Ebrœ̂ 12:23 - Kálar Nzyɛ̌m : Ejwán é Sáá

²³ Bɨ̌n mû ó bǎʼ e gwɨ́hlá médwéʼé mé bwán mé Nzyɛ̌m. Míé mɔ́ɔ́, mé ó micɛmá ɨ́ jʉ́o kʉ́. Bɨ̌n bé á si sîhle bǎʼ e Nzyɛ̌m Tîʼ milɔ̌b, mʉr ngá pahle bʉ̂r bɨ́bɛ̂h nyá. Bɨ̌n bé á si pyâl gúmó ótîtyěl o bʉ̂r dí yɨ́. Bé mû ó lɨ́ etíʼe mbɨ̂mbɨá, ntinɨ̂ e ntinɨ̂.

Kálara Zyɛ̌m Edwán é mpʉ̌n

²³ Bɨn bɨ pyal é gwɨhla modweʼe mo bwan mo Zyɛm. Mie mɨn boo nɔɔ, mé ó mɨtila é jobo kʉ. Bɨn bɨ dihle boo Zyɛm, mʉr ndɨ etiʼe mɨlɔb mɨ bʉr bɨbɛh ɛ. Bɨn bɨ pyal gumo ocɨcyel o bʉr ndɨ ɨ, baa mɨsisim myɔɔ mu si kumo é l'ombɨmbɨa é mɨpaʼ mimyɛh ɛ.

Ebrœ̂ 12:23 ပူးပေါင်းရင်းမြစ်များ

Jacques 1:18

Nye mʉr tɨ̂ʼ á byâ mɨná gá ó, ɨ́ lɔ̌b gwɨ́má yé, ɨ́ nzɨ̌ lwǐb yé dí tyeetye yɨ́. Nó ɨ́ bisá bíbyɛ̂h nyé á komlo bí, mɨná ó dí gá ɨ́ tyé ésôʼ.

Ebrœ̂ 11:40

Mpʉ nyé á cwɨ́a e mɨná gá, laa bé yɨ́, nó nyé á lɛ́ɛ ó, nye ójaá komlo bícwiʼ byɔ́ɔ́ ɨ́ mipáʼ mímyɛ̂h ó, njɨ ɨ́ jɔʼ nyé ókomlo byaá gá bíná le onɔ́ɔ́ bíbyɛ̂h yɨ́.

Lʉkas 10:20

Sâ gwár, ayɨ́ buú soho gá ɨ́ lɔ̌b mímbɨ́a mísísǐm, byé lɨ́ esâ bɨ́n mejóʼo. Sohaa gá ebe míé mɨ́n dí micɛmá ɨ́ jʉ́o kʉ́.»

Mɨngwiha 14:4

Bɨ́haá, bé á bé akúna e bʉbá, nkʉ̂ lœʼ ményʉ́l mɔ́ɔ́. Bé dína ó bibíŋ. Bé á be lɨ́ edû Mâ Nteme gúmó yɨ́yɛ̂h nyé á tʉtô yɨ́. Bé ó baá Nzyɛ̌m á dwih ɨ́ mpila ébébe bá. Bɨ́ɛ ó dí tôm á twámɔɔ Nzyɛ̌m, bé e Mâ Nteme wɨ́.

Mɨngwiha 20:15

Bʉr o b'á be abe e míe micɛmá ɨ́ mekaná mé twiʼ bá, bé ntémé, bé á si guhɔɔ ɨ́ bɨ́ siʼe yaá.

Ebrœ̂ 9:27

Sâ Nzyɛ̌m á komo lɨ́ esú é mʉ̂r nyɨnyɛ̂h yɨ́, yé ó, nye dwêʼ jɔʼ gwár. Píe tɨ̂, mʉr waá ótô kwá mé Nzyɛ̌m, ó nye tôʼ pahlɔɔ.

Mɨngwiha 13:8

Nó ó, bʉr ó sí yɨ̂ʼ bɨ́bɛ̂h, bé ódwe nyé kûm, pɛ̌ʼ njɨ baá Nzyɛ̌m á boo cɛma míé mɔ́ɔ́ ɨ́ mekaná mé twiʼ bá. Mekaná maá, mé á boo be cɛmá ó, táare ɨ́ jɔ̌ʼ kʉ́ e sí, byé á be apǎ bě kuhá yɨ́. Mé gúmó ó e Mâ Nteme bé á boo jʉ̂ nyá.

1 Pyɛr 2:23

Ɨ́ jɔʼ bé á lwɨlwɨ́ɨ nye yɨ́, nye á bé abɔla mélwɨ́ɨ maá. Ɨ́ jɔʼ nyé á sia e mitúú yɨ́, nye á bé abɛ̂ŋ óntɨ̂m le obɨn bé. Nye á jaa sáa ó, njɨ enʉǎ twiʼ yé, tímlě Nzyɛ̌m, mʉr dí etíʼe mílɔ̌b lɨ́ otîtyěl nyá.

Ebrœ̂ 11:4

Búʼó mé Ábɛl ó b'á sâ ó, nye dwêʼ Nzyɛ̌m mpǎŋ ndwéá, laa waá mé Kayɨ̂n. Nzyɛ̌m á si sêʼle nye ɨ́ lɔ̌b búʼó yé, le elɛ́ɛ ó, nye ó tîtyěl mʉr, le ekam ntémé ndwéá wé. Ɨ́ búʼó yé, Ábɛl dína ó lɨ́ elwib e mɨná gâ, damá jóʼo ó, nyɨ́ dwe.

1 Timotɛ 3:5

(Ebě, mʉ̂r óbé akoʼo éjwɨ́ɨ̌ mbɛ̌r bʉ̂r wé nó, wáǎ mbi mʉ̂r tɨ̂ʼ dí e nkul epálǎ Mbɛ̌r-Nzyɛ̌m ɛ́?)

Filipi 4:3

Me lɨ́ ejɨʼla ntémé e go, mpǎŋ mɨ́ɔɔ́ wǎm, ó go tôʼ komlo bʉ́bá ónɨ̌, ó bé díʼee twíí, ebě, bé ó bʉr o bɨ́h le onɔ́ɔ́ bé á sia e túú lɨ́ etúnǒ Mbɨambɨa Lɔ́ɔ bá. Bé e Klemâŋ ti e bʉ́ʉ́ bʉ̂r, bé á si séa ntémé nó. Míé mɔ́ɔ́, mé ó micɛmá ɨ́ mekaná mé twiʼ tʉ́ŋlʉ̌.

Éfɛsɔs 1:22

Nzyɛ̌m á si gbâ sá yɨ́yɛ̂h ɨ́ jwɨ́ɨ́ yé. Nye ntémé á si nʉa nye, dwě Mbɛ̌r-Nzyɛ̌m ó, nye díʼee lʉ̂.

Mɨlʉmlʉ 20:28

Gwá dwɛ̂ʼ gá tyé yɨ́n, bɨ̌n bʉr o tɨ̂, le mpʉ̌ sɔ́má óbûʼla bɨ́bɛ̂h dí yɨ́. Sísǐm mé Nzyɛ̌m, wé á tyêl bɨ̌n ɨ́ Mbɛ̌r-Nzyɛ̌m ó, ɨ́ dǐ óbɔʼlʉ. Nó, gwá baʼle gá bé Mbɛ̌r-Nzyɛ̌m waá. Nzyɛ̌m á bwâm wé ó, ɨ́ nzɨ̌ metié mé Mwân wé nye mʉr tɨ̂.

Yʉanes 5:27

Nye ntémé á si dwe Mwân nkul etíʼe mílɔ̌b, ebě, nye ó dí Mwân mé Mʉr.

Kolosi 1:24

Báánâ, me mû ó e bisʉhʉʉ ɨ́ léme ɨ́ lɔ̌b mítúú mé dí esia e myé lɨ́ esú lɨ́n mí. Mitúú Yésʉs-Krîst á be asia e myé mí, míɛ ó mɛ̂m dí ekǎ sia e myé ɨ́ bipúno byâm bî. Mě jóʼó mégunwa me tɨ̂ʼ ó, lɨ́ esú é nyʉ̂l mé Krîst, dí Mbɛ̌r-Nzyɛ̌m nyɨ́.

Kolosi 1:12

Bɨ̌h bé lɨ́ edwě Nzyɛ̌m Sɔ́ŋ nzyǒo, ebě, bɨ̌n bé á si bi nyɨ́n nkɔ̂b líʼe ɨ́ Mpóʼo nyé, jwɨʼ gwár e gwár e bʉ́ʉ́ bʉ̂r bɨ́bɛ̂h o dí egúmo e né bá. Bɨ̌n le onɔ́ɔ́ ó b'á tyenɔɔ ɨ́ myɛ́n.

2 Korɛnt 5:8

Mě lɛ́ɛ́ ó, bɨ̌h bé e mpûʼla ɨ́ buo buo ɨ́ miléme. Mɨná bé lɨ́ ebee gá embɨa ó, yé mbɨa ɨ́ jɔʼ mɨ́ná dí etwâʼ gá ɨ́ nyʉ̂l bipúno nyɨ̂, lɨ́ esú ó, mɨná tôʼ sul gá ɨ́ mpóʼo mé Tî Yésʉs.

1 Korɛnt 15:54

Nyʉ̂l dí ebo nyɨ́, nyé óbe, nye mû sí céne, liŋa nyaá dí abo nyɨ́ nó, nyaá dí e nkul edwe nyɨ́, nyé óbe, nye mû sí liŋa nyaá dí abe e nkul edwe nyɨ́ nó, ɨ́ jɔʼ yaá ó sá dí cɛmá yɨ́, yé ólwɨ́ŋlɨ yɨ́: Eswie, lɨ́ gbahɔɔ. Nzyɛ̌m, nyɨ́ búla le onkɔ́ɔ́!

1 Korɛnt 13:12

Nó ó, ɨ́ báánâ, sá mɨ́ná dí ebee gá yɨ́, yê ɨ́ míh gá mɨ́ná ó, ɨ́ dímlɨ́ di dímlɨ́. Yé ó mpʉ̌ mveʼle dí enyɨ̂n ɨ́ nkóho dí engê yɨ́. Ɨ́ jɔ̌ʼ sá dí ntinɨ̂ mû sí pyâl yɨ́, mɨná bé óbeela gá mempǒm. Ɨ́ báánâ, ngwɨ́á wâm, wé dína ó, tîtil. Jɔʼ yaá ó mé ósûʼlǎ gʉ́ǎ sá yɨ́yɛ̂h ɨ́ pébébé yɨ́, dû mpʉ̌ Nzyɛ̌m dí eboó gʉ́a mé ɨ́ pébébé yɨ́.

1 Korɛnt 15:49

Mpʉ mɨ́ná bé á nyɛɛ nwɨɨla gá e mʉr á sáŋɔɔ e bibwǎh nyá yɨ́, jwɨʼ gwár yaá ntémé ó, mɨ́ná ngá nwɨɨla gá e mʉr á duho ɨ́ jʉ́o kʉ́ nyá yɨ́.

Ebrœ̂ 2:12

Ɨ́ yʉ́ʉ́ jɔʼ, nye á lɛ́ɛ, cɨɨ ɨ́ nzɨ̌ ogwíha o mílɔ̌b ó: «Me ólɛ̂ʼle bɨ́ɔɔ́ bâm díé lô. Me ótyɛ̂b témé bʉr o gó á syɛŋ bá, mé odwe gó kûm ɨ́ mejéme.»

Mɨngwiha 6:9

Jɔʼ Mâ Nteme á gbɛ́ɛ sitâm tɛ̂n yɨ́, me ntɔ̂ʼ dwɛ̂ʼ lɨ́ empah lé alatâr, nzě bee tɨ̂ʼ ó, misísǐm mi bʉ̂r. Bé á jʉ́ŋɔɔ ó, ɨ́ lɔ̌b lɔ́ɔ́ mé Nzyɛ̌m, ti e mboʼlá bé á boʼlo wɨ́.

Mɨngwiha 6:11

Nó nyé á nʉa bidur ɨ́ pumo pumo, bôr bɨ́bɛ̂h, le elɛ́ɛ bé ó, bé gbálaa bá tîtííǎ. Nye ó: «Bónáá gâ. Yé jala ó, bʉ́ʉ́ bʉ̂r ó njoo yɨ́n ti e bɨ́ɔɔ́ bɨ́n, bé páa nyɛɛ́ jʉ́ŋɔɔ ntémé mpʉ bɨ́n. Sá tɨ̂ʼ ó bɨ́n le onɔ́ɔ́, bé ósâ sɔ́má ntinɨ̂ yɨ́.»