Ebrœ̂ 2:9 - Kálar Nzyɛ̌m : Ejwán é Sáá

⁹ Sá mɨ́ná dí ekʉ́ gwá bee gá yɨ́, yé ó: ɨ́ mâ péh jɔʼ, Nzyɛ̌m á si nyɛɛ sul Yésʉs sí, beéngeles bá laa nyé ɨ́ dúu. Píe tɨ̂, nyɨ́ kǎ dil nyé káráá jwɨ́ɨ ɨ́ lʉ̂, lɨ́ edwe nyé kûm ndu e dúu, ebě, Yésʉs á si sia e mitúú, ntɔ̂ʼ dwe. Ɨ́ mbi waá ó Nzyɛ̌m á cwɨ́a e bʉr bɨ́bɛ̂h yɨ́, lɨ́ esâ ó, Yésʉs dwêʼ lɨ́ esú lɔ́ɔ́.

Kálara Zyɛ̌m Edwán é mpʉ̌n

⁹ Sa bɨna lé ekʉ gʉa bee ga ɛ, yé ó: é ma peh jɔʼ, Zyɛm a si taare fil Yesʉs si, beengles laa nye ba é duu. Pie tɨ, nyi ka bœr nye epʉʼlʉ é lʉ, le edwe nye kum ndwe e duu, ebe, nye a si sia e mɨtuu, ntɔʼ dwè. Sa nɨ yiyɛh é l'efu ó, Zyɛm lɛʼla bʉr bɨbɛh ncwɨncwɨa, lé esa ó, Yesʉs jala e be.

Ebrœ̂ 2:9 ပူးပေါင်းရင်းမြစ်များ

Mɨngwiha 5:9

Bé á didyɛɛ ó, edwán é jɨ̂m. Bé ó: «Go ó jálá le enʉa mékaná mâ, gbɛ́ɛ bísitâm, ebě, go á si jʉ́ŋɔɔ. Go á si dwih bʉr ɨ́ mpila ébébe, tô e bé kwá mé Nzyɛ̌m. Go á si syɛ́ɛla metié mô lɨ́ esú é bʉ̂r baá. Bé ó bʉr o bíkúl bíbyɛ̂h, ndu e bilwǐb bíbyɛ̂h, bʉr o mémpóʼo mɨ́mɛ̂h, ndu e mesí mɨ́mɛ̂h.

1 Yʉanes 2:2

Ebě, Yésʉs-Krîst, nye ó mʉr á búra e misyóm gá míná lɨ́ esú lé éleʼě Nzyɛ̌m ɨ́ nkpaa nyé nyá. Abě njɨ myaá gá míná, myé omér. Nye á dwe twiʼ ó, lɨ́ esú é bʉ̂r ó sí yɨ́yɛ̂h.

Rôm 5:18

Mpʉ bʉ̂r bɨ́bɛ̂h, bé á dweŋɔɔ mebě, tɨ̂ e misyóm mí mʉ̂r ngwár yɨ́, jwɨʼ gwár e gwár yaá ntémé ó, syɛ́ɛla mpâ mʉ̂r ngwár á sâ yɨ́, ngá sâ ó, bʉr bíʼee nkam yɨ́. Bé ónî ɨ́ twiʼ.

Mɨlʉmlʉ 2:33

Nye á si bére, tó di sí ɨ́ mbó éjʉ́m mé Nzyɛ̌m. Nye ó b'á ntɨh bɨ̌h Sísǐm Nzyɛ̌m Sɔ́ŋ á kɛʼ bɨ̌h wɨ́. Sâ gwár e gwár yaá ó bɨ́n mû lɨ́ ebee le ejóʼo yɨ́.

Yʉanes 3:16

Ebě, kpɛ̌l Nzyɛ̌m á bu kpɛl bʉr ó sí yɨ̂ʼ yɨ́, nye á be ɨ́ dwe Étíʼé é Mwân lé ó, ɨ́ sɔ́má bʉ̂r bɨ́bɛ̂h, mʉr ngá dyɛ̂ʼwo e né nyá, nye ádîm ɨ́ nkɔb bʉr, ebě, nye mû ó e twǐʼ njʉ̌m dǐ.

2 Korɛnt 5:15

Nye á si búra e bʉr bɨ́bɛ̂h lɨ́ esú ó, bɨ́bɛ̂h tíʼaa. Tyé yɨ́yɛ̂h bé dína ɨ́ twiʼ yɨ́, bicwiʼ byɔ́ɔ́, byé ɨ́ jala le ebe e nyɔm ó, lɨ́ esú é mʉ̂r á pa búra e bé, ntɔ̂ʼ pah nyá. Bé akǎ jala le esáa myɔ́ɔ́ mínyɔm.

Ebrœ̂ 10:5

Ɨ́ tɨ̂, ɨ́ jɔ̌ʼ Krîst á be, nye mû kúno enî ɨ́ sí yɨ̂ʼ yɨ́, nye á lɛ́ɛ e Nzyɛ̌m ó: «Gó agwɨ̂m ó, bé díʼɨɨ go otír, nkʉ̂ dwe gó yʉ́ʉ́ sɔ̂ʼ dí etáa mébyaʼ yɨ́. Go á komlo nyʉ̂l nyǎm ó, nye búraa e mpɨŋ bʉr.

Rôm 5:8

Yésʉs-Krîst nyɨɛ á búra e mɨná gá ó, ɨ́ jɔʼ mɨ́ná bé á be gá osyɛ̂l o mísyóm yɨ́. Nó ó Nzyɛ̌m dí elɛ̂ʼle mɨ́ná gá kpɛ̌l yé yɨ́.

Yʉanes 1:29

Ɨ́ mɛ́n tɨ̂, Yʉánɛs kǎ bee ó, Yésʉs lɨ́ enze kwá nyé. Yʉánɛs nzě lɛ́ɛ ó: «Beyɨɨ gá Mâ Nteme mé Nzyɛ̌m dí edwih mísyóm mí sí mímyɛ̂h nyá!

Yʉanes 12:32

Nó ɨ́ jɔʼ mé óduhǒ sí yɨ̂, bɨ́nɔɔ kʉ́ yɨ́, me ódulo bʉ̂r bɨ́bɛ̂h nko mé óbe yɨ́.»

Ebrœ̂ 7:25

Sá tɨ̂ʼ ntémé ó nyé dí e nkul etíʼ bʉ̂r o ngá sîhlě bǎʼ e Nzyɛ̌m, cɨɨ ɨ́ nzɨ̌ nyé bá. Nyě jaá pɛʼ mébébe mɔ́ɔ́ ó mɨ́mɛ̂h. Mpʉ nyé dí njʉ̌m dǐ e njʉ̌m dǐ yɨ́, nó ntémé ó nyé dí e nkul ejɨʼla e Nzyɛ̌m lɨ́ esú lɔ́ɔ́ ɨ́ jɔʼ yɨ́yɛ̂h yɨ́.

1 Pyɛr 1:21

Krîst ó b'á sâ ó, bɨ̌n dyɛ̂ʼwaa e Nzyɛ̌m, mʉr á pɛh nye, dwih nyé lɨ́ odwe, dwe nyé kûm ntémé nyá. Sá tɨ̂ʼ ó búʼó yɨ́n le mpûʼla nyɨ́n dí njɨ ɨ́ Nzyɛ̌m yɨ́.

Ebrœ̂ 8:3

Njwɨ́ɨ opara nyɨnyɛ̂h, nye tyélá ɨ́ dǐ pára yé ó, nye táŋaa mebyaʼ me bʉ̂r le edwidwě Nzyɛ̌m mindwéá. Nó ntémé ó Yésʉs á be ɨ́ bi ó, nye tôʼ dwě Nzyɛ̌m yʉ́ʉ́ sɔ̂ʼ.

1 Timotɛ 2:6

mʉr á pa dwe twiʼ yé lɨ́ etáǎ góo, le edwih bʉ̂r bɨ́bɛ̂h ɨ́ mpila ébébe nyá. Nó ó, lɔ́ɔ waá, wé á ka lɛ́ɔɔ ó, ɨ́ jɔʼ wé á jala le elɛ́ɔɔ yɨ́.

2 Korɛnt 5:21

Mʉr á be abe e mpɨŋ nyá, nye ó waá Nzyɛ̌m á dwir syɛ̂l misyóm lɨ́ esú gá lɨ́ná nyá. Nye á sâ nye nó ó, mɨná nkʉ̂ di gá otîtyěl o bʉ̂r ɨ́ míh mé Nzyɛ̌m e nzɨ̌ mʉr waá.

Rôm 8:32

Nzyɛ̌m nyɨɛ á bé akamle e Mwân wé. Nye á syɛ́ɛla twiʼ Mwân wé ó e bicwiʼ gá bíná, mɨná gá óbɛ̂h. Nzyɛ̌m pǎ nyɛɛ́ dwe mɨ́ná gá Mwân wé, á dwɛʼra e bisá bíswîh bíbyɛ̂h! Nye óbánǎ dwe mɨ́ná gá byǎ ntémé mpʉ nyé á pa dwe mɨná gá Mwân wé yɨ́.

Galásia 4:4

Yé ntɔ̂ʼ kǎ pyâl mbɨambɨa jɔ̌ʼ Nzyɛ̌m á boo tyêl yɨ́. Jɔʼ yaá ó Nzyɛ̌m á nze ntɨh Mwân wé, ó nye ntáa nzě byɛ̂l ɨ́ mo nyʉ́ʉ́ mʉ́má. Mwân waá á be ó, ɨ́ mpila métié tʉ́ŋlʉ̌.

Mɨlʉmlʉ 3:13

Nye tiʼe nó ó, ebě, Nzyɛ̌m mé Abraham, Isaac, ndu e Yákɔb, Nzyɛ̌m bimpám gá bíná, á kpɛl ó, nye dwêʼ syɛ̂l mesâ wé, Yésʉs kûm. Bɨ̌n bɨɛ bé á si bɛ́ma nye kwá mé Pilátos, ntɛŋɔɔ nyé ɨ́ mebó mé ó, nye jʉ́ʼoo nye. Bɨ̌n bé á sâ nye nó ó, Pilátos nyɨɛ, nyé osí tíʼe ɨ́ lémé wé ó, nyě bír ó nye.

Rôm 8:3

Yé á bé abána ó, mɨná bíʼee gá twiʼ ɨ́ mbaʼlá métié, ebě njwɨr myâ wɨ́ná, wé á be ɨ́ tyɛʼ. Metyɛʼ mé njwɨr myâ waá, mé ntɔ̂ʼ teʼle métié maá. Sá métié mé Moyɨ̂z, mé á be akoʼo lɨ́ esâ yɨ́, Nzyɛ̌m nyɨɛ á si bana sâ yê. Nye á dwe mɨná gá twiʼ ó ɨ́ nzɨ̌ Mwân wé nyé á ntɨh ɨ́ sí yɨ̂ʼ nyá. Mwân waá nzě byɛ̂l mʉ̂r. Nyʉ̂l bipúno nyé, nye á kʉ nwɨɨla ó e nyaá gá nyɨ́ná, osyɛ̂l o mísyóm. Nye á nze ó ɨ́ lɔ̌b syóm gá wɨ́ná. Nye á nze pɛʼ ó wê. Nzyɛ̌m nzě dwě Yésʉs mebě, le entɨ̂ʼ nyʉ̂l bipúno nyé ɨ́ jɔʼ nyé á búra e misyóm myaá yɨ́.

Yʉanes 10:17

«Sɔ́ŋ wǎm kpɛl mé ó, ebe mé mû lɨ́ edwě twiʼ yâm. Me ódwe yê, ntɔ̂ʼ báʼǎ nʉa yé, yé mû edwán.

Yʉanes 8:52

OYúden, bé e né ó: «Ɨ́ báánâ, bɨ̌h bɨ́ gʉ́a ó, go bánǎ kʉ́ be le eleme! Abraham á si dwe. Ogwíha o mílɔ̌b mé Nzyɛ̌m sí dwe ntémé. Tó kœb ó, guǎ lɛ́ɛ́ ó, “mʉr óbaʼlě lwǐb yâm nyá, nye ákǎ dwe”?

Mataos 16:28

Mě lɛ́ɛ́ bɨ́n lɨ́ otyeetye ó, ɨ́ sɔ́má bʉ̂r o dí wâʼ báánâʼ bá, bʉ́ʉ́, bé ádwe, apǎ bee Mwân mé Mʉr lɨ́ enzě tyêl Mpóʼo nyé.»

Mɨngwiha 19:12

Míh mé, mé ó mpʉ̌ njʉ̌l siʼe. Nye á be ó sí bwâr bíkáráá bí dúu ɨ́ buo buo ɨ́ lʉ́ wé. Bé á si cɛma díe ɨ́ nyʉ̂l nyé. Díe laá, abe e mʉr á gʉ́a lê, njɨ nye omér.

Ebrœ̂ 2:7

Ɨ́ mâ jɔʼ, go á si sul nye sí. Beéngeles, bé á si nyɨ̂n e dúu, laa nyé bá tîtííǎ. Píe tɨ̂, gʉ́ kǎ dil nyé káráá jwɨ́ɨ ɨ́ lʉ̂, lɨ́ edwe nyé kûm ndu e dúu.

Lʉkas 9:27

Mě lɛ́ɛ́ bɨ́n lɨ́ otyeetye ó, ɨ́ sɔ́má bʉ̂r o dí wâʼ báánâʼ bá, bʉ́ʉ́ bé ákóʼó dwe, apǎ bee Mpóʼo mé Nzyɛ̌m.»

Markus 9:1

Nó ó Yésʉs á lɛ́ɛ e bé ó: «Mě lɛ́ɛ́ bɨ́n lɨ́ otyeetye ó, ɨ́ sɔ́má bʉ̂r o dí wâʼ báánâʼ bá, bʉ́ʉ́ bé ádwe, bé l'apǎ bee Mpóʼo mé Nzyɛ̌m lɨ́ esulo sí e nkul.»

Mataos 6:28

Bɨ̌n bé lɨ́ eyêʼwo míkán ɨ́ yé? Paá gwá dwɛ̂ʼ gá mpʉ ménzɔ̌m dí etô le ebuʼwa ɨ́ bipemé yɨ́. Menzɔ̌m, mé abe lɨ́ eséǎ syɛ́ɛ́, nkʉ̂ lar míkán.

Yʉanes 8:51

Mě lɛ́ɛ́ bɨ́n lɨ́ otyeetye ó, mʉr óbaʼlě lwǐb yâm nyá, nye ákǎ dwe.»

Ebrœ̂ 1:9

Gǒ kpɛl ó, sá dí tîtyěl yɨ́, bene yaá dí onzyɛ́h ónzyɛ́h yɨ́. Sɨ́ǎ yaá ó dí ó, Nzyɛ̌m ɛ̌! Nzyɛ̌m gǒ á si lœm go múló mé jwɨ́ɨ, lɨ́ edwe gó nkul jwɨ́ɨ, le elóŋlǒ lémé gô e bisʉhʉʉ, laa bʉ̂r ó njoo yô.

Ebrœ̂ 11:5

Búʼó mé Énɔk ó b'á sâ ó, nye ayɨ́ dwe. Nye á si bana bɨ́nɔɔ kʉ́, kumo ɨ́ kwár mé Nzyɛ̌m. Yé á bé abe e mʉr á baʼa bee nye, ebě, Nzyɛ̌m á si nʉa nye. Yê cɛmá ó, Énɔk apǎ bére kʉ́, Nzyɛ̌m á si boo bee nye mbɨ̂mbɨá.

Ebrœ̂ 12:2

Míh gá mɨ́ná, mé dwɛ́ʼɛɛ sɔ̂ʼ njɨ Yésʉs, ebě, nye ó b'á kar nzɨ̌ búʼó. Nye ntémé ó b'á swâhle nye. Nye á kam ó, nye síaa e mitúú, nye tyélɔɔ ɨ́ lɨ́ kʉ́, jʉ́ŋɔɔ. Nye á si pyêh sôn mʉ̂r dí ebɛb ɨ́ mbi éswie laá nyɨ́. Nye á kam ó, nye dwêʼ nó ó, nye nkʉ̂ bi bísʉhʉʉ̌ Nzyɛ̌m á boo komo nye bí. Ɨ́ báánâ, nye mû ó ɨ́ mbó éjʉ́m mé Nzyɛ̌m Sɔ́ŋ ɨ́ mecwɨ́ɨ́ mé jwɨ́ɨ.