Ebrœ̂ 12:28 - Kálar Nzyɛ̌m : Ejwán é Sáá

²⁸ Ɨ́ tɨ̂, mɨná lɛ́yɨɨ gá Nzyɛ̌m henárá, ebě, nyɨ́ níŋle mɨ́ná gá ɨ́ mpóʼo nyé dí ejwɨ́ɨ nyɨ́. Mpóʼo nyé, nyé abe e nkul epɨ̂ʼla. Mɨná dwêʼ gá nye kûm, dwáawo nyé, le ejóʼo nyé bʉ́á. Mɨná séaa gá e né mbǐ syɛ́ɛ́ nyé ngá buú kpɛl wɨ́.

Kálara Zyɛ̌m Edwán é mpʉ̌n

²⁸ Ebe no, bɨna dweʼ ga Zyɛm ekiba, ebe, nyi niŋle bɨna ga é jwɨ̀ʼa ye. Yé abe e nkul epɨŋla. Bɨna dwiibɨ ga nye le ebil ekɛn é mih me, ndwɛa kum ga wina waa nkʉʼ jala e nye,

Ebrœ̂ 12:28 ပူးပေါင်းရင်းမြစ်များ

Ebrœ̂ 13:15

Mɨná dwêʼ gá Nzyɛ̌m kûm jɔʼ yɨ́yɛ̂h. Dwéʼ gá nye ndwéá waá, lɨ́ esímsǎ mpʉ̌ Yésʉs á dwe twiʼ yé yɨ́. Lɛ́yɨ́ɨ́ gá bʉr mpʉ díé lé dí e nkul yɨ́. Lɛ́á waá, wé ntémé, wé ó sá dí edwe nyé kûm yɨ́.

Ebrœ̂ 4:16

Nó, mɨná sîhlaa gá bǎʼ e né, tó pyâl pyáláa ɨ́ mecwɨ́ɨ́ mé jwɨ́ɨ́ yé. Mɨná pyálaa gá ɨ́ mpǒm nyé, abáawǒ sɔ̂ʼ, le ebúʼla ó, nyě dǐ ɨ́ mecwɨ́ɨ́ maá ó, lɨ́ esú ó, nye sâʼ bʉr mpam, le ejɨ̂ʼ bé nkoó. Mɨná bi gá mpam nyé ó, ɨ́ jɔʼ mɨ́ná dí ebuú jɨ gá nkɔ̌m nyé yɨ́.

1 Pyɛr 2:5

Kamaa gá ó, Nzyɛ̌m súmaa mbɛ̌r Sísǐm wé ngá di tɨ̂ʼ wɨ́. Diʼee gá mekóʼ me dí kublakúbla má, maá ngá kɛlɔɔ tɨ̂ʼ ɨ́ nzumó nyaá má. Bɨ̌n bé ósûʼla bʉ̂r o dí tí, baá o dí ɨ́ sɔ́má ópara bé bá. Mindwéá bɨ́n ngá dwidwě Nzyɛ̌m e nzɨ̌ Sísǐm wé mí, Nzyɛ̌m óbee myé mbɨ̂mbɨá ó, lɨ́ esú mé Yésʉs-Krîst.

Mɨngwiha 1:6

Nye ó b'á liŋ mɨná gá bʉr o Mpóʼo nyé, le esâ ó, mɨná díʼee gá opara dí eséa e waá dí Nzyɛ̌m wé, waá dí ntémé Sɔ́ŋ wé nyá bá. Kûm e nkul, byé díʼee e né njʉ̌m dǐ e njʉ̌m dǐ. Amɛn.

1 Pyɛr 1:17

Bɨ̌n kɨkɛn díé mé Dâ, mʉr dí etíʼe bʉ̂r milɔ̌b lɨ́ otîtyěl, adwáawo bʉ̂r mempǒm nyá. Nyě títíʼé bé milɔ̌b myɔ́ɔ́ myaá ó, dû mpʉ bísyɛ́ɛla byɔ́ɔ́, byé á be yɨ́. Mpʉ bɨ́n dí ekɛ̌n Dâ Nzyɛ̌m yɨ́, jwɨʼ gwár e gwár yaá ntémé ó bɨ́n jala le elɛ̌ŋ twiʼ yɨ́n yɨ́, lɨ́ edû kʉ̌ tyen dí elɛ̂ʼle ó, bɨ̌n bé lɨ́ edwáawo nyé wɨ́.

Rôm 11:20

Gʉ́ kʉ́ gwá lɛ́ɛ. Bé á syɛ́hɔɔ ɨ́ lɨ́ yaá ó, ebě, bé á bé abe e búʼó. Bɨ̌n bɨɛ, bé ódi ɨ́ diá nɨ̌ ɨ́ bea bea ó, ɨ́ nzɨ̌ búʼó yɨ́n. Ayɨ́ nkɛ́ɛ gá nyʉ̂l. Sá bɨ́n jálá le esâ yɨ́, yé ó, bɨ̌n kpɛ́yɨɨ Nzyɛ̌m.

Mɨngwiha 15:4

Dâ ɛ̌, mʉr dí akpɛ́ɛ gó nyá, nye nzé? Nzé dí ebene édwe gó kûm? Go omér ó dí mʉr dí tí nyá. Bʉr o bíkúl bíbyɛ̂h, bé ódua ɨ́ bigúmó byɔ́ɔ́, nzeŋɔɔ kwá nyǒ. Bé óbɨʼ mébóó mɔ́ɔ́ sí lɨ́ edwe gó kûm. Ebě, bɨ́ bee ɨ́ sʉ́lʉ́lʉ́ ó, gó e nkam ɨ́ bisyɛ́ɛla gó dí esâ bʉ̂r bí.»

1 Pyɛr 2:20

Bɨ́n sá mísyóm, ntɔ̂ʼ dûhwo ébíʼé é tɨ̂ʼ nó, bɨ̌n bé ólîʼ e wáǎ nyɔm tɨ̂ʼ ɨ́ míh mé Nzyɛ̌m? Tó kœb ó, ɨ́ jɔʼ bɨ́n ósâ syɛ́ɛla mpâ, bɨ̌n ntɔ̂ʼ sia e bintɨ́ʼá le bíhwó yɨ́, syɛ́ɛla yaá, yê bɨ̌n ó mpǎŋ syɛ́ɛla ɨ́ míh mé Nzyɛ̌m.

Mɨngwiha 5:10

Go á si dwir kúl bʉ̂r yô ntinɨ̂ opara, lɨ́ esú lé éséǎ Nzyɛ̌m wɨ́h syɛ́ɛ́. Bé ntémé ó ngá jwɨ́ɨ ɨ́ sí yɨ́yɛ̂h.»

Ebrœ̂ 10:19

Bɨ́ɔɔ́ bɨ́h le okɛ́l bɨ́h! Mɨná mû ó sí nʉa gá pîm ɨ́ búʼó lɨ́ eswɨɨ e métié mé Yésʉs mé á swɨɨ sí lɨ́. Nó, mɨná sîhlaa gá, tó pyâl ɨ́ ntɔ́ɔ dí ɨ́ buú buǒ tí nyɨ́.

Ebrœ̂ 3:6

Tó kœb ó, Krîst nyɨɛ á si tyélɔɔ ɨ́ dǐ Mwân á jala le edǐ lʉ́ mbɛ̌r bʉ̂r waá nyá. Mbɛ̌r bʉ̂r waá, wé gúmó ntémé ó e né. Mɨ́ná bé ódi gá e mpûʼla ɨ́ miléme, le ekʉ́ gʉ́ǎ sá mɨ́ná dí ebúʼla gá yɨ́, abáawǒ sɔ̂ʼ nó, lɛ́ɛ́, mɨná gá ó dí bʉ̂r ó mbɛ̌r bʉ̂r wé waá.

Mataos 25:34

Jɔʼ yaá, njwɨ́ɨ ólɛ́ɛ e baá o dí nye ɨ́ mbó éjʉ́m bá ó: “Ntáʼ gâ, bʉr o Sɔ́ŋ wǎm á sʉ metyɛʼ me mpóm bá. Ntaá nzě nî gá ɨ́ sí nyé á boo komlo bɨ̌n, táare ɨ́ jɔʼ kʉ́ e sí, byé á be apǎ bě kuhá yɨ́.

Ebrœ̂ 5:7

Jɔ̌ʼ Krîst á títíʼe ɨ́ sí yɨ̂ʼ yɨ́, nye á bɨbe lɨ́ ejɨʼla e mʉr á be e nkul epɛʼ nyé lɨ́ eswie nyá. Nye á si bʉ̂ bitím, jɨ kʉ́kʉ́, Nzyɛ̌m ntɔ̂ʼ jóʼo nyé ntémé ɨ́ lɔ̌b méjóʼǒ Yésʉs á sâ nye má.

Filipi 4:18

Me á si bi sá yɨ́yɛ̂h bɨ́n á lómlo me yɨ́. Bím yaá, yé ɨ́ buo. Me mû ó, ɨ́ twíha ɨ́ lɔ̌b bísá Epafrɔ́ditɔs á nze e byé bí. Nzyɛ̌m, nye lɨ́ ebee míndwéá mín mbɨ̂mbɨá mpʉ míndwéá mi dí edíʼɔɔ nyé e mbɨambɨa menumó mí. Yé ó mbi míndwéá Nzyɛ̌m dí ekpɛl wɨ́.

Éfɛsɔs 5:10

Gʉ́ŋáá gá sá Tî Yésʉs dí ebeě mbɨ̂mbɨá yɨ́.

Éfɛsɔs 1:6

Mɨná dwêʼ gá nye dúu ndu e kûm ɨ́ lɔ̌b mpâm nyé! Nyɨ́ buú cwɨ́a e mɨná gá e nzɨ̌ Mwâ kpɛ̌l wé.

Lʉkas 1:33

Nye ójwɨ́ɨ bʉ̂r o mpóʼo mé Yákɔb njʉ̌m dǐ e njʉ̌m dǐ. Jwɨ́ɨ́ yé, yé óbe ó, abe le odumo.»

Ebrœ̂ 13:21

Mě jɨʼlá e né ó, nye tyɛ́bɨɨ bɨ̌n ɨ́ miléme, ó bɨ̌n sâʼ syɛ́ɛla nyé dí ebeě mbɨ̂mbɨá yɨ́, mɨná nkʉ̂ lóŋlo gá gwɨ́má yé ɨ́ nzɨ̌ mé Yésʉs-Krîst, dí e kûm njʉ̌m dǐ e njʉ̌m dǐ nyá. Amɛn!