Ebrœ̂ 11:8 - Kálar Nzyɛ̌m : Ejwán é Sáá

⁸ Ɨ́ lɔ̌b búʼó, Abraham á si sâ Nzyɛ̌m mejóʼo ɨ́ jɔʼ nyé á jébe nye ó, nye tôʼ di ɨ́ sí Nzyɛ̌m á be ó, nyě dwé ó nye yɨ́. Nye á tô ó, apʉgʉ́ gʉ́ǎ titii gúmó nyé á be ó, nye tôʼ di yɨ́.

Kálara Zyɛ̌m Edwán é mpʉ̌n

⁸ É zi buʼo, Abraham a si sa Zyɛm mojoʼo é jɔʼ nye a jebe nye ó, nye toʼ, to di é lal nye a be ó, nye dwe ó nye e. Tœa nye a to é lal waa ɛ, wé a be ó, nye l'agʉa simsim gumo Zyɛm a gwɨm ó, nye toʼ, to di ɨ.

Ebrœ̂ 11:8 ပူးပေါင်းရင်းမြစ်များ

1 Pyɛr 1:22

Njóʼá bɨ́n á jóʼo otyeetye wɨ́, wê nzě pubo bɨ́n ɨ́ páʼ ébébe. Mejóʼo bɨ́n á dwe Nzyɛ̌m má, mɨ́ lɛ̂ʼle bɨ́n mpʉ bɨ́n jálá le ekpɛla, kpɛ̌l dí ápurapúra yɨ́. Yé ó yaá mpâ dí eduho bɨ́n ɨ́ miléme, yaá dí abě mbáʼrá e mikóo yɨ́.

Rôm 10:16

Ɨ́ jɔʼ óYúden, bé á jóʼo Mbɨambɨa Lɔ́ɔ, le esâ Nzyɛ̌m mejóʼo yɨ́, ntʉ bɨ́bɛ̂h bé á sâ nó. Ngwíha milɔ̌b Ésayie mʉr tɨ̂ʼ á lɛ́ɛ ó: Dâ ɛ̌, nzé á bûʼla lɔ́ɔ bɨ́h á lɛ́ɛ bé wɨ́?

1 Pyɛr 4:17

Etíʼ é mílɔ̌b gá lɨ́ná, lɨ́ pyâl. Nzyɛ̌m nyɛl élwib mílɔ̌b ó, myaá mi bʉ̂r ó Mbɛ̌r-Nzyɛ̌m. Tíʼá mílɔ̌b waá pǎ nyɛɛ́ nyan kwá gá nyɨ́ná, bʉr bé, á dwɛʼra e bʉr o dí abûʼlǎ Mbɨambɨa Lɔ́ɔ́ mé Nzyɛ̌m bá! Ndumló syɛ́ɛla yɔ́ɔ́ yaá, wé óbe yé?

Ebrœ̂ 11:33

Ɨ́ nzɨ̌ búʼó yɔ́ɔ́ ó bé á lwímla e mesí meswîh, ntaŋɔɔ mé yɨ́. Bé á si tíʼe bʉr milɔ̌b lɨ́ otîtyěl ɨ́ nzɨ̌ búʼó yɔ́ɔ́. Bé á si bi nkɛ̌ʼ mé Nzyɛ̌m ɨ́ nzɨ̌ búʼó yɔ́ɔ́. Bé á si pɨr mingbampɨɨ minum ɨ́ nzɨ̌ búʼó yɔ́ɔ́.

Rôm 6:17

Mɨná dwêʼ gá Nzyɛ̌m nzyǒo. Bɨ̌n bʉr o b'á nyɛɛ be bitúʼǎ bí syóm bá, bɨ̌n mû ɨ́ báánâʼ ó, sí sâ méjóʼo e milémé mín mímyɛ̂h, lɨ́ edû mbi mílɛ́ʼlá mû lɨ́ ebaʼle bɨ́n mí.

1 Pyɛr 3:1

Ɨ́ jwɨʼ gwár yaá, bɨ̌n bʉbá, sáʼ gá ojʉ́m bɨ́n mejóʼo. Nyʉ́ʉ́ mʉ̂r ngwár ɨ́ sɔ́má ójʉ́m bɨ́n béné ébûʼla mílɔ̌b mé Nzyɛ̌m nó, nye óbɛ̌m kǎ bûʼla yɨ́ɛ ó, ɨ́ lɔ̌b kʉ̌ tyen mʉ́má wé dí edû wɨ́. Yé ajɨ ɨ́ páʼ mʉ́má ó, nye lɛ́yɨɨ njʉ̂m lʉ́ʉ́ ékǎn eswîh.

Ebrœ̂ 5:9

Píe mitúú myé myaá ó nyé á ka be, nye mû lwɨ́ŋlá ɨ́ nkʉ́ŋ wé yɨ́. Nye á be ó, nye mû sá ngá kǎ dwe bʉ̂r twǐʼ njʉ̌m dǐ yɨ́. Bʉr bɨ́bɛ̂h ngá sâ nyé mejóʼo bá, bé óbǐ twiʼ yaá.

2 Korɛnt 10:5

Sá yɨ́yɛ̂h dí ebɨ̂r lʉ̂, kamle bʉ̂r lɨ́ egʉ́ǎ Nzyɛ̌m yɨ́, mɨná bé lɨ́ enkɛŋ gá yé sí. Mɨná lwímlá gá ó, mɨná dwírɨɨ gá sá yɨ́yɛ̂h bʉ̂r dí ejwɨʼ ɨ́ milémé myɔ́ɔ́ yɨ́, yé díʼee yaá dí esâ Krîst mejóʼo yɨ́.

Rôm 1:5

Nzyɛ̌m á si cwɨ́a e bɨ̌h ɨ́ nzɨ̌ mé Yésʉs-Krîst, le etyêl bɨ́h bʉr o mílʉ́mlʉ́ bé, lɨ́ esú é bíkúl bíbyɛ̂h, ó byé dyéʼee koo e né, le esâ nyé mejóʼo. Nye á sâ bɨ̌h syɛ́ɛla yaá ó, lɨ́ esú lé édwe díé é Mwân wé kûm.

Mataos 2:21

Yóseb nzě gbɔlwa sí, nʉa mwân, bé e nyɔ̌ŋ, ntɔ̂ʼ swîʼ, tô sí Ɨ́zraɛ̂l.