Ebrœ̂ 12:10 - Kálar Nzyɛ̌m : Ejwán é Sáá

¹⁰ Osɔ́ŋ gá bɨ́ná, bé á jaa sɨ̂ʼ mɨná gá milʉ̂ ó, njɨ ɨ́ mâ jɔʼ. Bé á si bee embɨa lɨ́ esâ mɨ́ná gá nó. Nó, Nzyɛ̌m Sɔ́ŋ gá wɨ́ná nyɨɛ, nyě jaá sɨ̂ʼ mɨ́ná gá milʉ̂ ó, njɨ lɨ́ esú é nyɔm gá wɨ́ná. Nyě sá nó ó, mɨná nwɨ́ɨlaa gá e né, le edi bʉ̂r o dí tí bá, mpʉ nyé dí yɨ́.

Kálara Zyɛ̌m Edwán é mpʉ̌n

¹⁰ Osɔŋ ga bɨna, bé a kʉ turo bɨna ga mɨlʉ ó, njɨ é ma jɔʼ. Bé a si bee embɨa lé esa bɨna ga no. No ó, Zyɛm Sɔŋ ga wina nyɛɛ, nye eturo bɨna ga mɨlʉ ó, njɨ é l'efu e nyɔm ga wina. Nye esa no ó, bɨna nkʉʼ kœʼ ga ebò e cyen ndɨ é pememe e, ebò e cyen ga lɨna lé enwɨɨla e laa le.

Ebrœ̂ 12:10 ပူးပေါင်းရင်းမြစ်များ

2 Pyɛr 1:4

Mɨná mû bi gá ó, menkɛ̌ʼ nyé á boo kɛʼ mɨná gá, maá me dí ɨ́ buo ódimé má. Ɨ́ jɔʼ mɨ́ná bûʼlá gá menkɛ̌ʼ maá yɨ́, mɨná bé lɨ́ ebi gá ntémé njwɨr mé Nzyɛ̌m tɨ̂. Bʉr ó sí yɨ̂, bé mû ó lɨ́ ebo, duho ɨ́ mpwaʼ bigwɨ́má bísâ. Nó mɨná bɨɛ bé ókpɛ́ɛ gá bigwɨ́má byaá.

Títos 2:14

Nye á si dwe twiʼ yé nye mʉr tɨ̂ʼ lɨ́ esú lɨ́ná, ó nye dwíhɨɨ mɨná ɨ́ mpila mébébé mɨ́mɛ̂h. Nyɨ́ pubo mɨ́ná gá ó, mɨná díʼee kúl bʉ̂r dí egúmo e né yɨ́. Kûl yaá, yé ódi e léme ɨ́ cǎr ó, yé gbâʼ nyʉ̂l lɨ́ elóŋlo bísyɛ́ɛla bimpâ.

Kolosi 1:22

Nó ó, ɨ́ báánâ, Nzyɛ̌m, nyɨ́ sâ sáá páʼ nyɨ́n le onɔ́ɔ́, ó bɨ̌n nkʉ̂ pyâl ɨ́ míh mé e miléme ɨ́ sɔ́ɔ́ɔ́, abe e mebě, abe e sá ébébe nyé ódwe bɨ́n mebě e tɨ̂ʼ yɨ́. Nye á sâ saá nyaá ó, ɨ́ nzɨ̌ Mwân wé ɨ́ jɔʼ nyé á bîr twiʼ yé, le ekam ó, nyʉ̂l bipúno nyé, nye dwêʼ yɨ́.

Éfɛsɔs 4:24

Bé á lɛ̂ʼle bɨ̌n ntémé ó, eswam nyʉ̂l dwân Nzyɛ̌m á komlo bɨ̌n nyɨ́. Bɨ̌n bé osûʼla bʉ̂r odwân ɨ́ twǐʼ Nzyɛ̌m mʉr tɨ̂ʼ á komlo lɨ́ esú lɨ́n yɨ́. Bɨ̌n bé otyɛ̂b le otîtyěl ompâ ɨ́ míh mé Nzyɛ̌m le edi bʉ̂r bé lɨ́ otyeetye.

1 Pyɛr 2:9

Sâ gwár, bɨ̌n bɨɛ bé ó mpóʼǒ Nzyɛ̌m á boo twâr nyɨ́. Nye á twâr bɨ̌n ó, bɨ̌n séaa nye syɛ́ɛ ópara, le edǐ kúl bʉ̂r dí tí ɨ́ míh mé yɨ́. Bɨ̌n bé ó sá mé Nzyɛ̌m, ánta nye, lɨ́ esú ó, bɨ̌n gúmlaa mʉr á jébe bɨ̌n nyá. Njɨ́blɨ́ wé waá, wé ó b'á pɛʼ bɨ̌n lɨ́ edúrʉ́ʉ́, tyen bɨ́n ɨ́ myɛ́n dí ɨ́ ntyɛ̌n ntɨ̂ ntyɛ̌n yɨ́.

1 Pyɛr 2:5

Kamaa gá ó, Nzyɛ̌m súmaa mbɛ̌r Sísǐm wé ngá di tɨ̂ʼ wɨ́. Diʼee gá mekóʼ me dí kublakúbla má, maá ngá kɛlɔɔ tɨ̂ʼ ɨ́ nzumó nyaá má. Bɨ̌n bé ósûʼla bʉ̂r o dí tí, baá o dí ɨ́ sɔ́má ópara bé bá. Mindwéá bɨ́n ngá dwidwě Nzyɛ̌m e nzɨ̌ Sísǐm wé mí, Nzyɛ̌m óbee myé mbɨ̂mbɨá ó, lɨ́ esú mé Yésʉs-Krîst.

Ebrœ̂ 12:14

Sáʼ gá sɨ́n lɨ́ etíʼe ɨ́ mepyɛbla, páʼ nyɨ́n e bʉr bɨ́bɛ̂h. Sáʼ gá sɨ́n ntémé lɨ́ edi bʉ̂r o dí egúmo e Nzyɛ̌m, baá o dí tí bá. Mʉ̂r óbe, abě tí nó, nye ákóʼó beě Tî Yésʉs.