Ebrœ̂ 12:11 - Kálar Nzyɛ̌m : Ejwán é Sáá

¹¹ Jɔʼ mɨ́ná dí edweŋɔɔ gá bintɨ́ʼá byaá yɨ́, yé ɨ́ kpaa ɨ́ léme, anwɨɨla ó, yé ó sá ésoho. Jɔ̌ʼ túú waá ká laa yɨ́, bʉr o dí egʉ́ǎ sâ dí tɨ̂ʼ yɨ́ bá, bé ntɔ̂ʼ kǎ gʉ́a ó, nkúná wɨ́ komlo bé miléme. Bé mû kǎ lîʼ le esâ ó, njɨ bisyɛ́ɛla bi dí tîtyěl bí, bi ntémé mepyɛbla tɨ̂.

Kálara Zyɛ̌m Edwán é mpʉ̌n

¹¹ É jɔʼ nye mu lé eturo bɨna ga mɨlʉ ɨ, yé é kpaa é leme, anwɨɨla ó, yé ó sa esoho. É jɔʼ tuu waa ka laa ɛ, bʉr o ndɨ egʉa sa ndɨ tɨʼ ɨ, bé ntɔʼ ka gʉa ó, mpa wé ebana komlo be mɨleme. Bé eka liʼ lé esa pie tɨʼ ó, njɨ bɨsyɛɛla ndɨ cɨcyel ɨ, le ebi motala tɨ.

Ebrœ̂ 12:11 ပူးပေါင်းရင်းမြစ်များ

2 Korɛnt 4:17

Ebě, bwá mítúú bɨ́h dí esia e myé ɨ́ báánâʼ mí, myé lɨ́ elaǎ mpʉ̌ ngúl mpáá. Mitúú myaá míɛ, myé ó sá dí esâ ó, bɨ̌h bíʼee kûm ɨ́ buo buo ngá dǐ njʉ̌m dǐ e njʉ̌m dǐ nyɨ́ yɨ́.

1 Pyɛr 1:6

Bɨ̌n mû ó lɨ́ ekʉ́ buú sohǒ sâ yaá ɨ́ báánâ, damá jóʼo bɨ́n dína lɨ́ elɛŋ bá mâ jɔʼ lɨ́ esia e mitúú e mindɛ̌l, duho ɨ́ mebʉ́blá bé dí ebóblo bɨ́n mimbi mimbi má.

Ebrœ̂ 12:10

Osɔ́ŋ gá bɨ́ná, bé á jaa sɨ̂ʼ mɨná gá milʉ̂ ó, njɨ ɨ́ mâ jɔʼ. Bé á si bee embɨa lɨ́ esâ mɨ́ná gá nó. Nó, Nzyɛ̌m Sɔ́ŋ gá wɨ́ná nyɨɛ, nyě jaá sɨ̂ʼ mɨ́ná gá milʉ̂ ó, njɨ lɨ́ esú é nyɔm gá wɨ́ná. Nyě sá nó ó, mɨná nwɨ́ɨlaa gá e né, le edi bʉ̂r o dí tí bá, mpʉ nyé dí yɨ́.

Ebrœ̂ 5:14

Otɔ́má bʉ̂r bɨ́ɛ ó dí ejala e mpǎŋ mede. Bɨ́ɛ e bɨ́ɛ ó dí e pɨʼ dí ó, bé gʉ́ŋaa ebɛ̂ʼ páʼ ébébe le embɨa nyɨ́. Bé bi pɨ̂ʼ nyaá ó, ɨ́ lɔb nzyéé bé dí egbâ lɨ́ egʉ́a ébɛ̂ʼ bísâ byaá nyɨ́.

Rôm 14:17

Mpóʼo mé Nzyɛ̌m, nyé abe mpóʼo mede le menyoʼ. Nye ó mpóʼo otîtyěl, mepyɛbla, ndu e bisʉhʉʉ mɨ́ná dí ebi gá e nzɨ̌ Sísǐm mé Nzyɛ̌m bí.

2 Pyɛr 2:14

Míh mɔ́ɔ́, mé jaá sáa ó, njɨ bʉbá bé sâʼ medyɛ̂n e bé bá. Bé abá gbala lɨ́ esâ syóm. Bé sɨ́sáá ó, bʉr o dí ɨ́ tyɛʼ bá, bé bílɨɨ ɨ́ bilám byɔ́ɔ́. Bé jaá gbâ lémé ɨ́ dwííí ó, njɨ lɨ́ ejɨ̂ʼ édû bígwɨ́má ményʉ́l mɔ́ɔ́. Nzyɛ̌m, nyɨ́ syɛm bê.

2 Timotɛ 4:8

Yé jaá kǎ lîʼ mé ó, njɨ ebǐ káráá dí komá lɨ́ esú lâm yɨ́. Káráá yaá ó dí elɛ̂ʼle ó, mɨ́ bi nkâm ɨ́ míh mé Nzyɛ̌m. Tî Yésʉs, mʉr dí etíʼe mílɔ̌b lɨ́ otîtyěl nyá, ódwe mé yǎ lɨ́ elú lé épíhe. Nye ádwe yɨ́ɛ njɨ me e me. Káráá yaá, yé ódweŋɔɔ ntémé ó, bʉr bɨ́bɛ̂h o dí ekpɛl ébee nyé lɨ́ ebáʼǎ nze bá.