Ebrœ̂ 11:32 - Kálar Nzyɛ̌m : Ejwán é Sáá

³² Wáǎ lɔ́ɔ mé ókǎ báʼǎ lɛ́ɛ bɨ́n wɨ́? Yé kǎ sáa mé ó jɔʼ, ó me lɛ́yɨɨ bɨ̌n milɔ̌b mé Gedeyɔ̂n, bé e Barâk, ndu e Samsɔ̂n, Yɛftâ, David, Samuel, le ogwíha o mílɔ̌b mé Nzyɛ̌m.

Kálara Zyɛ̌m Edwán é mpʉ̌n

³² Wáa tɔɔlʉ me kaʼ bâʼle lɛɛ bɨn ɨ? Yé esaa me ó jɔʼ, ó me taŋla bɨn mɨlɔb mo Gédéon bé e Barak, ndwe e Samsɔn, Yɛfta, David, Samuɛl, ndwe e l'ogwiha o mɨlɔb.

Ebrœ̂ 11:32 ပူးပေါင်းရင်းမြစ်များ

Yʉanes 21:25

Yésʉs á be ɨ́ sâ byúú bísyɛ́ɛla ɨ́ buo buo. Bé cɛ́má bíbyɛ̂h gúgwár gúgwár nɛ́ɛ: mé abûʼla ó, sí yɨ́yɛ̂h, yé e nkul ekoʼo ébɨ́ʼ é mékaná maá.

Rôm 7:7

Yé bé nó wá, mɨná bé ókǎ lɛ́ɛ gá nyá? Nzê metié, mé ó mpúhlá e syóm ɛ́? Heʼé, yé abá be nó. Yé bé metié maá abe nó, lɛ́ɛ́, me á bé agʉ́ǎ sá dí syóm yɨ́. Yé bé mempéné maá alɛ́ɛ ó: Agwɨ̂m sá yé onkán nó, lɛ́ɛ́, me á bé agʉ́ǎ sá dí gwɨ́má sá yé onkán.

Rôm 4:1

Ɨ́ nkǒ páʼ mébyɛ́l gá mɨ́ná, mɨná gá bé e sɔ́ŋ mpám Abraham. Mpʉ yé dí nó yɨ́, mɨná bé ókǎ lɛ́ɛ gá nyá, dumo e né?

Rôm 3:5

Bɨ̌n lɛ́ɛ́ ó: «Bisyɛ́ɛla bí ébébe mɨ́ná dí esâ gá bí, nyɔm tɨ̂ʼ, wé ó, bʉr béyɨɨ mpʉ̌ Nzyɛ̌m nyɨɛ dí tîtyěl yɨ́.» Mɨná bé ókǎ lɛ́ɛ gá nyá? Nzê Nzyɛ̌m, nyé abe e mebě ɨ́ jɔʼ nyé dwé mɨ́ná gá bintɨ́ʼá, duho ɨ́ nkpaa dí nye ɨ́ léme nyɨ́ yɨ́ ɛ́? (Gúmó mé dí elwǐb nɨ̌, mě lwǐb ó, ɨ́ mpʉ mínzɨnzɨ mi bʉ̂r dí epǎ lwib yɨ́.)

Mɨlʉmlʉ 13:20

Píe jɔʼ yaá, yê nzě laa kúnókúno e mimbû minter minâ e mimbû mekám métɛ̂n. Nye nzě ntɨh ósɔ́ŋ gá bɨ́ná otîʼ o mílɔ̌b ónɨ́nɨ́ɨ́, ɨ́ ntɨh ntɨh, tó pyâl ɨ́ jɔʼ ngwíha milɔ̌b Samuel á ka byɛ̂l yɨ́.

Mɨlʉmlʉ 10:43

Ogwíha o mílɔ̌b bɨ́bɛ̂h, bé á si lwib, dumo e né. Bé á lɛ́ɛ ó, mʉr nyɨnyɛ̂h ódyêʼ koo e né nyá, Nzyɛ̌m ópɛʼ bíbaa nyé dí eniʼe ɨ́ lɔ̌b mísyóm myé bí. Nye ósâ nó ó, ɨ́ lɔ̌b mé Yésʉs.»

Mɨlʉmlʉ 3:24

«Táare ɨ́ jɔʼ mé Samuel, pyâl lɨ́ ogwíha o mílɔ̌b bɨ́bɛ̂h, bím bé á lwib yɨ́, bé á lwilwib ó, dumo e bisâ bi dí esyɛ́ɛ ɨ́ melú mâʼ bí.

2 Pyɛr 3:2

Mě gwɨ́m ó, bɨ̌n símsaa lɔ́ɔ́ ógwíha o mílɔ̌b mé Nzyɛ̌m bé á lɛ́ɛ ɨ́ melú mé épíhe wɨ́, ti e metié mé Tî Yésʉs, dí ntémé Tiʼbʉr gá wɨ́ná nyá. Metié maá ó bɨ́n á jóʼo ɨ́ nzɨ̌ bʉr o mílʉ́mlʉ́ bé má.

Jacques 5:10

Bɨ́ɔɔ́ bâm! Okɛ́l bâm! Ogwíha o mílɔ̌b bé á dûhwo mitúú e bíhwó bá, bé ó bɨ́n jálá le edû bá. Bé ó b'á kala mɨná gá lwǐb mé Dâ.

Rôm 6:1

Yé bé nó wá, mɨná bé ókǎ lɛ́ɛ gá nyá? Nzê mɨná tôʼ le esâ syóm dóló lɨ́ esú ó, Nzyɛ̌m lɛ̂ʼlaa mɨná gá mpam ɨ́ buo buo ɛ̌?

Lʉkas 16:31

Nó Abraham á lɛ́ɛ e né ó: “Bé óbe, akpɛl éjóʼǒ Moyɨ̂z, nkʉ̂ ogwíha o mílɔ̌b nó, lɛ́ɛ́, bé abe e nkul ejóʼo ntémé mʉr á pah, duho lɨ́ odwe nyá ɔ́ɔ̀ɔ́.”»

Lʉkas 13:28

Gúmo yaá ó bɨ́n ngá jóno le epûʼlo médye yɨ́, ɨ́ jɔʼ bɨ́n óbeě Abraham, Isaac, Yákɔb, le ogwíha o mílɔ̌b mé Nzyɛ̌m mû e bidiá ɨ́ Mpóʼo mé Nzyɛ̌m, bɨ̌n bɨɛ guhɔɔ̌ kʉ̌l yɨ́.

Mataos 5:12

Sohaa gâ, mɛɛlaa gâ, ebě, myɛ́na ménɨ́nɨ́ɨ́ le embɨa, mé lɨ́ ebóno bɨ́n ɨ́ jʉ́o kʉ́, ebě, bé á tîtible ogwíha o mílɔ̌b bé á nyɛɛ pyâl e bɨ̌n bá ó mpʉ́nʉ̌.»