Ebrœ̂ 11:36 - Kálar Nzyɛ̌m : Ejwán é Sáá

³⁶ Bʉ́ʉ́ bʉ̂r, bé á si kam elwɨ́ɔɔ le ebíŋɔɔ ɨ́ lɔ̌b búʼó yɔ́ɔ́. Bâʼ, bé á si káʼɔɔ e mikʉ̂kɔ̌b, tyenɔɔ lɨ́ okómó ɨ́ lɔ̌b búʼó yɔ́ɔ́.

Kálara Zyɛ̌m Edwán é mpʉ̌n

³⁶ É zi buʼo, bʉʉ bʉr, bé a si mɛʼle ó, bé lwɨɔ le ebîŋɔ, to kumo kuma ó, bé kaʼɔ e mɨkʉkob ndwe le egbaŋɔ be é mbɛr mɨmbʉʼ.

Ebrœ̂ 11:36 ပူးပေါင်းရင်းမြစ်များ

Ebrœ̂ 10:34

Bɨ̌n e mimbʉʼ bé á si sia e mitúú mímpwár. Jɔʼ bʉ̂r bé á dɛn mebi mɨ́n yɨ́, bɨ̌n bé á si bîr byé e bisʉhʉʉ, ebě, bɨ̌n bé á be ɨ́ kʉ́ gʉ́a ó, bɨ̌n bé óbánǎ bi bídimé bísâ. Bisâ byaá, byé ɨ́ buú mbɨa, laa byaá bé á nyɛɛ dɛn bí. Byé ntémé, byé ó bisá bi dí edi bí.

Mataos 23:34

Sá tɨ̂ʼ ó mé dí elómlo bɨ́n ogwíha o mílɔ̌b, ndu e mipɨpɨ́ʼ mí bʉ̂r le olɛ̂ʼla yɨ́. Bâʼ bʉ̂r, bɨ̌n bé ójʉ̂ ó jʉ́ʼóo. Bʉ́ʉ́, bɨ̌n bé óbomlo ɨ́ bikolôs. Bʉ́ʉ́ ntémé, bɨ̌n bé óŋmɛ̂h míngáhá ɨ́ mempáh mínjɨʼla mɨ́n. Bɨ̌n bé ótíble bé bínkana e bínkana byɛ̂h.

Mɨngwiha 2:10

Ayɨ́ jóʼo gá bʉ́á ɨ́ lɔ̌b bíntɨ́ʼá bé ngá dwe bɨ́n bí. Paá bee gâ: Sɔ́ŋ meleme ómɛ̂r bɨ́n bʉ́ʉ́ bʉ̂r, gbâ bé ɨ́ mbʉʼ, lɨ́ edǐ bóblo bɨ́n. Bɨ̌n bé ósia e mitúú, tó kumo ɨ́ melû kám. Gwá baʼle gá búʼó, tó kumo lɨ́ eswie. Sá tɨ̂ʼ ó mé ódwe bɨ́n twǐʼ njʉ̌m dǐ yɨ́. Bɨ̌n bé óbi myɛ́na maá, mpʉ̌ nkɔ́ɔ́ dí ebórɔɔ̌ káráá yɨ́.

2 Timotɛ 2:9

Bʉr, bé á si kâʼ me menkara mpʉ̌ sá lɛ́ɛ́, me ó syɛ̂l ebébe. Mě jaá sia e mitúú ó, njɨ ɨ́ lɔ̌b Mbɨambɨa Lɔ́ɔ mé dí etúno wɨ́. Damá jóʼo nó, ntʉ̌ Mbɨambɨa Lɔ́ɔ́ mé Nzyɛ̌m wɨ́ɛ á káʼɔɔ.

2 Timotɛ 1:16

Tî Yésʉs lɛ̂ʼlaa mbɛ̌r bʉ̂r mé Onesíforos membɨa mɨ́mɛ̂h, ebě, nye á si bu cwɨ́a e me, nzɔʼ nzɔʼ. Nyé abá jóʼo sôn ebe mé dí ɨ́ mbʉʼ e menkara,

Éfɛsɔs 4:1

Nó, mɛm mʉr dí mbʉʼ mé Tî Yésʉs nyá, mě jɨʼlá e bɨ̌n ó, bɨ̌n dúʼoo mbɨambɨa kʉ̌ tyěn Nzyɛ̌m á jébe bɨ̌n ó, bɨ̌n dúʼoo wɨ́.

Mɨlʉmlʉ 24:27

Píe mimbú mímbá, Pɔ́rkios Fɛ́stos nzě nʉǎ dǐ mé Félix. Mpʉ̌ ngóvina Félix á be lɨ́ ekpɛl ó, oYúden, bé béyɨɨ nye mbɨ̂mbɨá yɨ́, nó ó, nyé á líʼe Pɔ̂l ɨ́ mbʉʼ.

Mɨlʉmlʉ 21:33

Nó njwɨ́ɨ bisója á sîhlě bǎʼ e Pɔ̂l, nzě mɛ̂r nyê, nye ntɔ̂ʼ dwe nkûl ó, bé káʼaa nye e mikʉ̂kɔ̌b mimbá. Nó nyé á dî mbi mʉ̂r nyé á be wɨ́, ndu e sá nyé á pʉgʉ sâ yɨ́.

Mɨlʉmlʉ 8:3

Saʉ̂l nyɨɛ nzě gbâ nkûl lɨ́ egbǎh Mbɛ̌r-Nzyɛ̌m. Nye á tʉtô nó ó, mímbɛ̌r e mímbɛ̌r myɛ̂h, lɨ́ etô le edulo bʉ́bá le bʉrʉ̂m o b'á bûʼla bá bɨ́bɛ̂h, gbâ bé ɨ́ mbʉʼ.

Mɨlʉmlʉ 5:40

Bʉr ó gwɨ́hlá nzě kamɔɔ. Bê nzě jébe bʉ̂r o mílʉ́mlʉ́, bíŋɔɔ bê, gbáŋɔɔ bé mpéné ó, bé l'anyamlě kǎ báʼǎ lwib ɨ́ díé mé Yésʉs, ntɔ̂ʼ bírɔɔ bê.

Mɨlʉmlʉ 5:18

bé ntɔ̂ʼ mɛ̂r bʉ̂r o mílʉ́mlʉ́, gbáŋɔɔ bé ɨ́ mbʉʼ.

Mɨlʉmlʉ 4:3

Nó bé á nze mɛ̂r bê, gbáŋɔɔ bé ɨ́ mbʉʼ, bónɔɔ̌ mɛ́n, ebě, yé á be ó, yé mû medwíne mé pum.

Lʉkas 23:36

Bisója ntémé á be lɨ́ epya nyê. Byê nzě sîhle, dweŋɔɔ nyé bíkɛ̌ʼla ményoʼ. Bé ó:

Lʉkas 23:11

Erôd, bé e bisója byé nzě lwɨ́ɔɔ nyé le epyéhɔɔ nyê. Bé ntɔ̂ʼ bôr nyé kán ɨ́ nyʉ̂l ɨ́ nkaaá. Erôd ntɔ̂ʼ báʼǎ tyen nyé kwá mé Pilátos.

Lʉkas 18:32

Nye óbɛ́mɔɔ kwá bʉr o bíkûl e biloo. Bé ópya nyê, sáŋɔɔ nyé cére, syɛɛ nyé metyéelé ɨ́ mîh,

Markus 10:34

Bé ópya nyé le esyɛɛ nyé metyéelé ɨ́ mîh. Bé óŋmɛ̂h nyé mingáhá, jʉ̂ nyê. Elú élɛ̂l píe tɨ̂, nye ópah ɨ́ soo.»

Mataos 27:26

Nó ó Pilátos á nze bîr bé Barábas. Jɔʼ nyé á lómo bʉr ó, bé ŋmɛ́hɛɛ Yésʉs mingáhá yɨ́, nye nzě líʼe ntémé num ó, bé tôʼ bomlo nyé e binzâŋ, bɨ̂n nyé ɨ́ kolôs kʉ́.

Mataos 21:35

Bilóbila byaá bíɛ nzě mɛ̂r bʉ̂r o mílʉ́mlʉ́ baá, bé ntɔ̂ʼ bíŋɔɔ nyâ, ɨ́ bíŋɔɔ bíŋɔɔ; jʉ́ŋɔɔ nyʉ́ʉ́; lúmɔɔ nyʉ́ʉ́ ntémé e mekóʼ.

Mataos 20:19

Bé óntɛŋ nyé ɨ́ mebó mé bʉ̂r o bíkûl lɨ́ esú ó, bé pyâʼ nye, le eŋmɛ̂h nyé mingáhá le ebomlo nyé ɨ́ kolôs kʉ́. Nó ɨ́ móhó lɛ̂l, nye ópah.»

Éfɛsɔs 3:1

Nó, mɛm Pɔ̂l, mʉr dí mbʉʼ ɨ́ syɛ́ɛ́ mé Krîst ɨ́ lɔ̌b nyɔm wɨ́n, bʉr o dí abe óYúden bá nyá...