Ebrœ̂ 2:8 - Kálar Nzyɛ̌m : Ejwán é Sáá

⁸ Go á si gbâ sá yɨ́yɛ̂h ɨ́ jwɨ́ɨ́ yé, sí mebo mé.» Mpʉ̌ Nzyɛ̌m mû sí syɛŋ bísá bíbyɛ̂h, gbâ byé ɨ́ jwɨ́ɨ́ yé yɨ́, yé abe e sâ gwár dí abě sulá sí ɨ́ jwɨ́ɨ́ yé yaá. Tó kœb ó, ɨ́ báánâ, mɨná dína apǎ bee gá ó, bíbyɛ̂h, bí sîl égbáŋɔɔ ɨ́ jwɨ́ɨ́ yé.

Kálara Zyɛ̌m Edwán é mpʉ̌n

⁸ Go a si gba sa yiyɛh é jwɨɨ ye si, é mokʉ me si.» Mpʉ Zyɛm mu si syɛŋ bɨsa bibyɛh, gba bye é jwɨɨ ye si ɨ, yé abe e sa gwar ndɨ abe fila si é jwɨɨ ye yaa. To kœb ó, banana, bɨna bé apa bee ga ó, bibyɛh, bi sil gbaŋɔ é jwɨɨ ye.

Ebrœ̂ 2:8 ပူးပေါင်းရင်းမြစ်များ

Yʉanes 13:3

Yésʉs mʉr tɨ̂ʼ á be lɨ́ egʉ́a ó, nye á duho ó kwá mé Nzyɛ̌m. Nye ntémé óbúla kwá mé Nzyɛ̌m. Nó ntémé, Nzyɛ̌m á be ɨ́ gbâ sá yɨ́yɛ̂h sí jwɨ́ɨ́ yé.

1 Korɛnt 15:27

Ebě, yê cɛmá ó: Nzyɛ̌m á si gbâ sá yɨ́yɛ̂h ɨ́ jwɨ́ɨ́ yé, sí mebo mé. Nó yé lɛ́ʼlé mbɨ̂mbɨá ó, Nzyɛ̌m nyɨɛ, mʉr dí egbâ sá yɨ́yɛ̂h ɨ́ jwɨ́ɨ́ mé Krîst yaá nyá, nyé abe tɨ̂ʼ ɨ́ jwɨ́ɨ yaá tʉ́ŋlʉ̌.

1 Pyɛr 3:22

Yésʉs waá á si bɨ́nɔɔ ɨ́ jʉ́o kʉ́. Nye mû ó lɨ́ mbó éjʉ́m mé Nzyɛ̌m Sɔ́ŋ, gúmó nyé dí ejwɨ́ɨ bééngeles, le misísǐm mi dí e jwɨ́ɨ le myaá mi dí e nkul mí yɨ́. Byé á si gbáŋɔɔ ɨ́ jwɨ́ɨ́ yé.

Mɨngwiha 1:18

Me ó waá dí kublakúbla nyá. Me á si dwe. Paá bee gâ: me mû ó, ɨ́ twǐʼ njʉ̌m dǐ! Me ó dí le osab o dí edib kwár odwe bá.

Ebrœ̂ 1:13

Nzyɛ̌m á bé alɛ́ɛ ɨ́ lʉ́ʉ́ dʉ́o, dumo e nyʉ́ʉ́ éngeles wé ó: Diʼee sí wâ, ɨ́ mbó éjʉ́m wâm. Bónáá ɨ́ puuu náǎ, tó pyâl ɨ́ jɔʼ mé ósâ óntɨ̂m le obɨn bô ó, bé díʼee tyélátyéla mékʉ̌ yô yɨ́.

Mɨngwiha 1:5

Yésʉs-Krîst sʉ́ʼoo bɨ̌n metyɛʼ me mpóm, le egbâ mépyɛbla ɨ́ sɔ́má yɨ́n. Nye ó mboʼlo jálá le ebúʼlɔɔ nyá. Nye ó dí mwâ medwéʼe mé Nzyɛ̌m á pah, duho lɨ́ odwe nyá. Nye ó dí Njwɨ́ɨ mesí mé sí yɨ̂ʼ mɨ́mɛ̂h. Nye lɨ́ ekpɛl mɨ́ná gâ. Nyɨ́ sʉ métié mé sí, ntɔ̂ʼ pɛʼ bibaa bí ébébě Nzyɛ̌m á niʼe ɨ́ lɔ̌b mísyóm gá míná bí, ɨ́ nzɨ̌ ndwéá wé.

Ebrœ̂ 2:5

Mpóʼǒ Nzyɛ̌m ngá sûʼlǎ tyêl, nyaá bɨ́h dí elwib, dumo e nye nyɨ́, óbe ó ɨ́ jwɨ́ɨ́ nyʉ́ʉ́ mʉ̂r. Ntʉ bééngeles nyé á tyêl lɨ́ esú lé éjwɨ́ɨ mpóʼo nyaá.

Yʉanes 3:35

Nzyɛ̌m Sɔ́ŋ, nye lɨ́ ekpɛl Mwân wé. Nyɨ́ boó gbâ sá yɨ́yɛ̂h sí jwɨ́ɨ́ yé.

Mataos 28:18

Yésʉs ntɔ̂ʼ sîhlě nko bé á be yɨ́. Nye ó: «Sɔ́ŋ wǎm, nyɨ́ dwe mé nkul jwɨ́ɨ nyɨnyɛ̂h ɨ́ kʉ́ ti e sí.

Ebrœ̂ 1:2

Ɨ́ yɨ̂ʼ jɔʼ mpʉ mélú mé mpóʼo sí yɨ̂ʼ mû lɨ́ ekɔ́a yɨ́, nye mû kǎ lwib e mɨná gá ó, cɨɨ ɨ́ nzɨ̌ Mwân wé. Nye ó waá Nzyɛ̌m á kɛʼ ó, nye ónʉa bílíʼé bí sí yɨ̂ʼ bíbyɛ̂h nyá. Nzyɛ̌m á kuho kʉ́ e sí ndu e l'ekomlǒ sá yɨ́yɛ̂h dí tɨ̂ʼ yɨ́ ó, ɨ́ nzɨ̌ nyé.