Ebrœ̂ 11:5 - Kálar Nzyɛ̌m : Ejwán é Sáá

⁵ Búʼó mé Énɔk ó b'á sâ ó, nye ayɨ́ dwe. Nye á si bana bɨ́nɔɔ kʉ́, kumo ɨ́ kwár mé Nzyɛ̌m. Yé á bé abe e mʉr á baʼa bee nye, ebě, Nzyɛ̌m á si nʉa nye. Yê cɛmá ó, Énɔk apǎ bére kʉ́, Nzyɛ̌m á si boo bee nye mbɨ̂mbɨá.

Kálara Zyɛ̌m Edwán é mpʉ̌n

⁵ Buʼo mo Enɔk ó b'a sa ó, nye beʼ l'adwè. Nye a di é di di di, bʉr ntɔʼ sanɔ nye. Nye a baaka beɔ, ebe, Zyɛm a si nʉa nye. Yé ó tila ó, Enɔk apa bɨnɔ kʉ, Zyɛm a si bɛa bee nye mbɨmbɨa.

Ebrœ̂ 11:5 ပူးပေါင်းရင်းမြစ်များ

Yʉ̂d 1:14

Énɔk á be ó ngwih ebaalé mé Ádam. Nye á si gwîh milɔ̌b mé Dâ Nzyɛ̌m, dumo e bʉr baá. Nye á lɛ́ɛ ó: «Paá jóʼo gâ: Tî gá wɨ́ná ónze ó e beéngeles bé dí tí bá, tâŋ mekám mé ótɔ́ɔ́sin,

Ebrœ̂ 11:6

Nzyɛ̌m ákóʼó kpɛl mʉ̂r dí abe e búʼó nyá. Búʼó ó dí esâ ó, mɨná gʉ́ŋaa gá ó, Nzyɛ̌m, nye ó tɨ̂ʼ tyeetye. Búʼó ntémé ó dí elɛ̂ʼle mɨ́ná gá ó, nyě dwé myɛ́na mé émbɨa ó, njɨ bʉr o dí edû nyé bá. Abe e búʼó yaá nɛ́ɛ: lɛ́ɛ́, yé abe e mʉr ngwár ngá sîhlě nkǒ Nzyɛ̌m dí yɨ́.

1 Yʉanes 3:22

Mɨná bé óbi gá ntémé sá yɨ́yɛ̂h mɨ́ná ógwâm gá nye yɨ́, ebě, mɨná bé lɨ́ ebaʼle métié mé, le esâ bísyɛ́ɛla nyé dí ebee mbɨ̂mbɨá bí.

1 Tesalonika 2:4

Yé á be ó mpʉ̌ Nzyɛ̌m dí ekpɛl yɨ́. Nye ó b'á nyɛɛ bóblo bɨ̌h, ntɔ̂ʼ kǎ gʉ́a ɨ́ pébébé ó, bɨ̌h bé ó bʉr o jálá le egwá baʼlě Mbɨambɨa Lɔ́ɔ́ wé bá. Sá tɨ̂ʼ ó bɨ́h dí etúno wé mpʉ nyɨ́ɛ ógwá kpɛl yɨ́. Bɨ̌h bé asáa élwib ɨ́ mbi bʉ̂r dí ekpɛl mí. Bɨ̌h túnó wé ó, lɨ́ edû gwɨ́má mé Nzyɛ̌m, nyɨɛ mʉr dí epahle bíjwɨʼ mílémé gá míná nyá.

Lʉkas 3:37

Lámɛk, mwân mé Matusála; Matusála, mwân mé Énɔk; Énɔk, mwân mé Yárɛd; Yárɛd, mwân mé Malelɛ̂l; Malelɛ̂l, mwân mé Kayɨnân;

Lʉkas 2:26

Sísǐm mé Nzyɛ̌m, wé á si boo lɛ́ɛ e né ó, nye apǎ dwe, nye óbee mʉ̂r Nzyɛ̌m á lœm múló mé jwɨ́ɨ nyá.

Ebrœ̂ 2:9

Sá mɨ́ná dí ekʉ́ gwá bee gá yɨ́, yé ó: ɨ́ mâ péh jɔʼ, Nzyɛ̌m á si nyɛɛ sul Yésʉs sí, beéngeles bá laa nyé ɨ́ dúu. Píe tɨ̂, nyɨ́ kǎ dil nyé káráá jwɨ́ɨ ɨ́ lʉ̂, lɨ́ edwe nyé kûm ndu e dúu, ebě, Yésʉs á si sia e mitúú, ntɔ̂ʼ dwe. Ɨ́ mbi waá ó Nzyɛ̌m á cwɨ́a e bʉr bɨ́bɛ̂h yɨ́, lɨ́ esâ ó, Yésʉs dwêʼ lɨ́ esú lɔ́ɔ́.