di gá otîtyěl o bʉ̂r ɨ́ míh mé Nzyɛ̌m e nzɨ̌ mʉr waá.

1 Yʉanes 3:5

Bɨ̌n bé lɨ́ egʉ́a ó: Tî Yésʉs á nze nyɨ̂n ɨ́ sí yɨ̂ʼ ó, nye nkʉ̂ nzě pɛʼ mísyóm gá mɨ́ná. Bɨ̌n bé lɨ́ egʉ́a ntémé ó, abe le syóm dí ɨ́ nye tʉ́ŋlʉ̌.

1 Pyɛr 2:22

«Nye á bé asâ syóm. Lwǐb míkóo, yé aduho ɨ́ num wé.»

Ebrœ̂ 7:26

Nye ó mbi njwɨ́ɨ opara wé á kʉ jala e mɨná gá wɨ́: nye ó mʉr dí tí, waá dí akúnwo e mpɨŋ nyá. Sá mébomo, yé abe ɨ́ nye. Nyé akúnwo bá le osyɛ̂l o mísyóm. Nye ntémé, nye ó mbɨ́ná kʉ́, laǎ jʉ́o le ejwoo le baántɛ́n.

Ebrœ̂ 4:14

Mɨná gá bé e ánɨ̂nɨ̂n njwɨ́ɨ opara: Yésʉs, Mwân mé Nzyɛ̌m. Nye á si ntaa jʉ́o, le ejwoo le baántɛ́n, tó di ɨ́ jʉ́o kʉ́. Nó, mɨná tôʼ gá dóló le ekǎm búʼó gá yɨ́ná.

Ebrœ̂ 5:2

Para nyɨnyɛ̂h, nyě e nkul ekɛm bígʉʼlʉgʉ́ le bʉr o mû sí dîm bá, ebě, ɨ́ mipáʼ mímyɛ̂h, etyɛʼ lé, lé lɨ́ enyɨ̂n ɨ́ míh mé.

Yʉanes 8:46

Wáa mʉ̂r ɨ́ sɔ́má yɨ́n dí e nkul elɛ̂ʼle mé ó, me á be ɨ́ sâ syóm? Jɔʼ mé dí elɛ́ɛ ótyeetye yɨ́, bɨ̌n bé abûʼla wé ɨ́ yé ɛ́?

Lʉkas 22:28

Bɨ̌n bé á bé abɔ́ʼa e me ɨ́ bijɔʼ mé á jɨjaʼra e mebʉ́blá bí.

Lʉkas 4:2

Sɔ́ŋ meleme ntɔ̂ʼ bóblo nyé gʉ̂, tâŋ melû mekám ménâ. Ɨ́ melû maá, nye á bɨbe ó, ade méde. Nye nzě jóʼo nzâ píe tɨ̂.

Mataos 12:20

Nye ákóʼó búʼǒ sʉŋ mû sí gwarwo yɨ́. Nye ádímě njʉl mû lɨ́ esáa édíme wɨ́. Nye ósɨsâ nó ó, tó pyâl ɨ́ jɔʼ nyé ngá sâ ó, otîtyěl, wé ntáŋaa sá yɨ́yɛ̂h ɨ́ nkul yɨ́.

Mataos 4:1

Sísǐm mé Nzyɛ̌m ntɔ̂ʼ tô e Yésʉs ɨ́ lʉá. Nye á tô e né gʉ̂ʼ ó, sɔ́ŋ meleme tó bóblo nyê.

Rôm 8:3

Yé á bé abána ó, mɨná bíʼee gá twiʼ ɨ́ mbaʼlá métié, ebě njwɨr myâ wɨ́ná, wé á be ɨ́ tyɛʼ. Metyɛʼ mé njwɨr myâ waá, mé ntɔ̂ʼ teʼle métié maá. Sá métié mé Moyɨ̂z, mé á be akoʼo lɨ́ esâ yɨ́, Nzyɛ̌m nyɨɛ á si bana sâ yê. Nye á dwe mɨná gá twiʼ ó ɨ́ nzɨ̌ Mwân wé nyé á ntɨh ɨ́ sí yɨ̂ʼ nyá. Mwân waá nzě byɛ̂l mʉ̂r. Nyʉ̂l bipúno nyé, nye á kʉ nwɨɨla ó e nyaá gá nyɨ́ná, osyɛ̂l o mísyóm. Nye á nze ó ɨ́ lɔ̌b syóm gá wɨ́ná. Nye á nze pɛʼ ó wê. Nzyɛ̌m nzě dwě Yésʉs mebě, le entɨ̂ʼ nyʉ̂l bipúno nyé ɨ́ jɔʼ nyé á búra e misyóm myaá yɨ́.

Ebrœ̂ 9:28

Jwɨʼ gwár e gwár e Krîst. Nye á si dwe jɔʼ gwár, ó nye búraa le misyóm lɨ́ esú é bʉ̂r ɨ́ buo buo. Ɨ́ jɔʼ mbá nyé ókǎ nze yɨ́, nye ákǎ báʼǎ nze ɨ́ lɔ̌b ébúra e misyóm. Nye ónze ó, lɨ́ enzě tíʼ bʉ̂r o dí ebóno nyé bá.