Ebrœ̂ 13:24 - Kálar Nzyɛ̌m : Ejwán é Sáá

²⁴ Sohaa gá otyɛ̂b bé ésôʼ bɨ́n bɨ́bɛ̂h, bé e bʉr o mé Nzyɛ̌m oswîh bɨ́bɛ̂h. Obûʼla ó sí Italî, bé lɨ́ esoho bɨ́n.

Kálara Zyɛ̌m Edwán é mpʉ̌n

²⁴ Soha ga ocyɛb be efoʼ o Mbɛr-Zyɛm ndwe e mɨsaŋ mɨ bʉr mimyɛh. Obuʼla o lal Italia, bé esoho bɨn.

Ebrœ̂ 13:24 ပူးပေါင်းရင်းမြစ်များ

Ebrœ̂ 13:17

Jóʼáá gá otyɛ̂b bé ésôʼ bɨ́n. Bɨ̌n e tyé ɨ́ jwɨ́ɨ́ yɔ́ɔ́. Ebě, bé ó dí ebaʼle mísísǐm mín. Bé ntémé ó ngá tó lɛ́ɛ̌ Nzyɛ̌m mpʉ bé á séa lɨ́ esú lɨ́n yɨ́. Bɨ́n sá bé mejóʼo nɛ́ɛ: bé oséǎ syɛ́ɛ́ yɔ́ɔ́ e bisʉhʉʉ. Yé bé abe nó wá, bé ójóʼo mébúʼ. Syɛ́ɛla yaá, abe bɨ́n e nyɔm.

Ebrœ̂ 13:7

Sísímsáá gá otyɛ̂b bé ésôʼ bɨ́n, baá bé á lɨlɛ́ɛ bɨ̌n lɔ́ɔ́ mé Nzyɛ̌m bá. Símsáá gá kʉ̌ tyen wɔ́ɔ́ le ndumló bícwiʼ byɔ́ɔ́. Dyɛ́ʼwáá gá e Nzyɛ̌m mpʉ bé á sâ yɨ́.

Filemɔŋ 1:5

ebě, mě jʉ́jóʼó bé lɨ́ elɛ́ɛ ɨ́ páʼ gô ó, go lɨ́ ekʉ́ dyɛ̂ʼwo e Tî Yésʉs, le ekpɛl óbûʼla bɨ́bɛ̂h.

Mɨlʉmlʉ 18:2

Nye nzě bɔma e Yúden, díé lé Akílas. Nye á byɛ̂l ó, ɨ́ sí Pɔ́ŋtos. Nye alúno duhǒ sí Italî, bé e mʉmá wé, Prǐska, ebě, Kɛ́ɛza Klodíʉs á lɛ́ɛ ó, oYúden bɨ́bɛ̂h, bé pɔ́ʼaǎ Rôm. Nó ó, Pɔ̂l á nze to syɛŋa e bê.

Kolosi 1:2

bʉr o dí egúmo e Nzyɛ̌m, baá o dí ɨ́ Kolósia bá. Bɨ̌n bé ó bɨ́ɔɔ́ bɨ́h ɨ́ Krîst tʉ́ŋlʉ̌, bʉr o bé ébûʼlɔɔ. Metyɛʼ me mpóm le mepyɛbla, mé díʼee e bɨ̌n, duho e Nzyɛ̌m Sɔ́ŋ gá wɨ́ná.

Filipi 4:22

Bɨ́ɔɔ́ bɨ́n le okɛ́l bɨ́n bɨ́bɛ̂h dí kâʼ bá, bé lɨ́ esoho bɨ́n, kʉ́ buú be, baá o dí ɨ́ mbɛ̌r mé Njwɨ́ɨ Kɛ́ɛza bá.

2 Korɛnt 13:13

Bʉr o mé Nzyɛ̌m bɨ́bɛ̂h, bé lɨ́ esoho bɨ́n.

2 Korɛnt 1:1

Yé ó mɛm Pɔ̂l, mʉr milʉ́mlʉ́ mé Yésʉs-Krîst ɨ́ lɔ̌b gwɨ́má mé Nzyɛ̌m ó dí ecɛma bɨ́n mekaná mâ, bɨ̌h e Timotɛ̂, mɨ́ɔɔ́ gá wɨ́ná. Bɨ̌h cɛmá ó, Mbɛ̌r-Nzyɛ̌m dí Kórɨnt wɨ́, ti e bʉr o mé Nzyɛ̌m bɨ́bɛ̂h o dí ɨ́ sí Akayɨ̂ bá.

Filipi 1:1

Yé ó mɛm Pɔ̂l, bɨ̌h e Timotɛ̂, osyɛ̂l o mésâ mé Yésʉs-Krîst. Bɨ̌h cɛmá ó bɨ̌n, bʉr bɨ́bɛ̂h o dí egúmo e Yésʉs-Krîst, baá bé á pûhla e né, le edǐ Fílipi bá. Bɨ̌h cɛmá ntémé ó, otyɛ̂b bé ésôʼ ó Mbɛ̌r-Nzyɛ̌m le odiâkɔn.

Mɨlʉmlʉ 27:1

Jɔʼ nyé á kam ó, bɨ̌h e nɔ́ɔ́ tôʼ ɨ́ sitíma ɨ́ sí Italî yɨ́, bê nzě tyěn Pɔ̂l, bé e myúú mímbʉʼ miswîh, e nyʉ́ʉ́ kapitɛ̂n, díé lé Yʉlíos. Sɔ́má bísója bí Rôm yé, yé á be ɨ́ jwɨ́ɨ́ yé yɨ́, yé á jébɔɔ ó: “Sɔ́má bísója mé Kɛ́ɛza”.

Mɨlʉmlʉ 9:13

Ananías ntɔ̂ʼ lɛ́ɛ ó: «Dâ ɛ̌, bʉr ɨ́ buo buo, bé á si lɛ́ɛ me lɔ̌b wé. Bé sá ó lɛ́ɛ ébébe lɨ́lɛ̂h nyé á sâ bʉr o dí egúmo e go, baá o dí ɨ́ Yerʉ́zalɛm bá lɨ́.

1 Korɛnt 16:16

bɨ̌n sâʼ mimbi mi bʉ̂r mínɨ̌ mejóʼo, bé e bʉr o bé e boo nɔ́ɔ́ dí eséa e nkul bá.