Ebrœ̂ 13:2 - Kálar Nzyɛ̌m : Ejwán é Sáá

² Mʉ̌r sá asâ épɨ̂h lɨ́ enʉa ójwóo o dí epyâl kwá nyɨ́n bá mbɨ̂mbɨá. Bʉ́ʉ́ bʉ̂r, bé á si nʉa ojwóo mbɨ̂mbɨá, bé ntɔ̂ʼ kœb ó, nkúná yé á be ó beéngeles, bɨ́ɛ l'agʉ́a.

Kálara Zyɛ̌m Edwán é mpʉ̌n

² Ajɨha ga lé ebɨlan e l'ojyoo lé epyal bɨn ɨ. Bʉʉ bʉr, bé a si baʼle ojyoo mbɨmbɨa, bé ntɔʼ kœb ó, mpa yé a be ó beengles, bɛɛ l'agʉa.

Ebrœ̂ 13:2 ပူးပေါင်းရင်းမြစ်များ

Mataos 25:35

Ebě, me á si jóʼo nza; bɨ̌n nzě dwe mé mede. Me á si jóʼo dwéh médíbé, bɨ̌n nzě dwe mé medíbé. Me á be ó njwóo; bɨ̌n nzě nʉa mé ɨ́ mimbɛ̌r mín.

Rôm 12:13

Dwéʼ gá bʉr o mé Nzyɛ̌m bisâ bi dí esâ bé sɔ́ɔlʉ bí. Nʉnʉa gá ojwóo o dí epyâl kwá nyɨ́n bá mbɨ̂mbɨá.

1 Pyɛr 4:9

Atárwa gá lɨ́ ebaʼla páʼ nyɨ́n ɨ́ mimbɛ̌r mín.

Mataos 25:43

Me á be ó njwóo; bɨ̌n bé á bé anʉa mé ɨ́ mimbɛ̌r mín. Me á be ó suswáh; bɨ̌n bé á bé abôr mé kán. Me á be ó mbêl. Me á be ntémé ó ɨ́ mbʉʼ; bɨ̌n bé á bé anze mé ɨ́ menɔɔlʉ.”

Títos 1:8

Nyě mbɨa ó, di mʉ̂r dí egʉ́a énʉa ójwóo nyá. Lémé wé, wé dúʼoo sɔ̂ʼ njɨ embɨa. Nye dwêʼ nyʉ̂l nyé medile. Nye díʼee tîtyěl, e léme ɨ́ sɔ́ɔ́ɔ́ ɨ́ mîh mé Nzyɛ̌m. Nye gʉ́ŋaa emâr léme.

Mataos 25:40

Nó ó, njwɨ́ɨ ókǎ yala e bé ó: “Mě lɛ́ɛ́ bɨ́n lɨ́ otyeetye ó, gúmó bɨ́n á sâ mʉr ngwár ɨ́ sɔ́má bɨ́ɔɔ́ bâm bâ nó yɨ́, damá jóʼǒ waá dí agbáŋɔɔ ɨ́ nkɔb nyá, gúmo yaá, bɨ̌n bé á sâ ó me embɨa laá.”

1 Timotɛ 5:10

Go ócɛmǎ kúho díe ó, waá wé óbe, wé mû sí gúmo ɨ́ páʼ bísyɛ́ɛla bimpâ wɨ́. Wé díʼee mbi mʉ́má wɨ̂: waá á gwɨ̂l bwân, nʉa ójwóo mbɨ̂mbɨá, waá á jwɨɨ bʉr o mé Nzyɛ̌m mekʉ̌, kɛm bʉ̂r o dí esia e mitúú bá, gbâ nkûl lɨ́ esâ bísyɛ́ɛla bimpâ mimbi mímyɛ̂h wɨ́.

1 Timotɛ 3:2

Nó yé jɨ ó, waá dí epála bʉ́ʉ́ nyá, díʼee mʉr dí, abe e nkul edweŋɔɔ mébě nyá. Nye díʼee njʉ̂m mʉmá ngwár. Nyé ajala le ebe mʉ̂r dí ede ményoʼ, puro nyá. Nye dwêʼ nyʉ̂l nyé medile. Nye díʼee mʉr dí e dúu nyá. Nye díʼee mʉr dí enʉa ójwóo, waá dí egʉ́a édwe bʉ̂r milɛ́ʼlá nyá,

Rôm 16:23

Gáywis, nye lɨ́ esoho bɨ́n ntémé. Nye ó waá á tira me ntɔ́ɔ ɨ́ mbɛ̌r wé nyá, jwɨʼ gwár mpʉ nyé dí ebɨbaʼle bʉ̂r ó Mbɛ̌r-Nzyɛ̌m bɨ́bɛ̂h yɨ́. Erâst, mʉr dí ebaʼle ékúró é bímɔnɨ́ bí nkana yɨ̂ʼ nyá, bé e mɨ́ɔɔ́ gá wɨ́ná Kwártos, bé lɨ́ esoho bɨ́n ntémé.

Mɨlʉmlʉ 16:15

Nye nzě duŋɔɔ, bé e mbɛ̌r bʉ̂r wé ntémé. Nó nyé á jébe bɨ̌h. Nye e bɨ̌h ó: «Yé bé bɨ̌n bɨ́ gwá kʉ́ bee ó, me mû ó lɨ́ ekʉ́ dyɛ̂ʼwo e Tî Yésʉs nó, ntaá di gá ɨ́ mbɛ̌r wâm.» Nó nyé á tíne bɨ̌h ó, bɨ̌h kámaa.

3 Yʉanes 1:5

Mbɨambɨa mɨ́ɔɔ́ wǎm, go lɨ́ ekʉ́ sâ méjóʼo ɨ́ jɔʼ gó dí ebaʼle bɨ́ɔɔ́ bô yɨ́, damá be ó, bê go ó ojwóo.