Ebrœ̂ 13:23 - Kálar Nzyɛ̌m : Ejwán é Sáá

²³ Gʉ́ŋáá gá ó, mɨ́ɔɔ́ gá wɨ́ná Timotɛ̂, nye mû ó sí pʉʼa ɨ́ mbʉʼ. Nó, nyé sí pyâl mé wâʼ nó, bɨ̌h e né, bé onze ɨ́ jɔʼ mé ónzě bee bɨ́n yɨ́.

Kálara Zyɛ̌m Edwán é mpʉ̌n

²³ Gʉŋa ga ó, mɨɔ ga wina Timote lwanbe pʉʼa é mbɛr mɨmbʉʼ! ǃNye si pyal me ye nɛʼɛ, bɨh e nɔɔ bé óze bee bɨn.

Ebrœ̂ 13:23 ပူးပေါင်းရင်းမြစ်များ

Filemɔŋ 1:1

Yé ó mɛm Pɔ̂l, mʉr dí mbʉʼ ɨ́ lɔ̌b mé Yésʉs-Krîst nyá ó dí ecɛma gó mekaná mâ, bɨ̌h e Timotɛ̂ mɨ́ɔɔ́ wɨ́ná. Bɨ̌h cɛmá ó, gua mɨ́ɔɔ́ kpɛ̌l wɨ́h Filémɔn, dí eboó séa e bɨ̌h syɛ́ɛ́ gwár nyá.

1 Tesalonika 3:2

bɨ̌h bé ɨ́ jala yɨ́ɛ le elómǒ Timotɛ̂ kwá nyɨ́n. Nye ó mɨ́ɔɔ́ gá wɨ́ná ndu e syɛ̂l mesâ mé Nzyɛ̌m, dí etúnǒ Mbɨambɨa Lɔ́ɔ́ mé Krîst nyá. Bɨ̌h bé á lómo nye ó, nye lɨ́lɨɨ bɨ̌n ɨ́ búʼó, le esâ ó, bɨ̌n tôʼ dóló le edyɛ̂ʼwo e Krîst.

2 Timotɛ 1:8

Nó, ajóʼo bá sôn ɨ́ lɔ̌b mboʼlá mɨ́ná dí eboʼlo, dumo e Tî gá wɨ́ná wɨ́. Ajéʼe mɛ̂m. Ajóʼo sôn ɨ́ lɔ̌b ménkara mé mû kɛ́ʼá e mé má. Go e dúhwó mítúú mi dí edweŋɔɔ mɨ́ná ɨ́ lɔ̌b Mbɨambɨa Lɔ́ɔ mí. Go e dúhwó e nkǔl Nzyɛ̌m dí edwe nyɨ́.

Mɨngwiha 7:14

Me e né ó: «Dâ ɛ̌, gua ó dí egʉ́a.» Nó nyé á lɛ́ɛ e me ó: «Bʉr bâ, bé ó baá bé á sia e bintɨ́ʼá bínɨ́nɨ́ɨ́ bá. Bɨ́ sohlo bídur byɔ́ɔ́ e metié me Mâ Nteme. Nó ó míkán myɔ́ɔ́ dí ɨ́ pumo pumo yɨ́.

Filemɔŋ 1:22

Me lɨ́ egwɨ̂m ó, go kómlaa me ntɔ́ɔ mbɛ̌r ɨ́ jɔ̌ʼ Onezímos ópyâl gʉ̂ʼ yɨ́, ebě, me lɨ́ ebúʼla ó, Nzyɛ̌m ósâ mɨ́ná mpam ɨ́ nzɨ̌ minjɨʼla mín. Nye ódwe mé jɔʼ énze gʉ̂ʼ kwá nyɨ́n.

1 Timotɛ 6:12

Bɨ̌n e bʉr o dí edyɛ̂ʼwo e Nzyɛ̌m bá, lwímláá gá mpǎŋ dɔ̂m. Dɔm laá, lé ó, laá é búʼó. Mɛ́rɨ́ɨ́ gá twǐʼ njʉ̌m dǐ ɨ́ kpɨ́ɨ́ɨ́. Nzyɛ̌m á jébe go ó, go níʼee ɨ́ twǐʼ njʉ̌m dǐ yaá. Yé á be ó, ɨ́ jɔʼ gó á boʼlo mpǎŋ mboʼlá ɨ́ míh mé óbea yɨ́.

Rôm 15:28

Nó ɨ́ jɔʼ mé óbe, me mû sí tô bé e mingúlá myaá, le egʉ́a ó, bɨ́ bi myé yɨ́, mé obúla, tô Panyá, cɨɨ gʉ̂ʼ kwá nyɨ́n yɨ́.

Rôm 15:25

Nó ó, ɨ́ báánâ, me páa nyɛɛ́ tô Yerʉ́zalɛm, lɨ́ etó súʼo óbûʼla o dí gʉ̂ʼ bá,

Kolosi 1:1

Yé ó mɛm Pɔ̂l, mʉ̌r Nzyɛ̌m á jébe ɨ́ lɔ̌b gwɨ́má yé ó, me díʼee mʉr milʉ́mlʉ́ mé Yésʉs-Krîst nyá. Bɨ̌h e mɨ́ɔɔ́ gá wɨ́ná Timotɛ̂ ó dí ecɛma bɨ́n mekaná mâ. Bɨ̌h cɛmá ó,