Ebrœ̂ 12:14 - Kálar Nzyɛ̌m : Ejwán é Sáá

¹⁴ Sáʼ gá sɨ́n lɨ́ etíʼe ɨ́ mepyɛbla, páʼ nyɨ́n e bʉr bɨ́bɛ̂h. Sáʼ gá sɨ́n ntémé lɨ́ edi bʉ̂r o dí egúmo e Nzyɛ̌m, baá o dí tí bá. Mʉ̂r óbe, abě tí nó, nye ákóʼó beě Tî Yésʉs.

Kálara Zyɛ̌m Edwán é mpʉ̌n

¹⁴ Gbaʼ ga monyʉl lé egba motala paʼra win boo bʉr bɨbɛh. Baʼla ga bɨn bʉr o tɨʼ ti. ǃƗ mʉr si lɨŋa é paʼ ebò e cyen le nɛʼɛ, nye ákwoʼ bee Da.

Ebrœ̂ 12:14 ပူးပေါင်းရင်းမြစ်များ

2 Korɛnt 7:1

Nó, bɨ́ɔɔ́ o kpɛ̌l bâm ɛ̌! Mpʉ mɨ́ná gá dí e menkɛ̌ʼ ménɨ̌ yɨ́, mɨná púbaa gá mɨná bʉr o tɨ̂. Mɨná pɛ́ʼɛɛ gá bilœ̌ʼ bi dí ɨ́ mɨná gá ɨ́ menyʉ̂l ti e miléme bí. Mɨná kómlaa gá kʉ̌ tyen gá wɨ́ná, ó wé díʼee sá dí ti yɨ́, ɨ́ ndwááwá mɨ́ná dí edwáawo gá Nzyɛ̌m wɨ́.

1 Tesalonika 4:7

Ebě, Nzyɛ̌m á jébe mɨná gá ó, mɨná díʼee gá bʉr o dí gúmo e né bá. Nye á bé abáŋle mɨ́ná gâ lɨ́ esú ó, mɨná sâʼ gá bisyɛ́ɛla bi mpîr.

1 Pyɛr 3:11

Nye túmaa koo le ebébe. Nye sɨ̂saʼ njɨ embɨa. Nye tôʼ le egbâ mépyɛbla páʼ bʉ̂r e bʉr. Nye dúʼoo nzɨ̌ dí e mepyɛbla nyɨ́.

Rôm 12:18

Yé báná bɨ́n nó, sáʼ gá mbi wɨ́wɛ̂h ɨ́ páʼ wɨ́n ó, bɨ̌n e bʉr bɨ́bɛ̂h díʼee ɨ́ mepyɛbla!

Rôm 14:19

Mpʉ yé dí nó yɨ́, mɨná gbâʼ gá nkul lɨ́ esâ bísyɛ́ɛla bi dí esâ ó, sɔ́má gá yɨ́ná tíʼaa ɨ́ mepyɛbla bí, ti e byaá ngá sâ ó, bʉ́ʉ́ bʉ̂r, bé gwɨ́aa ɨ́ búʼó bí!

1 Tesalonika 3:13

Nye gbâʼ bɨ̌n nkul ɨ́ miléme ó, myé díʼee bɨ̌n ɨ́ sɔ́ɔ́ɔ́, abe e mebě ɨ́ mpǒm mé mʉr dí Nzyɛ̌m gá wɨ́ná, waá dí ntémé Sɔ́ŋ gá wɨ́ná nyá. Diʼee gá nó, tó kumo ɨ́ jɔʼ Tî gá wɨ́ná Yésʉs óbáʼǎ nze yɨ́. Nye ónze ó, bé e bʉr bɨ́bɛ̂h dí egúmo e né bá.

Rôm 6:22

Ɨ́ báánâ, Nzyɛ̌m, nyɨ́ táǎ góo, le edwih bɨ́n ɨ́ nkul mé Syóm. Bɨ̌n mû ó osyɛ̂l o mésá bé! Mpumó mû lɨ́ egúmo ɨ́ bicwiʼ bín nyɨ́, nye ó kʉ̌ tyen dí ejala e Nzyɛ̌m wɨ́. Ndumló tɨ̂, wé ó twǐʼ njʉ̌m dǐ.

3 Yʉanes 1:11

Mbɨambɨa só wǎm, ayɨ́ baŋǎ sá dí ɨ́ bébe yɨ́, njɨ yaá dí ɨ́ mbɨa yɨ́. Mʉr dí esâ bísyɛ́ɛla bi mpâm nyá, duho ó kwá mé Nzyɛ̌m. Syɛ̂l ebébe nyɨɛ, nyé apǎ beě Nzyɛ̌m.

Éfɛsɔs 5:5

Gʉ́ŋáá gá ó, mʉr dí elœʼ nyʉ́l nyé ɨ́ nzɨ̌ bijoó nyá, le waá dí edulo mpîr ɨ́ nye mʉr tɨ̂ʼ nyá, le waá dí egbâ mîh ɨ́ bisá byé onkán bá, mʉr dí e mbi bísyɛ́ɛla byaá nyá, nye ákóʼó bi nkɔ̂b ɨ́ Mpóʼo mé Krîst, dí nyaá mé Nzyɛ̌m nyɨ́. Ɨ́ jɔʼ mʉ̂r gbá mîh ɨ́ bisá byé onkán yɨ́, syɛ́ɛla yaá kʉ́ lɛ̂ʼle ó, mʉr waá, nye lɨ́ edwe bíkpɛʼkpɛ̂ʼ bí ónzyɛ̌m kûm.

Ebrœ̂ 12:10

Osɔ́ŋ gá bɨ́ná, bé á jaa sɨ̂ʼ mɨná gá milʉ̂ ó, njɨ ɨ́ mâ jɔʼ. Bé á si bee embɨa lɨ́ esâ mɨ́ná gá nó. Nó, Nzyɛ̌m Sɔ́ŋ gá wɨ́ná nyɨɛ, nyě jaá sɨ̂ʼ mɨ́ná gá milʉ̂ ó, njɨ lɨ́ esú é nyɔm gá wɨ́ná. Nyě sá nó ó, mɨná nwɨ́ɨlaa gá e né, le edi bʉ̂r o dí tí bá, mpʉ nyé dí yɨ́.

1 Timotɛ 6:11

Gua mʉr mé Nzyɛ̌m, gwá syɛ̂hle bísá bínɨ̌ bíbyɛ̂h. Dúʼóó njɨ bisyɛ́ɛla bi dí tîtyěl bí. Jwááwáá Nzyɛ̌m, le edyɛ̂ʼwo e né, le ekpɛl bʉ̂r. Diʼee mʉ̂r bíhwó. Talaa ntémé njwɨr.

1 Pyɛr 3:13

Nzé ósâ bɨ́n ebébe ɨ́ jɔʼ mílémé mín mû ɨ́ báná báná ó, bɨ̌n sâʼ embɨa yɨ́ ɛ́?

Markus 9:50

«Ekpa, lé ó sá dí ɨ́ mbɨa yɨ́. Sâ gwár, ékpa bé akǎ jómo nó, yáǎ sɔ̂ʼ ngá báʼǎ sâ ó, lé bíʼee ejómo lé? Diʼee gá le ekpa ɨ́ menyʉ́l mɨ́n. Bɨ̌n a tíʼé gá ɨ́ mepyɛbla.»

2 Pyɛr 3:11

Yé bé bisá bîʼ bíbyɛ̂h, byé ógbahɔɔ nó, wáǎ mbǐ kʉ̌ tyen bɨ́n jálá le edû wɨ́? Yé ó kʉ̌ tyen dí ejala e bʉr o dí tí, baá o dí egúmo e Nzyɛ̌m bá wɨ́.

1 Korɛnt 1:10

Bɨ́ɔɔ́ bâm! Okɛ́l bâm! Me lɨ́ ejɨʼla e bɨ̌n ɨ́ díé mé Tî gá wɨ́ná, Yésʉs-Krîst: diʼee gá twíí. Mpɔ́ʼá menkɔ̌m, nye ayɨ́ be ɨ́ sɔ́má yɨ́n tʉ́ŋlʉ̌. Me lɨ́ ejɨʼla ó, bɨ̌n díʼee ɨ́ mpúhlá nyɨ́n mbɨ̂mbɨá, mipahlá mimpwár, gwɨ́má gwár.

Lʉkas 1:75

Mɨná bé ógúmo gá ó e né. Mɨná bé óbe gá ó, otîtyěl o bʉ̂r ɨ́ míh mé, tó pyâl ɨ́ twǐʼ njʉ̌m dǐ.

2 Timotɛ 2:22

Diʼeě e mpaŋ ncɛ́rá e bigwɨ́má bí óntwǒm. Dúʼóó njɨ bisâ bi dí tîtyěl bí. Dyɛ́ʼwáá e Nzyɛ̌m. Sáʼ bʉ̂r mpam. Sáʼ ó, bʉr bíʼee mepyɛbla. Sɨ́sáʼ nó, bɨ̌n e bʉr bɨ́bɛ̂h o dí ejɨʼla e Nzyɛ̌m e miléme ɨ́ sɔ́ɔ́ɔ́ bá.

1 Tesalonika 5:15

Mʉr abwóolo ébébe le ebébe. Sáʼ gá bisyɛ́ɛla bimpâ páʼ nyɨ́n e bʉr bɨ́bɛ̂h.

2 Pyɛr 3:18

Tóʼ gá dóló le egwɨ́e ɨ́ mpam mé Tî gá wɨ́ná Yésʉs-Krîst, dí ntémé Tiʼbʉr gá wɨ́ná nyá. Bɨ̌n e gwɨ́é ntémé, ebě, bɨ̌n bɨ́ gʉ́a nyé ɨ́ pébébé. Nye omér ó dí ejala e kûm, táare ɨ́ jɔʼ yɨ̂, tó kumo ɨ́ twǐʼ njʉ̌m dǐ. Amɛn.

Filipi 3:12

Mé apǎ be e nkul elɛ́ɛ ó, me mû ó sí swim, pyâl lɨ́ odumo. Sâ gwár, me lɨ́ etô dóló le egbâ nkûl ó, me nkʉ̂ jala le myɛ́na mé kám, ebě, Yésʉs Krîst mû ó sí boó mɛ̂r mê.

2 Korɛnt 6:17

Dâ Nzyɛ̌m, nye lɨ́ elɛ́ɛ ntémé ó: «Duhaa gá ɨ́ sɔ́má yɔ́ɔ́. Bɔ́ʼáá gá e bê. Anyamlě kúna gá e sá dí e tilá yɨ́. Nó ó mé ónʉa bɨ́n e bisʉhʉʉ yɨ́.»

1 Korɛnt 13:12

Nó ó, ɨ́ báánâ, sá mɨ́ná dí ebee gá yɨ́, yê ɨ́ míh gá mɨ́ná ó, ɨ́ dímlɨ́ di dímlɨ́. Yé ó mpʉ̌ mveʼle dí enyɨ̂n ɨ́ nkóho dí engê yɨ́. Ɨ́ jɔ̌ʼ sá dí ntinɨ̂ mû sí pyâl yɨ́, mɨná bé óbeela gá mempǒm. Ɨ́ báánâ, ngwɨ́á wâm, wé dína ó, tîtil. Jɔʼ yaá ó mé ósûʼlǎ gʉ́ǎ sá yɨ́yɛ̂h ɨ́ pébébé yɨ́, dû mpʉ̌ Nzyɛ̌m dí eboó gʉ́a mé ɨ́ pébébé yɨ́.

Galásia 3:21

Nzê yé lɨ́ elɛ́ɛ ó, metié le nkɛ̌ʼ mé Nzyɛ̌m nyaá, byé e mbɔ́ʼ ɛ̌? Heʼé, yé abá be nó. Mbɔ́ʼ ntʉ́ʼ tɨ̂. Yé bé yé á be ó e lʉ́ʉ́ étié, lé á gwa sâ ó, bʉr bíʼee twiʼ nó, lɛ́ɛ́, mʉr á gwa bi nkam ɨ́ míh mé Nzyɛ̌m e nzɨ̌ metié. Sâ gwár, yé abe e lʉ́ʉ́ étié e dí esâ mɨ́ná gá syɛ́ɛla mpâ yaá.

Ebrœ̂ 9:28

Jwɨʼ gwár e gwár e Krîst. Nye á si dwe jɔʼ gwár, ó nye búraa le misyóm lɨ́ esú é bʉ̂r ɨ́ buo buo. Ɨ́ jɔʼ mbá nyé ókǎ nze yɨ́, nye ákǎ báʼǎ nze ɨ́ lɔ̌b ébúra e misyóm. Nye ónze ó, lɨ́ enzě tíʼ bʉ̂r o dí ebóno nyé bá.