Ebrœ̂ 12:5 - Kálar Nzyɛ̌m : Ejwán é Sáá

⁵ Paá bee gá yʉ́ʉ́ sɔ̂ʼ ó: bɨ̌n bɨ́ jɨha mélɨ́ Nzyɛ̌m á dwe mɨná gá má. Nye á dwe bɨ̌n melɨ́ maá ó, ebě, bɨ̌n bé ó bwán bé. Nye á lɛ́ɛ ó: Mwân wǎm, jɔ̌ʼ Dâ Nzyɛ̌m mû lɨ́ esɨ̂ʼ gó lʉ̂ yɨ́, sá asâ épɨ̂h. Jɔʼ nyé mû lɨ́ edwe gó mebě yɨ́, ajóʼo étyɛʼ e nyʉ̂l.

Kálara Zyɛ̌m Edwán é mpʉ̌n

⁵ Zê bɨn bɨ jɨha mokan mé a taare lé egba bɨn nkul é monyʉl ma ɛ? Zyɛm a ntɨh bɨn ma ó, lé elwib e bɨn mpʉ bwan be. Nye a lɛɛ ó: «Mwan wam, é jɔʼ Da mu lé eturo go lʉ ɨ, anyamle nʉa ye é l'ongbɛr-ngbɛr. É jɔʼ nye mu lé edwe go mobe e, acyɛʼ nyʉl,

Ebrœ̂ 12:5 ပူးပေါင်းရင်းမြစ်များ

Mɨngwiha 3:19

“Mɛm, me lɨ́ edwe mʉ̂r nyɨnyɛ̂h mé dí ekpɛl nyá melɨ́, le esɨ̂ʼ nyé lʉ̂. Nó, sáʼ gá sɨ́n, lɨ́ esú ó bɨ̌n túmaa mikoo e misyóm mín. Bɨ̌n e dwírá míléme.

1 Korɛnt 11:32

Sâ gwár, Tî Yésʉs, nyɨ́ nyɛl étíʼ é mílɔ̌b gá lɨ́ná. Nó yé ó, nye mû ó lɨ́ esɨ̂ʼ mɨ́ná gá milʉ̂. Nyě sá nó ó, mɨná nkʉ̂ syɛ̂hle gá lé ɨ́ jɔʼ nyé ótíʼe bʉ̂r oswîh milɔ̌b, le edwe bé mebě jɔʼ gwár yɨ́.

Jacques 1:12

Metyɛʼ me mpóm, mé díʼee e mʉr dí edûhwo mébʉ́blá nyá. Ebe mʉ̂r tɨ̂ʼ síl ébóblɔɔ nó, nye óbi myɛ́na me tɨ̂: twǐʼ Tî Yésʉs á kɛʼ bʉr o dí ekpɛl nyé bá yɨ́.

Ebrœ̂ 12:7

Nó ó, dúhwáá gá bintɨ́ʼá byaá. Byé tɨ́aa bɨ̌n mpǎŋ twiʼ. Mpʉ̌ Nzyɛ̌m dí esâ bɨ́n nó yɨ́, yé ó ebe bɨ́n dí bwán bé. Sɔ́ŋ bé asɨ̂ʼ mwân lʉ̂ nó, go ó, nyɨ́haá, nyé abe mwân mpâ.

Lʉkas 24:6

Nyé akǎ be wâ. Nyɨ́ pah ɨ́ soo. Símsáá gá mpʉ nyé á lwib e bɨ̌n ɨ́ jɔʼ nyé á be, nye dína ɨ́ sí Galilê yɨ́. Nye á lɛ́ɛ ó:

Lʉkas 24:8

Jɔʼ bé á jóʼo nó yɨ́, bé ntɔ̂ʼ kǎ símsa mékǎn mé Yésʉs á boo lɨlɛ́ɛ bé má.

Galásia 6:9

Mɨná tôʼ dóló le esɨsâ gá bisyɛ́ɛla bimpâ, akâr. Mɨ́ná bé abîr gá bisyɛ́ɛla byaá nó, mɨná bé ódira gá nyɔm tɨ̂, píe mâ jɔʼ.

1 Timotɛ 1:20

Ɨ́ sɔ́má bʉ̂r yaá, yé ó Iménaus ndu e l'Alɛ́kzaŋdros. Bé ó mé á dwe Sátan ó, nye lɛ̂ʼlaa bé túú, bé nkʉ̂ gwâʼ ésâ Nzyɛ̌m nkěh.

Ebrœ̂ 13:22

Bɨ́ɔɔ́ bâm! Okɛ́l bâm! Me cɛmá bɨ́n ó, bɨ̌n bíʼee nkul ɨ́ miléme. Me cɛmá ó, mekǎn abuo. Nó ó, mě jɨʼlá e bɨ̌n ó, bɨ̌n dûhwaa mekǎn maá lɨ́ ejóʼo!