Ebrœ̂ 11:10 - Kálar Nzyɛ̌m : Ejwán é Sáá

¹⁰ Abraham ntémé á sâ nó ó, nyɨɛ lɨ́ ebóno ó, nye ódi ɨ́ mpǎŋ nkanǎ Nzyɛ̌m á bono le esumo, dí e melele yɨ́.

Kálara Zyɛ̌m Edwán é mpʉ̌n

¹⁰ Abraham nteme a sa no ó, nyɛɛ lé ebono ó, nye ódi é nkana Zyɛm a bòno le efumo e, nkana yaa e nkan Zyɛm a cyel, waa lé ecyɛb é nkʉʼʉ ɨ.

Ebrœ̂ 11:10 ပူးပေါင်းရင်းမြစ်များ

Ebrœ̂ 13:14

Ebě, ɨ́ sí yɨ̂, mɨná bé abe gá e nkana dí edǐ njʉ̌m dǐ e njʉ̌m dǐ yɨ́. Mɨná bé lɨ́ esáa gá nkana swîh, yaá dí enze yɨ́.

Filipi 3:20

Ɨ́ páʼ gá wɨ́ná, mɨná gá bɨ́ɛ bé ó bʉr o dí egúmo e jʉ́o kʉ́ bá. Mɨná mû ó lɨ́ ebóno gá Tiʼbʉr gá wɨ́ná. Nye ó dí Tî Yésʉs-Krîst, ngá duho ɨ́ jʉ́o kʉ́, nze kâʼ ɨ́ sí yɨ̂ʼ nyá.

Ebrœ̂ 12:22

Bɨ̌n bɨɛ, bé abe nó. Bɨ̌n mû ó sí sîhle kúnókúno le ecwɨ́ʼ é Síon. Yé ó gúmǒ nkana mé Nzyɛ̌m dí kublakúbla nyá dí yɨ́. Yé ó nkanǎ Yerʉ́zalɛm, yaá dí ɨ́ jʉ́o kʉ́ yɨ́. Beéngeles ɨ́ buo buo, bé ó tɨ̂, abe e tólɔ́ɔ. Bé ɨ́ nzɔɔ sʉhʉʉ.

2 Korɛnt 5:1

Mɨná bé lɨ́ egʉ́a gá ó, mbɛ̌r kán mɨ́ná dí gá tɨ̂ʼ ɨ́ sí yɨ̂ʼ wɨ́, wé sí gbɔ́a nó, yé e gúú ódiá ɨ́ jʉ́o kʉ́, waá Nzyɛ̌m á komo gá mɨná wɨ́. Wɨ́haá mbɛ̌r, wé á bé asumɔɔ e mebó mé bʉ̂r. Nzyɛ̌m mʉr tɨ̂ʼ ó b'á sumo wê. Wé ó ngá dǐ njʉ̌m dǐ e njʉ̌m dǐ.

Ebrœ̂ 3:4

Abe e mbɛ̌r dí e nkul edi, abe e swim. Tó kœb ó, Nzyɛ̌m ó b'á sumo sá yɨ́yɛ̂h.

Yʉanes 14:2

Mbɛ̌r mé Sɔ́ŋ wǎm, wé ɨ́ buo bídiá. Me páa tó komlo bɨ́n bidiá bɨ́n ngá tó di bí. Yé bé abe nó wá, mpa me bé alɛ́ɛ bɨ́n.

Mɨngwiha 21:2

Me á si bee ntémé nkana dí tí yɨ́: edwán é Yerʉ́zalɛm. Me á bee yé ó, ɨ́ jɔʼ yé á be, yé mû sí duho kwá mé Nzyɛ̌m ɨ́ jʉ́o kʉ́, sulo sí yɨ́. Yé á be ó kʉmsá mpʉ̌ bíŋ mʉ́má dí edweŋɔɔ bísá bí nyaŋá ó, yé óbwâm, tô nko njʉ̂m wé dí yɨ́.

Ebrœ̂ 12:28

Ɨ́ tɨ̂, mɨná lɛ́yɨɨ gá Nzyɛ̌m henárá, ebě, nyɨ́ níŋle mɨ́ná gá ɨ́ mpóʼo nyé dí ejwɨ́ɨ nyɨ́. Mpóʼo nyé, nyé abe e nkul epɨ̂ʼla. Mɨná dwêʼ gá nye kûm, dwáawo nyé, le ejóʼo nyé bʉ́á. Mɨná séaa gá e né mbǐ syɛ́ɛ́ nyé ngá buú kpɛl wɨ́.

Ebrœ̂ 11:16

Sâ gwár, bé á be ó e dwéh édi ɨ́ mpǎŋ mpóʼo, nyaá dí ɨ́ jʉ́o kʉ́ nyɨ́. Sá tɨ̂ʼ ó Nzyɛ̌m dí ajóʼo sôn ɨ́ jɔʼ bé dí egbân nyé yɨ́. Nyɨ́ komlo bé mpǎŋ nkana yaá.