Ebrœ̂ 2:7 - Kálar Nzyɛ̌m : Ejwán é Sáá

⁷ Ɨ́ mâ jɔʼ, go á si sul nye sí. Beéngeles, bé á si nyɨ̂n e dúu, laa nyé bá tîtííǎ. Píe tɨ̂, gʉ́ kǎ dil nyé káráá jwɨ́ɨ ɨ́ lʉ̂, lɨ́ edwe nyé kûm ndu e dúu.

Kálara Zyɛ̌m Edwán é mpʉ̌n

⁷ É ma jɔʼ, go a si fil nye si. Beengles, bé a si nyin e duu, laa nye ba titia. Pie tɨ, gɨ ka bœr nye epʉʼlʉ é lʉ, le edwe nye kum ndwe e duu.

Ebrœ̂ 2:7 ပူးပေါင်းရင်းမြစ်များ

Rôm 2:7

Bâʼ bʉ̂r, bé sáá ó kûm, le dúu le twiʼ dí asíesie yɨ́. Bé lɨ́ edûhwǒ sɔ́ɔlʉ waá e bíhwó, lɨ́ esâ mímpaŋ bísyɛ́ɛla. Bé ó baá Nzyɛ̌m ngá dwě twǐʼ njʉ̌m dǐ bá.

Rôm 2:10

Bʉr bɨ́bɛ̂h o dí esâ émbɨa bá bɨɛ, Nzyɛ̌m ódwe bé kûm le dúu. Nye ógbâ bé mepyɛbla ɨ́ miléme. Nye ódwe ó, táare le oYúden, tó kala e baá o dí abe óYúden bá.

1 Timotɛ 1:17

Nzyɛ̌m dí njwɨ́ɨ melú mé mpóʼo mɨ́mɛ̂h, adwidwe nyá, waá dí anyɨ̂n, waá dí Nzyɛ̌m nye omér nyá, dúu e kûm, byé díʼee e né njʉ̌m dǐ e njʉ̌m dǐ. Amɛn.

Ebrœ̂ 2:9

Sá mɨ́ná dí ekʉ́ gwá bee gá yɨ́, yé ó: ɨ́ mâ péh jɔʼ, Nzyɛ̌m á si nyɛɛ sul Yésʉs sí, beéngeles bá laa nyé ɨ́ dúu. Píe tɨ̂, nyɨ́ kǎ dil nyé káráá jwɨ́ɨ ɨ́ lʉ̂, lɨ́ edwe nyé kûm ndu e dúu, ebě, Yésʉs á si sia e mitúú, ntɔ̂ʼ dwe. Ɨ́ mbi waá ó Nzyɛ̌m á cwɨ́a e bʉr bɨ́bɛ̂h yɨ́, lɨ́ esâ ó, Yésʉs dwêʼ lɨ́ esú lɔ́ɔ́.