Ebrœ̂ 12:2 - Kálar Nzyɛ̌m : Ejwán é Sáá

² Míh gá mɨ́ná, mé dwɛ́ʼɛɛ sɔ̂ʼ njɨ Yésʉs, ebě, nye ó b'á kar nzɨ̌ búʼó. Nye ntémé ó b'á swâhle nye. Nye á kam ó, nye síaa e mitúú, nye tyélɔɔ ɨ́ lɨ́ kʉ́, jʉ́ŋɔɔ. Nye á si pyêh sôn mʉ̂r dí ebɛb ɨ́ mbi éswie laá nyɨ́. Nye á kam ó, nye dwêʼ nó ó, nye nkʉ̂ bi bísʉhʉʉ̌ Nzyɛ̌m á boo komo nye bí. Ɨ́ báánâ, nye mû ó ɨ́ mbó éjʉ́m mé Nzyɛ̌m Sɔ́ŋ ɨ́ mecwɨ́ɨ́ mé jwɨ́ɨ.

Kálara Zyɛ̌m Edwán é mpʉ̌n

² Mih ga mɨna, mé dwɛʼa sɔʼɔ, njɨ Yesʉs, ebe, nye ó etin e buʼo ga yina. Nye nteme ó b'a sa ó, buʼo ga yina diʼe é l'ombɨmbɨa é mɨpaʼ mimyɛh. Nye a mɛʼle ó, nye sia e mɨtuu, bé jʉʼo nye, lé ecyèl nye é klos kʉ. Nye a si pyeh fwon mʉr lé ebi é mbi efie laa ɛ. Nye a fuo mɛʼle ó, nye dwèʼ no ó, nye nkʉʼ bi bɨsʉhʉ Zyɛm a bɛa komo nye e. Banana, nye mu ó si é die é mbo ejʉm mo Zyɛm Sɔŋ, mʉr ndɨ é dia taʼa ɛ.

Ebrœ̂ 12:2 ပူးပေါင်းရင်းမြစ်များ

1 Pyɛr 3:18

Ebě, Krîst mʉr tɨ̂ʼ á si dwe jɔʼ gwár lɨ́ esú é bíjɔʼ bíbyɛ̂h ɨ́ lɔ̌b bísyɛ́ɛla bí ébébe bín. Nyɨɛ tîtyěl mʉr á búra ó, le onzyɛ́h ó bʉ̂r, lɨ́ esâ ó, nye tôʼ e bɨ̌n nkǒ Nzyɛ̌m dí yɨ́. Bʉr bé á si jʉ̂ nye ɨ́ nkǒ páʼ bípúno. Nzyɛ̌m nyɨɛ nzě sâ ó, nye bíʼee nkul ɨ́ nkǒ páʼ Sísǐm wé.

Ebrœ̂ 1:3

Nye ó dí e mentyɛnwa ndu e kûm mé Nzyɛ̌m. Nye ó dí gulo dí elɛ̂ʼlě mpʉ̌ Nzyɛ̌m mʉr tɨ̂ʼ dí yɨ́ nyá. Nyě baʼlé sá yɨ́yɛ̂h ó, ɨ́ nzɨ̌ lwǐb yé, dí e nkul yɨ́. Nye á si sîl ekomlo nzɨ̌ epubo bʉ̂r misyóm myɔ́ɔ́. Nye nzě bɨ́nɔɔ ɨ́ jʉ́o kʉ́, tó di sí ɨ́ mbó éjʉ́m mé Nzyɛ̌m kûm nɨ́nɨ́ɨ́.

Éfɛsɔs 5:2

Kpɛlaa gâ, mpʉ̌ Krîst á kpɛl mɨná gá yɨ́. Nye á si syɛ́ɛla twiʼ yé lɨ́ esú é bícwiʼ gá bíná. Nye á dwe twiʼ yé ó, nye díʼee mpʉ tír bé dí etíʼě Nzyɛ̌m tâŋ ndwéá nyá. Ndwéá waá, wé e menumó Nzyɛ̌m dí ɨ́ buú kpɛl má.

Filipi 1:6

Me lɨ́ ekʉ́ gʉ́ǎ sá yɨ̂: ó Nzyɛ̌m, nyɨ́ táare édwir mílémé mín mbɨ̂mbɨá. Me lɨ́ egʉ́a ntémé ó, nye ótô le esâ nó, tó pyâl ɨ́ jɔʼ nyé ósîl ékomlo bɨ́n ɨ́ dʉ́ó Yésʉs-Krîst óbáʼǎ nze yɨ́.

Ebrœ̂ 9:28

Jwɨʼ gwár e gwár e Krîst. Nye á si dwe jɔʼ gwár, ó nye búraa le misyóm lɨ́ esú é bʉ̂r ɨ́ buo buo. Ɨ́ jɔʼ mbá nyé ókǎ nze yɨ́, nye ákǎ báʼǎ nze ɨ́ lɔ̌b ébúra e misyóm. Nye ónze ó, lɨ́ enzě tíʼ bʉ̂r o dí ebóno nyé bá.

Yʉanes 6:40

Ebě, Sɔ́ŋ wǎm gwɨ́m ó, bʉr bɨ́bɛ̂h ngá bee Mwân wé, dyɛ̂ʼwo e né bá, bé níʼee ɨ́ twǐʼ njʉ̌m dǐ. Mɛm, me ópɛh bé ɨ́ móhó ésúʼlá é sí yɨ̂.»

1 Pyɛr 3:22

Yésʉs waá á si bɨ́nɔɔ ɨ́ jʉ́o kʉ́. Nye mû ó lɨ́ mbó éjʉ́m mé Nzyɛ̌m Sɔ́ŋ, gúmó nyé dí ejwɨ́ɨ bééngeles, le misísǐm mi dí e jwɨ́ɨ le myaá mi dí e nkul mí yɨ́. Byé á si gbáŋɔɔ ɨ́ jwɨ́ɨ́ yé.

Mɨlʉmlʉ 5:31

Nzyɛ̌m, nyɨ́ bɨ̂r nyé kʉ́, dil nyé ɨ́ mbó éjʉ́m wé ɨ́ ntuuu, tyêl nyé ɨ́ dǐ Tî, ti e dǐ Tiʼbʉr. Nye á sâ nó ó, lɨ́ esú lé édib bʉ̂r o b'Ɨ́zraɛ̂l nzɨ̌ etúmo míkoo e misyóm myɔ́ɔ́, le edwira míléme, ó nye pɛ́ʼɛɛ bibaa bí ébébe nyé á niʼe bé bí.

Lʉkas 24:26

Bé á si lwib, dumo e Mʉ̌r Nzyɛ̌m á lœm múló mé jwɨ́ɨ nyá. Bé á cɛma ó, yé jala ó, nye síaa e mitúú nó, mpʉ̌ Nzyɛ̌m á kpɛl yɨ́, ó nye tôʼ di ɨ́ diá kûm nɨ́nɨ́ɨ́ yé.»

Yʉ̂d 1:21

Baʼlaa gá bicwiʼ bín, lɨ́ edi baá Nzyɛ̌m dí ekpɛl bá. Bɨ̌n e bónó móhó Tî gá wɨ́ná Yésʉs-Krîst ngá báʼǎ nze wɨ́. Nye ónze ó, nzě jɨ̂ʼ mɨ́ná gá nkoó. Bónáá gá nye. Nye ódi e bɨ̌n ó, tô tóʼ, tó pyâl pyáláa ɨ́ twǐʼ njʉ̌m dǐ.

Ebrœ̂ 8:1

Lʉ́ ékǎn e bísá bɨ́h dí elɛ́ɛ bɨ́n bí, wé ó wɨ̂: mɨná gá bé ó e mbi njwɨ́ɨ opara waá. Nye ó ndîndǐl ɨ́ jʉ́o kʉ́ ɨ́ mbó éjʉ́m mé Nzyɛ̌m Sɔ́ŋ nkul nyɨnyɛ̂h.

2 Timotɛ 4:8

Yé jaá kǎ lîʼ mé ó, njɨ ebǐ káráá dí komá lɨ́ esú lâm yɨ́. Káráá yaá ó dí elɛ̂ʼle ó, mɨ́ bi nkâm ɨ́ míh mé Nzyɛ̌m. Tî Yésʉs, mʉr dí etíʼe mílɔ̌b lɨ́ otîtyěl nyá, ódwe mé yǎ lɨ́ elú lé épíhe. Nye ádwe yɨ́ɛ njɨ me e me. Káráá yaá, yé ódweŋɔɔ ntémé ó, bʉr bɨ́bɛ̂h o dí ekpɛl ébee nyé lɨ́ ebáʼǎ nze bá.

Filipi 3:20

Ɨ́ páʼ gá wɨ́ná, mɨná gá bɨ́ɛ bé ó bʉr o dí egúmo e jʉ́o kʉ́ bá. Mɨná mû ó lɨ́ ebóno gá Tiʼbʉr gá wɨ́ná. Nye ó dí Tî Yésʉs-Krîst, ngá duho ɨ́ jʉ́o kʉ́, nze kâʼ ɨ́ sí yɨ̂ʼ nyá.

Markus 14:36

Nye nzě lɛ́ɛ ó: «Dâ ɛ̌, sɔ̂ʼ, yé akâr gô. Sáʼ ó me l'ayɨ́ bɔma e mitúú mî. Damá jóʼo nó, yé ayɨ́ syɛ́ɛ̌ mpʉ mɛ̂m kpɛl yɨ́, njɨ mpʉ gó kpɛ̂l yɨ́!»

Mɨngwiha 2:8

«Cɛmaa mékaná ntémé éngeles dí edwéelě Mbɛ̌r-Nzyɛ̌m, waá dí ɨ́ Smírna wɨ́ nyá. Lɛ́yɨ́ɨ́ nyé ó: Waá dí mʉr esôʼ ndu e waá epíhe, waá á dwe, báʼǎ pah nyá, nye lɨ́ elɛ́ɛ bɨ́n ó:

Ebrœ̂ 13:13

Sá tɨ̂ʼ ó mɨ́ná jálá le eduho tʉ́ŋlʉ̌ nkana yaá yɨ́. Mɨná dúhaa gá tɨ̂, tó pyâl nkǒ Krîst dí ɨ́ nkanǎ kʉ̌l yɨ́, mɨná gá le onɔ́ɔ́ nkʉ̂ pyaŋɔɔ̌ jwɨʼ gwár e gwár.

Ebrœ̂ 5:9

Píe mitúú myé myaá ó nyé á ka be, nye mû lwɨ́ŋlá ɨ́ nkʉ́ŋ wé yɨ́. Nye á be ó, nye mû sá ngá kǎ dwe bʉ̂r twǐʼ njʉ̌m dǐ yɨ́. Bʉr bɨ́bɛ̂h ngá sâ nyé mejóʼo bá, bé óbǐ twiʼ yaá.

Yʉanes 13:3

Yésʉs mʉr tɨ̂ʼ á be lɨ́ egʉ́a ó, nye á duho ó kwá mé Nzyɛ̌m. Nye ntémé óbúla kwá mé Nzyɛ̌m. Nó ntémé, Nzyɛ̌m á be ɨ́ gbâ sá yɨ́yɛ̂h sí jwɨ́ɨ́ yé.

Lʉkas 17:5

Bʉr o mílʉ́mlʉ́ mé Tî Yésʉs, bé á lɛ́ɛ e né ó: «Bulɨɨ bɨ́h búʼó yɨ́h.»

Markus 9:24

Tyé e tyé yaá, sɔ́ŋ mwân ntɔ̂ʼ lɛ́ɛ kʉ́kʉ́ ó: «Mɨ́ dyɛ̂ʼwo e Nzyɛ̌m! Sâ gwár, ntaá lɨ̌l búʼó yâm!»

Ebrœ̂ 12:3

Símsáá gá nye. Bɨ̌n e símsá mpʉ ósyɛ̂l o mísyóm bé á cɨ nye mekǎn mé ébébe, nyɨɛ njɨ lɨ́ edûhwo bé yɨ́. Sísímsáá gá nó, bɨ̌n nkʉ̂ be, akâr mítúú, nkʉ̂ tyɛʼ.

Éfɛsɔs 2:16

Ɨ́ jɔʼ nyé á bomlɔɔ ɨ́ kolôs kʉ́ yɨ́, nye á si sâ saá páʼ gá nyɨ́ná e Nzyɛ̌m, le esâ ó, bʉr o bíkúl bíbá gá bíná byaá, díʼee mpʉ mʉ̂r ngwár. Mɨná bé á ka gwâʼ enwimla páʼ gá nyɨ́ná ó, ɨ́ jɔʼ nyé á dwe yɨ́.

Mɨlʉmlʉ 5:41

Nó mpʉ bʉ̂r o mílʉ́mlʉ́, bé á duho ɨ́ bʉ̌m nɨ́nɨ́ɨ́ yɨ́, bɨ́bɛ̂h, bé ntɔ̂ʼ lóno ɨ́ bisʉhʉʉ, ebě, Nzyɛ̌m á bee ó, bé ó mbi bʉ̂r o jálá le esáŋɔɔ bísá bí ésɔ́m ɨ́ lɔ̌b díé mé Yésʉs bá.

Yʉanes 12:32

Nó ɨ́ jɔʼ mé óduhǒ sí yɨ̂, bɨ́nɔɔ kʉ́ yɨ́, me ódulo bʉ̂r bɨ́bɛ̂h nko mé óbe yɨ́.»

1 Pyɛr 1:11

Bé á be ó lɨ́ egwɨ̂m égʉ́a mʉ̂r Sísǐm mé Krîst á lwilwib, dumo e né nyá, le jɔʼ nyé ótíʼe yɨ́. Tó kœb ó, Sísǐm mé Nzyɛ̌m, wé á boʼlo ó, dumo e mitúú Krîst á jala le esia e myé mí, ti e kûm nyé ókǎ báʼǎ bi píe tɨ̂ʼ nyɨ́. Nye á boʼlo nó ó, bisyɛ́ɛla bi tɨ̂ʼ dína apǎ syɛ́ɛ.

Ebrœ̂ 10:14

Nyɨɛ á jaa dwe ó njɨ ndwéá ngwár, bʉr o b'á be ó, bé púbɔɔ bá, bé ntɔ̂ʼ pubɔɔ mbɨ̂mbɨá ɨ́ mipáʼ mímyɛ̂h. Bé ódidi nó ó, njʉ̌m dǐ e njʉ̌m dǐ.

Yʉanes 12:24

Mě lɛ́ɛ́ bɨ́n lɨ́ otyeetye ó, bumó, yé ódidi gwár ó, jɔʼ yé dína apǎ swahɔɔ ɨ́ bibwǎh yɨ́. Bumó sí swahɔɔ ɨ́ bibwǎh, pâh nɛ́ɛ: yé ógúmo mpúmó menkû menkû.

Yʉanes 8:56

Sɔ́ŋ wɨ́n Abraham á be ɨ́ soho ɨ́ jɔʼ nyé á jwɨjwɨʼ ó, nye óbeě móhó épyál lâm. Nye á si bee wê. Nye kʉ́ nzě soho.»

Yʉanes 1:29

Ɨ́ mɛ́n tɨ̂, Yʉánɛs kǎ bee ó, Yésʉs lɨ́ enze kwá nyé. Yʉánɛs nzě lɛ́ɛ ó: «Beyɨɨ gá Mâ Nteme mé Nzyɛ̌m dí edwih mísyóm mí sí mímyɛ̂h nyá!

Lʉkas 23:11

Erôd, bé e bisója byé nzě lwɨ́ɔɔ nyé le epyéhɔɔ nyê. Bé ntɔ̂ʼ bôr nyé kán ɨ́ nyʉ̂l ɨ́ nkaaá. Erôd ntɔ̂ʼ báʼǎ tyen nyé kwá mé Pilátos.

Mataos 20:28

Ebě, Mwân mé Mʉr nye mʉr tɨ̂ʼ á bé anze ó, bʉr séaa e né. Nye á nze ó, nyɨɛ séaa e bʉr, le edwě twiʼ yé, lɨ́ enzě lɨ́ etáǎ góo, le edwih bʉ̂r ɨ́ buo buo ɨ́ mpila mísyóm, pɛʼ bé ɨ́ fá.»

Mataos 16:21

Táare ɨ́ jɔʼ yaá, Yésʉs nzě gɔ́na le elɛ́ɛ ómpʉ́n bé ó, yé jala ó, nye tôʼ ɨ́ Yerʉ́zalɛm, nye síaa e mitúú ɨ́ buo buo ɨ́ mebó mé ótɔ́má bʉ̂r, le ojwɨ́ɨ o mpáh Nzyɛ̌m le olɛ̂ʼla o métié. Nye ntémé ójʉ́ŋɔɔ. Lɨ́ elú élɛ̂l píe tɨ̂, nye ópah ɨ́ soo.

Mɨngwiha 1:17

Jɔʼ mé á bee nye yɨ́, me kúrwo sí, píʼe mpóm ɨ́ bibwǎh ɨ́ mekʉ̌ mé, mpʉ̌ múu ɨ́ séhé. Nye ntɔ̂ʼ kɛ̌l mbó éjʉ́m wé ɨ́ nyʉ̂l nyǎm. Nye e me ó: «Akǎ jóʼo bʉ́á. Me ó dí mʉr esôʼ ndu e mʉr epíhe.

Mɨngwiha 1:11

Nye e me ó: «Sá gó mû lɨ́ ebee yɨ́, go e cɛ́má yé ɨ́ mekaná. Gó otyen mé ɨ́ bʉr ó Mbɛ̌r-Nzyɛ̌m dí ɨ́ binkana nzaangbá bi dí Éfɛsɔs, Smírna, Pɛ́rgamos, Teatîr, Sárdɛs, Filadɛ́lfia, ndu e Laodiséa bí.»

Ebrœ̂ 7:19

Ebě, metié mé ésôʼ maá, mé á bé abe e nkul epubo syɛ̂l misyóm ɨ́ mipáʼ mímyɛ̂h. Nó ó, mpǎŋ sá dí elaa métié maá yɨ́, yɨ́ pyâl: mpûʼla mɨ́ná mû e nye ɨ́ léme nyɨ́. Nye ó dí esâ ó, mɨná sîhlaa gá bǎʼ e Nzyɛ̌m.

Ebrœ̂ 1:13

Nzyɛ̌m á bé alɛ́ɛ ɨ́ lʉ́ʉ́ dʉ́o, dumo e nyʉ́ʉ́ éngeles wé ó: Diʼee sí wâ, ɨ́ mbó éjʉ́m wâm. Bónáá ɨ́ puuu náǎ, tó pyâl ɨ́ jɔʼ mé ósâ óntɨ̂m le obɨn bô ó, bé díʼee tyélátyéla mékʉ̌ yô yɨ́.

Mɨlʉmlʉ 2:36

«Bʉr bɨ́bɛ̂h o dí wâʼ ɨ́ sí Ɨ́zraɛ̂l bá, bé lɨ́ ekʉ́ gʉ́ǎ lɔ̌b waá: Yésʉs waá, nye ó bɨ́n á jʉ̂ lɨ́ ebomlo nyé e binzâŋ, bɨ́nɔɔ nyé ɨ́ kolôs kʉ́ nyá. Nye ó Nzyɛ̌m á tyêl Tî gá wɨ́ná, waá nyé á lœm múló mé jwɨ́ɨ nyá.»

Markus 9:12

Nye ó: «Yé ó nó: Elie ó ngá nyɛɛ́ pyâl, lɨ́ enzě komlo bísá bíbyɛ̂h. Sâ gwár, paá pahle gâ: yê cɛmá ó, Mwân mé Mʉr ósia e mitúú ɨ́ buo buo, le epyéhɔɔ.

Mɨngwiha 1:8

Dâ Nzyɛ̌m, nyě lɛ́ɛ́ ó: «Me ó dí waá esôʼ ndu e waá epíhe. Me waá á boo be, waá dína, ndu e waá ngá nze nyá. Me ó dí Nzyɛ̌m nkul nyɨnyɛ̂h.»

Ebrœ̂ 11:36

Bʉ́ʉ́ bʉ̂r, bé á si kam elwɨ́ɔɔ le ebíŋɔɔ ɨ́ lɔ̌b búʼó yɔ́ɔ́. Bâʼ, bé á si káʼɔɔ e mikʉ̂kɔ̌b, tyenɔɔ lɨ́ okómó ɨ́ lɔ̌b búʼó yɔ́ɔ́.

Ebrœ̂ 10:33

Ɨ́ jɔʼ yaá, bâʼ bʉ̂r, bé á be lɨ́ elwɨ́ɔɔ le etíblɔɔ ɨ́ kpɛŋlɛm. Bʉ́ʉ́ bʉ̂r bɨ́ɛ, bé á kam ó, bé súʼó ó bʉr o b'á sáŋɔɔ nó bá.

Markus 16:19

[Jɔ̌ʼ Tî Yésʉs á sil elwib e bé nó yɨ́, Nzyɛ̌m nzě nʉa nyé, tô e né ɨ́ jʉ́o kʉ́, tó dil nyé ɨ́ mbó éjʉ́m wé.

Mɨlʉmlʉ 3:15

Bɨ̌n bé á si bana jʉ̂ Etín é Twiʼ. Damá jóʼǒ mpʉ yé á syɛ́ɛlɨ nó yɨ́, Nzyɛ̌m nyɨɛ, nyɨ́ bánǎ pɛh nyê, dwih nyé lɨ́ odwe. Bɨ̌h ó dí oboʼlo ó lɔ̌b waá.

1 Korɛnt 1:18

Pô eswie mé Yésʉs ɨ́ kolôs kʉ́, nye ɨ́ páʼ bʉ̂r o dí edîm bá ó, mpʉ̌ lɔ́ɔ́ ógʉ̌. Sâ gwár, ɨ́ páʼ gá wɨ́ná, bʉr o dí ebǐ twǐʼ njʉ̌m dǐ bá, nye ó ánɨ̂nɨ̂n nkǔl Nzyɛ̌m dí e nye nyɨ́.

1 Korɛnt 1:23

Ɨ́ wɨ́h pâʼ, bɨ̌h túnó ó Mbɨambɨa Lɔ́ɔ́ mé Krîst, mʉr á jʉ́ŋɔɔ ɨ́ kolôs kʉ́ nyá. Lɔ́ɔ waá, wé ó ebɔ̌ʼ e dí ebɨma óYúden ɨ́ miléme lɨ́. Wé ó lɔ́ɔ́ ógʉ̌ ɨ́ páʼ bʉ̂r o bíkúl bíswîh.

Jacques 2:1

Bɨ́ɔɔ́ bâm! Okɛ́l bâm! Yé ɨ́ mbɨǎ mpʉ bɨ́n dí edyêʼ koo e Tî gá wɨ́ná Yésʉs-Krîst, waá mɨ́ná dí egúmlo gá nyá yɨ́. Sâ gwár, sá adwáawo bʉ́ʉ́ bʉ̂r mempǒm, pyêh bʉ́ʉ́.