Ebrœ̂ 12:18 - Kálar Nzyɛ̌m : Ejwán é Sáá

¹⁸ Gúmó bɨ́n tyɛ́b ɨ́ míh mé Nzyɛ̌m yɨ́, yé abě mpʉ écwɨ̂ʼ e dí bɛ̌m mɛ́rɔɔ e mebô lɨ́, gúmó bʉ̂r o b'Ɨ́zraɛ̂l, bé á di mélú mé épíhe yɨ́. Bé á si bee siʼe yé á dúo tɨ̂ʼ yɨ́, bee ntémé edúrʉ́ʉ́ ɨ́ gúú pâʼ, lɨ́ɛ abe e bá myɛ́n tɨ̂. Bé á si bee ntémé nkúo lɨ́ ekwoolo.

Kálara Zyɛ̌m Edwán é mpʉ̌n

¹⁸ Bɨn bɛɛ, bé abe cyela é l'ecwɨʼ bɨn ndɨ, bɛm bobo e, laa ndɨ e siʼe lé eduo é bɨl-bɨl ɨ, edurʉ le ankom-nkom, nkuo lé ekuulo tɨ.

Ebrœ̂ 12:18 ပူးပေါင်းရင်းမြစ်များ

2 Timotɛ 1:7

Ebě, Sísǐm Nzyɛ̌m á ntɨh mɨná gá wɨ́, wé adwe mɨ́ná gá bʉ́á. Wé ó sísǐm nkûl, sísǐm kpɛ̌l ti e waá bíhwó.

2 Korɛnt 3:9

Syɛ́ɛ́ Moyɨ̂z á séa ó, bʉr nkʉ̂ dweŋɔɔ mébě píe tɨ̂ʼ yɨ́, yé pǎ nyɛɛ́ ntyɛnwa, á dwɛʼra e yaá Nzyɛ̌m á séa ó, bʉr bíʼee nkam e tɨ̂ʼ yɨ́! Yé óbe ó, ɨ́ ntyɛ̌n ntî ntyɛ̌n, laa yɨ́haá.

Rôm 6:14

Ebě, syóm, wé ajala le ekǎ jwɨ́ɨ bɨ́n, ebě, bɨ̌n bé akǎ be bʉ̂r o dí ɨ́ mpila métié tʉ́ŋlʉ̌ bá. Ɨ́ báánâ, bɨ̌n mû ó baá Nzyɛ̌m mû sí lɛ̂ʼle mpâm bá.

Rôm 8:15

Bɨ̌n e Sísǐm mé Nzyɛ̌m ó mû. Nyé abě mbǐ sísǐm dí e nkul edil bɨ́n ɨ́ dǐ ótúʼǎ, nkʉ̂ waá ngá sâ ó, bɨ̌n báʼa jóʼo bʉ́á wɨ́. Nye ótyêl bɨ́n ɨ́ tyé bwán mé Nzyɛ̌m. Nye ó dí edwe mɨ́ná gá nkul ó, mɨná jébaa gá Nzyɛ̌m kʉ́kʉ́ ó: «Abba, Dâ!»

2 Korɛnt 3:7

Ɨ́ jɔ̌ʼ Moyɨ̂z á tyêl bʉr metié mé á be mikpɛʼá ɨ́ mekóʼ má yɨ́, bé á jaa gbah mé ó, gbaháa, bé ntɔ̂ʼ dwe. Ɨ́ jɔʼ nyé á séa bé syɛ́ɛ́ yaá yɨ́, yé á be ó e kûm Bʉr o b'Ɨ́zraɛ̂l, bé á bé abe e nkul egwá dwɛ̂ʼ mpóm mé Moyɨ̂z ɨ́ tooobó, ɨ́ lɔ̌b méntyɛnwa mé á be ɨ́ mpǒm nyé má, damá jóʼǒ mpʉ méntyɛnwa maá, mé á to le edíme mé omér yɨ́.