Ebrœ̂ 4:11 - Kálar Nzyɛ̌m : Ejwán é Sáá

¹¹ Nó mɨná gbâʼ gá nkul lɨ́ esú lé énî ɨ́ gúmó bʉ̂r dí egbala yɨ́. Gwá di gá le ocwóó, ó mʉ̌r sá asâ ébɨ̌h e Nzyɛ̌m, nkʉ̂ duma sí mpʉ bímpám gá bíná byé á duma yɨ́.

Kálara Zyɛ̌m Edwán é mpʉ̌n

¹¹ Ebe no, bɨna gbaʼ ga monyʉl lé eni é l'egbala laa. Bɨn bé amu sa ebɨh lé ekœʼ ebò e cyen bɨmpam ga bina, bɨn ntɔʼ lɨŋa é buʼo.

Ebrœ̂ 4:11 ပူးပေါင်းရင်းမြစ်များ

Ebrœ̂ 3:18

Nzyɛ̌m á káale ó: «Bʉr ópǎ bee gá nkʉ̂ bé ókǎ nî lɨ́ egbalá lâm!» Bʉr o nyé á lwib ɨ́ lɔ̌b wɔ́ɔ́ bá, bé onzé? Bé ó baá bé á sâ nye ebɨ̌h bá!

Lʉkas 13:24

«Gbáʼ gá nkul lɨ́ enî lɨ́ ebê dí ɨ́ mána lɨ́. Mě lɛ́ɛ́ bɨ́n ó: bʉr ɨ́ buo buo, bé ógwɨ̂m énî tɨ̂, bɨ́ɛ abe e nkul.

Ebrœ̂ 6:11

Bɨ̌h gwɨ́m ó, mʉr nyɨnyɛ̂h sâʼ sɨ́n lɨ́ eséǎ syɛ́ɛ́ yaá, tó kumo lɨ́ odumo, akâr. Jɔʼ yaá ó lémé wé ngá lóno ɨ́ mpûʼla yɨ́.

Éfɛsɔs 5:6

Mʉ̌r sá adímle bɨ́n e nzɨ̌ lwǐb dí abe e nyɔm yɨ́. Bisyɛ́ɛla bí ébébe bínɨ̌ ó ngá sâ ó, Nzyɛ̌m lɛ̂ʼlaa nkpaa nyé kwá bʉr o dí egbɔba e né bá.

Ebrœ̂ 3:12

Bɨ́ɔɔ́ bâm! Okɛ́l bâm! Gwá di gá le ocwóó, ó mʉr ɨ́ sɔ́má yɨ́n ayɨ́ be e lémé dí ɨ́ lele lɨ́ ebúʼla wɨ́. Nyě sá agbɔba e Nzyɛ̌m dí kublakúbla nyá.

Títos 1:16

Bé sá ó, go ó, bé ɨ́ kpɛ̌l Nzyɛ̌m. Sâ gwár, bisyɛ́ɛla byɔ́ɔ́, bíɛ yɨ́ɛ lɨ́ elɛ̂ʼle ó, bé akpɛl nyê. Bʉr baá, bé ɨ́ lwaʼwo. Bé asâ méjóʼo. Ɨ́ bisyɛ́ɛla bimpâ bíbyɛ̂h mʉ̂r dí e nkul ebɛ̌m sâ bí, abe e syɛ́ɛla gwár bé dí e nkul ekoʼo ésâ.

Filipi 2:12

Nó, osó bâm ɛ̌, bɨ̌n bé á be ó sí sâ Nzyɛ̌m mejóʼo ɨ́ jɔʼ mɨ́ná bé á be gá gúmo gwár yɨ́. Nó ɨ́ báánâ, ɨ́ mpʉ mé dí akǎ be kwá nyɨ́n yɨ́, bɨ̌n bé ɨ́ jala le etô dóló le esâ nó. Nzyɛ̌m, nyɨ́ tiʼ bɨ́n. Nó, séáá gá e bʉ́á le osâʼsâʼ lɨ́ esú ó, bɨ̌n dúʼoo kʉ̌ tyen waá.

Títos 3:3

Ebě, mɨná gá bɨɛ á nyɛɛ be ó nó: bigʉʼlʉgʉ́, baajóʼo-mélɨ́, sí dîm. Mɨná bé á didi gá ó, bitúʼǎ bígwɨ́má mimbi mimbi. Mɨná bé á títíʼe gá ó, lɨ́ esâ bʉ̂r ebébe é léme le nzwíí. Bɨ́ɛ ntémé lɨ́ esíe bɨ́ná gâ. Mɨná bɨɛ ntémé, bé á si nwimla páʼ gá nyɨ́ná.

Kolosi 3:6

Bisyɛ́ɛla bí ébébe byaá ó ngá sâ ó, Nzyɛ̌m lɛ̂ʼlaa nkpaa nyé.

Mɨlʉmlʉ 26:19

«Nó ó, njwɨ́ɨ Agrípa, me á bé apyêh mbeá ésimá wé á duho ɨ́ jʉ́o kʉ́ wɨ́.

Lʉkas 16:16

«Metié mé Moyɨ̂z le mekaná mé ógwíha o mílɔ̌b, mé á di ó, ɨ́ bea bea, tó pyâl ɨ́ jɔʼ mé Yʉánɛs Ndubʉr. Táare ɨ́ jɔʼ yaá, tô dóló, bé mû ó lɨ́ etúnǒ Mbɨambɨa Lɔ́ɔ dí edumo e Mpóʼo mé Nzyɛ̌m wɨ́. Mʉr nyɨnyɛ̂h, nye mû ó lɨ́ enî tɨ̂ʼ e nkul.

Mataos 11:12

Táare ɨ́ jɔ̌ʼ Yʉánɛs Ndubʉr á nyɛl edu bʉ̂r yɨ́, nzě kumo ɨ́ báánâ: Mpóʼo mé Dâ, nye lɨ́ esuŋɔɔ e nkul. Bʉr o cére, bé sáá ó, bé dɛ́nɨɨ nye e nkul.

Mataos 7:13

«Níʼéé gá lɨ́ ebê dí ɨ́ twâʼwo lɨ́, ebě, nzɨ̌ dí ɨ́ bwaʼ le akɔbla nyɨ́, nyě tó ó, nko éswie. Nó bʉr o dí ecɨɨ tɨ̂ʼ bá, bé ɨ́ buo.

Éfɛsɔs 2:2

Bɨ̌n bé á be lɨ́ edudû kʉ̌ tyen ébébe bʉ̂r ó sí yɨ̂ʼ bɨ́bɛ̂h. Bɨ̌n bé á dudû ɨ́ bíi yaá ó, sísǐm édúrʉ́ʉ́ dí tyélá ɨ́ diá jwɨ́ɨ́ yé páʼ jʉ́o le ejwoo wɨ́. Sísǐm waá ó dí etyɛ̂b bʉ̂r ɨ́ miléme ɨ́ báánâʼ ó, bé bénaa edyɛ̂ʼwo e Nzyɛ̌m.

Yʉanes 6:27

Ayɨ́ séa gá lɨ́ esú é méde me dí e nkul ekaʼ, nkʉ̂ bo má, njɨ lɨ́ esú é maá me dí edi, tó pyâl ɨ́ twǐʼ njʉ̌m dǐ má. Mé ó dí maá Mwân mé Mʉr ódwe bɨ́n má, ebě, nye ó waá Nzyɛ̌m Sɔ́ŋ á gbâ jwɨʼ yé nyá.»

Ebrœ̂ 4:6

Ebě, lɔ̌b, wɨ́ tɨ̂ʼ tyeetye ó, bâʼ bʉ̂r, bé ógbala, bé e boo Nzyɛ̌m sɔ́má. Nó ó, bʉr o b'á nyɛɛ bi Mbɨambɨa Lɔ́ɔ, ó bé níʼee ɨ́ gúmó égbalá yaá bá, bé á bé agbala, ebě, bé á si sâ ebɨ̌h e Nzyɛ̌m.

2 Pyɛr 2:6

Nzyɛ̌m á si dwe binkana bí Sodôm e Gómɔr bintɨ́ʼá, nye nzě dîʼ byé, dwir byé meswií. Nó, nye á sâ mpʉ́nʉ̌ ó, lɨ́ edwe mɨ́ná gá mveʼle édû. Minjéʼe-Nzyɛ̌m, myé ósûʼla ntémé ó njɨ jwɨʼ gwár yaá.