Ebrœ̂ 4:12 - Kálar Nzyɛ̌m : Ejwán é Sáá

¹² Lwǐb mé Nzyɛ̌m, yé ó sá dí kublakúbla yɨ́. Yé e nkul! Yé ntémé, yé ɨ́ bábla, laa pâsoŋ dí njebá myoo mipáʼ mímbá yɨ́. Ɨ́ jɔ̌ʼ Nzyɛ̌m dí elwib yɨ́, lwǐb yé, yé lɨ́ ekʉ́ bánǎ syɛ̂h bípúno, tó kumo ɨ́ mebɨ̌l, ntɔ̂ʼ pin bítíl bí nyʉ̂l ɨ́ mebʉó. Yé lɨ́ ekpâhlǎ gúmó léme ndu e sísǐm dí edira yɨ́. Yé lɨ́ epahle le egbâ mbɔ́ʼ ɨ́ miléme ndu e bijwɨʼ gá bíná.

Kálara Zyɛ̌m Edwán é mpʉ̌n

¹² Lwib mo Zyɛm, yé ó sa ndɨ kublakubla ɛ. Yé ó e nkul. Yé nteme, yé é bɛbla, laa fòŋ ndɨ njèba mii mɨpaʼ mɨmba ɛ. É jɔʼ Zyɛm lé elwib ɨ, lwib ye, yé ekʉ bana syɛh mɨsʉn, to pyal é mobɨl, ntɔʼ pin bɨpeh bɨ nyʉl e mobʉo. Yé ekpahla gumo leme ndwe e sisim lé edira ɛ. Yé epahle le egba mbɛʼ paʼra mɨpɛhla ndwe e bɨjwɨʼ ga bina.

Ebrœ̂ 4:12 ပူးပေါင်းရင်းမြစ်များ

Éfɛsɔs 6:17

Biʼee gá twǐʼ njʉ̌m dǐ. Yé díʼee bɨ̌n mpʉ̌ ntʉ́m dɔ̂m. Bɨ̌n e nʉ́á lwǐb mé Nzyɛ̌m. Yé díʼee bɨ̌n mpʉ pâsôŋ Sísǐm mé Nzyɛ̌m dí etímle bɨ́n nyá.

1 Pyɛr 1:23

Nó, bɨ̌n mû ó sí báʼǎ byɛ̂l. Mpeʼ yé á beŋɔɔ ɨ́ milémé mín yɨ́, yé abě sá dí e nkul ebo yɨ́; yé ó lwǐb mé Nzyɛ̌m dí edǐ njʉ̌m dǐ e njʉ̌m dǐ yɨ́. Mpeʼ yé á beŋɔɔ ɨ́ bɨ̌n yɨ́, yé jaá di ó diʼée, acénecene.

Mɨngwiha 1:16

Lɨ́ ekœ́h lé éjʉ́m lé, nye á be ó le ocwícwén nzaangbá. Nye ntémé e pasoŋ, njebá myoo mipáʼ mímbá. Pasoŋ waá, nye á duho nye ó, ɨ́ num. Mpǒm nyé, nye á pɨpan ó, ɨ́ keleb keleb, mpʉ̌ mbah dʉ́o dí epan témé móhó wɨ́.

1 Tesalonika 2:13

Sá tɨ̂ʼ ó bɨ́h dí edwě Nzyɛ̌m nzyǒo ɨ́ bijɔʼ bíbyɛ̂h yɨ́, ebě, ɨ́ jɔʼ bɨ́h á lɛ́ɛ bɨ̌n lɔ́ɔ́ wé yɨ́, bɨ̌n bé á si bûʼla wê. Bɨ̌n bé á bé anʉa wé mpʉ̌ lɔ́ɔ́ dí eduho ɨ́ num mʉ̂r bipúno wɨ́. Bɨ̌n bé á kʉ nʉa wé ó, mpʉ̌ lɔ́ɔ́ mé Nzyɛ̌m lɨ́ otyeetye. Lɔ́ɔ́ mé Nzyɛ̌m waá, wé lɨ́ eséa ɨ́ bɨ̌n obûʼla.

Rôm 1:16

Mé ajóʼo bá sôn ɨ́ Mbɨambɨa Lɔ́ɔ mé dí etúno wɨ́, ebě, wé ó nkul mé Nzyɛ̌m lɨ́ esú lé étiʼ mʉ̂r nyɨnyɛ̂h ngá bûʼla wé nyá, táare le oYúden, kala e baá o dí abe óYúden bá.

Mɨngwiha 19:15

Pasoŋ dí njebá ɨ́ bábla bábla ɨ́ lya lyá lyá yɨ́, nye á duho nye ó, ɨ́ num, ebě, nye óŋmɛ̂h bíkúl bíbyɛ̂h e tɨ̂. Nye ópɨpála bé ó e nkul jwɨ́ɨ ɨ́ lele lele mpʉ̌ súmǔ nkóho. Nye ómân bé mpʉ bé dí emân mpúmó ɨ́ pǎr yɨ́. Nó yé dí elɛ̂ʼle ó, mpʉ̌ lémé mé Nzyɛ̌m, Nzyɛ̌m nkul nyɨnyɛ̂h, wé á ka lóno ɨ́ nkpaa yɨ́.

Éfɛsɔs 5:13

Jɔʼ mɨ́ná pyél gá bisyɛ́ɛla byaá ɨ́ mesǒ, tyen byé ɨ́ myɛ́n yɨ́, njʉl, wé lɨ́ enzě kʉn byê.

Lʉkas 8:11

«Kɨkɛnǎ nɨ̌, yé lɛ́ɛ́ ó mbi wɨ̂: mpeʼ, yé ó lɔ́ɔ́ mé Nzyɛ̌m.

Yʉanes 6:51

Me ó dí mede me dí etiʼ bʉ̂r, maá mé á duho ɨ́ jʉ́o kʉ́ má. Mʉ̂r sí de méde maá nɛ́ɛ: nye ótiʼě njʉ̌m dǐ e njʉ̌m dǐ. Mede mé ódwe nyé má, mé ó bipúnó byâm. Mě dwé bʉ̂r ó sí yɨ̂ʼ byǎ ó, lɨ́ esú ó, bé bíʼee twiʼ.»

Mɨngwiha 19:21

Nó ó, mʉr á be ɨ́ kablá kʉ́ nyá, nzě jʉ̂ bísója me tír waá e pasoŋ wé á duho nye ɨ́ num nyá. Binʉ̌n bíbyɛ̂h, byé á si nze, de mímúú myɔ́ɔ́, dílɔɔ.

Mɨngwiha 2:16

Ebe nó, túmáá gá mikoo e mebébe mɨ́n. Bɨ̌n e dwírá míléme. Bɨ́n bé asâ nó wá, mé okpâhwǎ nze kwá nyɨ́n. Mé olwímla e bʉr baá e pasoŋ dí eduho ɨ́ num wâm nyá.»

Ebrœ̂ 13:7

Sísímsáá gá otyɛ̂b bé ésôʼ bɨ́n, baá bé á lɨlɛ́ɛ bɨ̌n lɔ́ɔ́ mé Nzyɛ̌m bá. Símsáá gá kʉ̌ tyen wɔ́ɔ́ le ndumló bícwiʼ byɔ́ɔ́. Dyɛ́ʼwáá gá e Nzyɛ̌m mpʉ bé á sâ yɨ́.

Mɨlʉmlʉ 4:31

Le bé á sil ejɨʼla e Nzyɛ̌m, le ntɔ̂ʼ gúmó bé á syɛŋa yɨ́, yé á kubla. Sísǐm mé Nzyɛ̌m nzě lóno bɨ́bɛ̂h ɨ́ miléme, bé ntɔ̂ʼ táare élɛ́ɛ̌ lɔ́ɔ́ mé Nzyɛ̌m ɨ́ kpɛŋlɛm, abáawo bá yʉ́ʉ́ sɔ̂ʼ.

Mɨlʉmlʉ 2:37

Jɔʼ éntumo e bʉ̂r, lé á jóʼo mekǎn maá yɨ́, mé ntɔ̂ʼ mɛ̂r bé ɨ́ milémé myɔ́ɔ́. Nó ó bé á dî e Pétrus, bé e bʉ́ʉ́ bʉ̂r o mílʉ́mlʉ́ ó: «Bɨ́ɔɔ́ bɨ́h, bɨ̌h bé ɨ́ jala le ekǎ sâ nyá ɛ́?»

Mɨngwiha 2:23

Me ntémé, me ójʉ̂ bwán bé. Ɨ́ nzɨ̌ nyaá ó bʉ̂r ó Mbɛ̌r-Nzyɛ̌m bɨ́bɛ̂h ngá gʉ́a ó, mɛm ó dí egʉ́a bíjwɨʼ ndu e bigwɨ́má bí bʉ̂r yɨ́. Me ójána mʉ̂r nyɨnyɛ̂h ɨ́ sɔ́má yɨ́n ó, dû mpʉ bísyɛ́ɛla byé dí yɨ́.

Mɨngwiha 20:4

Píe tɨ̂, me á si bee mecwɨ́ɨ́ mé ójwɨ́ɨ, le bʉr o b'á be tɨ̂ʼ mindîndǐl bá. Nzyɛ̌m á si dwe bé nkul etíʼe bʉ̂r milɔ̌b. Me á si bee ntémé misísǐm mi bʉ̂r. Bé á tíʼɔɔ milʉ̂ ó, ɨ́ lɔ̌b mboʼlá dí edumo e Yésʉs wɨ́, ti e lɔ́ɔ́ mé Nzyɛ̌m. Bɨ́ɛ á bé adwe tír waá, bé e kpɛʼkpɛ̂ʼ mveʼle yé bɨ́bɛ̂h kûm. Bé á bé acɛmǎ jwɨʼ yé ɨ́ mempǒm mɔ́ɔ́ ti e lɨ́ koo ékœ̂h. Me á bee bé ó, bé osí pah. Bé e Yésʉs-Krîst, bé á si njwɨ́ɨbʉr ó sí tɔ́ɔ́sin mimbû.

1 Tesalonika 5:23

Nzyɛ̌m waá dí esâ ó, bʉr tíʼaa ɨ́ mepyɛbla nyá, nye mʉr tɨ̂, nye púbaa bɨ̌n ɨ́ mipáʼ mímyɛ̂h. Nye bâʼlaa misísǐm mín, milémé mín, ti e menyʉ́l mɨ́n. Nye bâʼlaa bɨ̌n mbɨ̂mbɨá nó, mɨná díʼee gá abe e mebě, tó pyâl ɨ́ jɔʼ Tî gá wɨ́ná Yésʉs-Krîst óbáʼǎ nze yɨ́.

2 Korɛnt 4:2

Bɨ̌h bé asâ bísyɛ́ɛla mésǒ bi dí edulo sôn bí. Bɨ̌h bé acéně sɔ̂ʼ ɨ́ milɔ̌b mé Nzyɛ̌m bɨ́h dí elɛ̂ʼle mí. Bɨ̌h jaá dwe ó, njɨ mpǎŋ lɛ́ʼlá dí tyeetye wɨ́. Ɨ́ mbi waá ó bɨ́h dí esâ ó, mʉr nyɨnyɛ̂h béyɨɨ bɨ̌h mbɨ̂mbɨá yɨ́. Bɨ̌h sá nó ó, ɨ́ míh mé Nzyɛ̌m.

Jacques 1:18

Nye mʉr tɨ̂ʼ á byâ mɨná gá ó, ɨ́ lɔ̌b gwɨ́má yé, ɨ́ nzɨ̌ lwǐb yé dí tyeetye yɨ́. Nó ɨ́ bisá bíbyɛ̂h nyé á komlo bí, mɨná ó dí gá ɨ́ tyé ésôʼ.

2 Korɛnt 2:17

Nó ó, bɨ̌h bɨɛ, bé abě mpʉ óbɛ́ma o mílɔ̌b mé Nzyɛ̌m. Nzyɛ̌m á lómo bɨ̌h ó e lwǐb yé. Lwǐb yaá, yé abě mbáʼrá e mikóo. Bɨ̌h bɨɛ, bé ó baá Nzyɛ̌m á ntɨh bá. Bɨ̌h lwib mílɔ̌b myé ó, ɨ́ mpǒm mé Nzyɛ̌m, ɨ́ mpúhlá nyɨ́h e Krîst.

1 Korɛnt 1:24

Ɨ́ páʼ bʉ̂r Nzyɛ̌m á jébe bá, damá jóʼo óYúden, damá jóʼo bʉ̂r o dí abe óYúden bá, bé bee nkûl le ocwóó mé Nzyɛ̌m ó, ɨ́ Yésʉs-Krîst.

Mɨlʉmlʉ 5:33

Bʉr o b'á nze ɨ́ gwɨ́hlá bá, bé ntɔ̂ʼ kpaa ébúʼ ɨ́ jɔʼ bé á jóʼo milɔ̌b myaá yɨ́. Bê nzě sáa ó, bé jʉ́ ó bʉr o mílʉ́mlʉ́ baá.

Yʉanes 12:48

Mʉr nyɨnyɛ̂h dí eso mê, akǎm lɛ́ʼlá wâm nyá, nyě e mʉr ngá tíʼě lɔ̌b wé nyá. Milɛ́ʼlá mé mû sí dwe bɨ́n mî, myé ó ngá tíʼě lɔ̌b wé ɨ́ móhó ésúʼlá é sí yɨ̂.

Mɨlʉmlʉ 7:38

Nye ó b'á be, bé e kúl bʉ̂r o b'Ɨ́zraɛ̂l, ɨ́ jɔʼ bé á syɛŋa ɨ́ lʉá yɨ́. Nye á be ó, bé e bimpám gá bíná ndu e éngeles á lwib e bé lɨ́ ecwɨ́ʼ é Sináyɨ̂ nyá. Moyɨ̂z ó b'á nyɛɛ bi mingwíhá mílɔ̌b mé Nzyɛ̌m ɨ́ nzɨ̌ mé éngeles, kǎ kala mɨ́ná gá myǎ. Milɔ̌b myaá ó dí edwě twiʼ.

Éfɛsɔs 5:26

Nye á sâ nó ó, wé nkʉ̂ gúmo e Nzyɛ̌m, nyé osí jwɨɨ wé e medíbé ti e lwǐb yé.

Ebrœ̂ 6:5

Bé á be lɨ́ ebibi ntémé lɔ́ɔ́ mé Nzyɛ̌m dí ɨ́ buú mbɨa wɨ́, jóʼo ménwǎn me tɨ̂. Bɨ́ɛ, bé á si nyɛɛ dweŋɔɔ mbi nkûl ngá dweŋɔɔ ɨ́ mpóʼǒ Nzyɛ̌m ngá tyêl nyɨ́ wɨ́.