Ebrœ̂ 13:16 - Kálar Nzyɛ̌m : Ejwán é Sáá

¹⁶ Sáʼ gá bʉr oswîh embɨa. Súʼáá gá bʉr e mebi mɨ́n. Mʉ̌r sá ajɨhǎ syɛ́ɛla yaá, ebě, yé ó ndwéá Nzyɛ̌m dí ebeě mbɨ̂mbɨá wɨ́.

Kálara Zyɛ̌m Edwán é mpʉ̌n

¹⁶ Saʼ ga bʉʉ bʉr bɨsyɛɛla bɨ embɨa. Fuʼa ga bʉr e mobi mɨn. Anyamle jɨha esa syɛɛla yaa, ebe, yé ó motwina Zyɛm lé ebee mbɨmbɨa ɛ.

Ebrœ̂ 13:16 ပူးပေါင်းရင်းမြစ်များ

2 Tesalonika 3:13

Ɨ́ páʼ wɨ́n, bɨ́ɔɔ́ bâm, menyʉ́l sá atyɛʼ bɨ́n píe bisyɛ́ɛla bimpâ bɨ́n dí esâ bí.

Rôm 12:13

Dwéʼ gá bʉr o mé Nzyɛ̌m bisâ bi dí esâ bé sɔ́ɔlʉ bí. Nʉnʉa gá ojwóo o dí epyâl kwá nyɨ́n bá mbɨ̂mbɨá.

Galásia 6:10

Ɨ́ mpʉ yé dí nó yɨ́, mɨ́ná bí gá epʉ́la e tɨ̂ʼ nó, mɨná gbâʼ gá nkul ó, mɨná cwɨ́aa gá e bʉr bɨ́bɛ̂h. Sâ gwár, kʉ́ buú cwɨ́a gá e bʉr ó Mbɛ̌r-Nzyɛ̌m gá wɨ́ná, dí bʉr ó búʼó gwár bá.

Ebrœ̂ 6:10

Ebě, Nzyɛ̌m, nyé abe waá onzyɛ́h ónzyɛ́h. Nye ájɨ́há syɛ́ɛ́ bɨ́n dí eséa nyé yɨ́. Nye ntémé, nyé abe e nkul ejɨhǎ kpɛ̌l bɨ́n dí elɛ̂ʼle nyé yɨ́. Yé á si nyɨ̂n ɨ́ ponó ɨ́ jɔʼ bɨ́n á be lɨ́ ekɛm bʉ̂r bé yɨ́. Bɨ̌n ntémé dína ó lɨ́ etô e menkɔ̌m maá dóló.

1 Timotɛ 6:18

Lɛ́yɨ́ɨ́ óbil o bísâ baá ó, bé sâʼ embɨa. Bisyɛ́ɛla bí émbɨa byɔ́ɔ́ bíɛ, byé díʼee ɨ́ buo buo. Bé díʼee ɨ́ cǎr ó, bé súʼaa bʉr, le etô bé e mingúlá myɔ́ɔ́.

Filipi 4:18

Me á si bi sá yɨ́yɛ̂h bɨ́n á lómlo me yɨ́. Bím yaá, yé ɨ́ buo. Me mû ó, ɨ́ twíha ɨ́ lɔ̌b bísá Epafrɔ́ditɔs á nze e byé bí. Nzyɛ̌m, nye lɨ́ ebee míndwéá mín mbɨ̂mbɨá mpʉ míndwéá mi dí edíʼɔɔ nyé e mbɨambɨa menumó mí. Yé ó mbi míndwéá Nzyɛ̌m dí ekpɛl wɨ́.

Éfɛsɔs 4:28

Mʉr á bɨbe ndíblʉ̌ nyá, nye gwáʼaa díbe. Nye séaa syɛ́ɛ́ dí e nyɔm yɨ́, e mebó mé, ɨ́ mbi dí ó, nye díʼee e sá nyé ósúʼo báántéʼenteʼe o bʉ̂r e yé yɨ́.

1 Tesalonika 5:15

Mʉr abwóolo ébébe le ebébe. Sáʼ gá bisyɛ́ɛla bimpâ páʼ nyɨ́n e bʉr bɨ́bɛ̂h.

Mɨlʉmlʉ 10:38

Bɨ̌n bé lɨ́ egʉ́a ntémé mpʉ̌ Nzyɛ̌m á lœm Yésʉs, mʉr Nazarɛ̂t, Sísǐm wé, le edwe nyé ánɨ̂nɨ̂n nkul yɨ́. Bɨ̌n bé lɨ́ egʉ́a ntémé mpʉ̌ Yésʉs á tye mésí e mésí, lɨ́ etô le esâ émbɨa, le etiʼ baá bɨ́bɛ̂h bé á jɨjaʼra e mpél mé sɔ́ŋ meleme bá yɨ́, ebě, bé e Nzyɛ̌m ó b'á be.

Lʉkas 18:22

Jɔ̌ʼ Yésʉs á jóʼo nó yɨ́, nye nzě lɛ́ɛ e né ó: «Yé lɨ́ esáa gó sâ gwár. Tóʼ, tó bɛ́ma bísá bíbyɛ̂h gó dí e byé bí. Go e dwé míndyêbndyéb mɔnɨ́ yaá. Jɔʼ yaá ó gó ngá bi ókúm le ogbaa ɨ́ buo buo ɨ́ jʉ́o kʉ́ kwá mé Nzyɛ̌m yɨ́. Píe tɨ̂, go e nzé dû mê.»

3 Yʉanes 1:11

Mbɨambɨa só wǎm, ayɨ́ baŋǎ sá dí ɨ́ bébe yɨ́, njɨ yaá dí ɨ́ mbɨa yɨ́. Mʉr dí esâ bísyɛ́ɛla bi mpâm nyá, duho ó kwá mé Nzyɛ̌m. Syɛ̂l ebébe nyɨɛ, nyé apǎ beě Nzyɛ̌m.

Galásia 6:6

Mʉr di ejɨ̂ʼ mílɔ̌b mé Nzyɛ̌m nyá, nye kábaa bisá bí émbɨa byé bíbyɛ̂h e mʉr dí edwe nyé milɛ́ʼlá nyá.

Filemɔŋ 1:6

Me lɨ́ ejɨʼla e Nzyɛ̌m mpʉ mɨ́ná dí esyɛŋa lɨ́ edyɛ̂ʼwo e Yésʉs yɨ́, ó go gʉ́ŋaa bisá bí émbɨa bíbyɛ̂h mɨ́ná dí e nkul esâ gá bí, ebě, yé ó sá mɨ́ná ódwe gá Yésʉs-Krîst yɨ́.

Filipi 4:14

Damá jóʼo nó, bɨ̌n bé á si kʉ sâ embɨa lɨ́ enʉa nkɔ̂b ɨ́ mitúú myâm.

Mɨlʉmlʉ 9:36

Yé á bě Yópe ó e nyʉ́ʉ́ mpʉ́n mʉmá, díé lé Tabitâ. Díe laá, lé lɨ́ epâʼlɔɔ ɨ́ lwǐb grɛ̂k ó “Dɔ́rkas”: “Mpwaŋ-ebeɔɔ”. Nye á be ɨ́ jɔʼ yɨ́yɛ̂h ó, lɨ́ ebuú cwɨ́a e bʉr, le esusúʼo báántéʼenteʼe o bʉ̂r.