Ebrœ̂ 12:19 - Kálar Nzyɛ̌m : Ejwán é Sáá

¹⁹ Bé á si jóʼo lwǐb sébé ndu e twíí mé Nzyɛ̌m. Jɔʼ bé á jóʼo twíí nyé yɨ́, bê nzě jóʼo bʉ́á, bê nzě jɨʼla e né ó, nye ayɨ́ kǎ báʼǎ cɨ bé lʉ́ʉ́ ékǎn,

Kálara Zyɛ̌m Edwán é mpʉ̌n

¹⁹ Bɨn bɛɛ, bé abe lé ejoʼo sebe, nkʉ twii mo Zyɛm. Bʉr o b'a joʼo twii waa ɛ, bé a si joʼo bʉa, ntɔʼ jwɨʼla e nye ó, nye l'aka bâʼle lɛɛ be lʉʉ ekan,

Ebrœ̂ 12:19 ပူးပေါင်းရင်းမြစ်များ

1 Korɛnt 15:52

Menyʉ́l gá mɨ́ná, mé ódwira ó, jɔʼ gwár mpʉ dîh dí ebyɛ́bla yɨ́. Yé óbe ó, ɨ́ jɔʼ sébé epíhe ólwib yɨ́, ebě, ɨ́ jɔʼ nyé ólwib yɨ́, odwe, bé ópah. Bé ódidi nó ó, akǎ dwe. Menyʉ́l gá mɨ́ná, mé ócéne.

1 Tesalonika 4:16

Ebě, Tî Yésʉs mʉr tɨ̂ʼ ósulo. Njwɨ́ɨ beéngeles, nye ólwib e twíí jwɨ́ɨ. Sébé mé Nzyɛ̌m ólwib. Odwe bé á boo pûhla e Yésʉs-Krîst bá, bé ónyɛɛ́ pah.

Mataos 24:31

Jɔʼ yaá, nye ólómo bééngeles bé e sébé dí ɨ́ buú bwaʼ twíí nyá, ɨ́ medumo mé sí mɨ́mɛ̂h menâ. Bé ósyɛŋ baá nyé á twâr bá, táare ɨ́ wɨ́ʼ ódumo ó sí, tó pyâl ɨ́ gúú.»

Ebrœ̂ 12:25

Nó, gwá di gá le ocwóó, ó bɨ̌n sá abene mʉ̂r mû lɨ́ ecɨ̂l bɨ́n nyá. Ɨ́ mimbú mí píhe, bé á si bene ejóʼo mʉr á nze ɨ́ sí yɨ̂ʼ nyá, akpɛl éjóʼo ɨ́ jɔʼ nyé á boo lɛ́ɛ bé sá nyé óntɨh bé yɨ́. Jɔʼ yé á ka pyâl yɨ́, bé ntɔ̂ʼ sáa ékɨ̂ŋ ntɨ́ʼá. Yé á bé akǎ bána. Mʉr á nze ka lwib e mɨná gá nyá, nyɨ́haá, nyé twíí, nye á duho ó kʉ́. Mɨ́ná bé óbene gá lɔ́ɔ́ wé nó, nzê mɨná bé ókɨ̂ŋ gá ntɨ́ʼá tɨ̂ʼ yɨ́ɛ ɛ̌? Nzyɛ̌m pǎ nyɛɛ́ ntɨ̂ʼ bímpám gá bíná ɨ́ lɔ̌b ajóʼo wɔ́ɔ́, á dwɛʼra e mɨná gá bɨɛ!