Ebrœ̂ 11:6 - Kálar Nzyɛ̌m : Ejwán é Sáá

⁶ Nzyɛ̌m ákóʼó kpɛl mʉ̂r dí abe e búʼó nyá. Búʼó ó dí esâ ó, mɨná gʉ́ŋaa gá ó, Nzyɛ̌m, nye ó tɨ̂ʼ tyeetye. Búʼó ntémé ó dí elɛ̂ʼle mɨ́ná gá ó, nyě dwé myɛ́na mé émbɨa ó, njɨ bʉr o dí edû nyé bá. Abe e búʼó yaá nɛ́ɛ: lɛ́ɛ́, yé abe e mʉr ngwár ngá sîhlě nkǒ Nzyɛ̌m dí yɨ́.

Kálara Zyɛ̌m Edwán é mpʉ̌n

⁶ Zyɛm ákwoʼ kpɛl mʉr ndɨ abe e buʼo e. Buʼo ó ndɨ esa ó, bɨna gʉŋa ga ó, Zyɛm, nye ó tɨʼ cyecye. Buʼo nteme ó lé elɛʼle bɨna ga ó, nye edwe myɛna mo embɨa ó, njɨ bʉr o ndɨ edu nye e.

Ebrœ̂ 11:6 ပူးပေါင်းရင်းမြစ်များ

Mataos 6:33

Sá ésôʼ, tááráá ésáa gá enî ɨ́ Mpóʼo nyé, le etiʼe lɨ́ otîtyěl wé. Byaá byúú bɨ́n ká jɨ̌ nɨ̌, Nzyɛ̌m ólóŋlo bɨ́n byǎ.

Lʉkas 12:31

Tááráá ésáa gá ó, bɨ̌n níʼee ɨ́ Mpóʼo mé Nzyɛ̌m. Byaá byúú bɨ́n ká jɨ̌ nɨ̌, Nzyɛ̌m ólóŋlo bɨ́n byǎ.

Ebrœ̂ 7:25

Sá tɨ̂ʼ ntémé ó nyé dí e nkul etíʼ bʉ̂r o ngá sîhlě bǎʼ e Nzyɛ̌m, cɨɨ ɨ́ nzɨ̌ nyé bá. Nyě jaá pɛʼ mébébe mɔ́ɔ́ ó mɨ́mɛ̂h. Mpʉ nyé dí njʉ̌m dǐ e njʉ̌m dǐ yɨ́, nó ntémé ó nyé dí e nkul ejɨʼla e Nzyɛ̌m lɨ́ esú lɔ́ɔ́ ɨ́ jɔʼ yɨ́yɛ̂h yɨ́.

Rôm 10:14

Sâ gwár, bé ókɛn mʉ̂r bé á be adyêʼ koo e né nyá e nyáa nzɨ́? Nó ó, bé ódyɛ̂ʼwo e waá bé á be ajóʼo díé lé nyá e nyáa nzɨ́? Bé ójóʼo díe laá, abe e mʉr túnó bé lǎ, e nyáa nzɨ́?

Ebrœ̂ 3:12

Bɨ́ɔɔ́ bâm! Okɛ́l bâm! Gwá di gá le ocwóó, ó mʉr ɨ́ sɔ́má yɨ́n ayɨ́ be e lémé dí ɨ́ lele lɨ́ ebúʼla wɨ́. Nyě sá agbɔba e Nzyɛ̌m dí kublakúbla nyá.

Yʉanes 14:6

Yésʉs, nye e né ó: «Me ó dí nzɨ̌. Me ó otyeetye. Me ó etín é twiʼ. Mʉr, nyé abe e nkul etô nko Sɔ́ŋ wǎm dí yɨ́, cɨɨ ɨ́ nyʉ́ʉ́ nzɨ́ swîh, njɨ lɨ́ ecɨɨ ɨ́ nzɨ̌ nyǎm.

2 Pyɛr 1:5

Sɨ́ǎ yaá ó mé dí elɛ́ɛ e bɨ̌n ó, gbáʼ gá nkul lɨ́ etâʼ bísá bîʼ ɨ́ nkalá nkalá: ɨ́ búʼó yɨ́n, bɨ̌n e kɛ́l mbɨambɨa njwɨr. Ɨ́ mbɨambɨa njwɨr, bɨ̌n e kɛ́l ngwɨ́á.

Ebrœ̂ 4:6

Ebě, lɔ̌b, wɨ́ tɨ̂ʼ tyeetye ó, bâʼ bʉ̂r, bé ógbala, bé e boo Nzyɛ̌m sɔ́má. Nó ó, bʉr o b'á nyɛɛ bi Mbɨambɨa Lɔ́ɔ, ó bé níʼee ɨ́ gúmó égbalá yaá bá, bé á bé agbala, ebě, bé á si sâ ebɨ̌h e Nzyɛ̌m.

Galásia 5:6

Nyʉ́ʉ́ mʉ̂r óbe ɨ́ mpúhlá, bé e Yésʉs-Krîst nó, lɛ́ɛ́, etíʼɔɔ mpʉ́n, lé ákǎ be nyé e nyɔm. Nyé óbe, atíʼɔɔ mpʉ́n nó, syɛ́ɛla yaá, yé ántɨ̂ʼ sɔ̂ʼ. Yé ó jwɨʼ gwár ɨ́ páʼ mʉ̂r waá. Sá dí e nyɔm yɨ́, yé ó búʼó dí enyɨ̂n ɨ́ bisyɛ́ɛla bi mpâm yɨ́.

2 Pyɛr 3:14

Bʉr ó kpɛ̌l bâm! Mpʉ mɨ́ná dí ebóno gá móhó waá yɨ́, sáʼ gá sɨ́n lɨ́ edi e mepyɛbla páʼ nyɨ́n, tó pyâl ɨ́ jɔʼ nyé óbáʼǎ nze yɨ́. Sáŋáá gá ó, bɨ̌n díʼee mpʉ nyʉ̂l mé Krîst dí abe e mebar nyɨ́. Diʼee gá abe le ebébe bé óboʼlo bɨ́n e tɨ̂ʼ lɨ́.

Yʉanes 8:24

Sá tɨ̂ʼ ó mê lɛ́ɛ́ e bɨ̌n ó: “Bɨ̌n bé óbúra e misyóm mín” yɨ́. Bɨ́n bé abûʼla ó, mɛm ó dí Me-ó-tɨ̂ʼ nó, bɨ̌n bé ókʉ́ búra e misyóm mín.»

2 Pyɛr 1:10

Sɨ́ǎ yaá ó mé dí elɛ́ɛ bɨ́n, bɨ́ɔɔ́ bâm ó, gbáʼ gá nkul lɨ́ eséa ɨ́ piiia, lɨ́ esú ó, bɨ̌n gʉ́ŋaa tyeetye ó, Nzyɛ̌m á si jébe bɨ̌n, le etwâr bɨ́n yɨ́. Bɨ́n sá nó wá, bɨ̌n bé ákóʼó duma lɨ́ ebébe.

Ebrœ̂ 7:19

Ebě, metié mé ésôʼ maá, mé á bé abe e nkul epubo syɛ̂l misyóm ɨ́ mipáʼ mímyɛ̂h. Nó ó, mpǎŋ sá dí elaa métié maá yɨ́, yɨ́ pyâl: mpûʼla mɨ́ná mû e nye ɨ́ léme nyɨ́. Nye ó dí esâ ó, mɨná sîhlaa gá bǎʼ e Nzyɛ̌m.

Ebrœ̂ 4:2

Mɨná bé á be gá ó, sí jóʼǒ Mbɨambɨa Lɔ́ɔ jwɨʼ gwár e gwár e bimpám gá bíná. Sâ gwár, wé á bé abe byé e nyɔm, ebě, byé á bé abûʼla ɨ́ jɔʼ byé á jóʼo wé yɨ́.

Mɨngwiha 21:8

Baábʉ́bʉ́á bɨ́ɛ, bé le ohááden, bʉr o dí e milémé mébomo, ojʉ̂l o bʉ̂r, osyɛ̂l o bímolá, oleme ti e baá o dí edwe bíkpɛʼkpɛ̂ʼ bí ónzyɛ̌m kûm bá, ndu e baányâ-mikóo bɨ́bɛ̂h, bɨ́ɛ, bé ójaá kœb ódiá wɔ́ɔ́ ó, njɨ ɨ́ bɨ́ siʼe. Yé ó lwɨ́ŋlá e siʼe ti e pir. Yé ɨ́ buú díʼa. Tɨ̂ʼ ó bʉ̂r dí edwe éswie embá yɨ́.»

Ebrœ̂ 11:26

Nye á kpɛl ó, bé pyéhee bé e Krîst sɔ́má, laa ó, nye bíʼee okúm ɨ́ sí Egɨ̂ptɛn. Nye á si bee myɛ́na Nzyɛ̌m á komo nye má.

Markus 16:17

Nó bʉr o ngá dyɛ̂ʼwo e me bá, bé ósâ mésimá mâ: Bé óso méleme ɨ́ bʉr e nzɨ̌ díé lâm. Bé ólwib báayogoyogo.

Lʉkas 6:35

Sâ gwár, ɨ́ wɨ́n pâʼ, kpɛlɨɨ gá ontɨ̂m le obɨn bɨ́n. Sáʼ gá bé embɨa. Kʉlɨɨ gá bʉr mɔnɨ́, akǎ bûʼla ó, bé óbwóolo bɨ́n yǎ. Bɨ̌n bé ókʉ́ bi myɛ́na tɨ̂! Nó ó bɨ́n óbe bwán mé Nzyɛ̌m dí Lʉ́ bísá bíbyɛ̂h nyá yɨ́, ebě, nye lɨ́ ecwɨ́a e bʉr o dí adwe nyé nzyǒo bá ti e bʉr ó jélé.

Mataos 6:16

«Nó ó, ɨ́ jɔʼ bɨ́n dí eti méde lɨ́ edwě Nzyɛ̌m kûm yɨ́, mʉr alwaare méncémé ɨ́ mpʉ báányâ-mikóo dí esɨsâ yɨ́. Bé lulwaare méncémé ó, lɨ́ ekpɛl élɛ̂ʼle bʉ̂r ó, bé mû ó lɨ́ eti méde. Mě lɛ́ɛ́ bɨ́n lɨ́ otyeetye ó, bɨ́ boó bi myɛ́na mɔ́ɔ́.

Mataos 6:5

«Jɔʼ bɨ́n dí ejɨʼla e Nzyɛ̌m yɨ́, asâ gá mpʉ báányâ-mikóo dí esâ yɨ́. Bé jɨjɨʼla ó, mitîtyěl lɨ́ mempáh mínjɨʼla le meman mínkpǎʼ, ó bʉr, bé béyɨɨ bê. Mě lɛ́ɛ́ bɨ́n lɨ́ otyeetye ó, bɨ́ boó bi mɔ́ɔ́ myɛ́na.

Mataos 5:12

Sohaa gâ, mɛɛlaa gâ, ebě, myɛ́na ménɨ́nɨ́ɨ́ le embɨa, mé lɨ́ ebóno bɨ́n ɨ́ jʉ́o kʉ́, ebě, bé á tîtible ogwíha o mílɔ̌b bé á nyɛɛ pyâl e bɨ̌n bá ó mpʉ́nʉ̌.»

Mataos 11:26

Dâ, yé ó nó. Me lɨ́ egúmlo gô, ebě, go á komlo ó, yé syɛ́yɨɨ nó.