Ebrœ̂ 11:27 - Kálar Nzyɛ̌m : Ejwán é Sáá

²⁷ Ɨ́ búʼó yé, nye á si duhǒ sí Egɨ̂ptɛn, akpɛ́ɛ ébúʼ mé njwɨ́ɨ Egɨ̂ptɛn. Nye á kʉ tyɛ̂b ó, ɨ́ píʼi, le esâ mpʉ̌ sá lɛ́ɛ́, nye á bɨbee ó Nzyɛ̌m, mʉr dí abeɔɔ nyá.

Kálara Zyɛ̌m Edwán é mpʉ̌n

²⁷ É zi buʼo, nye a si duho é lal Egipten, akpɛɛ empime mo njwɨɨbʉr lal. Nye a kʉ cyɛb é mih me ó, é nkʉʼʉ, lé esa mpʉ sa lɛɛ ó, nye a bee-bee e mih me ó Zyɛm, waa ndɨ abe lé enyin ɨ.

Ebrœ̂ 11:27 ပူးပေါင်းရင်းမြစ်များ

Ebrœ̂ 11:13

Bʉr baá bɨ́bɛ̂h, bé á dwe ó, bɨ́ɛ lɨ́ edyɛ̂ʼwo e Nzyɛ̌m. Jɔʼ bé á dwidwe nó yɨ́, bé á bé apǎ bǐ sá nyé á kɛʼ bé yɨ́. Sâ gwár, bé á bee nkɛ̌ʼ nyaá ó, nye dína ká ká lɨ́ ejaa. Bê nzě soho nyê. Bé bʉr o tɨ̂, bé á si gʉ́a lɨ́ otyeetye ó, bé ó ojwóo ti e milaa-nkpǎʼ ɨ́ sí yɨ̂.

2 Korɛnt 4:18

Ebě, bɨ̌h bé agbâ míléme ɨ́ bisá bi dí enyɨ̂n bí. Bɨ̌h gbá myé ó, ɨ́ bisá bi dí anyɨ̂n bí, ebě, byaá bi dí enyɨ̂n bí, byé lɨ́ elaǎ mpʉ̌ ngúl mpáá. Tó kœb ó, byaá bi dí anyɨ̂n bí bíɛ ó dí edǐ njʉ̌m dǐ e njʉ̌m dǐ.

Ebrœ̂ 11:1

Búʼó, yé ó sá gó dí ebúʼla ó, yé ósyɛ́ɛ, yɨ́ɛ dína apǎ syɛ́ɛlɨ yɨ́. Búʼó, yé ó sá gó dí egʉ́a ɨ́ léme ó, yé ó tɨ̂, yɨ́ɛ apǎ nyɨ̂n yɨ́.

Jacques 5:11

Mɨná lɨ́lɛ́ɛ́ gá ó, mʉr á dûhwo mitúú e bíhwó nyá, nyě e metyɛʼ me mpóm. Bɨ̌n bé á be ó sí jóʼǒ mpʉ̌ Job nyɨɛ á dûhwo mitúú yɨ́. Bɨ̌n ntémé bé lɨ́ egʉ́ǎ mpʉ̌ Dâ Nzyɛ̌m á ka sâ nye mpam lɨ́ epíhé yɨ́, ebě, Dâ Nzyɛ̌m, nyě e njɨ́ʼá nkóó. Nye ɨ́ buú cwɨ́a e bʉr.

1 Pyɛr 1:8

Bɨ̌n bé lɨ́ ekpɛl nyé, bɨ̌n l'apǎ bee yɨ́ɛ nye. Bɨ̌n bé lɨ́ edyɛ̂ʼwo e né, damá be ó bɨ̌n dína ó, apǎ bee nyê, nzě pyâl ɨ́ báánâ. Ɨ́ tɨ̂, diʼee gá lwɨ́ŋlá e bisʉhʉʉ. Sohaa gá ɨ́ mbi mʉ̂r dí abe e nkul ejwɨʼ, nkʉ̂ lɛ́ɛ byé wɨ́. Kûm, nyě e bɨ̌n tɨ̂.

Ebrœ̂ 10:32

Símsáá gá mpʉ bɨ́n á be, ɨ́ jɔʼ bɨ́n á nyɛɛ bûʼla yɨ́. Bɨ̌n bé á nyɛɛ bi ó, twǐʼ Nzyɛ̌m dí egbâ bʉ̂r ɨ́ miléme yɨ́. Bɨ̌n nzě sia e mitúú ɨ́ buo buo e bíhwó.

1 Timotɛ 1:17

Nzyɛ̌m dí njwɨ́ɨ melú mé mpóʼo mɨ́mɛ̂h, adwidwe nyá, waá dí anyɨ̂n, waá dí Nzyɛ̌m nye omér nyá, dúu e kûm, byé díʼee e né njʉ̌m dǐ e njʉ̌m dǐ. Amɛn.

1 Korɛnt 13:7

Kpɛ̌l, yé lɨ́ ebúblǒ sá yɨ́yɛ̂h. Mʉr dí e kpɛ̌l lɨ́ esú é bʉ́ʉ́ bʉ̂r nyá, nyě e nkul ebúʼla bísá byɔ́ɔ́ bíbyɛ̂h. Lémé wé, wé lɨ́ elóno ɨ́ mpûʼla ɨ́ jɔʼ yɨ́yɛ̂h. Nye lɨ́ etô dóló le ekpɛl bʉ̂r ɨ́ jɔʼ yɨ́yɛ̂h.

Mataos 10:22

Bʉr bɨ́bɛ̂h, bé óbene bɨ́n ɨ́ lɔ̌b wâm. Nó waá ngá dûhwo, tó pyâl lɨ́ esíé nyá, nyɨ́haá ó ngá tiʼe.

Ebrœ̂ 6:15

Abraham á si dûhwo mpʉ̂n. Sá tɨ̂ʼ ó nyé á bi sâ Nzyɛ̌m á kɛʼ nye yɨ́.

1 Timotɛ 6:16

Njɨ nye omér ó dí abe e nkul edwe. Nyě dǐ ó, ɨ́ myɛ́n tʉ́ŋlʉ̌, mbǐ myɛ́n nyʉ́ʉ́ mʉ̂r dí abe e nkul ekúnwo e tɨ̂ʼ wɨ́. Mʉr ngwár, nyé apǎ bee nyê. Mʉr ntémé, nyé abe e nkul ebee nyê. Kûm, ndu e nkul, byé dwéŋɔɔ nye njʉ̌m dǐ e njʉ̌m dǐ. Amɛn.

Mɨlʉmlʉ 2:25

Ebě, David nyɨɛ á lɛ́ɛ ɨ́ lɔ̌b wé ó: “Me á be lɨ́ ebeě Dâ Nzyɛ̌m bijɔʼ bíbyɛ̂h ɨ́ mpǒm nyǎm. Nye lɨ́ ekamle e me lɨ́ epéne, ebě nye lɨ́ esúʼo mé, lɨ́ emɛ̂r mbó éjʉ́m wâm.

Markus 13:13

Bʉr ó sí bɨ́bɛ̂h, bé óbene bɨ́n ɨ́ lɔ̌b díé lâm. Sâ gwár, mʉr ngá dûhwo, tó pyâl ɨ́ mesíé nyá, ótiʼe.»

Markus 4:17

Sâ gwár, Mbɨambɨa Lɔ́ɔ waá l'anî bé ɨ́ miléme tʉ́ŋlʉ̌. Bé jaá baʼle wé ó, njɨ ɨ́ mâ péh jɔʼ. Jɔ̌ʼ túú le tíblá mû sí pyâl ɨ́ lɔ̌b lɔ́ɔ waá yɨ́, wé ntɔ̂ʼ bɨma bé ebɔ̌ʼ ɨ́ léme, bé ntɔ̂ʼ gwâʼ.

Mataos 24:13

Sâ gwár, mʉr ngá dûhwo, tó pyâl ɨ́ mesíé nyá, ótiʼe.

Kolosi 1:15

Yésʉs-Krîst ó dí gulo mé Nzyɛ̌m Sɔ́ŋ. Nzyɛ̌m waá, nyé abe lɨ́ ebeɔɔ yɨ́ɛ. Nzyɛ̌m á tyêl nye ó ɨ́ dǐ médwéʼé mé mʉ̂r, kʉ́ sá yɨ́yɛ̂h nyé á komlo yɨ́.