Ebrœ̂ 3:12 - Kálar Nzyɛ̌m : Ejwán é Sáá

¹² Bɨ́ɔɔ́ bâm! Okɛ́l bâm! Gwá di gá le ocwóó, ó mʉr ɨ́ sɔ́má yɨ́n ayɨ́ be e lémé dí ɨ́ lele lɨ́ ebúʼla wɨ́. Nyě sá agbɔba e Nzyɛ̌m dí kublakúbla nyá.

Kálara Zyɛ̌m Edwán é mpʉ̌n

¹² Obɨɔ ga bam aa! Gʉa di ga ncye! Mʉr é mbɛr Zyɛm win aka nyamle be e leme ndɨ é lele lé ebuʼla ɛ. Nye l'aka nyamle kaŋa e Zyɛm ndɨ kublakubla ɛ.

Ebrœ̂ 3:12 ပူးပေါင်းရင်းမြစ်များ

Ebrœ̂ 12:25

Nó, gwá di gá le ocwóó, ó bɨ̌n sá abene mʉ̂r mû lɨ́ ecɨ̂l bɨ́n nyá. Ɨ́ mimbú mí píhe, bé á si bene ejóʼo mʉr á nze ɨ́ sí yɨ̂ʼ nyá, akpɛl éjóʼo ɨ́ jɔʼ nyé á boo lɛ́ɛ bé sá nyé óntɨh bé yɨ́. Jɔʼ yé á ka pyâl yɨ́, bé ntɔ̂ʼ sáa ékɨ̂ŋ ntɨ́ʼá. Yé á bé akǎ bána. Mʉr á nze ka lwib e mɨná gá nyá, nyɨ́haá, nyé twíí, nye á duho ó kʉ́. Mɨ́ná bé óbene gá lɔ́ɔ́ wé nó, nzê mɨná bé ókɨ̂ŋ gá ntɨ́ʼá tɨ̂ʼ yɨ́ɛ ɛ̌? Nzyɛ̌m pǎ nyɛɛ́ ntɨ̂ʼ bímpám gá bíná ɨ́ lɔ̌b ajóʼo wɔ́ɔ́, á dwɛʼra e mɨná gá bɨɛ!

1 Korɛnt 10:12

Nó, mʉr dí ebúʼla ó, nye ó tîtyěl ɨ́ lyahwó nyá, nye díʼee le ocwóó, lɨ́ ekpɛ́ɛ ó, nye ámû jaá twe!

Ebrœ̂ 10:38

Mʉr wǎm ngá bi nkâm ɨ́ lɔ̌b búʼó yé nyá, óbǐ twǐʼ njʉ̌m dǐ, duho tɨ̂. Yé sí kǎ pyâl ó, nyɨ́ bwóolo ntúʼó nó, lémé wâm, wé l'akǎ bee nyé mbɨ̂mbɨá.»

Ebrœ̂ 12:15

Gwá di gá le ocwóó, ó mʉ̌r sá abɔ́ʼa e Nzyɛ̌m dí e mpam nyá. Kaalé dí ɨ́ dwie dwie wɨ́, wé sá apâh bíntoʼdu, ntɔ̂ʼ lœʼ bʉ̂r ɨ́ buo buo ɨ́ míh mé Nzyɛ̌m.

Ebrœ̂ 3:10

Mpʉ bé á bóblo me nó yɨ́, me á si jóʼo ebúʼ e myǎ bʉ̂r waá. Nó ó mé á lɛ́ɛ ó: Bé lɨ́ eboó tô le edîm. Bé dína lɨ́ ekʉ́ jéʼe édû nzɨ́ mé dí etɨ́e bé nyɨ́.

Markus 13:33

Bɨ̌n a bâʼ! Atô gá ɨ́ jô, ebě, bɨ̌n bé agʉ́ǎ jɔʼ yaá.

Mataos 24:4

Nó ó Yésʉs á lɛ́ɛ e bé ó: «Diʼee gá mekʉá ɨ́ binyâ. Bɨ̌n ámû jaá dímlɔɔ.

Markus 13:9

«Nó, pɨrɨɨ gá mekʉ̌ sí. Bé ótô e bɨ̌n ɨ́ bʉ̌m nɨ́nɨ́ɨ́. Bé óŋmɛ̂h bɨ́n mingáhá ɨ́ mempáh mínjɨʼla. Bé ótô e bɨ̌n ɨ́ mempǒm me bʉ̂r onɨ́nɨ́ɨ́, le maá mé ójwɨ́ɨ ɨ́ lɔ̌b wâm, bɨ̌n nkʉ̂ boʼlǒ sá bɨ́n dí egʉ́a ɨ́ páʼ wâm yɨ́.

1 Tesalonika 1:9

Bé bʉr o tɨ̂ʼ ó dí elɛ́ɛ bɨ́h mpʉ bɨ́n á soho bɨ̌h yɨ́, le mpʉ bɨ́n á túmo koo e bikpɛʼkpɛ̂ʼ bí ónzyɛ̌m, kǎ jaá dû njɨ̌ Nzyɛ̌m yɨ́. Bɨ̌n mû ó lɨ́ eséa e mpǎŋ Nzyɛ̌m dí kublakúbla nyá.

Rôm 11:21

Nzyɛ̌m pǎ nyɛɛ́ be, akamle le oYúden, bʉr o nyé á nyɛɛ komlo mpʉ mílɔ́ɔ́ mímpâ bá, á dwɛʼra e bɨ̌n! Nye ákamle e bɨ̌n.

Lʉkas 21:8

Nó ó Yésʉs á lɛ́ɛ ó: «Diʼee gá mekʉá ɨ́ binyâ. Bɨ̌n ámû jaá dímlɔɔ, ebě, bʉr ɨ́ buo buo, bé ónzɨnze e díé lâm, le elɨlɛ́ɛ ó: “Mɛm ó dí nye!” Bé óbáʼǎ lɛ́ɛ ntémé ó: “Jɔ̌ʼ jwɨ́ɨ́ yâm, yɨ́ pyâl!” Sâ gwár, mʉr adû gá bê.

Markus 13:23

Pɨrɨɨ gá mekʉ̌ sí. Me múo sí gwîh bɨ́n syɛ́ɛla yaá yɨ́yɛ̂h!»

Mataos 16:16

Simon Pétrus ntɔ̂ʼ yala ó: «Go ó Mʉ̌r Nzyɛ̌m á lœm múló mé jwɨ́ɨ nyá. Go ó Mwân mé Nzyɛ̌m dí kublakúbla nyá.»

Kolosi 2:8

Akam gá mekǎn mé dí dwêh, maá me dí edímle bʉ́ʉ́ bʉ̂r ɨ́ nzɨ̌ mikóo myɔ́ɔ́ má. Ajóʼǒ sá bé dí ejébe ó, «ocwóó ó sí yɨ̂ʼ» yɨ́. Abîr gá ó, mʉr gbâʼ bɨ̌n lɨ́ okómó wé ɨ́ nzɨ̌ nyaá. Mekǎn ménɨ̌, mé duduho ó, ɨ́ metum me bʉ̂r ó sí yɨ̂, ndu e milɛ́ʼlá bʉ̂r ó sí yɨ̂ʼ dí ekûhlo mí. Milɛ́ʼlá myaá, myé aduho kwá mé Krîst.

Ebrœ̂ 3:1

Bɨ́ɔɔ́ bɨ́h le okɛ́l bɨ́h dí egúmo e Nzyɛ̌m bá, mɨná gá ó bé á bi gá nkɔb mpwár: njɨ́blɨ́ Nzyɛ̌m á ntɨh mɨná gá, duho ɨ́ jʉ́o kʉ́ wɨ́. Jwɛ́ʼɛ́ɛ́ gá sɔ̂ʼ njɨ Yésʉs mpʉ nyé dí yɨ́: nye ó mʉr milʉ́mlʉ́ mé Nzyɛ̌m, báʼǎ be ntémé njwɨ́ɨ opara gá wɨ́ná mpʉ mɨ́ná dí ekam gá yɨ́.

Ebrœ̂ 3:19

Sá tɨ̂ʼ ó mɨ́ná dí ebee gá ó, bé á bé anî lɨ́ egbalá lé yɨ́, ebě, bé á bé adyɛ̂ʼwo e né.

Ebrœ̂ 9:14

á dwɛʼra e metié mé Krîst! Nye ókʉ́ pubo mípahlá mílémé gá míná, e nzɨ̌ Sísǐm mé Nzyɛ̌m dí edǐ njʉ̌m dǐ e njʉ̌m dǐ wɨ́. Mɨná damá sâ gá Nzyɛ̌m bisyɛ́ɛla bi dí mpʉ mímúu bí, mɨná bé ógwá pubɔɔ gá tɨ̂ʼ ó e metié mé, ánta nye, maá nyé mʉr tɨ̂ʼ á nkɛ́ɛ, tó dwě Nzyɛ̌m Sɔ́ŋ má. Nye á be ntémé ó, abe e sâ gwár bʉ̂r, bé á gwa dwe nye mebě tɨ̂. Ɨ́ tɨ̂ʼ ó mɨ́ná bé ókǎ sâ gá Nzyɛ̌m dí kublakúbla nyá gwɨ́hlá óbûʼla mpâ yɨ́.

Ebrœ̂ 10:31

Nzyɛ̌m, nye ó kʉ́ bě kublakúbla. Yé ɨ́ buú sâ ékɛ̂n lɨ́ etó twe ɨ́ mebó mé, nyɨɛ e léme lwɨ́ŋlá le ebúʼ ɨ́ lúrúdú!

Ebrœ̂ 12:22

Bɨ̌n bɨɛ, bé abe nó. Bɨ̌n mû ó sí sîhle kúnókúno le ecwɨ́ʼ é Síon. Yé ó gúmǒ nkana mé Nzyɛ̌m dí kublakúbla nyá dí yɨ́. Yé ó nkanǎ Yerʉ́zalɛm, yaá dí ɨ́ jʉ́o kʉ́ yɨ́. Beéngeles ɨ́ buo buo, bé ó tɨ̂, abe e tólɔ́ɔ. Bé ɨ́ nzɔɔ sʉhʉʉ.