Ebrœ̂ 2:11 - Kálar Nzyɛ̌m : Ejwán é Sáá

¹¹ Yésʉs, mʉr dí epubo bʉ̂r nyá, bé e bʉr nyé dí epubo bá, bé e boo nɔ́ɔ́ bɨ́bɛ̂h, bé mû ó bʉr o b'á duhǒ gúmo gwár bá. Sá tɨ̂ʼ ó Yésʉs dí ajóʼo sôn lɨ́ ejébe bé «bɨ́ɔɔ́ bâm» yɨ́.

Kálara Zyɛ̌m Edwán é mpʉ̌n

¹¹ Yesʉs, mʉr lé epubo bʉr ɨ, bé e bʉr nye lé epubo e, bɨbɛh, bé mu ó bʉr o b'a duho é Sɔŋ ngwar ɨ. Ebe no ó Yesʉs ndɨ ajoʼo fwon lé ejebe be ó, obɨɔ bam e l'okɛl bam ɨ.

Ebrœ̂ 2:11 ပူးပေါင်းရင်းမြစ်များ

Ebrœ̂ 10:14

Nyɨɛ á jaa dwe ó njɨ ndwéá ngwár, bʉr o b'á be ó, bé púbɔɔ bá, bé ntɔ̂ʼ pubɔɔ mbɨ̂mbɨá ɨ́ mipáʼ mímyɛ̂h. Bé ódidi nó ó, njʉ̌m dǐ e njʉ̌m dǐ.

Ebrœ̂ 10:10

Ɨ́ gwɨ́má yé yaá ó mɨ́ná bé á pubɔɔ gá jɔʼ gwár lɨ́ esú é bíjɔʼ bíbyɛ̂h yɨ́. Mɨná mû pubɔɔ gá ó, ɨ́ lɔ̌b ndwéá Yésʉs-Krîst á dwe Nzyɛ̌m nyʉ̂l nyé tâŋ ndwéá wɨ́.

Yʉanes 20:17

Yésʉs, nye e né ó: «Sá akǎ mɛ̂r mê, ebě, me dína apǎ bɨ́nɔɔ ɨ́ jʉ́o kʉ́, tô kwá mé Dâ. Tóʼ, tó lɛ́ɛ bɨ́ɔɔ́ bâm ó, me mû ó lɨ́ ebére, búlǎ nko Sɔ́ŋ wǎm dí yɨ́. Nye ntémé, nye ó sɔ́ŋ wɨ́n. Nye ó Nzyɛ̌m wǎm. Nye ó Nzyɛ̌m wɨ́n ntémé.»

Ebrœ̂ 13:12

Yésʉs á kʉ be ntémé ó nó. Nye á to sia e mitúú ó, ɨ́ nkanǎ kʉ̌l. Nye á sâ nó ó, nye púbaa kúl bʉ̂r yé e metié mé nye mʉr tɨ̂.

Rôm 8:29

Ebě, baá Nzyɛ̌m á boo gʉ́a bá, nye á twâr bé ó, bé díʼee mpʉ Mwân wé. Bé ódǐ mpʉ Mwân mé Nzyɛ̌m nó, Mwân waá, nye ósûʼla ó, medwéʼé mé Mwân, le ontwóm ɨ́ buo buo.

Yʉanes 17:19

Me lɨ́ etímle gó twiʼ yâm yɨ́yɛ̂h ó, bé nkʉ̂ be bʉ̂r bô, lɨ́ otyeetye tʉ́ŋlʉ̌.

Yʉanes 17:21

Me lɨ́ ejɨʼla e go ó, bɨ́bɛ̂h, bé díʼee sâ gwár. Dâ ɛ̌, bé díʼee ɨ́ mpúhlá e mɨná mpʉ gó dí ɨ́ mpúhlá e me, mɛm ɨ́ mpúhlá e go yɨ́. Bé díʼee ɨ́ mpúhlá e mɨná. Nó ó bʉ̂r ó sí yɨ̂ʼ ngá bûʼla ó, go ó b'á ntɨh me yɨ́.

Mataos 25:40

Nó ó, njwɨ́ɨ ókǎ yala e bé ó: “Mě lɛ́ɛ́ bɨ́n lɨ́ otyeetye ó, gúmó bɨ́n á sâ mʉr ngwár ɨ́ sɔ́má bɨ́ɔɔ́ bâm bâ nó yɨ́, damá jóʼǒ waá dí agbáŋɔɔ ɨ́ nkɔb nyá, gúmo yaá, bɨ̌n bé á sâ ó me embɨa laá.”

Ebrœ̂ 2:14

Bwán nyé dí elwib, dumo e bé bá, bé e bipúno ndu e bidwehé. Jwɨʼ gwár yaá ntémé ó Yésʉs á tíʼe yɨ́. Nye á si dwe lɨ́ esú ó, nye têʼlaa mʉr á bɨbe e nkul eswie nyá. Mʉr waá, nye ó sɔ́ŋ meleme.

Galásia 4:4

Yé ntɔ̂ʼ kǎ pyâl mbɨambɨa jɔ̌ʼ Nzyɛ̌m á boo tyêl yɨ́. Jɔʼ yaá ó Nzyɛ̌m á nze ntɨh Mwân wé, ó nye ntáa nzě byɛ̂l ɨ́ mo nyʉ́ʉ́ mʉ́má. Mwân waá á be ó, ɨ́ mpila métié tʉ́ŋlʉ̌.

Mɨlʉmlʉ 17:26

Nye á si kûhlo, duho ɨ́ mʉr ngwár, bikúl bíbyɛ̂h. Nye nzě dil byé ɨ́ sí yɨ̂ʼ yɨ́yɛ̂h, nyé osí boó tyêl bíjɔʼ bé ngá di tɨ̂ʼ bí le egbâ mínjɨ ɨ́ sí yɨ̂, lɨ́ elɛ̂ʼle bígúmó bé ódi bí.

Ebrœ̂ 11:16

Sâ gwár, bé á be ó e dwéh édi ɨ́ mpǎŋ mpóʼo, nyaá dí ɨ́ jʉ́o kʉ́ nyɨ́. Sá tɨ̂ʼ ó Nzyɛ̌m dí ajóʼo sôn ɨ́ jɔʼ bé dí egbân nyé yɨ́. Nyɨ́ komlo bé mpǎŋ nkana yaá.

Markus 8:38

Bʉr ó myǎ wɨ̂, bé ó odûl bé ónzyɛ̌m oswîh. Mʉr nyɨnyɛ̂h jéʼé mê, jóʼo mílɛ́ʼlá myâm sôn témé osyɛ̂l o mísyóm ó myǎ wɨ̂ʼ nyá, Mwân mé Mʉr ójéʼe ntémé mʉr waá ɨ́ dʉ́ó nyé ngá nze ɨ́ mentyɛnwa me Sɔ́ŋ wé, pûhla e maá bééngeles dí ti bá yɨ́.»

Mataos 28:10

Nó ó Yésʉs á lɛ́ɛ e bʉbá baá ó: «Akpɛ́ɛ gâ. Tó lɛ́ɛ gá bɨ́ɔɔ́ bâm ó, bé tôʼ bóno ɨ́ sí Galilê, ebě, gʉ̂ʼ ó bé ngá bee mé yɨ́.»

Mɨlʉmlʉ 17:28

Ebě: Mɨná tiʼe gá ó, ɨ́ nzɨ̌ nyé. Mɨná kubla gá ó, ɨ́ nzɨ̌ nyé. Mɨná bi gá twiʼ ó, ɨ́ nzɨ̌ nyé. Sá bʉ́ʉ́ ótila bɨ́n, bé á boʼlo yɨ́, yé ó kwahaá tɨ̂ʼ tyeetye: Mɨná gá ntémé, bé ó bwán bé.

Lʉkas 9:26

Mʉr nyɨnyɛ̂h jéʼé mê, jóʼo mílɛ́ʼlá myâm sôn nyá, Mwân mé Mʉr ójéʼe ntémé mʉr waá ɨ́ dʉ́ó nyé ngá nze ɨ́ mentyɛnwa mé, le maá me Sɔ́ŋ wé, le maá bééngeles mé Nzyɛ̌m yɨ́.

Markus 3:34

Nye ntɔ̂ʼ dwɛ̂ʼ bʉ̂r o b'á be mindîndǐl, bé á bɔma nye ɨ́ nká bá. Nye ó: «Beyɨɨ gá, bâʼ ó dí nyɔ̌ŋ wǎm, le bɨ́ɔɔ́ bâm le okɛ́l bâm!

Ebrœ̂ 3:1

Bɨ́ɔɔ́ bɨ́h le okɛ́l bɨ́h dí egúmo e Nzyɛ̌m bá, mɨná gá ó bé á bi gá nkɔb mpwár: njɨ́blɨ́ Nzyɛ̌m á ntɨh mɨná gá, duho ɨ́ jʉ́o kʉ́ wɨ́. Jwɛ́ʼɛ́ɛ́ gá sɔ̂ʼ njɨ Yésʉs mpʉ nyé dí yɨ́: nye ó mʉr milʉ́mlʉ́ mé Nzyɛ̌m, báʼǎ be ntémé njwɨ́ɨ opara gá wɨ́ná mpʉ mɨ́ná dí ekam gá yɨ́.