Ebrœ̂ 11:7 - Kálar Nzyɛ̌m : Ejwán é Sáá

⁷ Ɨ́ lɔ̌b búʼó, Nóe á si jóʼo Nzyɛ̌m jɔʼ nyé á cɨ̂l nye ɨ́ lɔ̌b sá yé á be ó, yé ósyɛ́ɛ yɨ́. Nye dína apǎ bee yé e dîh, nye nzě gbâ lwǐb mé Nzyɛ̌m yaá ɨ́ dúu, ntɔ̂ʼ kpaʼ byɛ̂l, dû mpʉ̌ Nzyɛ̌m á tɨ́e ó, nye sâʼ yɨ́. Nye nzě nî tɨ̂, bé e mbɛ̌r bʉ̂r wé, bɨ́bɛ̂h ntɔ̂ʼ tíʼe. Ɨ́ lɔ̌b búʼó yé ó nyé á lɛ̂ʼle ó, syɛ́ɛla bʉ́ʉ́ bʉ̂r, bé á sâ yɨ́, yé á be ɨ́ bébe yɨ́. Bɨ́ɛ bé á bé adyɛ̂ʼwo e Nzyɛ̌m. Nye á bi nkam ó, tâŋ nkɔb nyé, ɨ́ lɔ̌b búʼó yé.

Kálara Zyɛ̌m Edwán é mpʉ̌n

⁷ É zi buʼo, Noe a si joʼo é jɔʼ Zyɛm a bal nye é lɔb sa yé a be ó, yé ósyɛɛlɨ ɨ. Nye l'apa bee ye e dih, nye a be ó si nʉa lwib mo Zyɛm yaa, gba é nkɔb, ntɔʼ kpaʼ byɛl, du mpʉ Zyɛm a tɨe nye ó, nye saʼ ɛ. Nye ze ni tɨ, bé e mbɛr bʉr we, bɨbɛh ntɔʼ tiʼe. É mbi waa ó nye a dwe bʉʉ bʉr mobe e, nyɛɛ ntɔʼ bi mokebe é mih mo Zyɛm, maa lé eduho é buʼo e.

Ebrœ̂ 11:7 ပူးပေါင်းရင်းမြစ်များ

1 Pyɛr 3:20

Bé á nyɛɛ be ó, asâ Nzyɛ̌m mejóʼo ɨ́ melú mé épíhe. Ɨ́ jɔʼ yaá, Nzyɛ̌m á bʉbóno ó e bíhwó, tó pyâl ɨ́ jɔ̌ʼ Nóe á sil ekpaʼ byɛ̂l yɨ́. Ɨ́ jɔʼ yaá, yé á jaa be ó njɨ mâ dœ́h é bʉ̂r, apʉgʉ́ buo, njɨ bʉr mwom, ó b'á tíʼe ɨ́ byɛ̂l waá tʉ́ŋlʉ̌. Bé á tíʼɔɔ ó, ɨ́ medíbé.

Rôm 4:13

Nzyɛ̌m á kɛʼ Abraham, bé le onta bé ó, nye ódwe bé sí yɨ́yɛ̂h, jala e nkɔb líʼe nyɔ́ɔ́. Nzyɛ̌m á bé alɛ́ɛ nó ɨ́ lɔ̌b mbaʼlá Abraham á baʼle metié wɨ́. Nye á kɛʼ bé sí yaá ó, duho lɨ́ otîtyěl nyé á pa dwe Abraham wɨ́. Otîtyěl waá wɨ́ɛ, wé á kʉ be ó, ɨ́ búʼó yé.

Lʉkas 17:26

Mpʉ bísɔ̂ʼ byé á syɛ́ɛ ɨ́ jɔʼ mé Nóe yɨ́, jwɨʼ gwár e gwár yaá ntémé ó ngá syɛ́ɛ ɨ́ jɔʼ Mwân mé Mʉr ónze yɨ́.

Filipi 3:9

Mě gwɨ́m ó, yé nyɨ́nɨɨ mpʉ bɨ́h e Krîst mû ɨ́ mpúhlá yɨ́. Mé agwɨ̂m ébi nkâm ɨ́ míh mé Nzyɛ̌m ɨ́ lɔ̌b mbaʼlá métié. Mě gwɨ́m ó, Nzyɛ̌m dwêʼ me nkam ɨ́ lɔ̌b búʼó mé dí ebúʼlǎ Krîst yɨ́.

Galásia 5:5

Bɨ̌h bɨɛ, bé á si dyɛ̂ʼwo e Nzyɛ̌m. Nyɨ́ gbâ bɨ́h mpûʼla ɨ́ miléme ó, nye ódwe bɨ́h nkam. Bɨ̌h bé e mpûʼla nyaá ó e nzɨ̌ Sísǐm mé Nzyɛ̌m.

Ebrœ̂ 5:7

Jɔ̌ʼ Krîst á títíʼe ɨ́ sí yɨ̂ʼ yɨ́, nye á bɨbe lɨ́ ejɨʼla e mʉr á be e nkul epɛʼ nyé lɨ́ eswie nyá. Nye á si bʉ̂ bitím, jɨ kʉ́kʉ́, Nzyɛ̌m ntɔ̂ʼ jóʼo nyé ntémé ɨ́ lɔ̌b méjóʼǒ Yésʉs á sâ nye má.

Rôm 3:22

Nzyɛ̌m mû kǎ dwe bʉ̂r nkam ɨ́ míh mé ó, njɨ ɨ́ mbûʼlá bé dí ebúʼlǎ Yésʉs-Krîst wɨ́. Nzyɛ̌m á kar nzɨ̌ nyaá ó, lɨ́ esú é baá bɨ́bɛ̂h dí ebúʼla nyé bá, ebě, bʉr bɨ́bɛ̂h, bé ó jwɨʼ gwár.

Rôm 1:17

Mbɨambɨa Lɔ́ɔ waá, wé lɛ́ʼlé ó, mpʉ̌ Nzyɛ̌m dí edwe bʉ̂r nkam ɨ́ míh mé yɨ́. Yé tááré ó, ɨ́ búʼó, tó swîʼ ɨ́ búʼó. Yé ó mpʉ yé dí cɛmá ɨ́ Mekaná mé Nzyɛ̌m yɨ́. Yê cɛmá ó: «Tîtyěl mʉr ótiʼe ó, ɨ́ búʼó.»

Mataos 3:7

Nó ó óFarizyɛ̂n le oSadwisyɛ̂n ɨ́ buo buo bé á nze, ó Yʉánɛs dúʼoo bé ɨ́ díbé yɨ́. Nye nzě lɛ́ɛ e bé ó: «Bɨ̌n bwá ó méjwɨ̂l bâ, nzé á pʉgʉ cɨ̂l bɨ̌n ó, bɨ̌n bé e nkul ekɨ̂ŋ nkpáa mé Nzyɛ̌m ɨ́ jɔʼ nyé ngá lɛ̂ʼle bɨ́n nyǎ yɨ́ ɛ́?

2 Pyɛr 3:6

Medíbé mémpwár maá, mé ntɔ̂ʼ bíla bʉ̂r ó sí bɨ́bɛ̂h, jʉ̂ bê.

2 Pyɛr 2:5

Nzyɛ̌m ntémé á bé abîr bʉ̂r o myâ. Nye á si ntɨh mpɨɨ ɨ́ sí yɨ̂ʼ lɨ́ ejʉ̂ mínjéʼe-Nzyɛ̌m. Nye á jaa tíʼ ó, njɨ Nóe, á lɨlɛ́ɛ bʉr sá dí tîtyěl yɨ́ nyá, bé e bʉ́ʉ́ bʉ̂r nzaangbá.

2 Pyɛr 1:1

Yé ó mɛm Simon Pétrus, syɛ̂l mesâ ti e mʉr milʉ́mlʉ́ mé Yésʉs-Krîst ó dí ecɛma bɨ́n mekaná mâ. Mě cɛmá ó, bɨ̌n bʉr o bɨ́h le onɔ́ɔ́ bé á bi mbǐ búʼó gwár bá. Búʼó yaá, odimé o tɨ̂, wé ó jwɨʼ gwár páʼ gá nyɨ́ná. Mɨná bé á bi gá búʼó yaá ó, ɨ́ lɔ̌b syɛ́ɛla mé Yésʉs-Krîst tîtyěl mʉr, Nzyɛ̌m gá wɨ́ná, Tiʼbʉr gá wɨ́ná.

Ebrœ̂ 11:1

Búʼó, yé ó sá gó dí ebúʼla ó, yé ósyɛ́ɛ, yɨ́ɛ dína apǎ syɛ́ɛlɨ yɨ́. Búʼó, yé ó sá gó dí egʉ́a ɨ́ léme ó, yé ó tɨ̂, yɨ́ɛ apǎ nyɨ̂n yɨ́.

Rôm 10:6

Tó kœb ó, yé e nzɨ̌ swîh ebi nkâm ɨ́ míh mé Nzyɛ̌m. Bʉr o dí ebúʼla nyé bá, bé ó dí ecɨɨ tɨ̂, ntɔ̂ʼ bi nkâm nyaá mpʉ yé dí cɛmá ɨ́ Mekaná mé Nzyɛ̌m yɨ́. Yê cɛmá ó: Sá alɛ́ɛ ɨ́ lémé gô tʉ́ŋlʉ̌ ó: Nzé óbére ɨ́ jʉ́o kʉ́? (Nó yé lɛ́ɛ́ ó: mʉ̌r sá apahle ó, yé e nyʉ́ʉ́ mʉ̂r óbére ɨ́ jʉ́o kʉ́, lɨ́ etó jébě Krîst, ó nye súlaa sí nyá.)

Rôm 4:11

Tíʼá mpʉ́n, wé á tyélɔɔ ɨ́ páʼ mé Abraham ó, mpʉ̌ mveʼle. Wé lɨ́lɛ́ʼlé mɨ́ná gá ó, nye á si dyɛ̂ʼwo e Nzyɛ̌m, ntɔ̂ʼ bi nkâm ɨ́ míh mé Nzyɛ̌m, nye dína apǎ tíʼɔɔ mpʉ́n. Abraham ntɔ̂ʼ kǎ sûʼla sɔ́ŋ bʉr bɨ́bɛ̂h dí edyɛ̂ʼwo e Nzyɛ̌m, baá dí abě tíʼá mpʉ́n bá. Nzyɛ̌m, nye lɨ́ ebeě mpʉ bé dí ebúʼla nyé yɨ́, ntɔ̂ʼ láa ó, bé ó otîtyěl o bʉ̂r.

Mataos 24:38

Byé nwɨɨla ó, mbi wɨ̂: jɔʼ mpɨ́ɨ á be apǎ mamle yɨ́, bʉr, bé á be ó lɨ́ ede méde le menyoʼ, báŋɔɔ bʉ́bá le ebɛ́lɔɔ bwân, tó pyâl pyáláa ɨ́ dʉ́ó Nóe á ka nî ɨ́ byɛ̂l yɨ́.

Mataos 24:25

Paá bee: me múo sí gwîh bɨ́n syɛ́ɛla yɔ́ɔ́ yaá!

Rôm 9:30

Mpʉ yé dí nó yɨ́, mɨná bé ókǎ lɛ́ɛ gá nyá? Nzyɛ̌m lɛ́ɛ́ yé, dumo e bʉr o dí abe óYúden bá? Bʉr o b'á be asáa nzɨ̌ ebi nkâm ɨ́ míh mé Nzyɛ̌m bá, bé ó b'á ka bi nkam ɨ́ míh mé. Sâ gwár, bé á si dweŋɔɔ mbi nkâm dí edweŋɔɔ ɨ́ lɔ̌b búʼó nyɨ́.

Mataos 24:15

Nó ó Yésʉs á lɛ́ɛ e bé ó: «Bɨ̌n bé óbee mʉ̂r bé jɨ́jébé ó, “Mentuhlobʉr” nyá. Nye ótêʼwo bʉ̂r ɨ́ mîh gúmó dí ti yɨ́, mpʉ ngwíha milɔ̌b Daniel á boo lɛ́ɛ yɨ́. (Mʉr dí eláǎ lɔ̌b wɨ̂ʼ nyá, nye gwâ jóʼo wê!)

Mataos 2:12

Píe tɨ̂, Nzyɛ̌m nzě cɨ̂l bé ɨ́ nzɨ̌ bilíma ó, bé ayɨ́ báʼǎ búla, tô kwá mé Erôd. Bé á to kumo kwár nyɔ́ɔ́ ó, kǎ cɨɔɔ ɨ́ nzɨ̌ swîh.

Ebrœ̂ 8:5

Opara bɨ́ɛ, bé sɨ́séá ó, ɨ́ mpáh Nzyɛ̌m, nyaá sí yɨ̂. Nye ó njɨ lɨ́ ebaŋa mpáh Nzyɛ̌m mpâ dí ɨ́ jʉ́o kʉ́ nyɨ́. Nó ɨ́ jɔ̌ʼ Moyɨ̂z á be ó, nyě sumó ó mbɛ̌r kán mé Nzyɛ̌m yɨ́, Nzyɛ̌m á lɛ́ɛ e né ó: «Gwá sumǒ sá yɨ́yɛ̂h lɨ́ edû mveʼlě mbɛ̌r gó á lɛ̂ʼlɔɔ lɨ́ ecwɨ̂ʼ kʉ́ yɨ́.»

Ebrœ̂ 12:25

Nó, gwá di gá le ocwóó, ó bɨ̌n sá abene mʉ̂r mû lɨ́ ecɨ̂l bɨ́n nyá. Ɨ́ mimbú mí píhe, bé á si bene ejóʼo mʉr á nze ɨ́ sí yɨ̂ʼ nyá, akpɛl éjóʼo ɨ́ jɔʼ nyé á boo lɛ́ɛ bé sá nyé óntɨh bé yɨ́. Jɔʼ yé á ka pyâl yɨ́, bé ntɔ̂ʼ sáa ékɨ̂ŋ ntɨ́ʼá. Yé á bé akǎ bána. Mʉr á nze ka lwib e mɨná gá nyá, nyɨ́haá, nyé twíí, nye á duho ó kʉ́. Mɨ́ná bé óbene gá lɔ́ɔ́ wé nó, nzê mɨná bé ókɨ̂ŋ gá ntɨ́ʼá tɨ̂ʼ yɨ́ɛ ɛ̌? Nzyɛ̌m pǎ nyɛɛ́ ntɨ̂ʼ bímpám gá bíná ɨ́ lɔ̌b ajóʼo wɔ́ɔ́, á dwɛʼra e mɨná gá bɨɛ!