Ebrœ̂ 2:17 - Kálar Nzyɛ̌m : Ejwán é Sáá

¹⁷ Sá tɨ̂ʼ ó yé á jala ó, nye díʼee kwahaá mpʉ bɨ́ɔɔ́ bé, ɨ́ mipáʼ mímyɛ̂h yɨ́. Nye á nwɨɨla e mɨná gá ó, lɨ́ esú ó, nye nkʉ̂ cwɨ́a e mɨná gá, le edi njwɨ́ɨ opara mɨ́ná ókʉ́ bûʼla gá nyá. Nye ó jálá le eséa ɨ́ páʼ bísâ bi dí edwɛ̂ʼ Nzyɛ̌m bí. Nye ó mʉr á dwe, búra le misyóm mí bʉ̂r bé, le eleʼě Nzyɛ̌m ɨ́ nkpaa nyé nyá.

Kálara Zyɛ̌m Edwán é mpʉ̌n

¹⁷ Ebe, yé a jala ó, nye diʼe kʉ be mpʉ jyɛɛ ye é mɨpaʼ mimyɛh. Nye a nwɨɨla e bɨna ga é l'efu ó, nye nkʉʼ lɛʼle bɨna ga ncwɨncwɨa, le edi njwɨɨ opara ndɨ mʉr ebuʼla ɛ. Nye ó lé ejala le esea é mɨlɔb mimyɛh ndɨ edwɛʼ Zyɛm ɨ. Nye ó mʉr a dwè, jala e mɨsyem ga mina ɛ. Efie le, lé ó b'a leʼe empime mo Zyɛm.

Ebrœ̂ 2:17 ပူးပေါင်းရင်းမြစ်များ

Ebrœ̂ 4:14

Mɨná gá bé e ánɨ̂nɨ̂n njwɨ́ɨ opara: Yésʉs, Mwân mé Nzyɛ̌m. Nye á si ntaa jʉ́o, le ejwoo le baántɛ́n, tó di ɨ́ jʉ́o kʉ́. Nó, mɨná tôʼ gá dóló le ekǎm búʼó gá yɨ́ná.

Ebrœ̂ 2:14

Bwán nyé dí elwib, dumo e bé bá, bé e bipúno ndu e bidwehé. Jwɨʼ gwár yaá ntémé ó Yésʉs á tíʼe yɨ́. Nye á si dwe lɨ́ esú ó, nye têʼlaa mʉr á bɨbe e nkul eswie nyá. Mʉr waá, nye ó sɔ́ŋ meleme.

Ebrœ̂ 7:26

Nye ó mbi njwɨ́ɨ opara wé á kʉ jala e mɨná gá wɨ́: nye ó mʉr dí tí, waá dí akúnwo e mpɨŋ nyá. Sá mébomo, yé abe ɨ́ nye. Nyé akúnwo bá le osyɛ̂l o mísyóm. Nye ntémé, nye ó mbɨ́ná kʉ́, laǎ jʉ́o le ejwoo le baántɛ́n.

Rôm 5:10

Jɔʼ mɨ́ná bé á be gá ontɨ̂m le obɨn mé Nzyɛ̌m yɨ́, Mwân mé Nzyɛ̌m á si dwe lɨ́ esú gá lɨ́ná, lɨ́ esâ sáá páʼ gá nyɨ́ná e Nzyɛ̌m Sɔ́ŋ. Krîst pǎ nyɛɛ́ cwɨ́a le ontɨ̂m le obɨn bé, á dwɛʼra e mɨná gâ, bʉr o sáá nyaá! Nzyɛ̌m ókʉ́ tiʼ mɨ́ná gá e nzɨ̌ twiʼ mé Yésʉs-Krîst, Mwân wé.

Ebrœ̂ 2:11

Yésʉs, mʉr dí epubo bʉ̂r nyá, bé e bʉr nyé dí epubo bá, bé e boo nɔ́ɔ́ bɨ́bɛ̂h, bé mû ó bʉr o b'á duhǒ gúmo gwár bá. Sá tɨ̂ʼ ó Yésʉs dí ajóʼo sôn lɨ́ ejébe bé «bɨ́ɔɔ́ bâm» yɨ́.

Ebrœ̂ 3:5

Ɨ́ páʼ mé Moyɨ̂z, nye á be ó mʉr ebúʼlɔɔ ɨ́ nkǒ páʼ bísá bíbyɛ̂h bi dí tʉ́ŋlʉ̌ mbɛ̌r bʉ̂r mé Nzyɛ̌m bí. Nye á tyélɔɔ syɛ̂l mesâ ó, nye bôʼlaa sá yɨ́yɛ̂h Nzyɛ̌m á be ó, nye ólɛ́ɛ bʉ̂r yɨ́.

Kolosi 1:21

Ɨ́ mimbú mí píhe, bɨ̌n bé á be ó e ncɛrá e Nzyɛ̌m. Táare e mbi écwólwo bɨ́n á be e lé lɨ́, kumǒ kumáa e bisyɛ́ɛla bí ébébe bɨ́n á sɨsâ bí, bɨ̌n bé á jaa bɨbe ó, njɨ ontɨ̂m le obɨn mé Nzyɛ̌m.

Ebrœ̂ 7:28

Metié, mé á jaa tyêl ɨ́ dǐ njwɨ́ɨ opara ó, bʉr o b'á be ɨ́ tyɛʼ bá. Nó ó, píe metié maá, Nzyɛ̌m á si káale, nye mʉr tɨ̂ʼ ntɔ̂ʼ tyêl Mwân wé ɨ́ dǐ njwɨ́ɨ opara lɨ́ esú é bíjɔʼ bíbyɛ̂h. Mwân wé waá ó dí e nkul elóŋlǒ syɛ́ɛ́ yaá yɨ́yɛ̂h.

Éfɛsɔs 2:16

Ɨ́ jɔʼ nyé á bomlɔɔ ɨ́ kolôs kʉ́ yɨ́, nye á si sâ saá páʼ gá nyɨ́ná e Nzyɛ̌m, le esâ ó, bʉr o bíkúl bíbá gá bíná byaá, díʼee mpʉ mʉ̂r ngwár. Mɨná bé á ka gwâʼ enwimla páʼ gá nyɨ́ná ó, ɨ́ jɔʼ nyé á dwe yɨ́.

Rôm 15:17

Nó ó, ɨ́ mpúhlá nyɨ́h e Yésʉs-Krîst, mě e nkul enkʉ́na ɨ́ lɔ̌b bísyɛ́ɛ́ mé dí eséǎ Nzyɛ̌m bí.

Ebrœ̂ 3:2

Nzyɛ̌m ó b'á tyêl Yésʉs ɨ́ dǐ njwɨ́ɨ opara gá wɨ́ná. Yésʉs, nye ó mʉr ebúʼlɔɔ, ɨ́ mpʉ̌ Moyɨ̂z á bûʼlɔɔ, nzě tyélɔɔ ɨ́ dǐ yé tʉ́ŋlʉ̌ mbɛ̌r bʉ̂r mé Nzyɛ̌m yɨ́.

Ebrœ̂ 2:16

Ebě, lɨ́ otyeetye, nye á bé anze bééngeles ɨ́ nkɔ̌m. Nye á nze kɛm yɨ́ɛ ó, bwá bé ónta mé Abraham.

Ebrœ̂ 3:1

Bɨ́ɔɔ́ bɨ́h le okɛ́l bɨ́h dí egúmo e Nzyɛ̌m bá, mɨná gá ó bé á bi gá nkɔb mpwár: njɨ́blɨ́ Nzyɛ̌m á ntɨh mɨná gá, duho ɨ́ jʉ́o kʉ́ wɨ́. Jwɛ́ʼɛ́ɛ́ gá sɔ̂ʼ njɨ Yésʉs mpʉ nyé dí yɨ́: nye ó mʉr milʉ́mlʉ́ mé Nzyɛ̌m, báʼǎ be ntémé njwɨ́ɨ opara gá wɨ́ná mpʉ mɨ́ná dí ekam gá yɨ́.

Ebrœ̂ 4:15

Ebě, njwɨ́ɨ opara gá wɨ́ná, nye ó waá dí e nkul ejɨ̂ʼ nkóó e mɨná gá ɨ́ jɔʼ nyé dí ebee étyɛʼ gá lɨ́ná yɨ́ nyá. Nye á si bóblɔɔ mimbi mímyɛ̂h, jwɨʼ gwár e gwár e mɨná gâ; sâ gwár, nyɨɛ l'aduma, nkʉ̂ sâ syóm.

Ebrœ̂ 5:1

Ebě, bé pɨ́pɛ́h njwɨ́ɨ opara nyɨnyɛ̂h ó, tʉ́ŋlʉ̌ bʉr. Nye tyélá ɨ́ dǐ yaá ó, nye tyɛ́bɨɨ ɨ́ medilá me bʉ̂r ɨ́ páʼ bísâ bi dí edwɛ̂ʼ Nzyɛ̌m bí. Nye ó mʉr dí etɨtáa mébyaʼ mɔ́ɔ́ nyá, le edîʼ Nzyɛ̌m mindwéá.

Ebrœ̂ 5:2

Para nyɨnyɛ̂h, nyě e nkul ekɛm bígʉʼlʉgʉ́ le bʉr o mû sí dîm bá, ebě, ɨ́ mipáʼ mímyɛ̂h, etyɛʼ lé, lé lɨ́ enyɨ̂n ɨ́ míh mé.

Ebrœ̂ 5:5

Jwɨʼ gwár e gwár yaá ntémé e Krîst. Nye á bé agbân dǐ njwɨ́ɨ opara, nkʉ̂ sáa kûm dí tɨ̂ʼ nyɨ́. Nye á si tyélɔɔ ɨ́ dǐ yaá. Mʉr á tyêl nye nyá, á lɛ́ɛ ó: «Go ó mwân wǎm. Mɨ́ byâ gó mûh.»

Ebrœ̂ 5:10

Nó ó Nzyɛ̌m á tyêl nye njwɨ́ɨ opara ɨ́ mpʉ mé Mɛlkisédɛk yɨ́.

Ebrœ̂ 6:20

Tɨ̂ʼ ó Yésʉs á nî yɨ́. Nye á nî ó, esôʼ e mɨná gâ. Nye mû ó njwɨ́ɨ opara gá wɨ́ná, mpʉ̌ Mɛlkisédɛk á be yɨ́. Nye ódi ntémé ó njɨ nó, njʉ̌m dǐ e njʉ̌m dǐ.

Ebrœ̂ 8:1

Lʉ́ ékǎn e bísá bɨ́h dí elɛ́ɛ bɨ́n bí, wé ó wɨ̂: mɨná gá bé ó e mbi njwɨ́ɨ opara waá. Nye ó ndîndǐl ɨ́ jʉ́o kʉ́ ɨ́ mbó éjʉ́m mé Nzyɛ̌m Sɔ́ŋ nkul nyɨnyɛ̂h.

Ebrœ̂ 8:3

Njwɨ́ɨ opara nyɨnyɛ̂h, nye tyélá ɨ́ dǐ pára yé ó, nye táŋaa mebyaʼ me bʉ̂r le edwidwě Nzyɛ̌m mindwéá. Nó ntémé ó Yésʉs á be ɨ́ bi ó, nye tôʼ dwě Nzyɛ̌m yʉ́ʉ́ sɔ̂ʼ.

Ebrœ̂ 9:11

Krîst, nye mû ó sí nʉǎ dǐ njwɨ́ɨ opara. Nye á nze ó, lɨ́ enzě kab mɨ́ná gá bisá bí émbɨa mɨ́ná mû kúno enʉa gá bí. Nyě séá ó ɨ́ mpǎŋ mpáh Nzyɛ̌m, nyaá dí ɨ́ buo kûm nyɨ́. Yé abe e sá dí esâ sɔ́ɔlʉ tɨ̂. Nye á bé asumɔɔ e mebô. Nye ntémé, nyé abe lɨ́ egúmo e sí yɨ̂. Nye lɨ́ elaa mpáh nyé á nyɛɛ be nyɨ́ ɨ́ mpwaʼ.

Ebrœ̂ 10:21

Mpʉ mɨ́ná gá mû e njwɨ́ɨ oparǎ nɨ́nɨ́ɨ́ dí lʉ̂ sá yɨ́yɛ̂h ɨ́ mpáh Nzyɛ̌m nyá yɨ́,