Ebrœ̂ 11:35 - Kálar Nzyɛ̌m : Ejwán é Sáá

³⁵ Bʉ́ʉ́ bʉ́bá, bé á baʼa nʉa bʉr bɔ́ɔ́ bé á nyɛɛ dwe, kǎ pah bá ó, ɨ́ nzɨ̌ búʼó yɔ́ɔ́. Bʉ́ʉ́ bʉ̂r, bé á si bɔma e bintɨ́ʼá ɨ́ lɔ̌b búʼó, akam ó, bé dwíhɔɔ lɨ́ okómó, ebě, bé á kpɛl ó, bé páhaa lɨ́ odwe, mbǐ pahá dí ɨ́ buú mbɨa wɨ́.

Kálara Zyɛ̌m Edwán é mpʉ̌n

³⁵ É zi buʼo yɔɔ, bʉʉ bʉba, bé a bâʼle beŋle bʉr bɔɔ bé a taare dwè, ka pàh é foo e. Bʉʉ bʉr bɛɛ, bé a si sia e bɨntɨʼa, amɛʼle ó, bé pɛʼɔ é dia olʉa yɔɔ, ebe, bé a kpɛl ó, bé pàha é foo, bé nkʉʼ bi tiʼ ndɨ é bul mbɨa ɛ.

Ebrœ̂ 11:35 ပူးပေါင်းရင်းမြစ်များ

Filipi 3:11

Ebě, mpûʼla, nye me ɨ́ léme ó, me ntémé, me ópah, bǐ twiʼ.

Mɨlʉmlʉ 9:41

Pétrus ntɔ̂ʼ mɛ̂r nyé ɨ́ mbô, gbɛl nyé sí. Nye nzě jébe bʉ̂r o mé Nzyɛ̌m ti e mikúhó mí bʉ́bá, lɛ̂ʼle bé nyǎ, nye mû sí pah.

Mɨlʉmlʉ 24:15

Lémé wâm, wɨ́ lóno ɨ́ mpûʼla mpwár bé bʉr o tɨ̂ʼ dí e nye nyɨ́. Bɨ̌h bé e mpûʼla ɨ́ miléme ó, bʉr, bé ópah: otîtyěl o bʉ̂r, le onzyɛ́h ó bʉ̂r.

1 Korɛnt 15:54

Nyʉ̂l dí ebo nyɨ́, nyé óbe, nye mû sí céne, liŋa nyaá dí abo nyɨ́ nó, nyaá dí e nkul edwe nyɨ́, nyé óbe, nye mû sí liŋa nyaá dí abe e nkul edwe nyɨ́ nó, ɨ́ jɔʼ yaá ó sá dí cɛmá yɨ́, yé ólwɨ́ŋlɨ yɨ́: Eswie, lɨ́ gbahɔɔ. Nzyɛ̌m, nyɨ́ búla le onkɔ́ɔ́!

Mɨlʉmlʉ 23:6

Sâ gwár, ɨ́ jɔ̌ʼ Pɔ̂l á ka gʉ́a ó, bʉr ó bʉm, bé á be ó menkɔ̌m mebá: nyɨ̂ʼ nkɔ́m, oSadwisyɛ̂n; nyʉ́ʉ́, oFarizyɛ̂n yɨ́, nó ó nyé á bʉ̂ tím gúmó ótîʼ o mílɔ̌b bé á be yɨ́. Nye ó: «Bɨ́ɔɔ́ bâm, me ó Farizyɛ̂n. Odâ, bé á be ntémé ó oFarizyɛ̂n. Me lɨ́ ebúʼla ó, odwe, bé ópah. Sá tɨ̂ʼ ó mé mû lɨ́ esâ nkâr yɨ́.»

Mɨlʉmlʉ 22:29

Tyé e tyé yaá, bʉr o b'á gwa bî nye lɨ́ esú ó, nye lwíbɨɨ bá, bé ntɔ̂ʼ tuŋlo ményʉ̂l. Njwɨ́ɨ̌ nɨ́nɨ́ɨ́ mʉr tɨ̂, nye nzě jóʼo bʉ́á ɨ́ jɔʼ nyé á gʉ́a ó, Pɔ̂l á byɛ̂l ó, mʉr Rôm, bê bánǎ káʼɔɔ nyé e mikʉ̂kɔ̌b yɨ́.

Mɨlʉmlʉ 4:19

Pétrus, bé e Yʉánɛs bɨ́ɛ nzě yala e bé ó: «Bɨ̌n bʉr o tɨ̂, tíʼáá gá lɔ̌b wɨ̂: nkʉ̂ yé ɨ́ mbɨa ɨ́ míh mé Nzyɛ̌m ó, bɨ̌h jáa jóʼo bɨ́n, asâ nyɨ́ɛ mejóʼo.

Yʉanes 5:29

Bé opah ɨ́ mesoo. Baá bé á sâ embɨa bá, bé ópah, bǐ twǐʼ njʉ̌m dǐ. Baá bé á sâ ebébe bá, bɨ́ɛ ntémé ópah; bé otíʼɔɔ mílɔ̌b.»

Lʉkas 14:14

Gó sá nó wá, go óbi métyɛʼ me mpóm, ebě, bé abe e nkul ebwóolo gó embɨa lô. Embɨa laá, lé óbwóolɔɔ gó ó, ɨ́ móhó ótîtyěl o bʉ̂r, bé ópah wɨ́.»

Markus 12:25

Sá bɨ́n jálá le egʉ́a yɨ́, yé ó, ɨ́ jɔʼ bʉ̂r, bé óbe, sí pah ɨ́ mesoo yɨ́, bʉbá e bʉrʉ̂m, bé ákóʼó kǎ bɛ́a. Bé ójaá di ó mpʉ bééngeles dí ɨ́ jʉ́o kʉ́ yɨ́.

Mataos 22:30

Ɨ́ jɔʼ bʉ̂r, bé ópah ɨ́ mesoo yɨ́, bé ákǎ bɛ́a. Bé ódidi ó mpʉ bééngeles dí eboó di ɨ́ jʉ́o kʉ́ yɨ́.

Lʉkas 20:36

Ebě, bé ákǎ báʼǎ dwe. Bé óbe ó mpʉ bééngeles. Bé ó bwán mé Nzyɛ̌m, ebě, bɨ́ boó pah.