Ebrœ̂ 12:4 - Kálar Nzyɛ̌m : Ejwán é Sáá

⁴ Mpʉ bɨ́n dí elwímla e njwɨr ébébe wɨ́n yɨ́, bɨ̌n bé apǎ gwá lwímla e wé mbɨ̂mbɨá. Sá tɨ̂ʼ ó étó é métié lɨ́n, dína apǎ tɔ́ba sí yɨ́.

Kálara Zyɛ̌m Edwán é mpʉ̌n

⁴ É mpʉ bɨn lé ebaran e Syem ɨ, bɨn bé apa sa mongan e Syem, to pyal é jɔʼ eto e motié lɨn, lɨ taba si ɨ.

Ebrœ̂ 12:4 ပူးပေါင်းရင်းမြစ်များ

1 Korɛnt 10:13

Mebʉ́blá bɨ́n á ntaa má, mé lɨ́ epyâl bɨ́n e bʉr bɨ́bɛ̂h. Tó kœb ó, Nzyɛ̌m, nye ó mʉr jálá le ebúʼlɔɔ nyá. Nye ábîr ó, bɨ̌n bóblɔɔ, tó pyâl ɨ́ jɔʼ bɨ́n ósâ syóm yɨ́. Jɔʼ mébʉ́blá, mé ópipyâl bɨ́n yɨ́, nye ókar bɨ́n nzɨ̌ swîh. Bɨ̌n bé odyɛ̂l tɨ̂, le esyɛ̂hle mísyóm bɨ́n á gwa sâ mí.

Mɨngwiha 2:13

“Me lɨ́ egʉ́ǎ gúmó bɨ́n dí edi yɨ́. Tɨ̂ʼ ó dí diá jwɨ́ɨ́ mé Sátan. Bɨ̌n bé lɨ́ edyɛ̂ʼwo e me. Damá jóʼo ɨ́ jɔʼ bé á jʉ̂ Antipâs yɨ́, bɨ̌n bé á bé agwâʼ ésâ nó. Antipâs ó dí egwá boʼlo mílɔ̌b myâm. Nye ntémé, nye á be ó mʉr ebúʼlɔɔ. Sá tɨ̂ʼ ó bé á mɛ̂r nye ɨ́ sɔ́má yɨ́n, jʉ́ŋɔɔ nyé yɨ́. Tɨ̂ʼ ntémé ó dí odiá mé Sátan.

Ebrœ̂ 12:2

Míh gá mɨ́ná, mé dwɛ́ʼɛɛ sɔ̂ʼ njɨ Yésʉs, ebě, nye ó b'á kar nzɨ̌ búʼó. Nye ntémé ó b'á swâhle nye. Nye á kam ó, nye síaa e mitúú, nye tyélɔɔ ɨ́ lɨ́ kʉ́, jʉ́ŋɔɔ. Nye á si pyêh sôn mʉ̂r dí ebɛb ɨ́ mbi éswie laá nyɨ́. Nye á kam ó, nye dwêʼ nó ó, nye nkʉ̂ bi bísʉhʉʉ̌ Nzyɛ̌m á boo komo nye bí. Ɨ́ báánâ, nye mû ó ɨ́ mbó éjʉ́m mé Nzyɛ̌m Sɔ́ŋ ɨ́ mecwɨ́ɨ́ mé jwɨ́ɨ.

Mɨngwiha 12:11

Bɨ́ɔɔ́ gá bɨ́ná ntémé, bɨ́ ntaa nyé ɨ́ nkul ɨ́ nzɨ̌ metié mé Mâ Nteme, ti e mboʼlá bé á boʼlo, dumo e Yésʉs wɨ́. Bé á bé alíʼa lɨ́ ebîr bícwiʼ byɔ́ɔ́. Bé á si jʉ́ŋɔɔ ɨ́ lɔ̌b mboʼlá wɔ́ɔ́ waá.

Mataos 24:9

«Jɔʼ yaá ó bɨ́n ngá tyenɔɔ kwá bʉr o ngá buú lɛ̂ʼle bɨ́n túú bá. Bé ójʉ̂ bɨ́n. Bʉr o bíkúl bíbyɛ̂h, bé óbene bɨ́n ebe bɨ́n dí egúmo e me.

Mɨngwiha 18:24

Ebě, ntémé, Nzyɛ̌m á bee ó, gó e mpono metié me bʉ̂r ɨ́ nyʉ̂l. Gʉ́ jʉ̂ ógwíha o mílɔ̌b ndu e bʉr ó Nzyɛ̌m á twâr bá. Go ó b'á jʉ̂ bʉr ó sí yɨ̂ʼ bɨ́bɛ̂h, bé á dwe ɨ́ cére bá.

Mɨngwiha 17:6

Me nzě bee ó, mʉmá waá á be ó, ɨ́ mpur metié. Nye á be ɨ́ buú bɛble métié me bʉ̂r o mé Nzyɛ̌m, baá bé á bʉboʼlo lɔ̌b dí edumo e Yésʉs wɨ́ bá. Mbeá mé á bee nye yɨ́, me nzě kǎ buú kâm.

Filipi 2:8

Ɨ́ twiʼ mʉ̂r nyé á nʉa yɨ́, nye á si jɔr nyʉ̂l nyé. Nye á si sâ Nzyɛ̌m mejóʼo, damá jóʼo nyé á lómo nye ó, nye ntáa dwě bébebébe eswie ɨ́ kolôs kʉ́.

Ebrœ̂ 13:13

Sá tɨ̂ʼ ó mɨ́ná jálá le eduho tʉ́ŋlʉ̌ nkana yaá yɨ́. Mɨná dúhaa gá tɨ̂, tó pyâl nkǒ Krîst dí ɨ́ nkanǎ kʉ̌l yɨ́, mɨná gá le onɔ́ɔ́ nkʉ̂ pyaŋɔɔ̌ jwɨʼ gwár e gwár.