Ebrœ̂ 2:16 - Kálar Nzyɛ̌m : Ejwán é Sáá

¹⁶ Ebě, lɨ́ otyeetye, nye á bé anze bééngeles ɨ́ nkɔ̌m. Nye á nze kɛm yɨ́ɛ ó, bwá bé ónta mé Abraham.

Kálara Zyɛ̌m Edwán é mpʉ̌n

¹⁶ Ebe, é l'ocyecye, nye a baaze beengles e mɨngula. Nye a ze e mɨngula ó, boo mpoŋbʉr mo Abraham.

Ebrœ̂ 2:16 ပူးပေါင်းရင်းမြစ်များ

Galásia 3:29

Yé bé bɨ̌n bé lɨ́ egúmo e Krîst nó, lɛ́ɛ́, bɨ̌n ntémé bé ó bwá bé ónta mé Abraham. Bɨ̌n ntémé bé ó bʉr o ngá bi ménkɔb ɨ́ mbɨambɨa bisá Nzyɛ̌m á kɛʼ Abraham bí bá.

Galásia 3:16

Jwɨʼ gwár e gwár yaá ó Nzyɛ̌m á dwe Abraham bé e nta wé nkɛ̌ʼ yɨ́. Mekaná mé Nzyɛ̌m, mé alɛ́ɛ ó: «onta». Mé kʉ́ jaá lɛ́ɛ ó, njɨ «nta ngwár.» Nta mé Abraham waá ó dí Yésʉs-Krîst.

Ebrœ̂ 12:10

Osɔ́ŋ gá bɨ́ná, bé á jaa sɨ̂ʼ mɨná gá milʉ̂ ó, njɨ ɨ́ mâ jɔʼ. Bé á si bee embɨa lɨ́ esâ mɨ́ná gá nó. Nó, Nzyɛ̌m Sɔ́ŋ gá wɨ́ná nyɨɛ, nyě jaá sɨ̂ʼ mɨ́ná gá milʉ̂ ó, njɨ lɨ́ esú é nyɔm gá wɨ́ná. Nyě sá nó ó, mɨná nwɨ́ɨlaa gá e né, le edi bʉ̂r o dí tí bá, mpʉ nyé dí yɨ́.

Ebrœ̂ 6:16

Jɔʼ bʉ̂r ntɨ́ntáá mínkâl yɨ́, bé ntɨntaa myé ó, lɨ́ egbâ díé é mʉ̂r dí entaa bé ɨ́ dúu nyá ɨ́ minkâl. Minkál myɔ́ɔ́ myaá, myé lɨ́ egbâ nkǎ-tí ɨ́ mesónó.

Rôm 2:25

Tíʼá mpʉ́n, wé e nyɔm ó, njɨ lɨ́ esú é mʉ̂r dí ebaʼle métié nyá. Mʉ̂r gbáh métié maá nó, tíʼá mpʉ́n wé, wé l'akǎ be e nyɔm. Nye mʉr tɨ̂, nyɨ́ dwirǎ mpʉ mʉ̂r á be apǎ tíʼɔɔ mpʉ́n nyá.

1 Pyɛr 1:20

Nzyɛ̌m Sɔ́ŋ á si boo gʉ́a, kʉ́ e sí, byé l'apǎ bě kuhá ó, Krîst ólóŋlǒ syɛ́ɛ́ yaá. Nye nzě kǎ lɛ̂ʼle mɨ́ná gá nyǎ ɨ́ melú mé épíhe mâʼ lɨ́ esú lɨ́n.

Ebrœ̂ 2:15

Nye á dwe ntémé ó, nye pɛ́ʼɛɛ mɨná gá lɨ́ okómó. Ebě, mɨná bé á nyɛɛ lɛŋ gá bicwiʼ gá bíná ó, kɛ́ʼá lɨ́ okómó. Mɨná bé á didi gá ɨ́ menkara mé ókómó waá ó, ɨ́ kpɛ́ɛ́ éswie.

Ebrœ̂ 2:17

Sá tɨ̂ʼ ó yé á jala ó, nye díʼee kwahaá mpʉ bɨ́ɔɔ́ bé, ɨ́ mipáʼ mímyɛ̂h yɨ́. Nye á nwɨɨla e mɨná gá ó, lɨ́ esú ó, nye nkʉ̂ cwɨ́a e mɨná gá, le edi njwɨ́ɨ opara mɨ́ná ókʉ́ bûʼla gá nyá. Nye ó jálá le eséa ɨ́ páʼ bísâ bi dí edwɛ̂ʼ Nzyɛ̌m bí. Nye ó mʉr á dwe, búra le misyóm mí bʉ̂r bé, le eleʼě Nzyɛ̌m ɨ́ nkpaa nyé nyá.