Ebrœ̂ 13:3 - Kálar Nzyɛ̌m : Ejwán é Sáá

³ Tʉtoŋlaa gá mimbʉʼ: diʼee gá mpʉ̌ sá lɛ́ɛ́, bɨ̌n le onɔ́ɔ́ bɨ́bɛ̂h ó dí ɨ́ mbʉʼ. Toŋlaa gá bʉr o dí esia e mitúú bá, ebě, bɨ̌n bé lɨ́ egʉ́ǎ mpʉ bíntɨ́ʼá dí ɨ́ kpaa ɨ́ nyʉ̂l yɨ́.

Kálara Zyɛ̌m Edwán é mpʉ̌n

³ Toŋla ga mɨmbʉʼ: diʼe ga mpʉ sa lɛɛ ó, bɨn e boo nɔɔ bɨbɛh, bé ó mɨmbʉʼ e mɨmbʉʼ. Toŋla ga baa lé ebɔma e mɨtuu ɨ, ebe, bɨn bé egʉa mpʉ bɨntɨʼa ndɨ ekpaa é nyʉl ɨ.

Ebrœ̂ 13:3 ပူးပေါင်းရင်းမြစ်များ

Mataos 25:36

Me á be ó suswáh; bɨ̌n nzě bôr mé kán. Me á be ó lɨ́ ebíle; bɨ̌n nzě nze mé ɨ́ menɔɔlʉ. Me á be ó ɨ́ mbʉʼ; bɨ̌n nzě naa mê.”

Ebrœ̂ 10:34

Bɨ̌n e mimbʉʼ bé á si sia e mitúú mímpwár. Jɔʼ bʉ̂r bé á dɛn mebi mɨ́n yɨ́, bɨ̌n bé á si bîr byé e bisʉhʉʉ, ebě, bɨ̌n bé á be ɨ́ kʉ́ gʉ́a ó, bɨ̌n bé óbánǎ bi bídimé bísâ. Bisâ byaá, byé ɨ́ buú mbɨa, laa byaá bé á nyɛɛ dɛn bí. Byé ntémé, byé ó bisá bi dí edi bí.

Rôm 12:15

Sohaa gá, bɨ̌n e bʉr o dí esoho bá. Jɨʼee gá medwê, bɨ̌n e baá o dí ejɨ bá.

1 Korɛnt 12:26

Tíl nyʉ̂l gwár bé lɨ́ ebǐ túú nó, byúú bíbyɛ̂h, byé ósia e túú waá ntémé. Yʉ́ʉ́ tîl bé lɨ́ edweŋɔɔ kûm nó, bé e byúú bítíl bíbyɛ̂h, byé ósoho.

Kolosi 4:18

Mě kʉ́ cɛma ékǎn lɨ̂ʼ ó e mbó wâm: Ajɨha gá ó, me ó ɨ́ mbʉʼ. Metyɛʼ me mpóm mé Nzyɛ̌m, mé díʼee e bɨ̌n.

1 Pyɛr 3:8

Lʉ́ ékǎn ɨ́ mekaná mâʼ lɨ́ esú é bɨ́n óbɛ̂h, wé ó: diʼee gá e mbǐ pahlá ngwár. Jóʼáá gá mebúʼ mémpwár. Kpɛlaa gá páʼ nyɨ́n kpɛ̌l dí páʼ bɨ́ɔɔ́ e bɨ́ɔɔ́ yɨ́. Lɛ́ʼláá gá kpɛ̌l dí eduho ɨ́ lémé tʉ́ŋlʉ̌ yɨ́. Jɔrɨɨ gá menyʉ́l mɨ́n páʼ nyɨ́n.

Mataos 25:43

Me á be ó njwóo; bɨ̌n bé á bé anʉa mé ɨ́ mimbɛ̌r mín. Me á be ó suswáh; bɨ̌n bé á bé abôr mé kán. Me á be ó mbêl. Me á be ntémé ó ɨ́ mbʉʼ; bɨ̌n bé á bé anze mé ɨ́ menɔɔlʉ.”

Mɨlʉmlʉ 24:23

Nó nyé á lɛ́ɛ e kapitɛ̂n á bɨbaʼle Pɔ̂l nyá ó, nye páa baʼle nyé ɨ́ mbɛ̌r mímbʉʼ. Sâ gwár, nye e bíbír nyé ɨ́ byúú bíjɔʼ. Nye nzě kam ntémé ó, osó bé, bé ntáa nzě sɨséa nyé bisyɛ́ɛ́.

Éfɛsɔs 4:1

Nó, mɛm mʉr dí mbʉʼ mé Tî Yésʉs nyá, mě jɨʼlá e bɨ̌n ó, bɨ̌n dúʼoo mbɨambɨa kʉ̌ tyěn Nzyɛ̌m á jébe bɨ̌n ó, bɨ̌n dúʼoo wɨ́.

Mɨlʉmlʉ 27:3

Ɨ́ mɛ́n tɨ̂, bɨ̌h bé á be ó sí tó pyâl Sidɔ̂n. Nó ó, Yʉlíos á be ɨ́ nʉǎ Pɔ̂l mbɨ̂mbɨá, le ebîr ó, nyɨɛ tôʼ kwá osó bé. Jáŋá, bé ósúʼo nyé ɨ́ tyen.

Ebrœ̂ 11:37

Bʉ́ʉ́, bé á si lúmɔɔ mekóʼ, jʉ́ŋɔɔ. Bâʼ, tíʼɔɔ bípéh bíbá e menziʼ; bʉ́ʉ́, jʉ́ŋɔɔ le opasoŋ; bʉ́ʉ́ bɨ́ɛ, bé á si soŋɔɔ ɨ́ mimbɛ̌r myɔ́ɔ́, didiŋɔɔ̌ kʉ̌l e kʉ̌l. Bé á jaa tyeele ó, njɨ bikʉ́r bítab lɨ́ odyɛ́m. Bʉr, bé á si bu tíble bé, le esáŋɔɔ bé jélé ɨ́ lɔ̌b búʼó yɔ́ɔ́.