Ebrœ̂ 11:37 - Kálar Nzyɛ̌m : Ejwán é Sáá

³⁷ Bʉ́ʉ́, bé á si lúmɔɔ mekóʼ, jʉ́ŋɔɔ. Bâʼ, tíʼɔɔ bípéh bíbá e menziʼ; bʉ́ʉ́, jʉ́ŋɔɔ le opasoŋ; bʉ́ʉ́ bɨ́ɛ, bé á si soŋɔɔ ɨ́ mimbɛ̌r myɔ́ɔ́, didiŋɔɔ̌ kʉ̌l e kʉ̌l. Bé á jaa tyeele ó, njɨ bikʉ́r bítab lɨ́ odyɛ́m. Bʉr, bé á si bu tíble bé, le esáŋɔɔ bé jélé ɨ́ lɔ̌b búʼó yɔ́ɔ́.

Kálara Zyɛ̌m Edwán é mpʉ̌n

³⁷ Bʉʉ, bé a si lumɔ mokoʼ, bé ntɔʼ dwè. Baʼ siʼɔ e moziʼ, tiʼɔ bɨpeh bɨba. Bʉʉ, jʉŋɔ e mɨfòŋ. Bʉʉ, bé a si foŋɔ é mɨmbɛr myɔɔ, diŋɔ-diŋɔ kʉl e kʉl. Bé a kʉba-kʉba ó, njɨ bɨkʉr bɨntœme e bɨkɨla. Bʉr, bé a si bul tíile be, le esaŋɔ be cere ebe buʼo yɔɔ.

Ebrœ̂ 11:37 ပူးပေါင်းရင်းမြစ်များ

Mɨlʉmlʉ 7:52

Lɛ́yɨ́ɨ́ gá me: wáa ngwíha milɔ̌b bímpám gá bíná, byé á be atíble nyá? Byé á si jʉ̂ bʉr o b'á túno nzéá mé Tîtyěl Mʉ̂r bá. Nó ó, ɨ́ báánâ, bɨ̌n bɨɛ mû ó sí bɛ́ma mʉ̂r waá, jʉ́ŋɔɔ nyê.

Mɨngwiha 11:3

Nó ó, me óntɨh bʉ́ʉ́ óboʼlo bâm obá. Bé ónzě lwib ɨ́ díé lâm. Bé ókʉ́ba mínkura. Bé ógwîh lɔ́ɔ́ wâm tâŋ melû tɔ́ɔ́sin e minter mimbá e mekám mésaman (1.260).»

2 Korɛnt 12:10

Sá tɨ̂ʼ ó mé dí e bisʉhʉʉ ɨ́ léme yɨ́, ó me díʼee tyɛʼbol, me lwɨ́ɔɔ, me síaa e mitúú e mindɛ̌l, le ntémé, me tíblɔɔ le esáŋɔɔ míngamla lɨ́ esú mé Krîst. Ebě, ɨ́ jɔʼ mé dí lɨ́ etyɛʼ yɨ́, ɨ́ jɔʼ gwár e gwár yaá ó mé dí e nkul ntémé.

Mɨlʉmlʉ 14:19

OYúden ntɔ̂ʼ pyâl tɨ̂: bâʼ duhǒ Antiôs, yaá Pisidía, bʉ́ʉ́ duhǒ Ikóniʉm. Bê nzě dulo bʉ̂r ɨ́ nkɔ̌m nyɔ́ɔ́ ó, bɨ́bɛ̂h, bé lúmaa Pɔ̂l mekóʼ, bé e jʉ́ nyê. Bê nzě nyɛl ésâ ntémé nó. Dâʼrɔɔ nyé sí e sí, pɛʼɔɔ nyé ɨ́ nkana, ebě, bé á jwɨʼ ó, nyɨ́ dwe.

Lʉkas 13:34

«Yerʉ́zalɛm, Yerʉ́zalɛm, gua mʉr dí ejʉ̂ ógwíha o mílɔ̌b le elúmo baá Nzyɛ̌m dí elómlo gó bá mekóʼ nyá! Nzɔʼ ntíá mé á be lɨ́ egwɨ̂m ésyɛŋ bwán bô mpʉ ábyɛɛ́-kúo dí esyɛŋ bwán bé sí mempabaá mé yɨ́, bɨ̌n bɨbené benáa.

Mataos 21:35

Bilóbila byaá bíɛ nzě mɛ̂r bʉ̂r o mílʉ́mlʉ́ baá, bé ntɔ̂ʼ bíŋɔɔ nyâ, ɨ́ bíŋɔɔ bíŋɔɔ; jʉ́ŋɔɔ nyʉ́ʉ́; lúmɔɔ nyʉ́ʉ́ ntémé e mekóʼ.

Mataos 8:20

Yésʉs nzě yala e né ó: «Ompɔ̌ʼ, bé ó e mekul. Binʉ̌n e mɔʼ. Sâ gwár, Mwân mé Mʉr, nyé abe e gúmó nyé kɛ́lɨɨ lʉ̂.»

Mataos 3:4

Kán Yʉánɛs á bubwâr wɨ́, wé á be ó tiá e myě mé chameau. Kaná nyé á tityeele lɨ́ odyɛ́m nyá, á be ó sɛ́á e kʉ́r tír. Nye á dɨde ó, océmebiká le egbɔ́ʼ.

Ebrœ̂ 11:25

Nye á kpɛl ó, nye síaa e túú, bé e bʉr o mé Nzyɛ̌m, laa ó, nye díʼee e bisʉhʉʉ tâŋ mâ jɔʼ, nyɨɛ lɨ́ esâ mísyóm.

Ebrœ̂ 13:3

Tʉtoŋlaa gá mimbʉʼ: diʼee gá mpʉ̌ sá lɛ́ɛ́, bɨ̌n le onɔ́ɔ́ bɨ́bɛ̂h ó dí ɨ́ mbʉʼ. Toŋlaa gá bʉr o dí esia e mitúú bá, ebě, bɨ̌n bé lɨ́ egʉ́ǎ mpʉ bíntɨ́ʼá dí ɨ́ kpaa ɨ́ nyʉ̂l yɨ́.