Ebrœ̂ 13:5 - Kálar Nzyɛ̌m : Ejwán é Sáá

⁵ Mʉ̌r sá alâʼ nyʉ̂l nyé lɨ́ enkpɔɔ é mɔnɨ́. Sohaa gá bím bísá bɨ́n dí ebi bí, ebě, Nzyɛ̌m á lɛ́ɛ ó: «Mé abe e nkul ejɨha gô, nkʉ̂ líʼe gó ɨ́ ntɛ̂ʼ.»

Kálara Zyɛ̌m Edwán é mpʉ̌n

⁵ Mʉr alaʼ ga lʉ é kpɛl mɔn. Filɨ ga mɨleme si é bim bɨn lé ebi ɨ, ebe, Zyɛm a lɛɛ ó: «Me abe e nkul eliʼe go é ntɛʼɛ nkʉ ntwiŋ go.»

Ebrœ̂ 13:5 ပူးပေါင်းရင်းမြစ်များ

Mataos 6:25

«Sâ yaá ó mé lɛ́ɛ́ bɨ́n ó: asyɛl gá bá ɨ́ lɔ̌b twiʼ yɨ́n, lɨ́ eyêʼwo méde bɨ́n ngá de yɨ́. Asyɛl gá ntémé bá ɨ́ lɔ̌b míkán bɨ́n óbwâr ɨ́ menyʉ́l mɨ́n mí. Nzê bɨ̌n bé agʉ́a ó, twiʼ, yé e nyɔm, laa méde, le ntémé ó, nyʉ̂l, nyě e nyɔm, laa míkán ɛ́?

Mataos 6:34

Nó, mʉr ayêʼwo gá sá ngá syɛ́ɛ ómɛ́n yɨ́, ebě, ómɛ́n ó yéʼwó nyé mʉr tɨ̂. Móhó jala ó e wé túú.»

Kolosi 3:5

Sá dí ɨ́ bɨ̌n, yaá dí eduho ɨ́ sí yɨ̂ʼ yɨ́, jʉ́ʼóó gá yê. Yé ó dí: bimolá, bisyɛ́ɛla bi dí edulo mpîr ɨ́ nyʉ̂l bí, gwɨ́má ékœkœb bʉ́bá, gwɨ́má ésâ bísâ bi dí ɨ́ bébe bí, le nzɔ́ɔ́ bísâ. Ebě, mʉr dí e yé nyá, nye ó jwɨʼ gwár e gwár e waá dí edwě yɨŋayɨ̌ nzyɛ̌m kûm nyá.

Lʉkas 3:14

Bisója ntémé nzě dî e né ó: «Bɨ̌h bɨɛ ntémé, bé ɨ́ jala le esâ nyá?» Nye ó: «Ayɨ́ nʉa gá mɔnɨ́ e nkul, nkʉ̂ e nzɨ̌ bilɛ̌ʼ. Bónáá gá enʉǎ bím myɛ́na bé á be ó, bé ójána bɨ́n má.»

2 Pyɛr 2:14

Míh mɔ́ɔ́, mé jaá sáa ó, njɨ bʉbá bé sâʼ medyɛ̂n e bé bá. Bé abá gbala lɨ́ esâ syóm. Bé sɨ́sáá ó, bʉr o dí ɨ́ tyɛʼ bá, bé bílɨɨ ɨ́ bilám byɔ́ɔ́. Bé jaá gbâ lémé ɨ́ dwííí ó, njɨ lɨ́ ejɨ̂ʼ édû bígwɨ́má ményʉ́l mɔ́ɔ́. Nzyɛ̌m, nyɨ́ syɛm bê.

1 Timotɛ 3:3

abě nyʉnyóʼ, abe mʉ̂r esweha. Nye ɨ́ jala le ebe ó e lémé mpâm, abe ányâ-bitɔm, abe e nzɔ́ɔ́ bísâ.

Éfɛsɔs 5:5

Gʉ́ŋáá gá ó, mʉr dí elœʼ nyʉ́l nyé ɨ́ nzɨ̌ bijoó nyá, le waá dí edulo mpîr ɨ́ nye mʉr tɨ̂ʼ nyá, le waá dí egbâ mîh ɨ́ bisá byé onkán bá, mʉr dí e mbi bísyɛ́ɛla byaá nyá, nye ákóʼó bi nkɔ̂b ɨ́ Mpóʼo mé Krîst, dí nyaá mé Nzyɛ̌m nyɨ́. Ɨ́ jɔʼ mʉ̂r gbá mîh ɨ́ bisá byé onkán yɨ́, syɛ́ɛla yaá kʉ́ lɛ̂ʼle ó, mʉr waá, nye lɨ́ edwe bíkpɛʼkpɛ̂ʼ bí ónzyɛ̌m kûm.

2 Pyɛr 2:3

Bibɨ́bla bí ólɛ̂ʼla byaá, byé ókûhlo bíkɨkɛna lɨ́ edû gwɨ́má ébi bísâ. Byé onze le egwâm bɨ́n bisâ. Sâ gwár, boó táarě kɔ́m, Nzyɛ̌m, mʉr pá dí Tîʼ milɔ̌b wɔ́ɔ́ nyá, nye mû ó ɨ́ cǎr lɨ́ edwe byé bintɨ́ʼá ɨ́ milɔ̌b myɔ́ɔ́ nyé á boo tíʼe mí. Mʉr ngá dwe byé bébebébe bintɨ́ʼá waá, jʉ̂ byé nyá, nye ɨ́ doho ɨ́ mpʉ̂n nyɔ́ɔ́.

Éfɛsɔs 5:3

Sâ gwár, mʉ̌r sá ajóʼo lʉ́ʉ́ dʉ́o ó, yé e nyʉ́ʉ́ mʉ̂r sɔ́má yɨ́n dí esâ bímolá nyá, nkʉ̂ byúú bísyɛ́ɛla bi dí edulo mpîr ɨ́ nyʉ̂l bí. Yé sá abe ntémé e mʉr dí etyěn lémé wé ɨ́ nzɔ́ɔ́ bísâ nyá. Bibɨ́bla bísyɛ́ɛla byaá, byé ajala e bʉr o dí egúmo e Nzyɛ̌m bá.

1 Korɛnt 5:11

Me bé ó, me tílaa bɨ̌n ó, bɨ̌n ayɨ́ be e ndwáala e mʉr dí elɛ́ɛ ó, nye ó mbûʼla, nyɨɛ yɨ́ɛ lɨ́ esâ bímolá, nkʉ̂ waá dí e mpuo bigwɨ́má nyá, nkʉ̂ mʉr dí edwe bíkpɛʼkpɛ̂ʼ bí ónzyɛ̌m kûm nyá. Bɨ̌n bé ayɨ́ be e ndwáala e mʉr melwɨ́ɨ, nkʉ̂ nyʉnyóʼ, nkʉ̂ ndíblʉ̌. Bɨ̌n bé ayɨ́ pûhla mébô lɨ́ ede e mimbi mi bʉ̂r myaá.

Lʉkas 8:14

Bâʼ bʉ̂r, bé ó mpʉ̌ mpeʼ dí ɨ́ mindwínɨ́nɨ́ yɨ́. Bé lɨ́ ejóʼo ntémé lɔ́ɔ waá. Píe tɨ̂, bé mû jaá yêʼwo ó, njɨ sí yɨ̂, le okúm, le ogbaa ndu e bigwɨ́má bí twiʼ yɨ̂. Bisâ byaá mû bé ɨ́ milémé myɔ́ɔ́ ó ɨ́ lárádá. Bé abe e nkul ekǎ sâ bísyɛ́ɛla bimpâ.

Markus 7:22

medyɛ̂n, nzɔ́ɔ́ bísâ, ebébe é léme, mikóo, bimolá nzam le ekomo, nzwíí nkěh, nkɛ́á nyʉ̂l, sɔ́ɔlʉ pɨ̂ʼ.

Yʉ̂d 1:11

Nkoó, nye ó e bʉr baá! Ebě, bɨ́ dû nzɨ́ Kayɨ̂n á kar nyɨ́. Bé á si dîm, lɨ́ edû nzɨ́ mikóo mé Balâm, ebě, bé á gwɨ̂m ó myɛ́na. Bé á ka to dwe ó mpʉ bʉ̂r ó Korê bé á dwe ɨ́ jɔʼ bé á gbɔba e Moyɨ̂z yɨ́.

1 Korɛnt 6:10

mindíblʉ̌, bʉr o bígwɨ́má, minyʉnyóʼ, bʉr o mélwɨ́ɨ, baá dí edɛn bímɔnɨ́ byé onkán bá: bʉr baá, bé álîʼ e nkɔb nyɔ́ɔ́ ɨ́ Mpóʼo mé Nzyɛ̌m.

Rôm 1:29

Bé lɨ́ eswâhle bísyɛ́ɛla bíbyɛ̂h bi dí egbah métié bí. Byé ó dí: jélé, gwɨ́má bísá byé onkán, ebébe é léme, nzwíí, ntaa sʉ́ŋa, ejwɨ́ɨ́ é bʉ̂r, gwɨ́má égœ́a e bʉr, mikóo, sɛ́á mépɨʼ mé ébébe, mesyɛ́ɛla.

Mataos 6:19

«Amâʼ gá okúm le ogbaa wɨ́n ɨ́ sí yɨ̂, gúmó óswôʼ le myámnkɛ̂l dí endáma bísɔ̂ʼ, mindíblʉ̌ bʉ̂ mébê le edíbe yɨ́.

2 Korɛnt 4:9

Bé lɨ́ etíble bɨ́h; sâ gwár, Nzyɛ̌m, nyé alíʼe bɨ́h. Bé damá dumo bɨ́h sí; sâ gwár, bé abe e nkul ejʉ̂ bɨ́h.