Ebrœ̂ 12:27 - Kálar Nzyɛ̌m : Ejwán é Sáá

²⁷ Mpʉ nyé á lɛ́ɛ ó, nye ópɨ̂ʼ byé ɨ́ sʉʼ gwár yɨ́, nó yé lɛ́ʼlé ó, bisá nyé á komlo bí, byé ópɨ̂ʼla; byé odîm. Sá dí ɨ́ píʼi, ɨ́ sɨ́ŋ, apɨ̂ʼla yɨ́, yɨ́haá ó ngá lîʼ.

Kálara Zyɛ̌m Edwán é mpʉ̌n

²⁷ É mpʉ nye a lɛɛ ó, nye ópɨʼ bye é jɔʼ gwar ɨ, yé elɛʼle ó, bɨsa nye a cye e, byé óncyeŋa, ntɔʼ dim. Sa ndɨ ecyɛb é nkʉʼʉ, ancyeŋa ɛ, yiha ó ngo liʼ.

Ebrœ̂ 12:27 ပူးပေါင်းရင်းမြစ်များ

1 Korɛnt 7:31

Bʉr o dí edira mínyɔm lɨ́ ebi bísá bí sí yɨ̂ʼ bá, dǐ mpʉ̌ sá lɛ́ɛ́, bé abá dirǎ nyɔm e bisâ byaá, ebě, sí yɨ̂ʼ mpʉ yé dí yɨ́, yé mû ó kúno elaa.

Mataos 24:35

Kʉ́ e sí, byé ólaa. Milɔ̌b myâm míɛ, myé ákóʼó síe.

Mɨngwiha 21:1

Me á si bee edwán é jʉ́o le edwán é sí, ebě, jʉ́ó ésôʼ bé e sí ésôʼ, byé á be ó sí laa. Mâŋ, mé á bé akǎ be.

Mɨngwiha 11:15

Píe tɨ̂, éngeles nzaangbá á si lʉ́o sébé wé. Me ntɔ̂ʼ jóʼo métwíí ménɨ́nɨ́ɨ́, duho ɨ́ jʉ́o kʉ́. Mé ó: «Dâ Nzyɛ̌m wɨ́h, bé e mʉr nyé á lœm múló mé jwɨ́ɨ nyá, bé ó dí e jwɨ́ɨ ɨ́ páʼ bʉ̂r ó sí yɨ̂ʼ bɨ́bɛ̂h. Jwɨ́ɨ́ yé, yé ódǐ njʉ̌m dǐ e njʉ̌m dǐ.»

Rôm 8:19

Ebě, bisá bíbyɛ̂h Nzyɛ̌m á komlo bí, byé lɨ́ egwɨ̂m ébee bwán Nzyɛ̌m ngá lɛ̂ʼle byé ɨ́ ponó bá.

Rôm 8:21

Bisá bíbyɛ̂h byaá, byé e mpûʼla nyɨ̂ʼ ɨ́ miléme: ó Nzyɛ̌m ópɛʼ byé ɨ́ bébebébe tyé yaá. Byé ópʉʼa ɨ́ mpila yaá ɨ́ fá, bé e bwán mé Nzyɛ̌m bɨ́bɛ̂h. Byé ábo. Byé óbáʼǎ dweŋɔɔ kûm ɨ́ jɔ̌ʼ Nzyɛ̌m ngá dwe bwán bé kûm yɨ́.

Ebrœ̂ 1:10

Yé ntémé, yê cɛmá, dumo e Mwân wé ó: Dâ ɛ̌, go ó b'á kuho sí yɨ̂. Le jʉ́o, le ejwoo, byé ó syɛ́ɛ́ mébó mô.

Ebrœ̂ 9:11

Krîst, nye mû ó sí nʉǎ dǐ njwɨ́ɨ opara. Nye á nze ó, lɨ́ enzě kab mɨ́ná gá bisá bí émbɨa mɨ́ná mû kúno enʉa gá bí. Nyě séá ó ɨ́ mpǎŋ mpáh Nzyɛ̌m, nyaá dí ɨ́ buo kûm nyɨ́. Yé abe e sá dí esâ sɔ́ɔlʉ tɨ̂. Nye á bé asumɔɔ e mebô. Nye ntémé, nyé abe lɨ́ egúmo e sí yɨ̂. Nye lɨ́ elaa mpáh nyé á nyɛɛ be nyɨ́ ɨ́ mpwaʼ.

Ebrœ̂ 13:14

Ebě, ɨ́ sí yɨ̂, mɨná bé abe gá e nkana dí edǐ njʉ̌m dǐ e njʉ̌m dǐ yɨ́. Mɨná bé lɨ́ esáa gá nkana swîh, yaá dí enze yɨ́.

Mɨngwiha 21:4

Nye ótin myɛ́ɛlé mɨ́mɛ̂h ɨ́ míh mɔ́ɔ́. Bé ákǎ jóʼo mégunwa. Bé ákǎ dwe. Eswie akǎ be. Bé ákǎ jɨ médwê. Bisá bí myâ byaá, byé ódîm.»

Mɨngwiha 21:5

Nó ó, waá á be ɨ́ mecwɨ́ɨ́ mé jwɨ́ɨ nyá, á nze lɛ́ɛ ó: «Beyɨɨ gá, me mû ó lɨ́ esâ bísá bíbyɛ̂h medwán e medwán!» Nye nzě lɛ́ɛ e me ó: «Cɛmaa bílwǐb bî. Byé ó milɔ̌b mimpâ le otyeetye.»