Ebrœ̂ 13:22 - Kálar Nzyɛ̌m : Ejwán é Sáá

²² Bɨ́ɔɔ́ bâm! Okɛ́l bâm! Me cɛmá bɨ́n ó, bɨ̌n bíʼee nkul ɨ́ miléme. Me cɛmá ó, mekǎn abuo. Nó ó, mě jɨʼlá e bɨ̌n ó, bɨ̌n dûhwaa mekǎn maá lɨ́ ejóʼo!

Kálara Zyɛ̌m Edwán é mpʉ̌n

²² Obɨɔ ga bam aa! Me etile bɨn ó, me gbaʼ bɨn nkul é monyʉl. Me etile ó, bwa mokan abuo. No ó, me ejwɨʼla e bɨn ó, bɨn dihba mokan maa lé ejoʼo!

Ebrœ̂ 13:22 ပူးပေါင်းရင်းမြစ်များ

1 Pyɛr 5:12

Bɨ̌h e Silâs ó dí ecɛma bɨ́n bwá mékaná mâ. Mɛ̌m bee ó, nye me ó mʉr ebúʼlɔɔ. Mě cɛmá bɨ́n ó e gwɨ́má égbâ bɨ́n nkul ɨ́ miléme. Mě boʼlo ntémé ó, mpam bɨ́n mû lɨ́ ebi ɨ́ nzɨ̌ mé Yésʉs nyɨ́, nye ó mpam mpâ mé Nzyɛ̌m.

Ebrœ̂ 3:1

Bɨ́ɔɔ́ bɨ́h le okɛ́l bɨ́h dí egúmo e Nzyɛ̌m bá, mɨná gá ó bé á bi gá nkɔb mpwár: njɨ́blɨ́ Nzyɛ̌m á ntɨh mɨná gá, duho ɨ́ jʉ́o kʉ́ wɨ́. Jwɛ́ʼɛ́ɛ́ gá sɔ̂ʼ njɨ Yésʉs mpʉ nyé dí yɨ́: nye ó mʉr milʉ́mlʉ́ mé Nzyɛ̌m, báʼǎ be ntémé njwɨ́ɨ opara gá wɨ́ná mpʉ mɨ́ná dí ekam gá yɨ́.

Galásia 6:11

Paá bee gá bikaŋá bínɨ́nɨ́ɨ́ mé mû lɨ́ ecɛma bɨ́n ɨ́ báánâʼ e mbó wâm mɛm mʉr tɨ̂ʼ bí!

2 Korɛnt 6:1

Ebě, Nzyɛ̌m lɛ́ɛ́ ó nɛ́ɛ: «Ɨ́ jɔʼ yé á jala yɨ́, me á si jóʼo go. Ɨ́ móhó mé á tiʼ bʉ́ʉ́ bʉ̂r wɨ́, me á si kɛm go ntémé.» Nó mpʉ bɨ́h dí esɨséǎ Nzyɛ̌m syɛ́ɛ́ gwár yaá yɨ́, bɨ̌h bé lɨ́ ejɨʼla e bɨ̌n ó, bɨ̌n ayɨ́ bi mpâm mé Nzyɛ̌m dwêh. Jɔ̌ʼ Nzyɛ̌m á kam ó, nye óyala mɨ́ná gá yɨ́ ó yɨ̂. Móhó nyé á tyêl lɨ́ esú lé étiʼ mɨ́ná gá wɨ́ ó wɨ̂.

2 Korɛnt 5:20

Nó bɨ̌h bé ó bʉr o mílʉ́mlʉ́ ɨ́ syɛ́ɛ́ mé Krîst. Yé ó mpʉ̌ sá lɛ́ɛ́, Nzyɛ̌m mʉr tɨ̂ʼ ó dí ejébe bɨ́n ɨ́ nzɨ̌ njɨ́blɨ́ wɨ́h. Ɨ́ tyé mé Krîst, bɨ̌h mû lɨ́ ejɨʼla e bɨ̌n ó nɛ́ɛ: kamaa gá ó, bɨ̌n bɨɛ díʼee baá Nzyɛ̌m á sâ saá páʼ bé e boo nɔ́ɔ́ bá.

Ebrœ̂ 4:11

Nó mɨná gbâʼ gá nkul lɨ́ esú lé énî ɨ́ gúmó bʉ̂r dí egbala yɨ́. Gwá di gá le ocwóó, ó mʉ̌r sá asâ ébɨ̌h e Nzyɛ̌m, nkʉ̂ duma sí mpʉ bímpám gá bíná byé á duma yɨ́.

Ebrœ̂ 4:1

Nzyɛ̌m á líʼe nkɛ̌ʼ e mɨná gá ó, nye ódib nzɨ́ egbalá lɨ́ esú gá lɨ́ná. Sâ gwár, gwá di gá le ocwóó, lɨ́ ekpɛ́ɛ ó, mʉr ngwár ɨ́ sɔ́má yɨ́n ámû sû myɛ́na maá, nye ntɔ̂ʼ akǎ nî lɨ́ egbalá laá.

Ebrœ̂ 2:1

Sɨ́ǎ yaá ó dí ó, milɛ́ʼlá bé á nyɛɛ dwe mɨná gá mí, mɨná díʼee gá ɨ́ puuu lɨ́ egwá jôʼlo myé, lɨ́ esú ó, mɨná sá akǎ tyenɔɔ gá díbé tíe, jɨ́bla.

2 Korɛnt 10:1

Nó ó, mɛm mʉr tɨ̂, Pɔ̂l, me lɨ́ ejɨʼla e bɨ̌n ɨ́ metala le mpam mé Krîst,... Mɛm, mʉr bɨ́n dí epǎ lɛ́ɛ ó: «Nye ɨ́ jɔr nyʉ̂l ɨ́ jɔʼ mɨ́ná gá le onɔ́ɔ́ dí gúmo gwár yɨ́», waá bɨ́n dí epǎ lɛ́ɛ ntémé ó: «Nyě e lémé ébɨ̌h e mɨná gá ɨ́ jɔʼ mɨ́ná gá le onɔ́ɔ́ dí e ncɛrá yɨ́» nyá.

Mɨlʉmlʉ 13:15

Píe métié le mekaná mé ógwíha o mílɔ̌b, mé á sîl eláŋɔɔ yɨ́, nó ójwɨ́ɨ o mpáh bisulá, bé á sâ ó, bé lɛ́yɨɨ ó: «Bɨ́ɔɔ́, yé bé nyʉ́ʉ́ mʉ̂r ɨ́ sɔ́má yɨ́n, nyě e sá élɛ́ɛ dí e nkul egbâ bʉ̂r nkul ɨ́ miléme nó, nye lɛ́yɨɨ bʉr yǎ ɨ́ báánâ.»

Éfɛsɔs 3:3

Nye á níŋle me ɨ́ syɛ́ɛ́ yaá ó, ɨ́ jɔʼ gwár e gwár nyé á dwe me pɨʼ lɨ́ esimá yɨ́. Nye á sâ nó ó, me nkʉ̂ pâʼla bɨ́n lwǐb ódîm yé. Bɨ̌n gʉ́á nó ó e nzɨ̌ bwá mékǎn mé dí ecɛma bɨ́n mâ.

Ebrœ̂ 12:5

Paá bee gá yʉ́ʉ́ sɔ̂ʼ ó: bɨ̌n bɨ́ jɨha mélɨ́ Nzyɛ̌m á dwe mɨná gá má. Nye á dwe bɨ̌n melɨ́ maá ó, ebě, bɨ̌n bé ó bwán bé. Nye á lɛ́ɛ ó: Mwân wǎm, jɔ̌ʼ Dâ Nzyɛ̌m mû lɨ́ esɨ̂ʼ gó lʉ̂ yɨ́, sá asâ épɨ̂h. Jɔʼ nyé mû lɨ́ edwe gó mebě yɨ́, ajóʼo étyɛʼ e nyʉ̂l.

Ebrœ̂ 13:19

Sá mé dí edî nɨ̌, yé ó, bɨ̌n jɨ̂ʼlaa e Nzyɛ̌m, ó nye kámaa ó, me báʼa nzě kœb bɨ́n kám e kám.