Ebrœ̂ 11:13 - Kálar Nzyɛ̌m : Ejwán é Sáá

¹³ Bʉr baá bɨ́bɛ̂h, bé á dwe ó, bɨ́ɛ lɨ́ edyɛ̂ʼwo e Nzyɛ̌m. Jɔʼ bé á dwidwe nó yɨ́, bé á bé apǎ bǐ sá nyé á kɛʼ bé yɨ́. Sâ gwár, bé á bee nkɛ̌ʼ nyaá ó, nye dína ká ká lɨ́ ejaa. Bê nzě soho nyê. Bé bʉr o tɨ̂, bé á si gʉ́a lɨ́ otyeetye ó, bé ó ojwóo ti e milaa-nkpǎʼ ɨ́ sí yɨ̂.

Kálara Zyɛ̌m Edwán é mpʉ̌n

¹³ Bʉr onɨ bɨbɛh, bé a dwè ó, bé dina lé ejyɛʼ taa buʼo yɔɔ boo Zyɛm, bé l'apa bi yɛɛ sa nye a kɛʼ be e. Sa gwar, bé a bee sa nye a kɛʼ be ó, yé dina jaabe, bé ze soho ye. Bé a kʉ gʉa é l'ocyecye ó, bé ó ojyoo nkʉ mɨngbaalaŋa é si nwa.

Ebrœ̂ 11:13 ပူးပေါင်းရင်းမြစ်များ

Ebrœ̂ 11:27

Ɨ́ búʼó yé, nye á si duhǒ sí Egɨ̂ptɛn, akpɛ́ɛ ébúʼ mé njwɨ́ɨ Egɨ̂ptɛn. Nye á kʉ tyɛ̂b ó, ɨ́ píʼi, le esâ mpʉ̌ sá lɛ́ɛ́, nye á bɨbee ó Nzyɛ̌m, mʉr dí abeɔɔ nyá.

Yʉanes 8:56

Sɔ́ŋ wɨ́n Abraham á be ɨ́ soho ɨ́ jɔʼ nyé á jwɨjwɨʼ ó, nye óbeě móhó épyál lâm. Nye á si bee wê. Nye kʉ́ nzě soho.»

Ebrœ̂ 11:39

Nzyɛ̌m á si kam bʉr baá bɨ́bɛ̂h ɨ́ lɔ̌b búʼó yɔ́ɔ́, bɨ́ɛ yɨ́ɛ apǎ bǐ sá nyé á kɛʼ bé yɨ́.

Éfɛsɔs 2:19

Nó yé lɛ́ʼlé ó, bɨ̌n bé akǎ be bʉ̂r o bíkûl e biloo, nkʉ̂ ojwóo. Bɨ̌n mû ó bʉr o mpóʼo mé Nzyɛ̌m jwɨʼ gwár e gwár e bʉr o b'á nyɛɛ gúmo e né, duho myâ bá. Bɨ̌n mû ó bʉr ó mbɛ̌r bʉ̂r mé Nzyɛ̌m ntémé.

Rôm 8:24

Nzyɛ̌m á tiʼ mɨná gá ó, mɨná díʼee gá e mpûʼla ɨ́ miléme. Mʉ̂r sí bee bísá nyé á nyɛɛ bóno e mpûʼla bí nó, go ó, mpûʼla nyaá, nyé akǎ be, ebě, ɨ́ jɔʼ mʉ̂r mû sí bee yʉ́ʉ́ sɔ̂ʼ yɨ́, wáǎ mbi lémé wé dí e nkul ebáʼǎ lóno ɨ́ mpûʼla ó, nye óbee yé yɨ́?

1 Pyɛr 2:11

Mě jɨʼlá e bɨ̌n, osó bâm ó, bɨ̌n díʼee mpʉ̌ sá lɛ́ɛ́, bɨ̌n bé ó milaa-nkpǎʼ, nkʉ̂ mpʉ ójwóo dí ɨ́ mesí mé sí yɨ̂ʼ bá. Ɨ́ nzɨ̌ nyaá ó bɨ́n ngá tí bísá bʉ̂r ó sí yɨ̂ʼ dí egwɨ̂m bí yɨ́. Bisâ byaá ó dí elwímla e misísǐm mín.

1 Pyɛr 1:17

Bɨ̌n kɨkɛn díé mé Dâ, mʉr dí etíʼe bʉ̂r milɔ̌b lɨ́ otîtyěl, adwáawo bʉ̂r mempǒm nyá. Nyě títíʼé bé milɔ̌b myɔ́ɔ́ myaá ó, dû mpʉ bísyɛ́ɛla byɔ́ɔ́, byé á be yɨ́. Mpʉ bɨ́n dí ekɛ̌n Dâ Nzyɛ̌m yɨ́, jwɨʼ gwár e gwár yaá ntémé ó bɨ́n jala le elɛ̌ŋ twiʼ yɨ́n yɨ́, lɨ́ edû kʉ̌ tyen dí elɛ̂ʼle ó, bɨ̌n bé lɨ́ edwáawo nyé wɨ́.

Rôm 4:21

Nye á kʉ gʉ́a ó, Nzyɛ̌m á be ó e nkul edwe nyé sá nyé á pa kɛʼ nye yɨ́.

1 Yʉanes 3:19

Mɨná gʉ́á gá ó, mɨná bé lɨ́ eduho gá kwá mé mʉr dí le otyeetye nyá ó, mbi wɨ̂: mɨná bé lɨ́ ebánǎ sul gá milémé gá míná sí ɨ́ míh mé Nzyɛ̌m

Mataos 13:17

Mě lɛ́ɛ́ bɨ́n lɨ́ otyeetye ó, ogwíha o mílɔ̌b ɨ́ buo buo le otîtyěl o bʉ̂r, bé á gwɨ̂gwɨm ó, bé béyɨɨ sá bɨ́n dí ebee yɨ́, sâ gwár, abee, le ejóʼǒ sá bɨ́n dí ejóʼo yɨ́, sâ gwár, ajóʼo yê.»

Yʉanes 12:41

Ésayie á lɛ́ɛ nó ó, ebě, nye á si bee kûm mé Yésʉs. Nó nyé á lwilwib ɨ́ lɔ̌b wé yɨ́.

2 Korɛnt 4:18

Ebě, bɨ̌h bé agbâ míléme ɨ́ bisá bi dí enyɨ̂n bí. Bɨ̌h gbá myé ó, ɨ́ bisá bi dí anyɨ̂n bí, ebě, byaá bi dí enyɨ̂n bí, byé lɨ́ elaǎ mpʉ̌ ngúl mpáá. Tó kœb ó, byaá bi dí anyɨ̂n bí bíɛ ó dí edǐ njʉ̌m dǐ e njʉ̌m dǐ.

2 Korɛnt 5:6

Sá tɨ̂ʼ ó mpûʼla dí elóno bɨ́h ɨ́ miléme ɨ́ jɔʼ yɨ́yɛ̂h yɨ́. Bɨ̌h bé lɨ́ egʉ́a gá ntémé ó, jɔʼ yɨ́yɛ̂h bɨ́h dína tʉ́ŋlʉ̌ mimbór ményʉ̂l bipúno yɨ́, yé ó jɔʼ bɨ́h e Tî Yésʉs dína e ncɛrá yɨ́.

Ebrœ̂ 11:14

Bʉr o dí elɛ́ɛ nó bá, bé lɛ́ʼlé tɨ̂ʼ ó, bé sáá ó, mpóʼo nyɔ́ɔ́ bé bʉr o tɨ̂.

Ebrœ̂ 11:17

Ɨ́ búʼó, Abraham á si kam ɨ́ jɔ̌ʼ Nzyɛ̌m á bóblo nye yɨ́. Abraham nzě sâ ó, nyě jʉ́ ó nye Isaac, tâŋ ndwéá. Nyɨɛ Abraham ó b'á bi menkɛ̌ʼ ménɨ́nɨ́ɨ́ mé Nzyɛ̌m. Nye ntémé ó b'á be ɨ́ cǎr ó, nye díʼɨɨ nye etíʼé é mwân lé laá tâŋ ndwéá,

1 Pyɛr 1:1

Yé ó mɛm Pétrus, mʉr milʉ́mlʉ́ mé Yésʉs-Krîst ó dí ecɛma bɨ́n mekaná mâ. Mě cɛmá ó, bʉr ó Nzyɛ̌m á twâr, dí etíʼě mpʉ ójwóo ɨ́ sí yɨ́yɛ̂h, mingbɛhá míngbɛhá ɨ́ mesí mé Pɔ́ŋtos, Galásia, Kapadosía, Azía le Bitinî bá.