Ebrœ̂ 13:7 - Kálar Nzyɛ̌m : Ejwán é Sáá

⁷ Sísímsáá gá otyɛ̂b bé ésôʼ bɨ́n, baá bé á lɨlɛ́ɛ bɨ̌n lɔ́ɔ́ mé Nzyɛ̌m bá. Símsáá gá kʉ̌ tyen wɔ́ɔ́ le ndumló bícwiʼ byɔ́ɔ́. Dyɛ́ʼwáá gá e Nzyɛ̌m mpʉ bé á sâ yɨ́.

Kálara Zyɛ̌m Edwán é mpʉ̌n

⁷ Toŋla ga ocyɛb be efoʼ bɨn, baa b'a lɛɛ-lɛɛ bɨn lɔɔ Zyɛm ɨ. Toŋla ga ebò e cyen bé a kœʼ œ, e ndumlo bɨtiʼ byɔɔ. Jyɛʼɛ ga taa buʼo yin boo Zyɛm mpʉ bé a sa ɛ.

Ebrœ̂ 13:7 ပူးပေါင်းရင်းမြစ်များ

Ebrœ̂ 13:17

Jóʼáá gá otyɛ̂b bé ésôʼ bɨ́n. Bɨ̌n e tyé ɨ́ jwɨ́ɨ́ yɔ́ɔ́. Ebě, bé ó dí ebaʼle mísísǐm mín. Bé ntémé ó ngá tó lɛ́ɛ̌ Nzyɛ̌m mpʉ bé á séa lɨ́ esú lɨ́n yɨ́. Bɨ́n sá bé mejóʼo nɛ́ɛ: bé oséǎ syɛ́ɛ́ yɔ́ɔ́ e bisʉhʉʉ. Yé bé abe nó wá, bé ójóʼo mébúʼ. Syɛ́ɛla yaá, abe bɨ́n e nyɔm.

Filipi 3:17

Bɨ́ɔɔ́ bâm! Okɛ́l bâm! Baŋaa gá me, bɨ̌n óbɛ̂h. Mɨ́ dwe bɨ́n mveʼle. Nó ó, bɨʼɨɨ gá míh mɨ́n ɨ́ bʉr o dí etiʼě mpʉ̌ mveʼle yaá dí yɨ́ bá. Bɨ̌n e dú bê.

Ebrœ̂ 6:12

Bɨ̌h bé akpɛl ó, bɨ̌n díʼee mipwɨ́pwɨ̂h mí ósyɛ̂l o mésâ. Bɨ̌h jaá gwɨ̂m ó, njɨ bɨ̌n sâʼ mpʉ bʉ́ʉ́ óbûʼla mé Nzyɛ̌m dí eboó sɨsâ yɨ́: bé e búʼó ndu e bíhwó. Bɨ́ɛ ntémé ó ngá nʉǎ sá Nzyɛ̌m á kɛʼ bé yɨ́, jala e nkɔb líʼe nyɔ́ɔ́.

1 Tesalonika 1:6

Bɨ̌n ntɔ̂ʼ dû kʉ̌ tyen wɨ́h e boo Tî Yésʉs. Bɨ̌h bé á si bee bɨ̌n lɨ́ ebúʼlǎ Mbɨambɨa Lɔ́ɔ, damá jóʼo ɨ́ mitúú bɨ́n á sia e myé mí. Ɨ́ mitúú tʉ́ŋlʉ̌, bɨ̌n bé á si lóno ɨ́ bisʉhʉʉ̌ Sísǐm mé Nzyɛ̌m wé á ntɨh bɨ̌n bí.

Mɨlʉmlʉ 14:23

Ɨ́ sɔ́má bʉ̂r ó Mbɛ̌r-Nzyɛ̌m yɨ́yɛ̂h, bé á be lɨ́ etyêl ótyɛ̂b bé ésôʼ. Bé á tityêl bé ó, sí pǎ ti méde, le ejɨʼla e Nzyɛ̌m. Bé á titímle bé ó, ɨ́ mebó mé Tî Yésʉs, mʉr bé á dyɛ̂ʼwo e né nyá.

Mataos 24:45

«Nzé dí twóó túʼǎ, waá dí mʉr ebúʼlɔɔ, waá sɔ́ŋ wé á tyêl ó, yé díʼee lʉ́ bítúʼǎ byé, le ekab byé mede ɨ́ mepʉ́la me dí ejala má nyá?

1 Timotɛ 3:5

(Ebě, mʉ̂r óbé akoʼo éjwɨ́ɨ̌ mbɛ̌r bʉ̂r wé nó, wáǎ mbi mʉ̂r tɨ̂ʼ dí e nkul epálǎ Mbɛ̌r-Nzyɛ̌m ɛ́?)

Ebrœ̂ 13:24

Sohaa gá otyɛ̂b bé ésôʼ bɨ́n bɨ́bɛ̂h, bé e bʉr o mé Nzyɛ̌m oswîh bɨ́bɛ̂h. Obûʼla ó sí Italî, bé lɨ́ esoho bɨ́n.

1 Tesalonika 2:13

Sá tɨ̂ʼ ó bɨ́h dí edwě Nzyɛ̌m nzyǒo ɨ́ bijɔʼ bíbyɛ̂h yɨ́, ebě, ɨ́ jɔʼ bɨ́h á lɛ́ɛ bɨ̌n lɔ́ɔ́ wé yɨ́, bɨ̌n bé á si bûʼla wê. Bɨ̌n bé á bé anʉa wé mpʉ̌ lɔ́ɔ́ dí eduho ɨ́ num mʉ̂r bipúno wɨ́. Bɨ̌n bé á kʉ nʉa wé ó, mpʉ̌ lɔ́ɔ́ mé Nzyɛ̌m lɨ́ otyeetye. Lɔ́ɔ́ mé Nzyɛ̌m waá, wé lɨ́ eséa ɨ́ bɨ̌n obûʼla.

1 Korɛnt 4:16

Nó ó, me lɨ́ ejɨʼla e bɨ̌n ó, bɨ̌n báŋaa me.

Rôm 10:17

Nó ó, gʉ́ŋáá gá ó, jɔʼ mʉ̂r dyɛ́ʼwá e Krîst yɨ́, yé duho ó, ɨ́ sá nyé á jóʼo yɨ́. Njóʼá wé waá, wé duho ó, lɨ́ ekǎn bé dí elɛ́ɛ nyé, dumo e Krîst lɨ́.

Mɨlʉmlʉ 4:31

Le bé á sil ejɨʼla e Nzyɛ̌m, le ntɔ̂ʼ gúmó bé á syɛŋa yɨ́, yé á kubla. Sísǐm mé Nzyɛ̌m nzě lóno bɨ́bɛ̂h ɨ́ miléme, bé ntɔ̂ʼ táare élɛ́ɛ̌ lɔ́ɔ́ mé Nzyɛ̌m ɨ́ kpɛŋlɛm, abáawo bá yʉ́ʉ́ sɔ̂ʼ.

Mɨngwiha 6:9

Jɔʼ Mâ Nteme á gbɛ́ɛ sitâm tɛ̂n yɨ́, me ntɔ̂ʼ dwɛ̂ʼ lɨ́ empah lé alatâr, nzě bee tɨ̂ʼ ó, misísǐm mi bʉ̂r. Bé á jʉ́ŋɔɔ ó, ɨ́ lɔ̌b lɔ́ɔ́ mé Nzyɛ̌m, ti e mboʼlá bé á boʼlo wɨ́.

Mɨngwiha 20:4

Píe tɨ̂, me á si bee mecwɨ́ɨ́ mé ójwɨ́ɨ, le bʉr o b'á be tɨ̂ʼ mindîndǐl bá. Nzyɛ̌m á si dwe bé nkul etíʼe bʉ̂r milɔ̌b. Me á si bee ntémé misísǐm mi bʉ̂r. Bé á tíʼɔɔ milʉ̂ ó, ɨ́ lɔ̌b mboʼlá dí edumo e Yésʉs wɨ́, ti e lɔ́ɔ́ mé Nzyɛ̌m. Bɨ́ɛ á bé adwe tír waá, bé e kpɛʼkpɛ̂ʼ mveʼle yé bɨ́bɛ̂h kûm. Bé á bé acɛmǎ jwɨʼ yé ɨ́ mempǒm mɔ́ɔ́ ti e lɨ́ koo ékœ̂h. Me á bee bé ó, bé osí pah. Bé e Yésʉs-Krîst, bé á si njwɨ́ɨbʉr ó sí tɔ́ɔ́sin mimbû.

Mɨngwiha 1:9

Yé ó mɛm Yʉánɛs, mɨ́ɔɔ́ wɨ́n. Mɨná gá bé ɨ́ mpúhlá e Yésʉs ó, lɨ́ esia e mitúú mímpwár. Mɨná gá óbɛ̂h bé ɨ́ mpóʼo Yésʉs dí ejwɨ́ɨ yɨ́. Mɨná gá óbɛ̂h ó dí e bíhwó nyé dí egbâ bʉ̂r ɨ́ miléme nyɨ́. Bé á mɛ̂r me, pɨrɔɔ mé wâʼ ɨ́ tíhé dí ejébɔɔ «Pátmos» wɨ́ ó, ebě, lɔ́ɔ́ mé Nzyɛ̌m le milɔ̌b mé Yésʉs mé dí eboʼlo mí.

2 Tesalonika 3:9

Bɨ̌h bé e nkul jwɨ́ɨ dí ó, bɨ̌h díraa nyɔm lɨ́ enʉnʉa bísá bín. Bɨ̌h bé á be ó, bɛ̌m sâ nó. Sâ gwár, bɨ̌h bé á si kpɛl elɛ̂ʼle bɨ̌n mveʼle, lɨ́ esú ó, bɨ̌n báŋaa bɨ̌h.

1 Korɛnt 11:1

Baŋaa gá me mpʉ mé dí ebaŋǎ Krîst yɨ́.

Lʉkas 12:42

Tî Yésʉs ntɔ̂ʼ yala e né ó: «Nzé dí twóó mbɔʼlʉ ekúró dí mʉr ebúʼlɔɔ nyá, waá sɔ́ŋ á tyêl ó, nye díʼee lʉ́ ósyɛ̂l o mésá bé, le ekab bé menkɔb méde mɔ́ɔ́ ɨ́ bijɔʼ bi dí ejala bí nyá?

Lʉkas 8:11

«Kɨkɛnǎ nɨ̌, yé lɛ́ɛ́ ó mbi wɨ̂: mpeʼ, yé ó lɔ́ɔ́ mé Nzyɛ̌m.

2 Tesalonika 3:7

Ebě, bɨ̌n bʉr o tɨ̂, bé lɨ́ ekʉ́ gʉ́ǎ mpʉ bɨ́n jálá le enwɨɨla e bɨ̌h yɨ́. Bɨ̌h bé á bé asâ épɨ̂h ɨ́ jɔʼ bɨ́h á be páʼ nyɨ́n yɨ́.

1 Korɛnt 10:13

Mebʉ́blá bɨ́n á ntaa má, mé lɨ́ epyâl bɨ́n e bʉr bɨ́bɛ̂h. Tó kœb ó, Nzyɛ̌m, nye ó mʉr jálá le ebúʼlɔɔ nyá. Nye ábîr ó, bɨ̌n bóblɔɔ, tó pyâl ɨ́ jɔʼ bɨ́n ósâ syóm yɨ́. Jɔʼ mébʉ́blá, mé ópipyâl bɨ́n yɨ́, nye ókar bɨ́n nzɨ̌ swîh. Bɨ̌n bé odyɛ̂l tɨ̂, le esyɛ̂hle mísyóm bɨ́n á gwa sâ mí.

Mɨlʉmlʉ 13:46

Nó ó Pɔ̂l bé e Banabâs, bé á lwib e bé ɨ́ kpɛŋlɛm, abáawo mʉ̂r ó: «Yé á jɨ ó, lɔ́ɔ́ mé Nzyɛ̌m, wé nyɛ́ɛ túnɔɔ kwá nyɨ́n, oYúden. Sâ gwár, bɨ̌n bɨɛ, bɨ́ beně lɔ́ɔ waá, bɨ̌n bɨɛ lɨ́ ebee ó, bɨ̌n bé ajala le ebǐ twǐʼ njʉ̌m dǐ. Yé bé nó wá, beyɨɨ gá, bɨ̌h bɨ́ laa, lɨ́ etó túnǒ lɔ́ɔ́ mé Nzyɛ̌m waá ɨ́ mesí mé bʉ̂r oswîh.

Lʉkas 5:1

Ɨ́ lʉ́ʉ́ dʉ́o, Yésʉs á si to tyɛ̂b lɨ́ ebʉ́m é mâŋ mé Genezarɛ̂t. Nó éntumo e bʉ̂r, lé á nze bɔma nye ɨ́ nká. Bé á nze ó, lɨ́ enzě jôʼlǒ lɔ́ɔ́ mé Nzyɛ̌m nyé á tutúno wɨ́.

1 Pyɛr 4:11

Yé bé mʉr ólwib mílɔ̌b mé Nzyɛ̌m nó, nye lɛ́yɨɨ sá yɨ́yɛ̂h mpʉ mʉ̂r dí ekala mílɔ̌b mé Nzyɛ̌m nyá jálá le esâ yɨ́. Yé bé nyě súʼó ó bʉ́ʉ́ bʉ̂r nó, nye súʼaa bé e nkǔl Nzyɛ̌m mʉr tɨ̂ʼ á ntɨh nye nyɨ́. Nó ó Nzyɛ̌m ngá dweŋɔɔ kûm ɨ́ sá yɨ́yɛ̂h ɨ́ nzɨ̌ mé Yésʉs-Krîst yɨ́. Kûm le nkul, byé dwéŋɔɔ nye njʉ̌m dǐ e njʉ̌m dǐ. Amɛn.