Ebrœ̂ 12:9 - Kálar Nzyɛ̌m : Ejwán é Sáá

⁹ Yé e yʉ́ʉ́ sɔ̂ʼ: ɨ́ jɔʼ ósɔ́ŋ gá bɨ́ná, bé á byâ mɨná bá, sɨ́ʼ mɨ́ná gá milʉ̂ yɨ́, mɨná sɨ́sá ó, dwe gá bé dúu. Nó ó, Sɔ́ŋ gá wɨ́ná á tíʼ mɨná gá misísǐm nyá, nyé ósɨ̂ʼ mɨ́ná gá ntémé milʉ̂ nó, nzê mɨná bé ajala le edwe gá nye dúu ɨ́ buo buo ɛ̌? Mɨ́ná sí sâ gá nye mejóʼo nó, lɛ́ɛ́, mɨná bé ótíʼe gá ɨ́ nzɨ̌ mejóʼo maá.

Kálara Zyɛ̌m Edwán é mpʉ̌n

⁹ Yé e yʉʉ sɔʼɔ: osɔŋ ga bɨna, bé a bya bɨna ɛ, é jɔʼ bé lé eturo bɨna ga mɨlʉ ɨ, bɨna bé ebula dwaabe ga be tɨ. No ó, Sɔŋ ga wina lé edwɛʼ mɨsisim ga mina ɛ, ǃnye si turo bɨna ga nteme mɨlʉ nɛʼɛ, zê bɨna bé ajala le efil ga monyʉl si e nye ɛ? ǃBɨna si sa ga no nɛʼɛ, lɛɛ ó, bɨna bé óbi ga tiʼ molu mo mpoʼ mɨmɛh.

Ebrœ̂ 12:9 ပူးပေါင်းရင်းမြစ်များ

Yʉanes 3:6

Sá dí ebyɛ̂l mbyɛ́lá bípúno yɨ́, yé ó bipúno. Yaá dí ebyɛ̂l e nzɨ̌ Sísǐm mé Nzyɛ̌m yɨ́, yé ó sísǐm.

1 Pyɛr 5:6

Jɔrɨɨ gá menyʉ̂l e Nzyɛ̌m. Nyě jwɨ́ɨ́ bʉ̂r ó sí yɨ̂ʼ ó e nkul ɨ́ buo buo. Bɨ́n jɔ́r ményʉ̂l e né nó, nyé ogbɛl bɨ́n sí ɨ́ jɔʼ nyé á pa boo tíʼe ó, nye ótíʼ bɨ́n yɨ́.

Jacques 4:7

Ɨ́ tɨ̂, sáʼ gá Nzyɛ̌m mejóʼo. Lwímláá gá e sɔ́ŋ meleme. Nyé okpɛ́ɛ bɨ́n, tó di ɨ́ pɨ́nʉ́ʉ́.

Rôm 9:5

Bé ó dí mpóʼo mé Abraham, le Isaac ti e Yóseb. Krîst mʉr tɨ̂ʼ á byɛ̂l mʉr ó, ɨ́ kúl bʉ̂r yɔ́ɔ́. Kûm díʼee e Nzyɛ̌m, njwɨ́ɨ sá yɨ́yɛ̂h, njʉ̌m dǐ e njʉ̌m dǐ. Amɛn.

Jacques 4:10

Jɔrɨɨ gá menyʉ̂l ɨ́ mpǒm mé Dâ Nzyɛ̌m. Nyé ogbɛl bɨ́n.

Rôm 9:3

Wé kpaa mé nó ó, ebe bɨ́ɔɔ́ bâm, bʉr o bɨ́h le onɔ́ɔ́ bé á byɛ̂l bá, dí e meswomlʉ. Yé bé Nzyɛ̌m á bě sí kam nó, lɛ́ɛ́, mɨ́ kam ó, nye dwíhɨɨ bé meswomlʉ mé, nye syɛ́mɨɨ me, damá jóʼo ó mpʉ bɨ́h e Krîst, bé óbɔ́ʼa mpɔ́ʼá mpá yɨ́.

Rôm 1:3

Mbɨambɨa Lɔ́ɔ waá dumo ó e Mwân wé. Ɨ́ nkǒ páʼ ébyɛ̂l e bípúno, nye á be ó mʉr mbɛ̌r bʉ̂r mé David.

Mɨlʉmlʉ 2:30

Mpʉ̌ David á be ngwíha milɔ̌b yɨ́, nye á be ɨ́ boó gʉ́a ó, Nzyɛ̌m á si kɛʼ, ntaa mínkâl ó, nye ópɛ̂h nyʉ́ʉ́ mʉ̂r ɨ́ bʉr o mpóʼo nyé, dil nyé ɨ́ diá jwɨ́ɨ yé.

Lʉkas 18:2

Nye á lɛ́ɛ e bé ó: «Yé á be ɨ́ yʉ́ʉ́ nkana ó e nyʉ́ʉ́ tîʼ milɔ̌b á be abe lɨ́ edwáawǒ Nzyɛ̌m, nkʉ̂ ntémé mʉr nyá.

Lʉkas 18:4

Nye á si nyɛɛ bene. Sâ gwár, nye á ka lɛ́ɛ ɨ́ lémé wé ó: “Damá jóʼǒ mpʉ mé dí adwáawǒ Nzyɛ̌m, nkʉ̂ dwe mʉ̂r dúu yɨ́,

Mɨngwiha 22:6

Nye e me ó: «Milɔ̌b mî, myé ó milɔ̌b mimpâ le otyeetye. Dâ Nzyɛ̌m, nye lɨ́ entɨh ógwíha o mílɔ̌b bé Sísǐm wé ó, bé lɛ́yɨɨ lɔ́ɔ́ wé. Nye ó b'á lómlo osyɛ̂l o mésá bé éngeles wé ó, nye ntáa nzě lɛ́ɛ bé sá mû kúno esyɛ́ɛ yɨ́.»